Thursday, February 15, 2007

مناسبات غير سعيدة








فالنتين و طلابة الفالنتين

هالكلام حق الرياييل

ما تبون تحتفلون بشي

لا عيد ميلاد

و لا تذكرون عيد زواج

و لا حتي عيد الأم بعد ما إنعيل

ولا بعد عيد إسرة

و عيد الفطر لاهين إنوجب من بيت حموله ليه بيت أهل خال عماتك !

و بالليل تحلطم زحمة و شودينه!

عيد الأضحي تقولون ، هذا عيد الحجاج ، و إنشيل شلايلنا يا شاليه يا سفرة !

و لو علي تكلاكم ما شفنا لا هديه و لا مجامله أو كلمة حلوة

كل عيب كبرتي

و المجامله و الطلعات في حاله وحدة

إذا يبي من مرته شي باليل !

عرفنا القصه يعني بس إنتغيبه و إنقول ميخالف يالله ، ماكو شي ببلاش

و درينه إن لازم إنحمد ربنا إلا لما ألحين الرياييل يبونا حتي بعد مدة من العشر

و درينه بعد إن هذا التعبير الوحيد للحب .

ممكن أعرف شغله؟؟؟

ليش إذا بدينا إنونس عمرنا مع ربعنا قمتوا إتحلطمون؟

ليش إذا طلعنا و سوينا يمعات إنشوف البوز 3 أمتار جدام ؟

ليش إذا صارت لنا حياة ثانيه قمتوا إتعاندون زيارة بالدواوين بدال لا إتعالجون المشكله؟

ترا الزمن تغير

و الحريم تغيرت

والمغريات زادت

و الطلاق صار عادي و مقبول بينا مو نفس قبل؟

فنصيحه

ديروا بالكم علي حريمكم

لو كل ريال فكر إن مرته بتسوي نفس إللي أهوا مفكر يسويه فيها جان عرف إشلون يعاملها .

ترا صايرة موده بالديرة الطلاق

صار بيت الأهل وايد أرحم من إن نسمع كلمتين دلع و تفلسف ماله داعي

الحريم ماعاد فيها صبر نفس أول

و الرياييل قلوا بالديرة ، صاروا يهال أكثر من رياييل

هذا البوست إهداء حق كل بنت صابرة علي قثاها بس الريل مو عاجبه !

محترة من سوالف يمعتنا أمس !


36 comments:

charisma said...

يسلم تمك يا ريما
الا تقولين البوز جم شبر جدام
لوووووووووووووول
يا ربىىىىىىى

بس ما عليج احلى فالنتاين مر على هالسنه مع ربعى وحبايبى
ههههههههههههههههه
رجعت البيت يالله اقدر اتنفس من الاكل
جنه انتقام لللانوثه
ههههههههه

lawyer said...

الرياييل مزعجيييييين

صايرين نكديين

يدورون النكد عشان يغثوونج

ما يبونج تستقلين و لا يبونج تستانسين


يبا والله ندري ان الريل اهو جنه الزوجه و نارها

بس يعني شفتي امس لما رفيجتي منهاره

ريلها ساعتين يحلق و يكشخ

و نغزها قلبها
و راحت وراه

و الا يسفط في الهوليدان وقف
قلبها

شوي و تنزل تدور عليه و الا اهو داااااااش الجم !!!!!


و اهي ممنووووووع تدش حتى نادي فلكس
لان يصورون !!!


رياييل مال نعل
والله ماكو رياييل

اخر حالتين من طلاق صديقاتي

الرياييل جاااااااااي
او بالحرى
باي ساكشوال
(GaY )

ماكو سنعين
حتى الي يقول عن نفسه سنع

يلووث من تحت لي تحت

الرجوله ما عادت صفه في الذكر

الرجوله
صفه نلاقيها الحين في الحريم اكثر

شايله البيت
شايلتك
شايله العيال

تصرف عليك و على الي خلفوك
و شايله عمرها
و لا تطلب
و هم اطلع فيها عذاريب

و اذا بنام وياها
وحياتج 10 دقايق

!!
والله حتى الحمام يطولون فيه اكثر

لا يعرف يلم
لا يعرف يسمع
لا يعرف يحتوي


و اذا عيالج فيهم عيب واحد قال طالعين على خوالهم


و اذا عوضنا في الرفيجات
بووووووووز

اشماله
احمد ربك مو قاعده اخونك ويا رياااااااااااااال
انطم و ابلع العافيه بسسسسسسسسس


ترا سبييييييييت الرياييل لين قلت بس

لكن والله احتراما لج يا ريما ما كتب سسسسسسبه وحده
و الا هالشواذي
مو مال حشيمه

charisma said...

لوير :

لوووووووووووووووووووووووووووول
لوووووووووووووووووووووووووول
لوووووووووووووووووووووووول
واى واى مت مت مت ضحك
بس صاجه يا لوير ما يبتاى شى من بره
هذى الحقيقه المره
المره صارت ريال بأفعالها
ابى والله كارثه فعلا الرياييل فى انقرااض مستمر
حتى الى كان ريال
اخترب من هالزمن الاقبر والله
هههههههههههههههههههههه
وسعتى صدرى الله يوسع صدرج دنيا واخره يا حلوج والله يا لوير

Unknown said...

REEMAA

وايد رياييل ايبون حق حريمهم هدايا طول السنة
وبوكيهات ورد
مو بالضرورة بالفالانتين
انا عن نفسى وصيت على ورد باول الاسبوع وتعمدت اختاره بنفسى علشان اونس زوجتى
وما ابيها تحس انها فقدت هالشى والفالنتين قريب
بس زوجتى تحترم مبادئى ان انا شخص ما احب احتفل بهالمناسبات
والحب موجود بين ناس وايد لو كل شخص احترم مبادئ الثانى

واعرف وايد من الشباب الحمدالله عايشين حياتهم مستقرين وهادين
يمكن تصير مشاكل وهالشى طبيعى لكن اللى يبى يصلح ما يخرب والحريم السنعين اللى يبون يحافظون على بيوتهم وايد وهم الرياييل الزينين وايد
انا اللى باختصره ان الرومانسية موجودة بس مرات تحتاج تنفيض مع لوية الدنيا
والناس اللى بس قاعدة تنتقد الطرفين
يعنى ريال بس يقول الحريم مو زينين بدون ما يذكر الجانب الطيب فيهم
ومرة تفحط على ريال واهيا تسب فيهم
هذيل كلامهم بربس
بس كل يرى على شاكلته

Purplecious said...

LOOOOOOOOOOOOOOOOOOL


Reema o Lawyer

صح لساااااااااانكم

و تبونييييييي أتزوجججججج؟؟؟؟

عقب هالحجي اللي قريته انتوا رسختوا الفكره ببالي

ليييييييش
ليييييييش

توني شباب لاحقه على هالشقا و الظييييييييم

اذا ما راح أخذ الريال اللي يقدرني و يحشمني و يحترمني اقعد ببيت اهلي أبركلي بمليووووون مره

والله

Purplecious said...

mishari
أنا عن نفسي لو زوج المستقبل يابلي ورد و لا هديه و لا شي

راح اشك فيه

اييييييه اييييييه

ليش يايبلي هديه؟؟

الذيب ما يهرول عبث

مابي ورد و لا هدايا

نبي حنان و حب و احتراااااام و تقدير

نبي كلمه طيبه
تجبر الخاطر

نبي نحس بوجودنا و انوثتنا

ما نبي جرح
ما نبي نكد
ما نبي خيانه
نبي سنع

و بس

eshda3wa said...

men are egotistic selfish beings who cant look past the tip of their own noses
when god said iljana ta7at aqdam elomahat, its cz in order to have kids u have to be married, so hes sendong woman to heaven as a consolation prize for 3athabhum beldinya

Яeema said...

charisma
يقولج البوز إتشوفينه و بعد ساعه إلا ربع يطلع الويه

ههههههههه
ههههههههههههه

Яeema said...

lawyer

أنا أكثر شي يحرني
ليه قالوا المرا ما إتحمل
إلا متحمله و متحمله الظيم و الظلايم


محد يتحمل الكويتي إلا الكويتيه

Яeema said...

مشاري

تبخيروا لا ينظلونكم إللي يقرون

الله يهني حريمكم فيكم


بس بقولك معلومة

ترا محد يتكلم بهالمواضيع
بس البنات أهما إللي يحسون فيها


يعني شبقولك رفيجك؟

يبت و حطيت؟
دام ما شفت بعينك فلا تحكم

Яeema said...

purplecious

الواحد يتزوج حق لعيال

تدرين يعني حلو الواحد لما يكبر ما يصير بروحه

الزواج مثل المغارة

ما تدرين شنو داخلها

يمكن الله كاتبلج شي زين؟
و إلا مو زين فربج بعذبج بالدنيا مع ريال عشان الجنه إنشاء الله باجر
ههههههههه
ههههههههههههه


هالأيام لازم قبل الزواج الوحدة إتكون عارفة الريال و باخصته و يالله إتلحق راس

Яeema said...

eshdaw3a!!!!

i didnt read your comment when i replay to purple!!!!

same as my words you just said !


WOOOOOOOOOOOOOOOOOOOOW

interesting!!!!


your right !!!
100% right !


so God ! THANK YOU FOR BEEING MARRIED


at least the end life is infinity !

Unknown said...

Purplecious
يا بابا البنت اذا تبى تحس بانوثتها تعرف شلون
بس لما تكون لسان؟
وشكاكة
ورداحة؟
من يبيها؟
البنت الذكية تعرف تفرض نفسها

reemaa :
هذا قبل ما يتحجون بس الحين علشان يعالجون الاوضاع وايد نفس يقولون ان ما عندنا استعداد ان نصير نفس هالناس لازم البس احمر
ولابس ورد وخرابيط بمناسبات ضد دينى والا ما اصير سنع
الاحترام موجود
والرياييل وايد يقولون لو ما ام عيالى جان ما وصلت للى انا فيه تحملتنى وصبرت على
وايد رياييل يرددون هالكلمة مو عيب
بس العيب لما المرة بس مبطلة حلجها وعيونها مبققة على خلق الله بدون ما تقنع باللى اهي فيه

بنت الشاميه said...

REEM:

شنه اليوم الكلام ثوري وقوي وصاروخي وفيه انفجارات ومفرقعات

انصحج لا تروحين حق هاليمعة مرة ثانية

لان الريال عمج اصمخ !!!اللي يبي يسويه يسويه رضيتي والا ارضيتي

نصيحتي هدوا اللعب شويه

ابنك على متربيه وجوزك على ما تعوديه

هذا مثل اخواتنا المصريات ترى فيه جانب شبير من الصحة

كله قولي ما اعرف !!اخاف !!وسوي كل شئ ناقص مو كامل علشان ما يعتمد عليج

واحتويه بالكلمه الطيبه

تري ما كو اصغر من عقل الريال
بس بالسياسة كل شئ يصير

ترى هالكلام ما عرفته الا متأخر وايد بس بديت فيه واشوف بدا يجيب نتائج زينه
بس اتحمل الكلام اللي ايني مثل انت مو مثل اول !!! صرتي كسلانه!! ماتهتمين بعيالج مثل اول........الخ الخ

المهم انج تقضبين العصا من النص واذا حسيتي انج مسويه خمال لحفي وانت ساكته لاتردين ولا كلمه

وبساعة صفاء انت وياه عطيه شم قذيفه على الخفيف لاتثقلين العيار
ترى تنفع!! لو بالقليل

ووصي اختي لوير لاتعور قلبها لانى خايفه على قلبها ...والريال ..والله ما يدرون عن هوى دارها
ههههههههههههه

sOulvOice said...

داشة اشكرج عالفقدة بآخر بوست لي :)



بخصوص فكرة بوستج اليوم مادري شقول امس الفالانتاين وحدي حاقدة عليهم وماودي اطب بالشباب خل تهدي اعصابي تالي اثور فيهم


بلا بشكلهم ماوراهم الا الاذية

PearL said...

اي والله يا ريما

صح لسانج

الحين الزمن غير
المغريات كثرت

الواحد اذا ما سمع زوجته الكلام الحلو اللي يبرد الجبد
بالشارع يسمعونها

لازم الواحد يحافظ على مرته
مثل ما اهوه عينه تروح مني مناك
اهيه يمكن عينها تروح مني مناك

الشيطان شاطر

لازم الريال يحسس المراة بقيمتها

وبعدين ترى المراة ترضى بالكلام الحلو كهدية

والكلام ببلاش

مادري شفيهم رياييلنا حتى بالكلام بخلا

Яeema said...

mishari
ترا محد ياب طاري فالنتين
أنا عندي عيد ميلادي أهم من فالنتين


و من قال إن لما إتذكر مرتك ما تكون سنع؟

إلا هالأشياء أصلا قمه بالكلاس و الإهتمام

هالأشياء يدل فعلا إشكثر مهتم فيها


ترا الحريم شبعانين

نبي بس التقدير

مو كل تشكي بتشكي
و مو عاجبه



و الله أنا مالقيت بمجتمعي وحدة مبطله عينها علي خلق الله

أنا أطلب لها التقدير لجهودها بالبيت

مو كل كلمة ييقول
الشغل كل على الخدامه

ما أدري لازم المرا تكون مكينه عشان ترضون؟

ما جن الحريم يايين معززين مكرمين من بيت أهاليهم


لازم تراعون هالنقطه بعد

eshda3wa said...

lol eee ethaher u n i r connected :pP

Яeema said...

بنت الشاميه

أنا ما رحت
اليمعه كانت عندي
هههههههه

تدرين وين صارت المشكله؟

إكتفينا بنفسنا
و بالعكس صارت لنا حياة

و هذي المشكله

المرا يبونها 24 ساعه بالبيت و مجابله اليهال




أنا أول أتأثر
ألحين قمت أتبوسم و أسوي إللي في بالي

و إللي مو عاجبه خل يغير من حاله

أنا قمت أقول إني وصلت سن ما أقدر أتغير بسرعه
إصبر إصبر يتغير

ههههههه
ههههههههههه

حلو الأمل إني بتغير

وأنا ماشيه بطريقي

Яeema said...

soulvoice
حبيبتي والله

واااااي من صجج

أصلا الفالنتين و يا كويتي ما يلوق !!؛

حلاته جورج كلوني و أشباهه

بس كويتي
يتمنن عليج

ما ينفع

Яeema said...

pearl

كلامج عدل

الشيطان حده شاطر!!!؛

ما إتشوفين البنات و الحريم كل زقطه بنقطه


شوفي رياييلنا ماكو أحسن منهم قبل الزواج

بعد الزواج بس ضمن مرته

ما دري هالأيام كسرتها إببيزة

Яeema said...

eshda3wa
looooo
eeee 7adda ;)

الحجيه said...

السلام عليكم جميعا

يا جماعة الخير لا تخلون المناسبات الدخيلة تعفس حياتكم الهدية مو كل شيء ؛ ليش لما الزوج ما يجيب هديه يكون مقصر أو رجعي الوحدة منا لازم تذكر كل طيب زوجه لها وتذكر راحتها ببيتها واستقرارها هذا أعظم هديه وبعدين الريال ما يبي شيء ألا الكلمة الطيبة والحكمة في التعامل ؛ الريال ما في أطيب منه لما تجينه بالطيب والاحترام ما راح يقصر بشيء .

ومن قال الطلاق عادي الطلاق مصيبة تشتت عائله ومن أسباب ضياع الأولاد وناهيكم عن الأثر النفسي ألي يصيب المطلقة و أولادها وحتى الزوج المطلق

وبعدين الحرة ما تقبل بان تسقط بنفسها للهاوية بسبب خيانة زوجها أن وجدت الحرة دائما شامخة وتترفع عن كل شيء رديء

وفي نقطه البنت لما تتزوج خلاص يصير شورها بأمر زوجها

وبعدين اليمعات والطلعات مو مهمة ليش أخرب حياتي عشان ساعة أو ساعتين الوحده مو كل يوم لها زوج

وسلامتكم

Яeema said...

الحجيه
جنج إتقولين إنتحروا أحسنلكم

ههههههههه
هههههههههه


جم مرة بعيش أنا !!!؛

متأسفه وايد بس كلش ما عجبني كلامج هالمرة


إنتي عبالج كل ريال ريال؟؟

الديرة فيها بلاوي

tweety said...

الله يعينكم يا المتزوجات على هالرياييل
أنا أحيي فيج الصمود والقوة بوجه هذا التعامل الاناني
وبرافو على هالبوست ..أنا معاج قلبا وقالبا ترى

للرياييل الحين :

اقروا البوست رجاءا أكثر من مرة وعيدوا النظر في تصرفاتكم يعني عيب جدا جدا ما تعطي زوجتك احتياجاتها العاطفية وتقدرها وتبين لها قيمتها يعني اذا مو انت سويت كل هذا منو بالله !؟ تدور احد بره , لو رفيجتك أجنبية مو جان سويت روحك انت الجنتل ابن الجنتل وهالمرة اللي صابرة على الحلوة والمرة مستكثرين عليها كلمة حلوة والا اهتمام لا هذا ما يجوز وما ينسكت عليه ديروا بالكم الاول تحول والحين عصر المرأة احذروا غضبنا ترى الغضب الساطع آآآآآآآآآت وانا كلي ايمان

الحين انا شكو مشتطة بدالكم مادري لوول بس صج انقهرت يبيلنا نسوي اعادة تأهيل حق سلوك الريايل غير الحضاري هذا
تحياتي

Яeema said...

tweety
إحنا إمتداد الجيل الصابر
بس أعتقد آخر الجيل بس


والله أنا مو حارني إلا السنعين

ترا أكو رياييل والله يبيلهم 10 قلوب عشان إتعاشرينهم


و للأسف ما يعرفون بقسمة البنت إلا عقب ما إهيا إتعافه

الحجيه said...

السلام عليكم جميعا

ريم أنا لما أكتب وأنا عندي قناعه بالي اكتبه ما اكتبه علشان يحوز على أعجاب احد ولكن اكتب
حتى ابدي رأي بالموضوع لا أكثر ولا اقل

البنت قبل الزواج لازم أهلها يسألون عن زوج المستقبل والأهل هم يتحملون المسئولية الكبرى باختيار الأفضل للبنت حتى تنعم بالسعادة والاستقرار

وبعدين الصبر مطلوب الدنيا حلوه ومره يوم معاج ويوم عليج

الريايل تغيروا صح حتى الحريم متغيرين أصبحت ألطلعه و المواجيب والمطاعم أهم شيء بحياتهم ما اقصد الكل البعض ما يدرون أن البيت أهم من الطلعة و المواجيب والمطاعم

bo9ali7 said...

yalla ma3leeh ya jmaa3ah..kila eb mizaan a3malkum
.
.
.
allah la ya'3neekum 3anna
:P

Яeema said...

الحجيه

لكل زمان دوله ورجال
;)

أقولج شي؟
توها بنت عندنا سنتين ملجه ها؟
شهر واحد زواج و إلا طلع يحشش

ما يبين عليه كلش

تطلقت

الأهل لو يعيززون الريال صار مثل البنت ما يبين عليهم الخراب

من مبدأ إذا بوليتم فأستتروا

Яeema said...

bo9ali7

ameeeeeeeeeeeeeeeeeeeeeeeen

ترا من وراكم بنشوف الجنه يا رب

أجر و عافيه إنشاء الله
ههههههه
ههههههههه

Mamloo7a Q8ia said...

بعد الكلام القوي والكبير اللي قريته
اقول للعزابية من الجنسين
وخاصة الغالية تويتي

for those who are singles on 14th of february 2007
.
.
.
.
happy independence day

KQ8 said...

انا اقول تسنعوا يا الحريم ابرك

الحين للي يسمعكم يقول حاكرينكم بين اربع اطوف ومصبحينكم بطراق ومسينكم بفنقر..عايشين احسن عيشة ومسارفين احسن دول ولا مخلين عليكم تقصير ووادينكم وراحمينكم ومعاشاتكم حقكم ولا نطالب منها شي وفوق هذا متحملين الحنه والرنه منكم يت على هالمناسبات السخيفة نسيتو كل هذا وسويتونا كوخه


الواحد يكبر مايصغر..واللي تبي تسوي نفسها ام عشرين ولا ام تعش ترى خل تراجع نفسها مره ثانية انتي الحين امايه عندج عيال يطالعونج وياخذون منج باجر لي شافو اهمهم راعية هياته وراعية قعدات حش وقيل وقال شيبون يطلعون


وبعدين الدوانية هاذي المنتنفس الوحيد لنا علشان على الاقل الواحد ياخذ راحت يقط الكلمه وما يحاسب نفها عليها لا هو مجابل المره وقط نفس هالكلمه جان ثعورتي وانتفضتي وصرتي مخلوق ثاني وبدال البوز اللي شبرين صار بوز ونونه معقودة والحاله حاله

اقول تعوذوا من الشيطان يالحريم وكل وحده تقضب ارضها وترضى بقسمتها ونصيبها وتقول يالله حسن الخاتمه

اي والله

chatterbox said...

وااااااااي
ارتفع ضغطي من الردود اللي اقراها
وتدرون ردود اي جنس اهي اللي باطة جبدي صح؟

Kuw_Son said...

عدل عدل عدل يا كراكاتو .. والله انك زلم . بردت جبدي فيهم .. قريت كل الردود و بوزي طاح على الكيبورد !!

و يوم يه ردك عدلت قعدتي و سمت البوز صح و قعدت أثني على كلامك ..

بارك الله فيك و كثر من أمثالك ..

و هذا ميدان جهادكم يالحريم .. اصبروا و صابروا و رابطوا و اتقوا الله لعلكم تفلحون :)

2 u ALL said...

أنا طافني وايد بس ما عليه راح ألحق عليكم ..!!؟

علشان انتي ولوير ما عزمتونا على حفلتكم ..!!؟

نظريتي الدائمه "إلي ما يرتاح ما يريح " ...ارجو من الرجال تطبيقها في حياتهم الزوجيه ...!!؟

كفيت وفيت على كل ما طافني ...!!؟

Fai$aL *_^ said...

اول شي الاخوات الي يتكلمون من محل العواطف والمشاعر دون تحكميم عقلهم ..اهني يبدا الغلط..
انا مابي اقول انه كل الرياييل زينين واكيد مو الحريم .. بس من الغلط الجمع..
والاخت لوير يوم تقولين الريايل مال نعل .. توقعت انه عمرج وفكرج اكبر من جذي !

يا جماعه عيد الحب مو محكور بيوم او ساعه او لحظه..
عيد الحب مو ورده وكلمه ولون.. ؟
الحب حياة .. والحياة شقاء.. للعقول الناضجه تذكروا ذالك .. ويا نساء انتم اخواتنا وامهاتنا وخالاتنا ..
ونحن رجالكم.. لاحد يستغني عن الاخر ..
اريد ان اذكر النساء لماذا قيل عنهم نا قصات عقل ودين.. وبحديث الرسول عليه الصلاة وسلام..
ومن حديث ابن عباس فى حديث كسوف الشمس "ورأيت النار فلم ار منظراً كاليوم قط ورأيت اكثر أهلها النساء، قالوا بم يارسول الله ؟ قال بكفرهن، قيل أيكفرن بالله ؟ قال : يكفرن العشير ويكفرن الإحسان لو أحسنت إلى إحداهن الدهر كله ثم رأت منك ما تكره قالت : ما رأيت منك خيراً قط".
..
ارجوا ان تتفكرا وتحتسبوا الاجر من دنياكم في سبيل رضى الله..