Monday, February 05, 2007

الكبر شين





الإعتراف بالحق فضيله

بعد 11 سنه ركود و تجميد للمخ من الدراسه ، عادت الأخت ريما و بقوة للدراسه
لغه أسبانيه
هقيت إنها سهله
أول درس ( الأخت متنحه )
ليش؟
ممنوع المدرسه تتكلم إنجليزي
ممنوع الأخت تتكلم عربي
أسباني !
نعم؟ خير إنشاء الله؟

لو سمحتي ( بالإنجليزي ) ترا أنا ما أتكلم أسباني
حدي صباح الخير و مساء الخير و جم كلمة ما أدري من وين متعلمتهم ، و لما أسافر كله بلغه الإشارة!
إترد علي المدرسه : ميخالف راح إنلاقي حل بهالموضوع
طلعت من الدرس و أنا صاكه فيني الدنيا
ودي أبجي
و أبجي دم و قهر لأن فعلا الشعور بالأميه حده مو حلو!
هديت كل شي و جابلت الكتاب و النت
رحت جرير شريت قاموس إنجليزي – أسباني


اليوم الثاني:
داشه بقوة
أقرا
أحل
أسأل

( بيني و بينكم؟ شكلها هدة حصن )


جان تقوللي المدرسه:
لييش تقوليلي ما إتعرفين؟
أرد :
والله ما أعرف ، بس لغبار إللي براسي نفظته ، أكلت أوميغا 3 عشان يزيد التركيز و إزياده عليه
رد بووول

قامت تضحك
تقول زين إتسوين يالله شدي حيلج ( تخيلو هالكلام بالأسباني؟ )

المهم بعد 5 أسابيع ألحين
أعترف
خلُوا اللغه حق أهلها لأني تعبت نفسيا كل ما ندخل و إنتعمق فيها
عندي إمتحان باجر !
من زمان قبل كل إمتحان إيحوشني قمته و أبجي و حالتي حاله

هالمرة ما أدري إشبسوي
شكلي بعيد المستوي الأول مرة ثانيه
ههههههههههه
مو عشان أنا مو زينه؟
لأ
عشان أحتاج أثبت المعلومة
ههههههههههههههههههههههه
ههههههههههههههههههههههههههههه

بس صراحه؟؟
مالكم شغل بالحجي

الكبر شييين
شكلي بهون عن المستوى الثاني و أروح أدخل كلاسات تعليم رقص لاتينو أبرك
الضحك إن تقريبا كل سنه أروح مرة أو مرتين أسبانيا
هالسنه محنا رايحين
بقيت أنتحر يوم قاللي زوجي بنغير

19 comments:

Breeze said...

لووووووول ضحكتيني :)))

بس أحسن شي الواحد يسويه بعد ركود المخ على قولتج هو تعلم اللغات .. شي حلو و ونيييس .. مالج شغل بأول فترة .. كل شي يبدي صعب بس بعدين سهالة .. إنتي لا تفكرين فيها من ناحية واااي ما أحب شعور الأمية .. أو إنه هذي شقاعدة ترطن .. قوللي أنا بأصير احسن منها .. و حبي اللغة عشان تبدعين فيها ..

:))

وأنا متفاءلة فيج خير .. :))

ميخالف هالسنة ما تروحون عشان قاعدة تتعلمين .. دور السنة إلا إنتي حريييفة
;))

GOOD LUCK :D

Almas said...

أبدا لا كبر ولا غيره

المشكلة بالممارسة .. كثر ما تتعودين على عمل الشئ مع الوقت تتقنينه
على فكرة آنا مريت بهالمرحلة

أخذت دورة لغة الإشارة مالت الصم بالبداية كانت صعبة بالنسبة لي ولما أنضم للناس الصم وأشوفهم يتكلمون بلغتهم وبسرعة ماشالله عليهم ما ألحق ألقط إشارة وحدة كنت أحس إني جاهلة .. وما تتخيلين ويهي إلي يصير بدون تعابير... والتوهق .. لأني مو فاهمة شيقولون بس لما اختلطت فيهم ومارست اللغة أصبحت سهلة .. فنصيحتي لج .. تستخدمين اللغة الأسبانية بالبيت ... بالسيارة .. بالدوام .. وبأي مكان قدر الإمكان .. هذا شي يساعد

والتحدي حلو

وبالتوفيق انشالله

2 u ALL said...

هاهاها ضحكتيني ...أضحك الله سنك ...!! هذا مثل ما قالوا "عقب ما شاب ودوه حق الكتاب " .. شلك بالأسباني وأنا أخوك .. "أبلندا أسبنيول" ... "وسي سي" و"غراسيا" .. و"كما أستاس" .. و"كمتا يامس" .. وهالسوالف ....!!!؟

أضحك معاك حلو تعلم اللغات بس مو ألحين المفروض من الصغر .. مت من الضحك على السالفه .. وبعدين "شلك بالبحر وأهواله ورزق الله على السيف" خو أنجليزي وتعرفين وتمشين عمرك ... شلك بالطلايب ...!!؟

Mohammad Al-Yousifi said...

روحي مصر لغتهم سهلة تتعلمينها

Mamloo7a Q8ia said...

هههه ههههه
مت من الضحك على الغبار اللي نفضتيه واوميغا 3 ورد بووول
بس عسى ما طرتي مع الجوانح؟؟؟
:)
عاد انا صار لي سنة البح ابي اتعلم فرنسي
بس كل ما اتذكر امتحانات تحوشني ضيقة خلق واهون
بس انشاء الله راح اييب مدرسة في البيت قريبا جدا جدا
اورفوار

بنت الشاميه said...

ريما يا حلوج ويا خفت طينتج

تري ما عليج العيب فى المدرسة مو فيج

دخلي الامتحان وانت منشكحه ناجحه بإذن الله

ولدى كل ما ايب علامه مو زينه فى الامتحان قال المدرس ما يحبني قاعد لي قعده جنه ماكو احد بالصف الااهو

يالله بيضي ويهنا اذا نجحتي اليبباب علي

لوووووووووووول

فركاش said...

لووووول ضحكتيني و انا ما ودي اضحك

و شوقتيني على روحة أسبانيا صارلي 10 سنين مو رايح
و على طاري تجميد المخ و نفض الغبار مو من الكبر (بعدين انت توك صغيرة)يعني عندك انا (مثال جيد) صرلي 1000000 سنة على مقاعد الدراسةو لين الحين مخي مغبر و متجمد

Utmost-y said...

Mashalla et3lmain aspani? wanasa!
ana enshallah awal matkharaj ra7 at3alam French a7sa soo classy !;p

ana my frnd khalesat level 3 in italian o al7en et7acha wayed zain! ma3a ena mara7at italy this yr bs sadfna wayed italians b london o solafat weyahum ! tegdren etsween the same!:)

shawgtenee walla ;P o 3ade ana makhlst jam3a o mn al7en mukhe wagef:p

Purplecious said...

عاد الاسباني قالولي سهللللللل اسهل من الانجليزي

أو يشابه الانجليزي بس انج تزيدين الكلمه جم حرف
ههههه

ما شفتي الفرنسي اللي القواعد تييب اليهد

الكلمه اللي بالعربي مذكر
بالفرنسي تلاقينها مؤنث

أذكر بالثانويه أبلة الفرنسي تبي تشرح معنى
la lune = the moon

تقول يعني القمره مو القمر لااااا القمره

ههههههه

nEo said...

la aclamación encima de ti no faltará nada reema, árabe es la mejor


و الله يعافي الجوجل !!!!

Unknown said...

try your best to enjoy it and good luck in your damcing classes

lawyer said...

من امسسسسسسسس و انا اضحك
هههههههههههههههههههههه

بالعكسسسسسس والله يا ريما
على الاقل الواحد يحس نفسه لاهي بشي مفيييييييد

و تغيررررررر

ما عليييييج ما عليج

هذا بس في البدايه

لانج مستعيله تبين تعرفين كل شي بسرعه

الفضووووول اللغوي
بس صدقيني مع الوقت

و اذا ساااااافرتي
بتقوولين اشوه اني تعلمت



شدي حييييييييلج

انا 3 سنين ادرس فرنسي

باااااااح
زين اعرف اقرا و افهم بسسسسس

بركب جمله ماني قادره

ToFFeY said...

هاهاهاها اهم شي انكم بتغيرون

تصدقين ريما ذكرتيني بالدراسه اوووف

بس الشغله لما تصير رغبتج غير لما تكونين مجبره عليها

يعني الحين انا بعد 4 سنوات دراسه ولله الحمد وصرت مدرسه

يايني التوجيه يتكرم علي بدوره اجباريه مدتها 4 شهور تقريبا
ولانها اجباريه مو قادره اركز ولا قادره اسوي شي وبعد هالطلعه نرد للدوره ولازم عاد وقتها اكون مخلصه المنهج لانه اذا ما خلصته تخيلي راح اعيدها
والله حاله

بس حلوه الاسبانيه لاني انا مثلج لما تعلمت تركي هونا ما طبينا تركيا

charisma said...

bl 3aks walah la edagren 3mrech
she7lelech hehehhe
shy yded wnasaa e`7thehaa fun aw estamta3ay ;)

bo9ali7 said...

كومو ديل ياماز

انا بعد مرة دخلت كورس اسباني ولا عت جبدي كلاسين الثالث انا طالع

.
.
ترى مادري اللي كتبته فوق عدل ولا غلط..
:P

Unknown said...

الاعتراف بالحق فضيلة :)))
والدراسة خلوها لاهلها كل شى مناشبين العالم فيه :P

انا اقولج انتى شنو المفروض تدخلين

1- دورة طبخ كويتى لان ادرى ان حدج همرجر وبطاط تحسبا لغزو ثاني يمكن ما يكون اكو خدمات منو بيطبخ؟
2- دورى يوغا لان من كثر مااقرى انج تشربين رد بول تنحتى خلاص خلايا مخج اوقفت :P

3- دورة الهيب هوب يحرق اسرع ويطلع الطاقة

4- دورة تحفيظ وخليتها اخر شى لان ادرى ان مالج امل :P

have nice weekend

Яeema said...

صباحكم ورد و ياسمين مع إنتهاء فترة إجازة الربيع





breeze

حبيبتي و الله بريييز

لا الحمد الله باقيلي ليييه شهر 3 و بلحقه بالليفيل 2 إنشاء الله

أصلا ما رضت أوقف
توقولي المدرسه شيلي شعور الخوف من تجربه شي جديد

أعتقد كلامها صح

حليته كل صح الحمد الله

راح أواريكم إياه إنشاء الله







almas

ماشاء الله شي حلو إللي سويتيه!؛

صج إشلون تتفاهمين إذا بيقولونلج شي!؛


كلامج بحطه في بالي
التحدي جدا حلو





2 u all

hehehehehehhehehehhe

واااااي إشطاري عليك الله الله سنك!؛

والله أهلي ما ودوني شسوي
أسباني لي هدف مستقبلي

أحب أحتفظ في لنفسي

و بعدين ليييش إتدقرني؟
:p

صج كويتي
:p



kila ma6goog

لا خاتمتها من الأفلام

و بعدين نبي لغه عشان أحش من وراك و ما تفهم علي






mamloo7a q8ia

hehehehehehhe

لا ما طرت لما ألحين وياكم

قالولي الأسباني و الفرنسي إشوي قريبين من بعض لأن اللغتين أصلهم لاتيني


بعض الألوان و بعد أيام الإسبوع مو كلهم
bien

same same

مؤنث و المذكر
و تصريفات الأفعال

وايد في من الفرنسي

طبعا إللي يعرف فرنسي أنا ما أدري





angel heart

صح الإرادة و الإصرار علي التعليم

أعتقد إن المخ لما الحين في مجال إن يفكر
طالما إن يوصله أكسجين






بنت الشاميه

حبيتي إنتي و الله

والله العظيم خذيت علامه كامله

وناااااسه
راح أوريكم إياه إنشاء الله

لا إحنا مدرستنا أصلا ما رضت إتروح إلا لما إتصلح ورقتي
تقوللي ويهج جنه يبي يبجي

هههههه
ههههههههه

حاسه فيني ما أقدر أصبر لما الأسبوع الياي


هههههههههه





فركاش
هههههههه
هههههههههههه

يا حافظ ليش ما تبي تضحك
الضحك يوسع الصدر

و يطول بالعمر بإذن الله

:p


loooooooooooooooooooool
وااااااااااي لييييييييش جم عمرك!!!؛

و بعدين ليه بغيت إتروح أسبانيا ود معاك ناس إتونس

و إتدل و إتسوق سيارة هناك







utmost
si, si Señorita :p


french is so class and romance


la etwagfeen mokhich

kuwait mafeeha ella cafe and resturant , 3ala el aggal el wa7id yedawerla shay mofeed yet3alam


ana law bagolich el class elly i took them in my life eb testaghrebeen

piano

interior design

now spanish

mashya heheheheheheh

bageely el dancing ;/




purplecious

i dont think so


الأسباني جنه عربي
كل شي له شي

المؤنث غير

يعني

red car

roja <== ( end with a for girl )
rojo <== ( end with o for male )

la roja
el rojo

هذا بس لون

لو إييلج الباجي و إتركبينها بجمله

وايد في تصريفات
و خصوصا الفعل

to be

weeeeeeh bas maly khilg ayeeb 6areeh
hehehehehehehhehe


علي هالطاري

ما ينفع إترجمين من فرنسي و إلا أسباني حق إنجليزي

luna <== ( in spanish is moon )

we have to say :

la luna

يعني القمر

not ( a moon )

a = una

the = al or el

:/

waaay 9ert teacher :(






neo

google wont let you speak it :p

who said arabic is not the best

but we dont speak arabic pure on our daily speaking


can i traslate eshwaya?


-----

the applause over you will not lack anything reema, Arabian is the best






mosan mosan

thank you very much ;)





lawyer

حااااسه فيني حدج
ههههههههه
ههههههههههههههه


إتصدقين صج تركيب الجمل وايد صعب

أقرا و أفهم إشوي
طبعا أقرا الكتاب مالنا

بس ما أدري أتنح من إتكلم سريع

بالصج الكلام يختلف عن الكتاب

هههههه
ههههههه


وايد في
ثثثثثثثث

ثثثثثثثثثثثثثث

صرت ثرمه!!!؛






toffy

والله تبين أقولج الصج

أنا أحب أتعلم شي يديد
بس لا إيبولي طالي إمتحانات

واااااااااااي
أتنح و يضيق خلقي

معني شاطرة أول كنت بس أخاف أموووت خوف من ورقه الإمتحان

من اييبونها أشوفها فاضيه
جني أول مرة أشوف الأسئله

بس بعد ربع ساعه أهدي إشوي





charisma

la la la many dagra 3omry

aby a9ir o gha9ib 6eeeb
ya ana ya hal logha

loooooooooool

6alama mo dakhla eb ta7did mostagbely

fa ma yether


;)





bo9ali7

hehehehehehehehhe

إشتطلع هذي؟
como = how
del = of the

ya = ؟

mas = but

:/


أقوووووووووول

أشونك طلعت من الكورس


خلك باللغه العربيه وايد أبرك و أحلا

هههههههههه
ههههههههههههههه






mishari

هلا هلا و الله في حامل علم رايه التدقر كله بالكويت


شاللسه إللي ما تبين إلا إنك حاااار بطن

بعد إذا غزو لك خلك تاكل!؛

إشفيها التوسته و الجبنه

KQ8 said...

ماعندج سالفة اصلا هاللغة سهله جدا بس لازم تعرفين شلون تسحبينها على الكلمات الانجليزية والعربية :)

Kuw_Son said...

أقوى شي الدقة .. مل ريلج و انتي توهقتي باللغة !!