Tuesday, January 02, 2007

sms's







علي بداية السنة الجديدة راح أقولك سالفه حدها إتضحك

عندي ناني حق ولدي إسم الله عليها الله يحفظها لبحه ما بعدها لبحه ، و ما أحب إنني أدقرها لأن داخل قلبها مثل الياهل ، و تصرفاتها علي وزنها إللي شثقله و كل من يقوللي ثقيلة طينه موزون و بنفس الوقت إتحب و هذا أهم شي عندي .

نوعها نكته زمانها ويا المسجات وياي ، ما إتحب إتواجهني ما أدري ليش ، بس إتموووت علي شي إسمه مسج بالتلفون ، و من كثر المسج إهيا الوحيدة إللي أعطيها فلوس حق موبايلها عشان ما تقطع هالعادة ، صراحة رسالتها واضحه حقي

راح أخليكم مع بعض من مسجاتها و راح أعلق علي سبب هالمسج

Madam i go bakala now i buy noodles for us were hungry and i buy card also i want to call my family in d phils.

هذي المسج الساعة بتاريخ 1-1-2007 \11 الصبح و لو إتشوفون إشكثر نصرف علي الأكل بالشهر راح إتطقون علي راسكم ! المطبخ المركزي تحت مفتوح لهم ، يعني لو حتي يوزعون علي الفريج ما راح إنحس فيهم.

لما أشوف هالمسج و إنها تبي إتروح البقاله لأنها يوعانه؟ إشبقول؟؟؟؟؟؟

تبين كرت قولي عادي! تبين شي معين قولي! بس مو إتقولين مدام أنا يوعانه!

علي قولت زوجي ، تدفعين 60 دينار معاش و ياكلون بـ 300 دينار !

Madam can you pls. call sayed to go jamiah i dont talk to him.

هذي المسج أنا بالدوام و كان عندي إجتماع ، ردت فعلي إني حقرتها

Madam i know your sleep now. Were going abdula house now.

مدام تدرين إني نايمة الظهر ، و إتيوون قبل لا أقوم من النوم ، شكو دازة مسج؟

عبدالله بيت جيرانا ، و المسجات تشتغل بين الخدام ، فإذا تبي إتروح حق خادمتهم حطت العلثه بولدي ، تبين إتروحين إتكلمينها لا إتودين ولدي عند بيت الناس الساعه ثلاث و نص الظهر! فشله!!! كانت أول و آخر مرة يروحون هالحزة

Madam i hope you give our salary tom or wed because on thursday the biya biya coming. I have to pay the biya biya coz i take one blouse. And i send my money in the phils when i go holiday dis coming friday. Thanks..

طبعا هالمسج بدعه من البدايع، أنا المعاشات ما أعطيهم إياها إلا 1-1 الشهر

كنت يومها مريضه و طريحة الفراش فتأخر تسليم المعاش جم يوم لأني أصلا ما طلعت من البيت ، و عيزت أوصي زوجي، كلا ناسي لا يسحب ههههههههه

أهم شي المصطلح بيا بيا ( هذي وحدة هنديه إتييلهم البيت إتييب بياعة )

Madam yousif he wants donut can i give him? Co'z donut is sweet. Reply pls

لا تعليق

في وايد مسجات إتضحك بس أحس إنني ثقلت عليكم

آخر بدعه من بدايعها:

يايتلي أول يوم العيد و إتقوللي ، مادام ممكن إتطرشين السايق عشان يشتري كرسبي كريم دونت؟

أنا طقني عقر بقر ! كرسبي كريم ! لييييش ما عجبكم مال بين الدونت؟؟؟

لأ مادام ، كرسبي كريم مو ثقيل و لو سمحتي نبي درزن حقنا

أهم شي قلت لها إنشاء الله أشتري لج و حق عيالي وياج إذا سمحتي هههههههههه

أول يوم بالسنة الجديدة شلت شلايلي و رحت كرسبي كريم و شريت 3 درازن

خل تشبع قبل لا تاكل واحد من عيالي !!!!












و أشكر كل من عايد علي و باركلي بالسنة اليديدة و إنشاء الله إتصير سنة خير للجميع

35 comments:

Nescafé said...

ههههه يحليلها هالناني اهيا ومسجاتها
ماكو منها اصلا

:>

PearL said...

Madam can you pls. call sayed to go jamiah i dont talk to him

لووووووووووووول

هالمسج بدعة

:)

حدج معطتها ويه

كل عام وانتي بألف خير

Alather said...

صج اهي بدعة

مادري ليش .. أحسج معطتها ويه

: )

shakshaka said...

reeeema entay ma36et'ha wayh!!! shal msgaat embad3a lol bes walla tha7akteeni ana ga3da beshalaaih wo mittt mn ethe7eek hehhehe

ikhalifa said...

تنبوآتي للعام الجديد أنه المسج القادم راح يكون


madam I want qaramil miqya6o with choqoli6, pls reply

:P

Mother Courage said...

hathey il nanny wila lim3azba?!

Flamingoliya said...

hehehe
a7la shay biya biya
bas walla wayid emdalilat`hom!!

Reflections said...

REEEMAAAAAA


LOOOOL o LOOOOOL o Kamaan LOOOOL 3ashan elNany
شي شييي شيييي هالناني!!
شهالزيـــــــــن، شهالثقة! واي غشيت من الضحك عليها!!

كلا كوووووم و بيا بيا كووووم ثاني!

يختج مارة علي هالحجوة عند خدامنا!!

لااا و انتي مطاوعتها بعد

هههههههه

طماشة

Dr. Saleh said...
This comment has been removed by a blog administrator.
Dr. Saleh said...

كل عام و أنت بخير

لو لم تجد هذه الناني الطيبة وحسن التعامل منك لما تجرأت وتعاملت بهذه العفوية وهذه الثقة كما قال البعض

بتعاملنا الطيب والإنساني نكسبهم ونكسب حسن تعاملهم مع أطفالنا

انسان said...

الله يعينج عليها ماخذه موقعها عندكم
وعيدج مبارك وكل عام وانتي بخير

Omtantoo7 said...

LOOOOOOOOOOL!! omg! la mo min 9ijha!! nikta! waaaai twaniss ihya ou messagat'ha! wila noodles cus we're hungry?!:P LOL!!

enter-q8 said...

ههههههههههههههه

مو قادر امسك بطني من الضحك

انتي اللحين خليتيني اصر على موقفي

اني ما اييب خدامه حق الياهل او نانا اللي اهو
انا قلت حق المدام
حفظها الله و رعاها
شغل ما تشتغلين و مرتاحه
اشحقه بعد

و الصراحه بعد الفلميين اللي شفتهم
الاول اللي بالكويت

و الثاني اللي بالامارات

قمت اخاف

اكسروا خاطري اليهال اللي طايحيين فيهم تعذيب و طق هالخدمات

صج صج يا جماعه
محد يستحمل الطفل الا اهلها
من ازعاجه او صيحته او شطانته الا اهله

الله يعينك

انا لو منك اغير رقمي و ما اعطيها اياه

Kuw_Son said...

ها ها ها .. طماشة الناني !!
أول مرة أدري ان في خدامة تدز مسجات حق معزبتها !!

و الله كل شي يصير في هالديرة !!

كل عام و انتي بخير

Яeema said...

nescafe

أنا ما مرت علي وحدة جذي
هههههههههه



pearl
و إنتي بخير

مو قتلهم حاربوا بعض أحسنلي من كل يوم متهاوشين

إبتلشت فيهم

ههههههه

Яeema said...

alather

شسوي ماسكه ولدي إللي ما ينمسك

مو بعطيها ويه
إلا بعطيها كاس الصمود

ههههههه



shakshaka

shalshakaaaa!!!
law mo ga3da bel shaleeeh chan ma metay the7eek??
:pppppp

ya 7elwich

lazim a36y wayh , walal ma sheftay weldy ...... emghayra 5 nanyes ebsebetah

he is out of control ! hyber 7addah

Яeema said...

bin3li

ما علمتهم عليه

بالطريج إنشاء الله
هههههههه


kitty

heheheheheheheh

وشهد شاهد من أهله

عشان ما إتقولون أبالغ
هههههههههههههههه

Яeema said...

brava valentia

lem3azba etdig telephone

hehehehehhehehe

fathya badiz sms for them

looooooooooool



flamingoliya

maskeeeen e3yaly ,,, i have too

:/

Яeema said...

reflection


مالي خلق أربي

مدام يااات على المسج
أمرها هين
و الله قمت أضحك

و إذا يوم ما طرشت مسج قمت أفقدها الصبح


لأنها كبيرة
ففشله إني أجعم و إلا أدقرها

الله لا يحطنا في وضعهم إنداري عيال الغير






dr.saleh

و إنت بخير يا رب

والله الواحد يحط نفسه بمكانهم و يتعامل معاهم علي هالأساس

ربي فوقي و عيالي بين إيدهم

Яeema said...

إنسان

إيييي أحبها حرام

و بالعكس المسجات مسليه



omtantoo7

eeeeeeeeeeeeeeeeeeeeeeeeeee

la7thay!!!!

hungry!

she is in kuwait o hungry !

Яeema said...

enter-q8

أشوني مو مرتك

لا أنا من الطبقه الطموحه بالمجتمع
ما أحب قعدة البيت
و الغسال
و اليهال

قعدت 4 سنين
حسيييت إني حدي تافهه

من مطعم
ليه قهوة

بس فقدت النادي

:(


أول بيبي سهل
أنا قعدت سنتين بدون ناني والله رااااااااحه


بس إسم الله عليهم 3

و أبوهم

لا أحتاج و أحتاج

و إلا أنعزل عن العالم و أجابل الورعان




kuw son

أنا ما بحثت عن الموضوع بعد

بشوف هل أنا الوحيدة و إلا صايرة ظاهرة؟؟

المشكله إن المسج مكلف يعني

أولا في إعيالها
ما أدري ليش ما إتدق علي من البيت

يتوثق الشي؟؟؟

الحجيه said...

السلام عليكم جميعا
كل عام وانتٍ والجميع بخير ربي يجعلها سنه خير وبركه وتوفيق وصل و تألف ومحبه على الجميع
اللهم آمين

ريم أما الناني ألي عندج انتيكه بس صج يبيلها قلب
ما يتعب ونفس ما تزهق بس تدين لعيون العيال كل شيء ممكن ربي يحفظهم ويطرح البركة فيهم

esTeKaNa said...

hahahahaha:)
قلت لج انتي احسن ام جدام بنتج
والحين لازم اعترف انج احسن معزبه
!!
عيل تبي كرسبي كريم ها
@@
مو يايز لها اي دونت بعد
:pP~
والمسجات زوووووووووووقه
وبعد تتدلع وتزعل وتعالي انتي من الاجتماع كلمي السايق
ترا من غيرج تضيع
:)

ReLaaaX said...

لووووووول يحليلها لا لا تحفه .. صكيتي على خالتي :D

ضروري اقولها عن طرائف خدامتج ;)

bo9ali7 said...

LOL
اهم شي
:p بيا بيا

shakshaka said...

reeeeema b3ad 3umree la wallla aslan mayyyta min ethe7eek bas i mean masheftay eshalaaihh hal marra shlon ka2eeeeb barrrrd moooot aslan mat7arak mn el9ala wel dafaya hehehehe wo malall! fa postich ghayyyyar elmoood! mashiftay khadamatna 3ayal i7na maskeena tawha ethaher met3alma 3al sms wo tawha msafraa 3ad e7na gaylenlaha 6amneena lawesaltay chan etgoom etdiz 7agy wo 7ag ommy wo ekhwani ..
India

wo 3ogob sa3tain

home.

wa3alayaaa y3nee tara wesalt india wo edkhalat elbait takteblina home wo ommy daga 3laihaaaaaa etgolahaa shfeeech athareeha et3alemnaaa el destinations:P

Яeema said...

الحجيه
وعليكم السلام

كل عام و إنتي بألف خير

و علي طاري اليهال
الله الحافظ

لو تحت عيونا حاطينهم
إذا الله كاتب لهم شي بيصير





estekana

راح أصورلج إياها إنشاء الله

شوفي يصلح لها الشي
ههههههههههههههه
أقصد الدلع

بس والله ربي فوقي
يكسرون خاطري
ديرت غربه
الله لا يحطنا بمكانهم

Яeema said...

relaaax

أنا لوما إن في مسجات جدا خاصة و إتموت من الضحك جان عرضتها

بس أخاف

هههههههههههههه
هههههههههههههه




bo9ali7

حاااااااااضرين
ههههههههههههه

Яeema said...

shakshaka

شفتي من عيب إبتلى

ههههههههههههههههه


كاتبه هووووووووم

ياعوينتي والله

إبذمتج ما إكسرت خاطرج؟؟؟



ديري بالج من البرد بالشاليه

وااااااااااي يا حلو الشاليه بالصيف

ولهت علي البحر!!!!؛


بس بس طاااب خاطري من الشتا

ToFFeY said...

احلى مافي الموضوع انها ما تكلم السايق لوووووووووول




بصراحه كل اللي اقدر اقوله انها تحففففففففففففففه

albandry said...

كل عام وانتي بخير
احلى من خدامتج مفيش


اهم شي مسجات فلبن مقو فايدة
لوووووووووووووول

Warda said...

LOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOL

ubaiiiiiiiih nannyatkom 3ajeeebaaaa :) ya7laillll-haaaa
aham shay enha ma itkalem il sayeq .....mawetatniii min il the7ek :) LOL

Reeemaaaa etha ma radaitay 3ala her msg ...teg3ad itdez msg thani it7en wella bs ?????

Mohammad Al-Yousifi said...

عجيبة

Rain Drop said...

لووووول وناسه
مت من الضحك على المسجات
ما خليت حد في البيت ما قلت له عنها
عجيبة هالناني
:)

Hassan Q Al Qallaf said...

I know it's too late Reema
Happy new year
Wish u all the best in this new year 07

wallah lovely post as usual

Hathol 9aro Shar oo labod minhom

regards