Monday, January 08, 2007

عنوسة البنات بسبب الكشخه




يمعه و سوالف بالخيمة و ماكو إلا العافيه

يابوا طاري السوق و التنزيلات

وحدة تسألني

ريما ؟ ودي جنطه بهاللون و تكون خفيفه و حلوة

انا : و الله هالمكان هلو و مسوي تنزيلات اليوم 50 % و أتوقع راح إتلاقين ، توهم داقين علي من شوي ، يمديج إتروحين باجر الصبح ، لأن ما نزل إعلان التزيلات بالجريدة .

رن الجرس عند وحدة مخها صغير مع إن عمرها فوق ال 45

ريما! شهالخبال ! في أحد يشتري جنطة بهالسعر! لا و هذا بعد التنزيلات ، و ليييش داقين عليج إشمعنه

صراحه وصلتوا حق قمة التفاهه إللي قمتوا ما تشترون إلا ماركات و إلا ما يعجبكم !

( بحكم سنها و صلة القرابه بيني و بينها ، أخذت الموضوع ضحك ، لأني لو بقلبه جد جان قلت لها – لو عندج فلوس جان ما قلتي هالحجي ، لا إتطلعين روحج سنعه و إحنا إللي فينا الخمال لأنج ما تقدرين تشترين )

عمر الماركات ما زادت أو نقصت من قيمة الشخص ، و إللي عنده عليييييه بألف عافيه

و أما بنعمة ربك فحدث

المهم مو هالنقاش ؟؟؟

التكمله يايتلكم الحين

المرا أم 45 : إنتوا ما إتشوفون نسبه العنوسه زايدة بالكويت ، بسبه إن الريال من يشوف بنت شايله جنطة ماركه كش منها

( تعليقي بس إحتفظت في لنفسي – إشدعوة الرياييل يعرفون بماركة لجناط من شكل الجنطه – و الله لو إتيبيله ماركين و تصبحين الصبح مو مثبت )

المرا أم 45 : إيييي و إلا أكو وحدة إتحجز جنطة قيمتها 2500 دينار و إتقول حق الريال إذا إسألوك قولهم هذي محجوزة حق فلانه لفلانيه

( الإسم معروف إن تقدر إتحط 10 من هالجنطو مو وحدة و لا عليها عايز إتقول هالكلام – بس أتوقع إن إنتي إللي بتبلغين شفج و تبين إتعرفين منو إللي خذتها )

المرا أم 45 : تعالوا شسالفه هالسيايير الكشخه إللي لبني ( البنات ) هابين فيها ، محد عنده سيارة عاديه ! الله يعافي لقساط و الله إللي مكشخه هالأوادم ، والله الكويتيين الوحيدين إللي ما يبين غنيهم من فقيرهم.

( لا حول و لا قوة إلا بالله – لي هالدرجه حسد وصل بالناس ! البنات معروفين أبهاتهم منو!! أي أقساط إنتي الثانيه ! )

المرا أم 45 : أنا إشكثر إيولي شباب إشزينهم من عيالنا يقولون لا ما نقدر علي مصاريفها .

( إللي أعرفه إن الديرة مقسمه طبقات ، ما يصير إللي علي معاشه ياخذ بنت تاجر ! – و ما يصير والله الموظف يطالع وحدة سيارتها إب 40 ألف دينار !

أصلا مو منطق !

المرا أم 45 : ما إتشوفون فئه الطبقه المتوسطه أهما إللي يتزوجون !

( هدمتي مقاييس القسمة و النصيب إللي أنا أأمن فيها أصلا حدج من منطق )

أنا ما أقول إلا الله يهدي الجميع ، و لا يكون الواحد قاعد على الوحدة

ترا القناعه بإللي عنده أبرك من ملايين الدنيا .

ياما ناس عندها فلوس بس مو متهنين فيها ، مجرد أرقام بالبنك

لا يصير همنا المظاهر ، و إللي عنده علييييييييييييييييييه بألف عافيه

إذا حط قلتوله ليييش و يتشيحط و إشدعوة هالكثر !

و إللي عندة و حريص و يسوق سيارة عاديه قلتوا بخيل!

حرتني وايد

من زمان ودي أكلمها بهالموضوع أقولها ترا و الله مبين عليج مو زين جذي

بس أدري ماراح إتقبل و بتسويلي إن مو هامها و إن كل هذا سنع

و إهيا لو عندها زايد شوي جان سوت أزيد من جذي

يا ربي لا تجعل الناس أكبر همي

الحمدالله ملائكتي مرتاحه

و عساها دوم مرتاحه

38 comments:

love nature said...

Hiii Reeema!!
just wated to say that il qana3a 7ilwa ...wil jan6a la itwady wala ityeeb..o kil yemed reela 3ala gad il7afa :)

MiaMi said...

ما أدري

إنسانة ولها وجهة نظر

ويمكن تقولها بحسن نية

ما أشوف في الموضوع أي مشكلة



تحياتي

~ se3loah ~ said...

الواحد يقول , الله عطاهم عشان يشترون من هالماركات الغالية ! لكن ما يقعد يطلع أعذار بايخه لعدم مقدرته على انه يدفع


من وجهة نظري , القطعة اللي تكون من ماركة عالمية مشهورة تكون الأحب لقلبي وأحافظ عليها أكثر من الباقي اللي ينرمي بالدولاب من غير اهتمام
:p

المهم , حلو انك ما رديتي عليها .. لأنه هالنوعية من الناس ما راح تقتنع لأن عينها ما شبعت

والله يرزقنا ويرزقهم يارب

~ se3loah ~ said...

وتراك كاتبة البوست في وقت متأخر وعلقت عليه انا في وقت متأخر

وش مسهرنا وبكرا فيه دوام
:P

Krakatoa said...

الحقيقه يا ريما ان القناعة كنز لايفني والواحد يمد ريوله على قد لحافه..الله ما أمر بالفسق بنفس الوقت ما امر بالتقتير..لكن حنا بالكويت لي هبو بالشي شلخوه..ودائما متطرفين في طريقة اهتمامهم بالشيء يا انه شغلي ولبسي وسيارتي واموري من اغلى الاثمان يا انه اصير مهتمل ..اغلب الكويتيين من الطبقة المتوسطه...ومع ذالك في بعضهم يراعون هذا الفراق ومايخذون الا اللي يناسبهم سواء من ملبس او مسكن او حتى زواج فلا تاخذ الغنية تذلك ولا تاخذ الفقيرة تعلك..!!!

وهم في ناس تضرب بالعالي...ناس عندها عُقد نفسية..من سالفة الماركات يعني يا اني اشتري شي ماركة ولا ما اطلع كويتية وكشخه..ودايما عندنا سالفة الناس شبيقولون عني..!!

الناس بيتحجون فيكم وبلاياكم..شعليكم منهم..لو كل واحد إلتهى بعمره جان ماشفتي هالفشخره البطاله العطالة على اطل..من بره هالله هالله من داخل الله بالخير..!!

mosan mosan said...

Facts:
1- Now days buy the girlfriends and wives those bags your talking aboutas a gift.
2- I've noticed that most of the Astin Martin in Kuwait are driven by females and the look good in them
3- Some females take loans to buy those bags

dont take me wrong I'm not judging anyone. everyone does what they want.

Kwaitiyya said...

ريما
انتي يمكن ما فهمتيها
يمكن قصدها عن الناس اللي قاعده تمد ريلها أكثر من لحافها
الغالبية العظمى الحين صارو يتسلفون ويضيقون على عمرهم ويشترون بهالإجناط والجواتي والساعات بس عشان المظاهر

سالفة فكرتج أنه بنت التاجر قاعده تلبس وتكشخ ترى هذه سالفه قديمه يمكن مادري ! الحين الحفاي أهمه اللي متنقعين بالصالحية وفيلا مودا والبنوك حق القروض
والتجار ما يشترون بهالهبل... أنا قاعده أتكلم من منظور اللي أشوفه من ناس قراب مني وأشوفهم وأعرف أهمه منو
والله يا ريما سيارات بيوت التجار كلها عادية ما تتعدى ال20000 .. والبيوت ذات الدخل المحدود سياراتهم بالعلالي
المرا قصدها يمكن عن هالفئة
مادري


صديقتي تشتغل بأحد البنوك
تقول ذاك اليوم يايتهم وحده كبيره أم عيال وعليها عباتها داشة تبي قرض بو 1000 دينار
قالولها ما يصير يا خالتي انتي عليج قروض وايد وليلحين ما سددتي شي مايصير يتراكم عليج
قالت لهم مالي شغل ابي القرض هذا أنا محتاجه
نادت مديرها وقعد معاها يبي يعرف السبب
قالت لها والله بنتي بالجامعه وتبي جنطه سعرها 500 دينار وقالت إذا ما شريتها ماراح أداوم بالجامعة مابي رفيجاتي يصيرون أحسن مني و مادري شقالت

أدري الردا من الأم ... بس مو كل الأمهات يعرفون شلون يتصرفون ويربون بناتهم! شتقولين عن هالفئه؟؟ ترى أكو وايد من هالأشكال ياربي لا تبلينا ! بس هذا الواقع
كشختهم (كذابه) الحمدلله والشكر على النعمه

وآسفه على الإطاله

shakshaka said...

elqana3a kanz layefna wo allah ma amar bel fesag bes ele 3enda 3la goltich 3laih bel3afiaaa... wo atwaqa3 elmara qasdhaa ena elshabab halayam 7ata wohmaa 3yal floos wo 3yal tejaar taraa sadgeeni 9ayreen 9ej ekhafoon mn elbanat kel mageltelhum haa ometaa naween 3la elzwaaj eredoon 3laich khaleena chethee abrak bacher etyeena wa7da etkhali9 floosna madre shyayhum wo madre shemkhare3hum wo b3dein ohma lazem yefhemoon shay i mean elshabab ena hathee senat el7ayat ent ta9rif 3la murtik bes laga3adt weyaha wo fahamt'haa wath3ik mathen ebtesta3ser wetha shafhaa mesta3sera seda bait oboha:P

Mudhaf said...

1- ماعتقد ان انتي اسأتي فهمها واضح انج فاهمتها و دارستها و معاشرتها عدل و ما فورت دمج الا و انتي عارفه دواخل نفسها و اسبابها .. هذا بسبب قول البعض ممكن أسأتي نوايها .. و تبقى النوايا خبايا
2- هذي الصفه موجوده و منشره بكثره في مجتمعنا اللي ما يقدر على الشي نقد على اللي عنده
مثال
ايام المراهقه و التعش لما كنا نسافر قروبات او للغه ..احدهم كان غير مسموح له من قبل والده بالسفر تعالي سمعي النقد عاد .. هذول مسافرين خرابيط و هذول و هذول :)
البنات الحين اللي ماتقدر تسوي شي بسبب عادات البيئه اللي اهيه عايشه فيها او بسبب قله المادة حطت العيب و المصايب في اللي يسويها مع انها لو بيدها سوت اردا
مثل وحده كانت تبي تدرس تسافر برا و منعوها اهلها او ما نقبلت بالبعثه صاروا كل اللي سافروا صياعه و سمعه سيئه بما انها ماقدرت تسافر :)
و الامثله لا حصر لها فهالمجال
الله يعينهم على أنفسهم
3- قلتي ان الزواج قسمه و نصيب و انتي مؤمنه في هذا الشي .. و مع ذلك تؤمنين بالطبقية من ناحيه المادة و المركز في الزواج
ما تشوفين فيها تناقض؟
الرسول عليه الصلاة و السلام قال اذا جاءكم من تروضون دينه و خلقه فزوجوه فان لم تفعلوا تكن فتنه و فساد .. ما تعتقدين الطبقيه و النظره للماده و المركز هي اللي حذرنا منها الرسول بانها تؤدي الى فتنه و فساد كبير في الارض؟
و قال عليه الصلاة و السلام خذوهم فقراء يغنكم الله :) و أقلهن مهروا اكثرهن بركه
:)
على فكره كلامي مو معناه اني اؤيد الزواج بدون شروط و بدون الاخذ بالاعتبار الاختلافات الماديه و الطبقيه و البيئيه ! لا بالعكس هذي من الامور الهامه لنجاح الارتباط .. مقصدي شي ثاني
قرقتي ما تخلص و عندي كلام وايد و توضيحات بس رأفه لوقتج و عوار راسج بتوقف :)

lawyer said...

هههههههههههههههه ريما كا هذا و ملائكتج مرتاحه

ههههههههههههههه
عيل لو شغاله اشصار

المهم

خلينا انتكلم عن هذي

خووووووو محد طالبها تشتري

يعني السالفه تتفاوت مع الناس و الاهتمامات

يمكن هذي فيها بخل شوي
او ما تهتم حق هالسوالف
بس لا تعييب

و بعدييييييييييين

قوليلها الكويتيات يلبسوووووووون من معاشاتهم
ما يطلبوووووون من ابهاتهم و رياييلهم

ليشششششش ما يدرون ان الكويتيه وايد عزيزه نفس
و مو ماديه و تطلب

يا كره الي يطب في بنات هالوقت

والله العظيم هذاك اليوم شفت صور امي و خالاتي ايام الجامعه في لندن
كله شانيل و باربري و فندي !!

قلت لها
يماااااااااااااااا
شنهووووووووووو هذاااااااااااا

انا تقولين لي مسرررررفه
و العب في الفلوس و البح على الخلاجين و طاعي انتي و خالاتي !!

تقولي اي ايام الجاهليه !!


يبااااااااااا انا جاهله زين !!

PearL said...

كل واحد وعلى حسب قدرته المادية

بس طفارتي ان شخص ما يقدر يسوي شي
ويطلع العيب بالناس اللي يسوونه

الله معطيهم
عليهم بالعافية

وبعدين شكو العنوسة بالكشخة ؟

ام الحفيز said...

ريما

حبيبتي لا تقثين روحج....اكو مثل كويتي يقولون فيه عن الزواج واذا بغى ريال يتزوج يقولون له..." إلي بغيت تضمها اسأل عن امها "والريال الي يبي يتزوج لازم يطالع في البنت الحسب والنسب والمال والجمال وصاحبة الدين، وعقب يتوكل على الله حيث ان بنت الحسب والنسب طبايعها تدل عليها حياويه وصبور وسنعه وبنت الخير يبين عليها خير اهلها... بعد اهل الكويت كله يقولون خذها مدلـلــه تزيدك دلال ولا تاخذها معلله تزيدك علــه!!!، والجميله وانا اختج بعد الشمس ماتغطى بمنخل يبين جمالها وتقاطيعها من بعد كيلو وصاحبة الدين يالله من فضلك الله يرزقها على قدر دينها ونيتها الطيبون للطيبات والطيبات للطيبين
و وصاحبتج مادري حمولة اهلج ام45 الله يهدينا ويهداها معاج ليش تعم في نقاشها وياربي ان الله يحب ان يرى نعمته على عبده....والغالي رخيص لان سعره فيه مو بضاعه من سوق الميره عقب شهرين اتذوي وتبطل صلاحيتها

المهم عطوونا سامرية

يـا هــلا بالغـالـي يــوم الله جـابــه يـــا هـــلا بالـغـالـي

لـيـتـنـي لــــه والــــي والا قـرابـه ليتـنـي لــه والـــي

كـان أحب الغالـي وأمز نـابـه كــان احــب الـغـالـي

ماني عنه سالي لو راسي شـاب مانـي عـنـه سـالـي

حبـنـا للـغـالـــــي مـــا أبي يــدري بــه حبـنـا للـغـالـي

الحجيه said...

السلام عليكم جميعا

ريم كل إنسان له نظره بالحياة مقتنع فيها 45 تتكلم من قناعه أهي مقتنعه فيها يمكن بحكم العمر والفترة السابقة من الزمن ألي عاصرتها

الماركات و السيارة حرية شخصيه وكل بني ادم يتحمل نتيجة اختياره

صدقتي ياريم متى ما كانت القناعة بالإنسان ألا كان اسعد الناس بالكون

أما النصيب (الزواج) ما ترده شنطه ولا سيارة وأنا دأيم أقول الزواج مثل الأجل يجي فجئه محد يقدر يمنعه أو يجيبه ألا أذا كان في نصيب

ألي بيطالع الناس ويحسب لهم بيتعب ويتعب ألي مجابله

Яeema said...

love nature

Hello Love !! ;)

zayid , yegool 3alehom bel 3afya elly allah razgah el7aaf zayid eshway . o bas







miami

وجهة نظر أحترمها

تحياتي لج

Яeema said...

se3loah


لا ما رديت ، كنت أحلل كلامها بيني و بين نفسي


إيييي و الله و يطرح برزقهم و رزقنا البركه


-------

علي إستفسارج

ما أبي إتلوع جبدج
بس بنتي كانت ترجيع اليوم بطوله
فكنت ألاحظها بالليل

عشان أسهر
لازم أشغل الكمبيوتر

الحين بنتي أشوه
الحمد الله

و داومت ثاني يوم بعد
أنا إللي راحمني نومت الظهر عندي إهيا نومت الليل






krakatoa

إهيا مو هبه كثر ما إن الكويت الحين صار كلشي فيها

فسهل الواحد يقل
أول لازم تدفع مصاريف سفر عشان إتييب الشغله
----------------------


" تاخذ الغنية تذلك ولا تاخذ الفقيرة تعلك"


عدل كلامك



-------------


الناس بيتحجون فيكم وبلاياكم..شعليكم منهم..لو كل واحد إلتهى بعمره جان ماشفتي هالفشخره البطاله العطالة على اطل..من بره هالله هالله من داخل الله بالخير



أصفقلك
هذى المجتمع الكويتي

Яeema said...

mosan mosan

1- exactly , and i accept gifts :p

i love cars more than the bags , i can afford a bag , lol

2- i wish you know my story with the aston martin , hehehehhehehe

the problem with this gift , that ( i have to find a garage to fix it , other than villa moda ! :/ )

3- something i cant get it , i dont want it ( as lawyer said )


i never take you wrong ;)

your a free man and you can say whatever you want to say


cheers ;)





kwaitiyya

أعرفها مثل نفسي
بس البوست ما يبين مشاعرها الصجيه

تلاحظينها من عيونها


بيوت التجار فوردات الله يسلمج

بس مرهين علي بناتهم و أولادهم

أحب جذي وايد

الأخت قصدها الفئه العمريه
ليش بنت 20 تلبس ماركه
إذا تزوجت واحد علي معاشه
من وين يصرف عليها

حبيبت قلبي إنتي
ما طولتي و لا شي
بيتج ومكانج

Яeema said...

shakshaka

إنتي من صجج المرا كل ساعة بتقول حق الريل ييبلي و حطلي

هم المرا الكويتيه عندها عزت نفس و كرامة و ما إتنزل نفسها حق الريال و تطلب منه


الحين كل بنت عندها معاشها
و إتسوي في إللي تبي


صاير الريال يشرط البنت لازم تشتغل

يبي يفتك من المصاريف

عيل كريم إب 60 و 90 دينار؟

ترا ما يدرون الرياييل إشكثر هالأشياء مكلفه

هم ما يات علي جنطة و ساعه




mudhaf

أولا أحب أرحب فيك لأنك أول مرة إتعلق عندي

و إنشاء الله إنشوفك دوم



1- عدل كلامك أنا من فتحت عيني علي الدنيا و إهيا جذي و كل ما تكبر إتزيد


2 - إييي يحرني إللي ينقد و يقلل من قيمة الشي إللي عند الشخص الثاني و مستانس في
و مو شرط شي ملموس ، ساعات يعاسرونك علي المعلومات إللي عندك


مثالك عدل مدل

3- القسمة و النصيب لها أسباب و مسببات


يعني تسعي علي الطريج الصح و في نهايته إنت ما تدري تصيب و إلا تخيب

فلا تناقض و لا شي

ما يصير أروح حق بنت مليونير و أٌول نصيبي وياها

خطوة بخطوة نمشي


إحنا نمشي علي سلك و موروثات قديمة
نادر ما الناس تمشي علي القرآن و السنه

---------------


هههههههههههههه

أشكر رأفتك بحالي

بيتك و مكانك

بس أفكارك مرتبه - وواضحه و مفهومة سهلت علي القراءة و الرد السريع

Яeema said...

lawyer

:PPPPPP

كنت أتحلطم بيني و بين نفسي عشان أكتب بوست

ههههههههه
هههههههههههههه


----------------------



قوليلها الكويتيات يلبسوووووووون من معاشاتهم
ما يطلبوووووون من ابهاتهم و رياييلهم

ليشششششش ما يدرون ان الكويتيه وايد عزيزه نفس
و مو ماديه و تطلب

يا كره الي يطب في بنات هالوقت
------------------------------



أيوااااااااااااا
عدل عدل عدل

إبذمتج مو نشتري الشي ب 400 و إنقول حقهم إب 100؟؟؟


يبا آخر العمر مووت

خل يلبسون و يستانسووون عليهم بألف عافيه




أنا ما يقولون جاهله

تافهه

إيي أبي أصير تافهه

حزت إتخاذ قرار الشراء
و بعدين أنياز تالي أنا أعابل بنفسي






pearl


أنا هذي إللي حرني

لا إتعيب علي حق لهم بالدنيا


الرزاق بالسما و الحاسد بالأرض




العلاقه علي قولتها
إذا الريال شاف البنت قبل الزواج بتصرف جذي
عيل ليه خذاها إشبتسوي؟؟


فما يتزوجها
و بتضل في بيت أبوها

Яeema said...

أم الحفيز

لا حبيبتي

أنا أتحلطم بس و حدها دقيقه و نص

بس و الله كلامج ما أقدر أزيد عليه

كفيتي ووفيتي






الحجيه

على عيني و راسي القناعه
بس تسفيه الناس هذا إلي ما أحبه

و لييش هالمناجف

و الردحه؟

Яeema said...

يا جماعه؟؟؟


ليش إختفت النكااات!!!!؛


شي غريب

و أنا بلوقي شلت ال

anonymouse !!!!


HOW COME!!




( This blog does not allow anonymous comments. )

Mudhaf said...

Reeema

how come the nicks aren't shown and you replied to each one and mentioned his nick ?:/

there is no anonymous comments !

wear ur lenses ;\

Common_Sense said...

لووووول حلوة خووش سالفة والله يا ريم .. بس مثل ما قلتي ، يعني بغض النظر عن ليش شاريين هالشغلات وحتى لو اقساط وحتى لو ما يقدرون عليها ,, بالنهاية علييهم بالعافية وهذا اللي المفروض نقوولة :)

mishari said...

والله على اللى كتبتيه ما اشوف ملائتكج مرتاحة
انا اشوف اهيا قالت وجهة نظرها بس بطريقة جافة شوي
:)

المهم انتى شلونج ؟
طيبة؟

والا اقولج زوجيها احسن يمكن ترتاح

لطيف said...

مانخلص من سوالفكم
يالحريم
! مو سهلين على بعض
أتركوا هالسوالف
ورطبوا الأجواء
مالهذا أوجدكم الله
أوجدكم لتكونوا
زينة الحياة ومتعتها
:)

chatterbox said...

عرفت نوعيتها
اكو منها وايد وايد وايد بالكويت
وبصراحة يبطون جبدي مع اني مااشتري ماركات

Ali said...

wala i would never understand your kind ... Men are from Mars, Women are from Venus
that's all i have to say

Яeema said...

mudhaf
والله كانوا موجودين و بعدين يوم علقت علي آخر تعليق تبدلوا

هههههههههه

سويييت ريستارت حق الحاسب الآلي

رد مثل ماكان

:p



common sense

women !

بس أنا وياك عليهم بالعافيه

Яeema said...

mishari

my replay to you will be top secret

check your e-mail ;)



she is married with a master degree in engineering , and a mother of 5 ;)




لطيف

أقولك شي

الواحد صج يترفع عن توافه الأمور هذي

أوعدك مرة ثانيه بس أتغزل
هههههه

Яeema said...

chatterbox

حبيبت قلبي صاجه

و ترا بيني و بينج ما فيها شي الواحد يشتري ماركات

;)




ali

even in the same planet and they are not the same , each woman want a diffrent star

hehehehehehhe

Om Ghayeb said...

هو هو هو
ماركات وهالسعر وفي ناس بمجاعة وناس مو لاقية تاكل
ما اقول الا حرام عليك
انا سويت ابلوق من حرتي على بوست القاري والحين حريتيني زيادة
ما اقول
الا الله يزيد النعمة
والله هداك انتي وحمولتك عيال الفلوس

Яeema said...

om ghayeb

ما تحترين لا من عدو ولا من حبيب

ياالله في الدنيا وايد بتشوفين نماين

إنتي بس هدي بالج

هههههههههه

ترا شريت القاري

و هابه أتفرفر في
بدال قعدتي بالبلوق

:p


أمرج إنتمشي؟

Wafa said...

ما جازت لي الشنطه اللي حاطتها في البوست

أحسها لكبار السن

عسى مو هذا موديل شنطتك ؟؟

من مجموعة الصيف الماضي

Яeema said...

wafa

لا حبيبتي ما ألبس هالنوعيه

بس عليهم بالعافيه إللي يلبسوها

my bag is : bottega venta

:P ;P

Яeema said...

أخلص منهم بالصج يطلعولي بالبلوغ؟
هههههههههههههههه
ههههههههههههههههه

والله يبا حاااااااااااااااله


أخخخخخخخخخ

ما أقول إلا يالله العفو و العافيه

و ثبتنا علي عقولنا يا رب
ولا تجعل توافه الأمور أكبر همي

Om Ghayeb said...

هو هو هو

الله يعينك على يوم الحساب

وبعد شريتي القاري مو خايفة على حمولتك وريلك

بعدين قادرة قااااااااااااااادرة
مشيتي كلامك على الريال

واللي يعافيك لا تمريني انا مسافرة جنوب افريقا ازور مدرسة اوبرا اللي قاعدة تسويها لاعداد فتيات قياديات
وكله فعل خير ببلاش

مع انها كانت فقيرة بس سوت روحها وما بخلت على غيرها
وتطنزت على اللي ما عندة

وصاجة يمة اللي يعيش يامه يشوف

Q8ya said...

وااااي امس قاعدين نسولف في هالموضوع

;Pp

وخلاصتنا كانت....

اللي عنده فلوس يشتري واللي ما عنده يحمد ربه على الصحه وينطم خخخخ

shosho said...

"هو هو هو

الله يعينك على يوم الحساب

وبعد شريتي القاري مو خايفة على حمولتك وريلك

بعدين قادرة قااااااااااااااادرة
مشيتي كلامك على الريال

واللي يعافيك لا تمريني انا مسافرة جنوب افريقا ازور مدرسة اوبرا اللي قاعدة تسويها لاعداد فتيات قياديات
وكله فعل خير ببلاش

مع انها كانت فقيرة بس سوت روحها وما بخلت على غيرها
وتطنزت على اللي ما عندة

وصاجة يمة اللي يعيش يامه يشوف

"

shosho said...

هو هو هو"

الله يعينك على يوم الحساب

وبعد شريتي القاري مو خايفة على حمولتك وريلك

بعدين قادرة قااااااااااااااادرة
مشيتي كلامك على الريال

واللي يعافيك لا تمريني انا مسافرة جنوب افريقا ازور مدرسة اوبرا اللي قاعدة تسويها لاعداد فتيات قياديات
وكله فعل خير ببلاش

مع انها كانت فقيرة بس سوت روحها وما بخلت على غيرها
وتطنزت على اللي ما عندة

وصاجة يمة اللي يعيش يامه يشوف

"