Thursday, January 25, 2007

خالد الفيصل







أستطيع أمنع لساني لا يقول
******
وأستطيع أمنع عيوني لاترى
وأستطيع أمنع يديني لا تنول
******
وأمنع أذني عن سواليف الورى
لكن المشكل أنا وشلون احول
******
دون فكري لو خيالي به سرى
شارد أفكاري على رغمي تجول
******
كل ماعنّ الهوى وإلا طرى
كل نجمٍ للخيال أصبح ذلول
******
بالفلك طوّاف لى ضاق الثرى
شاغلي يا راعي الطرف الخجول
******
باع حبك في خفوقي واشترى
يا ربيع القلب في كل الفصول
******
ورد حبك فاح عطره وأزهرا
مرّني طيفك على العادة عجول
******
عز طيفك مثلما عز الكرى
ما نفع تحذيري القلب الجفول
******
يرقد الخالي وعيني تسهرا
بسألك قلّي- ولو فيها فضول-
******
كيف تذبح من يشوفك ما درى؟

20 comments:

Dr. Saleh said...

إختيار رائع

وقصيدة معبرة عن ما يجول في نفسي في الوقت الحالي

شكرا

2 u ALL said...

دوماً رائعه ... حتى بأختياراتك

نعم ... نعم

مانفع تحذيري القلب الجفول
يرقد "الخالي" وعيني تسهرا
بسألك قلي ولو فيها فضول
كيف تذبح من يشوفك ما درى


كلام ...راقي

Breeze said...

صححححح إلسانه .. وصحت إييد من كتبها ;))

إختيار موفق .. :))

أحب أشعاره :)) ..

شكرا :)

سالفة قلب said...

مانقدر نقول شي بعد دايم السيف

فركاش said...

صح لسان خالد الفيصل و صح لسانك يا ريما على وضعك للقصيدة :)

lawyer said...

مرّني طيفك على العادة عجول
******عز طيفك مثلما عز الكرى


رووووووووووعه :))

اختيااااااااااار اينن

ريماااااااا

حاسه فيني:))

Warda said...

وااااااااااااااااااو

الكلام عجيب

:)

دايم السيف على طول مبدع

7osen said...

شارد أفكاري على رغمي تجول
******كل ماعنّ الهوى وإلا طرى

وااايد عجبني هالبيت

اختيار موفق

لقصيده رائعه

Almas said...

شعر جميل واحساس رائع

لما قريته ذكرني بمسلسل جواهر وقصة الحب بين بنت الشيخ إلي ساكنين بالبر وابن الشيخ إلي بالمدن كان حب راقي بمعنى الكلمة

وخصوصا لما قالت له "ذبحتني يا حمد" يوم قررت امه يتزوج عليها كان موقف فيه خليط من الحب العميق والغيرة وعزة النفس العالية

بس على شرط طلعي زوينة من الحسبة

شكرا

Kuw_Son said...

الله الله الله ..بالفلك طواف لي ضاق الثرى !! يا سلام على الكلمات ..
مشكورة على النقل .. امتعتينا :)

barrak said...

شاقول غير

مشكوره

mishari said...

لكن المشكل أنا وشلون احول
******دون فكري لو خيالي به سرى

هذا مربط القصيد

ok reema ;)

ITHINK NOW ITS FINE WITH U ?

Mamloo7a Q8ia said...

ريما
ما شاء الله عليج ذوق ما حصلشي في اختيار الشعر والشعراء
انا من عشاق دايم السيف وكل ما يكتبه
رووووعه
مشكووورة

Яeema said...

dr.saleh

يالله با دكتور الله كريم
;)

thank to you too








2 u all


لا أستطيع إلا الرد ب

مبدع و راقي ككلماته








breeze


من لا يحب حروفه

أشكر مرورك و تعليقك






سالفة قلب

نعم فقد قال كل شيء





فركاش


صح إبدنك

;)




lawyer

حاسه حاسه فيييج يأمج


;)




warda

ساعات أقول قاعدة أبالغ بقراءة كلماته
لكن أحس إنها فعلا فيرا روح التواضع






7osen


هذا سبب وضعي للقصيدة

هالبيت





almas

جدا راقي فعلا

إشطري عليج هالمسلسل؟؟؟






kuw_son

مرة ثانيه راح أسوي مقارنه بين شعره و هو في الستين و شعره القديم

راح إتحس فعلا باإستمتاع





barrak

العفو يا شاعرنا

مبدع بالكويتي






mishari

فعلا بيت جميل

كيفيه تحجيم الفكرة






mamloo7a q8ia

نطريني لما أخلص مجموعة دواوينه و راح إتشوفين نقله نوعيه في شعره بعد الستين

وايد إستمتعت لما قريت

2 u ALL said...

لأنك تحبين "الشعر" أقرئي البوست مالي اليوم ..!!!فيه محاوله قديمه للكتابه..عطيني رأيك فيها

BaNgBaNg2 said...

صج لي قالوا الناس اذواق
وكلج ذوق اختيار موفق
ومـؤثر جدا
وســــن

فوضى أفكاري said...

اختياراتج دايما حلواا

بنت الشامية said...

شعر عالي االحس

اختيار دافي يدفي القلب ويمده بالانتعاش
فى زمن الجفاف العاطقي

nEo said...

بسألك قلّي- ولو فيها فضول-
******كيف تذبح من يشوفك ما درى؟



nice!!

Mudhaf said...

ضربتي على الوتر