Tuesday, July 11, 2006

women nightclub ( 4 season )

الساعة السابعة و النصف صباحا

لبست و طلعت حق الدوام و سي دي إليسا يلعي بالسيارة ، مخي سوا... شفت علي روتيني اليومي بالصيف من أول ما رجعت من السفر عقب اللوية و الهيله .

إشسويت؟ ولا شي

جان إتييلي هالفكرة المجنونة ، بما إن الكويت مافيها إلا قهاوي و مطاعم ، ليش ما إنسويلنا إحنا يالبنات نادي ليلي خاص فينا ، ملتزم بآداب مجتمعنا و جنكم ما تدرون في بست حق الرقص عشان إللي في شي يطلع

واللي جم كيلو ينزل ، و البار شنو في؟ في ريد بول عشان يعطينا طاقة ، خبركم من القعدة صرنا جنه قنفات

و البست ينقسم إلي جهتين ، قسم ضعاف و بسوون فيرمنج حق أجسامهم الحلوة

والقسم الثاني حق لمتان إللي يبون يضعفون ، و ممنوع لضعاف إتشوف السمينة ترقص عشان نفسيتها ما تتعب

والعكس صحيح ، السمينة و لمتكتكة ما إتشوف لضعيفة و تكتإب و تاكل إزيادة ، ولو إن هالشي يربحني ، بس أنا مو ساعية للربح وايد ، يهمني إنا نستانس و بس .

وصلت الدوام و علي طول رفعت سماعة التليفون علي إختي و حبيبتي و متبنية أفكاري الجنونية فطووم

ألووووووووووو فطيييييييييييييم ترا مخي ضرب و طلع بفكرة مينونة بس أحتاج مساعدة!

فطيييم : هااااا إشفييييييييج إسم الله عليج!

ريييما : نادي ليلي بس محترم

فطييييم : إشلووون !

ريييما : ننقل التجمع اللي قاعدين إنسويه بالعرس حق مبني مجهز بالكامل ، في الدي جي و في البست و فيه المطعم و والدخول بفلوس عشان مو أي أحد يدخل ، و يوم خاص بس حق الأعضاء ، و كل يوم بيصير ثيييم معين ، يوم سامري ، يوم سالسا و يوم ألفس و يوم خليجي و جذيييي

فطيييييم: ساكته

ريييما : وياي إنتي ، أدري إشقاعدة إتسويين ، صافنة ! الله يستر من هالصفنة

يالله بكمل تفاصيل المشروع

فطيييم : إييي كملي

ريييما : يصير إللي يبي إنسويلة عيد ميلادة و أي شي يبيه يصير و كل شي بثمنه ، شاشات لبلازما بكل صوب ، حق إذا وحدة بتحر وحدة شايفتها بجسمها هاهاهاها,,

حق اللي أهاليهم ما يرضون يردون إبروحهم إنجهز سواق إزقرت برة ويا اليموزينات ، و يوصل البنت لي بيتها و يستلمها أبوها .

التليفونات و الكاميرات ممنوعة و في خزاين ويا مفاتيحهم برة ، إنحط بدي قاردات حريم متايح ، عشان الوضع يصير مستتب . الدخلة بفلوس و أكو مينيمام تشارج علي الطاولة .

و تشنج ما تدرين أكو صالون إكسبريس حق إللي ما مداه يلقي موعد يسوي شعرة وإلا أظافيرة.

ممنوع دخول البنات الشواذ و إلا أمهات فلوس ، للمحافظة علي نظافة المكان ، محد يدخل إلا بموافقة لجنة تقصي الحقائق بإدارتج طبعا لأن لج نظرة محامية.

الفكرة إن بدال لا ناكل و ناكل ، نرقص و نحرق الكالوري و بعدين من الضحك و الوناسة ماراح ناكل وايد من التعب .

وبعد هدوء تام سكووت من الاخت فطيم جاءنا البيان التالي :

احم احم انا لوير وياكم ..

اولا و قبل أي شي الى أي ريال ولد فلوس قاعد يقرا بوست اختي ريما يجب عليه ان يتبنى المشروع

و اذا عندكم علاقات مع حمد و الا ناصر ... يالله هزوا طولكم و عطووه فكره المشروع ... و يا طلال انت و انور .. بدال الدبجه على الرئاسه .. تعال تبنى مشروع الفقيره لله ريمااااااااا

المشكله ان الشواذ الحين ما يبين شكلكم خووفج و احنا في البيست نرقص نطامر ..

ههههههههههههههههه

المشروع انساني بحت و لازم البنات سنعين ... شغل شلأ !! و انصاص الليول مانبي ..شغل بو خمسين و بو اميه ما نبي شغل سحوره و طبوره مانبي... يعني وبعدين تحريك اقتصاد البلد... لانه نبي يكون في مستوى أي ديسكو لاتينو برا الكويت ... يازين الكويتين برا في الديسكوات سنعين

و الله يا هوو بيصير قززززززززز عند الباب ....

في الايام العاديه يسكر مبجر في الويك اند شوي متأخر ...

بس تخيلوا وياي .... و يا زيني و انا قبل لا اطلع يسألني ابوي وين رايحه...

و الله ماكووووووووو رايحه ديسكو الفور سيزن اليوم بسهر فيه !!!

لألألألألألألألألألألأ شغل انفتاح من امه

مبدأيا عشان المكان و الرخصه نبي الديسكو او الجم الليلي يكون في يخت ...

لانه اليخت اهو المكان الوحيد الي محد يقدر يقولونه شي فيه

واااااااااااو ترا احنا عقليه اقتصاديه مهدره ...

انا عن نفسي بحطلي برا الديسكو طاوله و فيها مايكروويف و قوالب سيلكون .... الي يفهم يفهم...و الي مو فاهم لا يسالني ليششششششش!!!!!!!

اترك المايك مع رفيقه الدرب الصعب الي محرتها على الخراب

و خلينا صندوق الاقتراحات مبطل لكم عشان تضيفون أي اقتراح متعلق في الديسكو الخاص للنساء

أنا رييما الحين:

بما إن مجتمعنا محافظ ففي فئة لازم موافقة ولي الأمر- زوج- أبو – أخو دعلة يعني يوم بنخليه للمحافظين ، حاطينها في عين لعتبار ، أهم شي إن إللي يدخل يحترم نفسة و يحافظ علي بريستيج المكان .

و حق الحمل أكو غرفة فيها شاشات إتوسع صدرها و إتطمش علي لبني و يسوون ريفليكسوليجي حق إرويلاتها .

يعني هالديسكو بيخدم فئة إزقرت و بتعب عليه .

ما أبي أطول بس أبي رايكم ونبي واحد و إلا وحدة تتبني المشروع

70 comments:

mishal said...

والله شكله من اول ليله بتجيكم قذيفة ار بي جي

انا مالي علاقه ولا لي مصلحه بالموضوع

على العموم مبروك مقدماً وانا قاعد اتخيّل الوضع عندكم والمباحث كل يوم ساحبينج للمخفر

kuwaite said...

خوش فكرة

بس وين بالضبط

علشان نعين ونعاون

HaaMooR said...

before I comment in this post .. I just want to say ...

mishari .. mashalla.. 3ala 6ool she posted a new post :P

heheheheheeh .. let me go and read the post :P

HaaMooR said...

hamad oo nasser are brother
talal oo anwer are twins ?

:P enty 3ajeebah :P

I will call talal now and tell him .

:P enty menty saahlaa yaa Reemaa hanim

HaaMooR said...

agaarooohaaaaaaaaaa ... 5

khaamss Dawa'eer :P Maabroook

awaail elghaaith gaa6ra :P

sologa-bologa said...

مشروع حلو بس هم ماكو فايدة للنساء فقط
والله الشباب مساكين وين ما نروح للعائلات فقط او للنساء فقط واذا خصصوا يوم للشباب ما نلقى ولا شاب
بس بصراحة عجبتني فكرة اليخت من الحين اقول انها فكرة ناجحة جدا جدا ومثل ما يقولون اسأل مجرب ولا تسأل طبيب ;P

ومبروك اقرار الدوائر الخمس وعقبال ما يقرها مجلس الامة باسرع وقت وينفذ النواب وعودهم باعادة الانتخابات وفقا للدوائر الخمس بس خل تصير بالشتا ما نبيها بالصيف ملينا من انتخابات الصيف

ودمتم

Charisma said...

يعجبونى الشباب اول المعلقين على الموضوع هههههههههههههههه
مشارى : فال الله ولا فالك اسم الله علينا
نخش باا على الحلوين حبايبى الى اموت عليهممممممممم ريماا وفطوووووووووووووم لوووووووووووووووووووووووول عجبنى المشروووووع ههههههههه ريمه من وين يتلج هالفكره ههههههههه عاجيبه انا اظم صوتى لكم وعندى اقتراح
اولا لازم ستاندات دايت سنتر ودايت كيير
ثانيا: ما نبى بس دى جى لالا نبى انتعاقد مع مطربات وطقاقات حق الفصلات عدل
ثالثا: جكوزى
رابعا : ما نبى خزنى واخزك نبى بنات مثل مودنا نبى نستانس خزنى واخزك تطلع بيتهم وخلونى انا مشرفه همله خزنى واخزك
خامسا: جم اصغير على كتر جنه مو لنا حق الى يبى يتدرب

حلاته ادشين هالمكان مو ناقصج شى كلشى موجود ،، اقتراح عجيييب

احلى شى بالنقاش لما قلتى ريمه انا فطوووم صافنه لوووووووووووول جنى عينى تشوفها لووول اعرفها اول ما يعجبها شى تخمررررررر تصفن لووول اتينينون وتوكلو على الله بس اضبطون ممول خبرونى

Charisma said...

سورى انا ما انتبهت للاسم مشعل ههههه قذيفه ار بى جى حرام عليك

mishari said...

kitty: هذا مشعل مو مشارى ؟

الفكرة مش بطالة لكن اذا مسؤولة الفحص مالت الشواذ عطوها رشوة ؟ شنو نسوى ؟ هذا سؤال؟
السؤال الثانى
ليش قوالب سيليكون شسون فيهم
السؤال الثالث
ليش ما تسون يوم البنت اللى بتدخل بحضور شباب كيفيها ويصير مثلا يوم بالاسبوع شباب وبنات
وراسكم يصير ضرب مو طبيعى
وايام الحريم خلونا انا على البار اتطمش واسوى خلطات
ناريل وسفن اب
دارسين وبيبسى
قوالب ثلج مع عصير ليمون
ومزة انييب لكم بدر البدور
الله لا يغير عليكم عقلياتكم اللى بتودينا وطى الحمدالله ان بلوق ومحد يتبنى افكاركم
واشوة ان كل وحدة وراها اهل :))) والا جان الكويت باى باى

Charisma said...

بسم الله مشارى مو قلنا غلطناا بالاسم ههههههههه عبالى انت انزين اشدعوه عاد اشصار الحين هههههههه داش تقول هذا مشعل

HaaMooR said...

Reema.. 3aad taadreein.. maraa7 eyoon banaat bedaam mafee shaabaab..

There has to be some salt in it..

an example... when they turned down sal7eya in 90's to be just for families .. All girls guit going there..

Girl go to places to see guys too..

and Yeah they want to shake it anf feel someone watching and injoying what are they doing .. believe me..

lets be honest here :P

maraa7 yenjee7 elmokaan without MALES present :P

I will donate 20 KD :P

mishari said...

kityy :انتى من الناس اللى احترمها وتمونين واللى تبينه قوليه مرخوصة :)
افا عليج انا بس كنت اصحح يا بنت عمى :)

Q8-eye said...

هذي لبنان وماتسوي...هذي أفكار (سوليديرية)
الصراحة فكرة حلوة دام انها للنساء فقط!!

لان الصراحة ربعنا(الشباب) مو كفو ولا شايفين خير(مابي أوضح(


دام جذي السالفة...آنه مستعد أكون صوب المالية(عشان اكون بعيد عن الشبهات)

ثانيا: سن الدخول من جم؟

BaLqEeS said...

والله فراغه

mishari said...

Balqees :جنه
عطيتهم 3\0 :)

HaaMooR said...

q8-eye..

laaish mo kafoo oo mo shaayfeer khaair ?? tell us..

ashoofeech enty laah-thaa men el7ein warra elmaaleya..

eee.. gooleelenaa .. 3ashaan enshalaa manefheemech ghalaa6 ..

FREEQ8 said...

ررررييييييم
أنااقول خوش فكره000 ولاتدخلون الشباب
وبعدين خنسويها شركه مقفله000 ونزلها البورصه أنا مستعد أساهم فيها000وأسوقها لكم
وترى الحلقه الأولى من الذكريات أنزلت يوزي من هل الافكار ومري علينا

tweety said...

لووووووووووول
اعجبتني الفكرة
وأنا بعد وياكم :p
بس يصير لي الساعة 10 بالكثير عشان ما يقولون الاهل تأخرتوا
واللي يبي من الشباب يسوون لهم اهم بعد مشروع مثله
يعني مايصير ننطر من عرس لي عرس عشان نردح بس يا ريت يصير قسم حق الحريم الكبار بعد يمكن ودهم يرقصون سامري لووووووول

NewMe said...

فكرة
جنونية خيالية
روووووووووووعة

هذي الأفكار ولا بلاش
بس لا تنسون
تحولون المشروع إلى سلسلة خليجية
من صج برنامج ولا أروع

بدال ما أحنى كل أسبوع
مو عارفين وين نطق بويهنا
هذا الحجي
ترى بيصير الدم لين لركب
والحجوزات قبل بشهور

لا يكسرون
مجاديفكم الجماعة
تري نبي وناسة
ومحد بيقول لا

أطيب تحية

Q8-eye said...

haamoor...

حبيبي هامور لحظة حجي أنا صبي مو بنيه!!(قولي مو قوليلي)
^_^

اهو تدري اذا كان النادي بس حق (الليديز) لازم آدم يشارك بالموضوع...ودام السالفه فيها فلوس مانقول لا ونا اخوك
هذا كلا طبعا بعد موافقت المدير العام
reema

اما عن ربعنا الشباب انا رايي انهم ما يشاركون (بدون اختلاط) عشان البنيات ياخذون راحتهم بدون تلعوز ربعنا

الشباب اربع انواع:أولهم
قوله خمس زرارت وعقال ميالي!وانته رايح
هذوله مانبيهم ايوطوطون النادي

ثانيا عندك نوعية (أبي اظبط)هذوله لزقه او ماينعطون ويه

انا شايف الشباب شيسوون بره...الله لا يورييييييييك أغلبهم من هالنوعيتين
إلا من رحم ربك

في النوعيه الثالثه (أبي اطالع بس مستحي)هذوله خوش ناس بس شغل من تحت لي تحت ما ادري شنو راي الادارة بهالنوع

اما النوع الرابع والاخير هم اصحاب الاخلاق العالية و الصفات الحميدة(مثلي ومثل هامور وباجي شباب البلوج) الي ما عندنا سوالف يمين يسار ولف ودوران سوالف بنات وغيرة

ادري (قرقت وايد) بس هذي تشكيله مبدئية للشركة شرايكم؟؟

reema:المدير العام
نائب المدير العام:فطوووووم
q8-eye:المالية
freeq8:الإعلان والتسويق
haamoor:لجنة النظام
mishari:البوفيه
kitty:لجنة رفع المعنويات (حق المتان)و
balqees:لجنة تثبيط الهمم(حق الظعاف)و
mishal:محامي النادي
tweety:العلاقات العامةوالرفق بالمسنيين

نون النساء said...

خخخخخخخخخخخ

ما عندي امكانيات تقدر تتبنى مشروعكم

بسس انا يازلي صراحة

حده فنتق


بس ها عاد مو تشلخونا بالأسعار
علشان ما نصفن نص الشهر عند باب دار أبوي

ويبااا عندك دينار سلف ايلين المعاش

ههههههههههههههههههههههههه

neelaah said...
This comment has been removed by a blog administrator.
neelaah said...

انا و بله
نشتغل بودي جارد

و اللي تمصخها
وتشاغب

بنطقها طق
و فنااااااااااااجر

لي الباب

HaaMooR said...

q8-eye , saamee7na .. madaraait..

Khalaas , i will talk to Reemah give you a better position ..

ana emwaefeg 3alaa salfaat elnethaam...

oo thaaneyaan traa nesaait lawyer.. ma3aa6aatooha position... shefeekoom men elsaaanhaa el7eein .. allaah yaaster.. add her add her.. :P

HaaMooR said...

36 lekhrafy ... 28 alsa3doon !!??

Mnoo khawaaan ? wallaa gaahaar ..

Allaah yaaster

القلجاوى said...

بحقيقى ، انتو ناس فاضي ، ما عندكم عمل ، ولا فكر ، نادى ليلى ، عشان تنبسطوا فيه ، والعالم العربى محتل وشعوبه مزاوله ومقهورة ، وفى ناس اخوانكم مش لا قيين حتى العيش الحاف ، نفسى أفهم انتو عايشيين ليه ، وكمان انا دخلت المدونة دى بالصدفة وعاجبانى صورتك ، لكن أفكارك مش ممكن
على العموم دى أفكار ناس فاضية ، بلا وجع قلب سلام

FREEQ8 said...

q8-eye
يا الشيطانه... شدراك أني دارس تسويق أنها تخصصي الدراسي ولب عملي..بس مبين نيله تصلح -بودي غارد-وأكيد أهي قويه
ونعم التسويق ما راح يخاطب بالاعلان الفئه التي لاتريدونها
والأسم لابد أن يتغير ويصبح - نادي الصبيا- وتكون الشركه شركه قابضه لأن الأنشطه فيها وايده ومتنوعه
وزروني كل سنه مره حرام تنسوني بالمره

Q8-eye said...

انا طول المدة حسبالي (لوير) اهيه فطوووم!!!صح؟

يا السيول السميرية ما تزعلش بأه!!
كل ليله بعد العشا مسؤول البوفيه
وهو مشاري راح يجمع الاكل الزايد ونعطيه الجهات الخيرية، مع العلم بأن
5%راح تخصص
من الارباح للجمعيات الخيرية

ثانيا راح يكون مكان محترم مافيه خربطة لأن هامور موجود بالنظام :) والفكرة انه نحفظ بنات الديرة من الخراب!!

شرايكم فيني (متحدث صح؟؟(

لجنة الامر بالمعروف والنهي عن المنكر:السيول السميرية
neelaah:مراقبة القاعة الرئيسية
newme:مسؤولة التذاكر و الحجوزات

ناطرين توقيع المدير العام
^_^

HaaMooR said...

q8-eye

3adel kalamek..

Fe6 fe6 ehyaa Lawyer :P

tweety said...

q8-eye
لووووووووووووووووووول
صراحة موتني من الضحك على تصنيف الشباب
ودام حاطني علاقات عامة ورعاية المسنين أعدكم انشالله بأداء مهامي على أكمل وجه وأحط اقتراح استضافة فنان أو فنانة كل اربعا وحق الكبار انييب القصار والا الردهان كل خميس
بالاضافة الى تنظيم مهرجان سنوي للرقص
وسحب على تذاكر الدخول
وقاعات مخصصة للزائرات الخليجيات اللي راح يزورونا في الويك اند حيث نقدم لهم كل انواع الرقصات : الهبان , الليوة, النقازي , البداوي, المعلاية
بس ننطر موافقة الادارة

Яeema said...

ممكن ما أرد ألحين؟

أبي أنطر باجي الإبداعات

مبدئيا
موافقة علي ترتيب

q8-eye

has been accepted

أنا مو دكتاتورية
أحب أسمع أصحاب المناصب يتكلمون

reema:المدير العام
نائب المدير العام:فطوووووم
q8-eye:المالية
freeq8:الإعلان والتسويق
haamoor:لجنة النظام
mishari:البوفيه
kitty:لجنة رفع المعنويات (حق المتان)و
balqees:لجنة تثبيط الهمم(حق الظعاف)و
mishal:محامي النادي
tweety:العلاقات العامةوالرفق بالمسنيين

بس عندي تعليق بسيط
جنا بلقيس ما إتحب تنضم للفكرة؟


السيول السميرية
هي مجرد مزحة لتخفيف توتر الإنتخابات
بلدنا و الحمد لله ليس مثل بلدكم فيها مراقص و رقاصات
و الخمر و الكازينو
فأتوقع الكلام لكم أنتم من ترون المنكر و الحرام و لا تستطيعون تغييرة


لا استطيع الا ان اقول كما قيل عنهم : نسائهم لعب ورجالهم طرب تجمعهم طبلة وتفرقهم عصا.


لو تستطيع إنقاذ الشعوب لن يكون عن طريق الكتابة و لكن العمل الجاد

الحمد لله أن أفكارنا الفاضية فقط بالكتابة هنا و لا تتعدي هذا المكان
و لكن تجد أن بلدكم من الأزل تقوم بالحرام و لم تستطيعوا تغييرها
و مني لكم أحلا تحية


سامحوني يا جماعة سوف أعلق لاحقا
تدرون ويك إند بطلع الورعان

Fuzzy said...

nice idea, i'll donate .000001 % of my income :)

check out this www.justcavallicafe.com/

could be a nice design for a Cafe/club

layal said...

خوش فكره بس عاد تحملي كل يوم هوشه
ومطاقق بين النسوان
وهاذي خزتني وهذي تعلق علي ثياب هذي
وكل يوم مكسرين لج شي
ممكن تحطون شراب كاديه الملون ازرق ووردي واخضر (شغل عدل
بدل مشروبات مشاري دارسين ؟
ناريل؟
اش رايك بخلطة ماي ورد وزعفران ؟

Enter-Q8 said...

يا ربي سترك

شنو اللي صاير

انزين متى يسكر النادي الليلي

تدرون اشلون

انا مالي شغل

خليني لاهي بدوامي

وانا علي اقساط يعني ما فيه فايده ماكو دعم

الا اذا اسطوا القروض

يعني بالمشمش

lawyer said...

احم احم نحن هنا دشيت عليكم لقيت 34 كومنت اخترعت دقيت على الطباخ

الووووووووووو عمة بعينك سولي مطاره شاي فله اسود

يالله اكيف الراس الصعيدي هذا و ارد عليكم

انا ما فتحت البار و السالفه فيها صرقعه

عيل لو تدرون المايكروف و المطامر شنو يعني اشسويتوو ههههههههههه

lawyer said...

مشعل
هههههههههههههههههه طفى طفى اعووذ بالله

من اوووول يوم على الاقل خلنا نطلع راس مالنا ههههههههه

عادي اذا اسحبوني المخفر محاميه داشه ادافع محد يدري اني انا المتهمه :)




كويتي
اهلا اهلا
الموقع راح يكون في احد اليخوت الي في مرسى المارينا مول

تفضضضضضضضضضضل
انشر الاشاعه بليز



هامووووووور
هلا بالطش و الرش

اي انا عجيبه عيل اشلون عيل
مو اقولك انا عقليه اقتصاديه مهدره
افا علييييييييييك

بدال ما قاعدين في قهوه جبله 24 ساعه
خيفكرون ويانا
هههههههههههههه
لا احنا منطقين منطقين


سلوجا بلوجا
هههههههههههههه انت قلتها يوم الشباب ماكو شباب
عيل ليش يسوون لهم
ههههه
اي اووف انتخابات الصيف ظيممممممم



كيتي
هلا بالزيييييييييييييين كلا يا ربي من اشوفج ينشرح قلبي

يا عمري
لا تعقديني و لا تجرحين مشاعر المتان الي مثلي
لو سمحتي مو كافي ريما طبت فينا
و انتي يايه اتكملين علينا دايت سنتر
خووووووووو داشين ديسكو احنا
مو داشيييييييين العوضي كلينك

و الطقاقات علييييييييج

هههههههههه
اما الفصله تخصصج
انشاء الله اناااااا على فصلاتج بدش مخاافر

اما الجكووزي وايد خطر
لان الشذووذ اكيد متسدحين و متبطحين في الجاكووزي

خوووووووووو مرقص هذا مو سبا تايم

lawyer said...

مشاري
ابشرررررررررررك انا مسؤله الشوااذ
و حدي حدي ذمتي وسيعه و درجي مفتووح و مخباتي بعد

عاادي ارضى ما عندي ماانع

نعين و نعاون

قوالب السيلكون سالفه اندر ايج اقولها لك في الماسنجر بس هدف غير شريف

لااااااااا لاااااااا
انا حجره
ما ارضى اختلااط
تدري احنا نياده
ما نرضى حريمنا يكشفون على الرياييل
و خزيااااااااااااه بس وخزياه




هامووووووور
لا بيون البنات و بتشوووووووووف الطق مطاقق

بينجح و بتشوووووووووف
افا عليك
ترااااااهن ؟؟
اذا انا ربحت تعطيني شاليه في بنيدر و اذا انت ربحت اشتريلك جيس بنك


كويت اي
السن يبدا من 18


بلقيس
شكرا :)



فري كويت
اي يالله سو لنا محفظه ماليه و احنا حاظرين
:)



تويتي
اي صاااااااااجه هذا صج ديسكو بس محتررررررم
ما نبي لي وقت متأخر

الحريم الكبار يرقصوون في الويك اند في اليمعه



مينيو
اي افا علييييييييييج

تدرين اذا نجحها و استمتعنا في البيزاات
بنتوسع
مثل الشااااااايع

و بيصير ديسكووووو انترناشونال



نون النساء
المشكله مووووووو جذي

المشكله اذا قالج ابوج ليش
و قلتيله برووح الديسكوووووو

اتييج النعال النيديه
و التميمه
طرباااااااااااخ

و الا على الطووفه خووش برنت
ههههههههههههه




نيله
هلا هلا هلا

افا عليكم
حياكم الله
المكان مكانكم
خلاص عليكم انتو سلطه الاف بي اي و الفناجر عاد ما اوصيكم

lawyer said...

ريما
هلا بالحب كلا

اي بلييييييييييييز طلعي الورعان
وكليهم برد ترا يكسروون الخاطر
دش شهر 8 و اعيالج لي الحين ماكلو بردد
اشوه انج مو امي

وايد هيلثي و عليج قوانين صااااااااااارمه


فزي
اي كافالي و ارماني كافي في ميلانو شي خياااااااااااال



ليال
هههههههههههه
اي والله صاجه
بس مالنا شغل هذا تخصص بلا ونيله
و انا احترم التخصصات


انتر كويت
هلااااااااااااا بالطيب هلا
ههههههههههههههه
اي خير انشاء الله
اقوووووووووول اشفيك
مو احنا في عهد جديد

خلك كوووووووووووووووول

mishari said...

اى لان كويتى ممنوع لو ايكم لبنانى والا اجنبى جان ماكو شى ما بطلتوه بس
مقيوووووووووووووووولة
صخلة الفريج
ما تحب الا التيس الغريب

;)
وموتوا حرة لبنان
بالروشة
after 8
الكويتين طايحين اهناك كل واحد مع لبنانية
بمشروعكم اللى بودينى وطى
بعدين الفلوووووووس عندى ما تروح حق احد ثانى انا البنك

HaaMooR said...

Mishari ...


eee wallaah oo entaa elsaaj..

el kuwaiti mayseer.. ghaairaa 3aady..

esaaaweee eleey esaawee...

Laaish maadree...

khoo ehwaa nafsnaa .. MALE :P

bass maadree laal7eein shnoo elseer ?

Lawyer afeedeeenaa..

Mini Я. said...

ma taboon bartender? i can make great cocktails. ;)

reema..i love the way how you only think of such things early in the morning only..before your coffee even!

ra7 atbara3 lekum my disco ball oo 70's music.

oo please..change your music yuba..elissa mo shay :/

Яeema said...

mishari:
لا تييييس ولا ثووور

و بعدين لبنان سكرت
لا مطار ولا روشة
مالكم إلا المحلي

hehehehehehehe
hehehehehehee

والله قاعدة أحاتي أمي و خالتي إهناك
ما يبون يرجعون ، خبرك صامدين ما تفرق وياهم ، مشكلة لعناد


لفلوس ما إتروح إلا حق النيادة
هاهاهاهاهاه
يصرفون شهادة وفاة للدينار من يدخل جيبهم

haamoor
الله يخلييييييييك
أنا عندي والله لكويتي أحلا و دمة خفيف و نظيف و ما يدقر
ما يدقر إلا زوجته
هاهاهاهاهاه
ماني طابة بأي أحد بس والله إنحبكم ، بس المشكلة نبي تفرقة جنسية إشوية
يعني وحدة متزوجة بتوسع صدرها إشوي
فا ما تبي لا كويتي ولا لبناني

و عليكم بالعافية بلبنان
لبنان بتفتحلك إيييده بس إفتح جيبك
هاهاهاها
أما الكويتية وعليو عليها تفتح إييدها و تفتح جيبها


mini-r:

walla eeee naby o tharoory ba3ad
bas feek 3eeeb
your a male o mamno3 lekhtela6

bas etha tekon el trainner for the female bartender it's OK with me, and we will give you the job of doing all this and keeping the menu

ya3ny 7ogoog 6ab3 o bara2at ekhtera3 ma7footha 7aggik.

min gaal i didnt drink my coffee , it was with me from home :)

walla about elissa , lamma terkab your car 7eee6 any CD tabeeeh
in my car gheer elissa ma asma3 now

tweety said...

مشاري
بيروت هالحزه وبالروشة الحو حر ورطوبة
اتييب القامت حتى السوليدير ما ينبغى

tweety said...

ريما
حسافة والله ضربوا مطار بيروت يعلهم الضربة
عاد كان عندي اقتراح انييب وائل كفوري وفضل شاكر ورامي عياش
ونكيد العواذل المحترين
:p

deleted said...

مشروووووووع حدددده فصللله ههههههه

اصلا كلمة قووووووي .. اشوية على مشرووووعكم امنين لكم هالخيااااااال .. ؟؟؟
والله حتى انا صفنت وانا اقرا اقوول صج جررئ .. بس عقب ما راحت السكرة ويت الفكرة، قلت يعني على جرأته الا انه حددده بررررىء ما فيه شي، مثله مثل العروووس .. مو؟
جان زين عاد حمد .. اخو ناصر يشوف هالشغل لانه اهو اساسا متهدد على فيلجا من زمان، شغل مشاريع سياحية .. ودكم تضبططط ؟؟ لان ترى هالبوست زائد اقتراحاتكم طلع دراسة جدوي اقتصادية كاملة .. وبالمرة كون المشروع حريمي بحت .. صبغة العبّارات وردددي مافيها كلام

يالله وهذي نقصصصه مني لكم.. لزوم الافتتاحية >>
http://www.9q9q.net/up2/index.php?f=FfBoOk0W
سامري بس تفصال على مشروعكمممم

اامووووفق مقدماااااا :)



ملاحظه مالها شغل: ريما .. هالمقرووود صج ما سوت عليه هالكلمتين.. هههه انا اللي مالي شغل اندقرررررت .. اهو شلون .. لووول
شغل باربكيوا اهني؟؟

Яeema said...

tweety :
أعتقد بعض ضربة لبنان و الحصار راح تكون أجورهم منخفضة
ماكو شغل الحين بلبنان
كل الأماكن مسكرة

و علي مشاري خليهم يروحون وجربون
مع لرطوبة و أكلة التبولة الريحة مالها والي
خايهم خليهم
هاهاهاهاها
ما شمو الصنة إهناك و كل ساعه طافية الكهربا

Яeema said...

kuwaiti*4*ever:
ما تدري عن عقليتي التجارية البحتة و الوناسة؟

أثنين صعب يجتمعون
هذا إللي يميزني
loooooooooooooooooooooooool

الفكرة يات من إن نبي مكان نظيف بدون تكلف لعروس
بس

و همن رياضة الرقص بدل ما يحطونا بسراديب و ترقص بشورت حار نايلون حق الضعف

المشروع والله نظيف حدة
كاميرات مراقبه و نظيف و كلاس

والله ودنا بهالمشروع
بس مادري صعبة يتطبق لازم شيخ يتبناه

ملاحظة لها شغل : لحد يتفلسف على راسي ما فهم البوست و الغرض منه لا يعلق ، بس ما يطب في عقلياتنا
هذي قلة أدب و الواحد لازم يلزم إحدودة معانا
لازم أكتب عن قضية فلسطين عشان أكون صاحبة فكر

لو هالناس فيها خير حق نفسها أول جان ما تردت شعوبها
و بكون وليه علي كل الشعوب العربية و الإسلامية و الفقيرة و إللي ما يوصلها الماي

إسمحلي مو منطق
;)
إللي بيته من زجاج لا يحذف الناس بالصخر
هم إحنا عندنا إلسان أطول من أطول رجل بالعالم
بس أخلاقياتنا تمنعنا من إن إنجرح عقليات الغير

لو كل كلب عوا ألقمته حجرا ، لكان مثقال الحجر بدينار

تحياتي للي ينبح

deleted said...

لووول

لا والله خوش فكررة .. ترى اليوم غشمرة ما تدرين باجر يمكن اتصيرر صج
وعلى سالفة الشيخ.. قلت لج اهو جاهززز
ومتهدد على فيلجــا .. وعلى قولتج .. دام ان الهدف ترويحي ورياضي فلا اتحاتين .. يمشي يعني يمشي
رياضي شغل يروووبكس مثلا
وترويحي مادري .. اللي يناسبكم
وآخر شي المشتركة اتطق لها دورة وحدة ركض على الجزيرة .. وبجذيه تختم يومها

اما سالفة الاخ.. لا والله زين سويتي فيه، وكلامج كان في محله.. يعني المشكلة اللي يستشرف بزيادة يبيّن ومكشوف .. يعني شوفوني ترى انا السنع وقلبي على فلسطين.. وتلقينه بالصج ساكن اجبال مرقص ولا بار ومو قادر يقول حرف..

Яeema said...

kuwaiti*4*ever :
أقـــــــــول !؛

أمه كلش مو داعيتله طاب
عندي و إستلمته

هاهاهاها

FREEQ8 said...

ريما ....ولوير...وتويتي ...ومشاري

الرجاء عدم البوح بالاسرار الخاصه بالمشروع.. لأنه الاوراق جاهزه علشان نسويها شركه قابضه مقفله.. وعلشان لايبوقون الفكره منا.. ترى سجلتها في حقوق الملكيه.. عند غرفه التجاره والصناعه
عاد.... وايد ذابحتنا الصناعه في الكويت
ولأني مدير التسويق.. لذلك قررنا دعوة المساهمين للأكتتاب العام ....وستكون الدعوات خاصه حق خشمك أذنك ...ومو حق كل من هب ودب
وانا مع ريما ولوير نعم للأنتاج المحلي أحسن من المستورد
بعدين المستورد ما يعرف الرقص
السامري ...واحنا في الشركه نشجع التراث

ريما .....أدري تبين تطقيني ...وتقولين لي روح أكتب الذكريات.... لأنك علقتنا علشان جذي راح أمشي... بس لي تعيق واحد الله يهداه ..... كويت 4 أيفر... ما لقى صوره ثانيه حق الشعار ماله الا هذه الصوره .... خرعني عبالي ايده مكسوره وماخذ أشعه
لاتزعل خشمره..... هاهاهاها

Яeema said...

freeq8:
أقول
أولا مشكور و ما قصرت
و ما نستغني عن خدمات الشباب الواعد و إللي إتهمه مصلحت بنات ديرته
و حقوقنا محفوظة مدام فيها مثلك و شرواك

تشنه السالفة إقلبت جد
هاهاهاها
بديت أصدق إني المدير العام التنفيذي و الإداري بعد

علي الإنتاج المحلي نظيف بعد
هدفنا بريء 100%؛

باجر الحريم بيخف وزنهم و بتخف حنتهم
ساعة و ترجع بكل طاقتها
لا إتحن علي ريل و لا تلبح علي لعيال

والله مشروع ترفيني عجيب و كلاس

علي ذكرياتك
صج لما فتحت الصفحة و شفت سياسة
من الحرة علقت علي الموضوع إللي قبله

كويتي فور إيفر كل إسبوع له صورة يديدة ، مرة ليت مكسور و الظاهر عقب الليت خذا أشعة حق إييدة

كويتي إنت عزيز و غالي لا تزعل من قشمرتنا

أعرفك و أدري روحك رياضية

tweety said...

بناء على تعليمات السيد مدير التسويق والاعلان في هذا المشروع وهوالسيد فري كويت
امتنع عن الإدلاء بأي معلومات او اقتراحات خاصة بالديسكو حتى اشعار آخر
وعلى خواتنا المتحمسات التريث لحين إكتمال الهيكل التنظيمي
ريما + لوير+فري كويت
نبي شعار حق المشروع

Chai-7aleeb said...

AMAZING IDEA.

Charisma said...

اسم الله عليكم الرحمن الرحيم الواحد ما يقط له جم يوم كل هذا يصيييييييييير
اولا : مشارى ما قصرت
ثانيا: ريمه حبيبتى انا موافقه على لجنه رفع معنويات حق المتان بس فى الاهم وانتو تجاهلتوووو ترى ما يصير جذىىىىى انا ابى اكون فى لجنه الاشراف بالداخل على خزنى واخزك وانا كلى حماس على هاللجنه !! وضروره بالمكان لراحه الجميع وهاللجنه ما تتعارض مع اى احد ترى هااا اشفيكممممممم

ثالثا : ليال حبيبتى افا عليج ترى المكان ما فيه هيلق وانا اضمن لج هالكلام وانا بكون مشرفه فى لجنه خزنى واخزك وما اعتقد بنات الناس بكسرون شى لا اتحاتين

رابعا : لووووووووير حبى الابدى لوير قولى لا اله الا الله ،، استاندات الدايت كير والدايت سنتر ابنتحطططططططط وبتاكلين منهم انا مشرفه لجنه رفع المعنويات افا عليج بس لا اجابلج واخليج دق العود ،، وتروحين اطبين عند الضعاف تطحسين عندهم بدون بارتشنات لووول وتكونين احسن منهم بعد ههههههه نخش با على الطقاقات انا من الحين شفتلكم طقاقتين وبنييب فطومه بس ارتفع سعرها ،، لما كاسرتها قالتلى اتغنى واهيه قاعدا ارخص من وهيا واقفه ،، عاد قتلها اراجع اللجنه الماليه ،،q8-eye هااا شرايك تبونها واقفه ولا قاعدا

لوير شذوذ ما راح يدشون ما لهم مكان عندنا فالجاكوزى بنحطه ترى وايد نحتاجه وليش ما يكون سبااااا هدفنا ان المكان ما ينقصا شى ويكون مريحححححححححح اخر راحه
فصلاتى بحاول انها ما توصلنا للمخافر هالمره ههههههههه

سلامى للجميع

Charisma said...

ريمه حبيبتى انشاءالله ماكو الا العافيه على اهلج ،، بس والله لو يردون ترى احسن وايد الله يحفظهم يا رب
حتى انا اهلى هناك الله يستر بستره

HaaMooR said...

3ala saalfaat el diet care... betwaafroon Care free :P

ma3aa haal haazz oo elnaa6..

lazeeem Care free.. :P

Q8-eye said...

kitty

انا اقول انسجل صوتهه ونحطة وره الستارة....وااايد ارخص!!!

ثانيا.....يا جماعة ترى ما يصير جذي

:(

ال20 دينار الي تبرع فيهم هاممممور حطيتهم بالحصالة من ذاك اليوم...واحد ياي وصرف ال20
ورجع الباجي

7.350 فلس!!!

هذي اولهه؟؟!!

Charisma said...

Haamoor : loooooooooooooooooooooooooooooooool bd33333333333t sh6raaa 3leek hehehehe wenta sh3rfk fi hal swalf way thb7tniii the7kkkkkkk

Charisma said...

q8-eye : والله هم فكره بس مو وناسه يختك حلاته جدامنه بعدين لا تنسى اكو ديجى فما سوينه شى نحط شريطها وخلاص
لا لا حلاتها جدامنه بس انا اقول خل تكون قاعده ابرك خلنا احنا بنكون واقفين نطحس فخلها قاعدا

Яeema said...

tweety:
smart idea !

من يتبرع حق هالفكرة ويصمم شعار للنادي الذرب البريء


chai-7aleeb:
want to join with us ?

KITTY !

راح أخليج في ركن الرشاقة بالنادي ما نبي إنذيق خلق أحد
يكون ركن
GOLDEN VIP

يكون فيه سبا و مأكولات للرجيم
و لج منه 30 % نظير إدارة

أما باجي المحل و المطعم راح إنقدم فيه ركن إيطالي
و ركن السوشي حق الشوح
وركن كويتي فيه جميع أنواع المعبوج و القبوط و الديزيرت
صب القفشة و زلابية
و رهش حق إختي و حبيبتي فطوووم
و يوم بالإسبوع بنقدم مطبق و دهن عداني

HAMOOOOOOOOOOOOR!!!!
weeeeey weeeeeeeeeeeeeey weeeeeeeey weeeeeeeeeeeeeeey
esh'hathaaaaaaaaaaaaaaaaa

ya 7a9rat galby walla

9ara7a e7na ma fakkarna

الله يسلم فكرتك حلوة
راح أطبقها بالحمامات و إنت بكرامة ، شفت حمامات هارودز؟؟

في جهاز يبيع منتجات الحريم كلها
داخل الحمام
هاهاهاهاهاها

أمبيييييييييييه قشيييت من الضحك ، بس ممكن سؤال ؟
إتطالع وايد دعايات؟

q8-eye

فكر إقتصادي بحت
جني برقيك بخليك المدير المالي
هاهاهاهاها

FREEQ8 said...

ريما
سلامات على الولده سمعت ان الموجدين راح يطلعونهم عن طريق سوريه وأعتقد أنهم طلعوا
===================================
وراح نسوي لجنة تأسيس للشركه مثل ما اقترحت اعتقد لوير أو كيتي
وأكيد الأنتاج المحلي 200% أنضف وأعفف وأرقي وأفضل من المستورد وغايتي شريفه
وهذه قناعه لاتتغير ولاتتبدل

Яeema said...

freeq8:
باجر إنشاء الله ريلي بروح سوريا إييب والدته ووالدتي و أخوي و سيارتين راح ينتظرونهم في بيروت من جماعتنا عند باب البيت و إنشاء الله أهما برعاية الرحمن إللي عينه ما تنام

إدعولهم الله يسمح دربهم يا رب


==================================
زوجي توه يقوللي كل من بوستج هذا فقرنا قبل لا تبنونه
نوعة اليوم مرابط بالبيت و معانا عالخط بالتعليقات بس ما قريتلة تعليقات إللي خبرك و علمك

هاهاهاهاهاها

lawyer said...

كيتي
فطووووومه اذا واقفه اغلى؟؟
لا يبا احتا حضر و نياده ما ندفع
ماكو منسدحه ارخصصصصصصصص؟؟؟؟


هامووووووور

لا تعليق



اخواني و اخواتي ديربالكم من فري كويت
تراااااااااااااا سلفي
اهو هيئه الامر بالمعرووف عندنا
ههههههههههههههههههههه

lawyer said...

ريماااااااااااااااااااااا

الله يلووم الي يلومكم
يووووووووووم طويل بالنسبه لكم
عسى الله يطمنج على اهلج يا ر ب

LaiaLy_q8 said...

9ara7aa fekraa 7ilwaa :)

NaDiA AnZa7a said...

اختي ريما واختي فطوم .. الحين ايقنت تماما ان حرارة الشمس اضربت في راسكم وعاملة عمايلها معاكم
:)))
وساح المخ على المخيخ وكل على بعضوا
فكرة مش بطاله واقترح ان اكون انا الراقصة المعتمدة في هذا النادي
:)

وبما اني لغيت بلوقي
فاطلب منكم انكم تكتبون بوست عن لبنان الجريح .. لبنان اللي حبكم وحبيتوه .. وادعوا ان الله يحفظ شعبة وبالاخص اهلي

R7eeq said...

@@

بدعتي انتي ,,, عليج حرص على الفتياه مو طبيعي ,,,

اهم شي الصالون الله يعافيج ,, مانبي كشيش ,,

هم تتعب النفسيه ,,

deleted said...

freeq8
تبي الصج ؟؟ اهي صورة اتووّوحش ..ادري ما توفقت فيها بس الفكرة اني احط صورة فيها بصمة + خمسة .. يعني حررركه
الحين بس اصلاح شامل على وضعي .. حتى النــك بغيرره.. اشطوووله ماله سالفه

Яeema
كويتي فور إيفر
عاجبج هالنك؟؟؟ قصصصه مو نك

لا افا عليج .. لا والله ولا يه في بالي.. ما اقول الا يا زينكم ويا زين غشمرتكم

بس بالنا مشغوول ويه اهالينا .. قاعدين انعابل لهم في الحدود وتضبيط احد بالمطار .. لوووويه .. بس الحمدلله الله سهل لهم الحين .. الله يسهل درب الجميع

Q8LoVeR said...

خوش فكره تمام
بس لازم كل ولي امر يجيك على المكان اول ويعانه بدقه

وثاني شي اذا تبون واحد يسوق لكم اليخت انا حاظر محاميتنا ;p

Anonymous said...

best regards, nice info
credit card security Male impotence cause2fnatural remedy Jenna jameson desnoda trip advisory Pregnant pee desperation Erectile+dysfunction+test Article fdamale impotence drug fast cash $1.1850mg dose erectile dysfunction blue pill sauna kits impotence and effects of marijuana Impotence erectile dysfunction drugs Pmi paintball gun review nh 2006 fishing derby kansas city cooking school Affiliate business finances marketing mlm face lifts