Sunday, July 09, 2006

قرارات


قاعدة أتساءل ؟

ليش الواحد يسوي شي و أهوا مو مقتنع فيه ؟

ليش يحاسب نفسة علي الفعل و هو على علم و دراية ووعي إن هالشي مو عاجبة

ليش يضيق خلقة عشان النتايج يات علي حسب ما توقع ؟

ليش و ليش و ليش

الحياة حلوة و أخطائنا دايما تبني ما إتهد ، تعطينا الخبرة و القناعة والوعي

الحياة بلا أخطاء ، كالطفل الشقي عندما يمرض

كنت أتساءل بس


أخليكم مع عبادي

أبنسحب

17 comments:

Charisma said...

ريمه بالعكس ،، محاسبه النفس تدل على سلامه صاحبها ودايما اذا انت اتحاسبين نفسج على كل شى بالنسبه لى انت انسانه سويه وسليمه ،، احسن من الى ما يحسون ولا يعتبرون

واصدقين مرات ننحط فى مواقف اتخلينا انسوى الشى بدون اقتناع وانا وايد اسويها عشان اسعد ناس احبهم يعنى اجامل على حساب نفسى وفى امور كثيره بعد ،، بس الحمدالله صج انج مو مقتنعه وانت اتسوينه بس الناس الى قاعدا اتسوينلهم هالشى يستاهلون ... فيهون الامر فاهمه قصدى
حلوه الاغنيه وصااجه تلوق مع بوستى هههههه

mishari said...

محاسبة النفس والاستفادة من الخطأ سمة الانسان صاحب الضمير
ووقتنا الحالى صاحب الضمير يطلق عليه بالكويتى
مليق
ثقيل دم
غير محبوب
علشان جذى تلقين هالشخصية تنسحب وتترفع على انها تتدخل او بالاصح تنزل حق مستوى ناس مو بمستواها

تحياتى :)

Яeema said...

kitty :
النقطة اللي تكلمتي عنها صح

إتسوينها عشان ناس إتحبينهم

خارج أخلاقياتج و تنحطين بمواقف محرجة

هذي الحياة

:)

حلوة بمرها قبل حلاتها


mishari :
VIVA ITALIA !
مبروك الكاس

مو قاعدة أتكلم عن محاسبة النفس

أتكلم قبل هالمرحلة

أدري هذا قرار خطأ من الأول ليش أسويه و أحاسب نفسي؟


مثال
الجات بالمسنجر مثلا بدال ما أجابل عيالي

الوقت إللي بضيعا مع إللي يسوي و إللي ما يسوي ألزم فيه بيتي و إعيالي

عمره ما كان صاحب الضمير بالأوصاف إللي وصفتها ، بالعكس

أقصد إهي الندم و إحنا عارفين النهاية قبل لا إتصير

;)

مبروك الكاس مرة ثانية

الحجيه said...

السلام عليكم جميعا

وايد نسوى أشيء أحنا مو مقتنعين فيها والسبب أرضاء الآخرين بس يكون بحدود رضا الله وهذي سنه الحياة في حكمه قديمه تقول ليس الواجب أن تعمل ما تحب بل أن تعمل ما يجب عمله ولو نشوف حياتنا مو كل ألي نحبه نسويه والسبب حتى تستمر عجلة الحياة

يضيق الخلق أذا كان التوقع سيء ويصير وفي حكمه تفاءلوا خيرا تجدوه دايم يا يمه تفاءلي بالخير
وتوكلي على الرحمن

كلنا ما طلعنا من بطون أمهاتنا فهما نين ولكن الحياة علمتنا من أخطائنا وأخطاء غيرنا ونصايح الأهل والأصدقاء ولازم نتعلم نفكر ألف مره قبل أي خطوه نخطيها

صدقتي يا الريم بأخر فقره ياقلب الأم شلون يصير لما احد يمرض من عيالها ألي يسوي ميخالف بس يطيب
بالنهايه ودي اقول لما كنا صغار كان اخوي الي اكبر مني يقولي ليبقيتي تسوين شي شوفي بطقونج او بخانقونج اذا بطقون لا تسوينه وإذا بخانقون فكري وعقب اختاري أي ولا لا كان عمري يومها حوالي 9 سنوات بس تدرين يا يمه الريم أشكثر أنفعتني هال فكره في حيلتي وأرجو الإفادة للجميع

الحجيه said...

السلام عليكم جميعا


الريم يا يمه أحلا وأعظم استثمار بهل دنيا هم الأولاد عطيهم عمرج و وقتك أنشاء الله بتحصدين أحلا و أغلا ثمر بالوجود كله لا تضيع الفرصة منا جميعا و لي نبداء بالاستثمار شقول المثل أسأل مجرب ولا تسأل طبيب لان الزمن القادم مخيف ماراح يحمي أولادنا وبناتنا ألا التأسيس الصحيح لدينهم دون تعصب ولكن بوسطيه وتثبيت القيم وإنشاء الله بيطلعون من الصالحين الأتقياء الأقوياء بالله اللهم آمين يارب العالمين

الريم يا يمه من زمان ما مريتينا

HaaMooR said...

the Humen being like or even loves to take risks... it is an internal pleasure .. we accept it or not.
and this is the way we learn. by making mistake even if we know in advance what we are doing is wrong. it is just we want to see how this effect us in our life and how can we handle it .

and sometimes it is self satisfaction. even though it is wrong..

they say it is smart to learn from your own mistake , but it is WISE to learn from others mistakes.

but th humen being love to feel things .. not just to know about them.. want to how does it taste.

and sometimes we do it .. for sake of doing it .. nothing else.

..

P.S ( maadree enty eshloon you get these Great pics that really represent the issue you post )
:P

Яeema said...

الحجية
أول شي سامحيني علي لقصور و أنا من زمان ما مريت أي أحد ، و ساعات أقرا بس ما أعلق

بعد السفرة صايرة مالي خلق شي

بس أوعدج إني أعلق

الحجية بما إن عندج خبرة بالحياة

ممكن إنعرف منو إللي يحط قوانين الصح و الخطأ؟

إذا كل واحد ياي من بيئة مختلفة
و تربيه مختلفة يعني إشلون إنقيم الأمور من ناحية عقلانية أكثر من إنها ناحية دينية


HaaMoor

i love this word ( internal pleasure )

your 100% right

about smartness and wise

dont you think that what happend to you may not happend to me?

i mean coz the timeing i s diffrent and the person it self also diffrent , so i guess the result is something may be better the the others?

i like the way you say it , really reflect the idea of my post .

p.s ( it's the lady tuch here :p )

i will send you the site , it's very nice one , bas el raak 3ala elthoog :p

FREEQ8 said...

الانسان ساعات يدري الى يسوسه غلط ويسويه
أنا أعتقد أن الفضول والتجربه الجديده والمغامره كل هذه العوامل تساعد على أرتكاب الاعمال الخاطئه
والمحاسبه هي دليل النفس التي تملائها الحياه وهي التي اقسم بها الله عز وجل -النفس اللوامه-وهي أفضل أنواع الأنفس وهي التي تحاسب نفسها وتطورها نحوالافضل وتوصلها الى النجاة

الحجيه said...

السلام عليكم جميعا

بحاول أجاوب على سوئا لج يا يمه الريم أول شيء خلينا نتفق أن أساس تعاملنا هو الدين لان سبحانه نظم لنا كل شيء ما تخيلين شلون كل صغيره أو كبيره وضحها لنا سبحانه عن طريق رسله عليهم ألف الصلاة والقران الكريم الدين معامله مو تعصب وبالنسبة لصح والخطأ نتعلمه من أهلنا والبيئة ألي نعيش فيها ولهذا السبب نشوف أخلاق مختلفة باختلاف البيئة والدين حتى نقيم الخطاء اعتقد كل شيء يضر الإنسان أو يؤثر عليه سلبا يعتبر خطأ والعكس صحيح ما ادري هذا بتصوري أبسط تعبير عن الصح والخطأ وبالأخر لنتذكر أن لولا قوانين الله سبحانه لعاش العالم كالغابة القوي يفوز والضعيف يضيع لله الحمد والشكر والهم ادم علينا نعمة الأيمان وبارك لنا بكل شيء اللهم آمين
اللَّهُمَّ إِنِّي أَسْأَلُك مِن خَيرِ ما سأَلَكَ مِنْهُ نبيُّكَ مُحَمَّدٌ صَلّى اللهُ عَلَيْهِ وسَلَّم ، وأَعُوذُ بِكَ من شَرِّ ما اسْتَعاذَ مِنْهُ نَبيُّكَ مُحمَّدٌ صَلّى اللهُ عَلَيْهِ وسَلَّم ، وَأَنْتَ المُسْتَعَانُ ، وعليْكَ البلاغُ ، ولا حَوْلَ ولا قُوَّةَ إِلاَّ بِاللَّهِ ».

Lord Bin Sleet said...

ريما كملي كتابة وماعليك من احد

وعلى فكرة بهديك قصيدتي الاخيرة تلقينها في المدونه

تحياتي
لورد بن سليت

mishari said...

ناطر موضوع يديد
وايد صايرة تتأخرين

HaaMooR said...

Nope, you case is different .. I dunno about the other part .. :P

but it is totelly Diff :P

Яeema said...

freeeq8:
أنا طاطرة موضوعك بفارغ الصبر

كلامك لا تعليق عليه

المغامرة ملح الحياة

الحجية:
أشكرك علي التوضيح


lord bin sleet:

كلك ذوق والله ، قصيدة أعجز عن مدحها لعمق المشاعر إللي فيها

خليت جو الكويت رومانسي


mishari:
ممكن أشرح إشوية عن المنطق؟

الجو غبار يعني النفسية مو زينه و

معناتها النفسية مو زينة
الله يبعدك عن النفسية
و لما نفسيتي تتعب لازم أطلع
بما إن الجو مو مال طلعة فأنا موجودة بالبيت و بما إن كاس العالم خلص و إطريدو زيدان فتعبت إزيادة

عقب كل هذا تبيني أكتب
تساوى عندي شعور الفرح و الحزن هالأيام

و بعدين مادري إشفيني أحس قاعدة أحن أكثر من إنني بكتب بوست

فشذنب الناس إللي تقرالي

برج السرطان و المزاج لي تعكر

مشكور علي المتابعة
بس ما أحب إن الكتابة تكون إلتزام
متي ما حسيت إنني بكتب فصدقني راح أكتب

Яeema said...

HaaMoor :

wo9al ;)

eshlon el jaw 3indokom?

HaaMooR said...

wallaah eljaaw 3aajeeb...

eljaw mo3tadel .. ma3a reyaa7 shargeyaa gharbeeya.. am6aar khafeefa
erayaa7 10 - 30 KLM/H
el6aagss gha'em :P

laa baraaad oo shaams at the same time :P

eshloon leghbaraa ma3aakom ?

Яeema said...

HaaMoor :
إتعبت نفسيتي زيادة يوم شفت حالة الطقص عندكم
الله يهنيك يا رب و يرزقنا مما رزقكم
والله الطقص غائم من لغبار
و إنخفضت درجة الحرارة من 60 ليييه 40 بسبب إنحجاب الشمس من لغبار
و الدنيا برتقالي
مؤازرتا لنبيها خمسة

barrak said...

فعلا صاحب الضمير مليق بس الجذاب املق بكثير
اعتقد ان الاجابة الاخرى موجوده بركن صغير في مدونتنا المتواضعه
اهديكم قصيده شلون ترضى