Wednesday, July 26, 2006

crazy idea!


لاحظت في الآونة الأخيرة أنني صرت مصدر إزعاج لمن حولي و السبب قد يكون ظاهر بعض الشيء و لاأخفي عليكم أنني صاحبة مزاج متقلب دوما و يحتمل جميع أنواع المزاجات إللي بالعالم.

يوجد مصطلح يطلق عليه بنات أفكاري ،ولا أعلم إن كانت هذه الكلمة تصلح أن تكون لبنت ، و أخاف لو أقول رجال أفكاري و حينها أفهم غلط. المهم سوف أستخدمها مجازا هذه المرة إلي أن يأتينا من يصحح هالكلمة.

كيف تتولد الفكرة عندي و أعيد و أكرر ، هنا أتحدث عن نفسي فقط فإسمحولي بأخذ حاصلي الكلامي هالمرة بدون قيود . ( شكرا حق إللي قاللي إخذي راحتج عزيزة و غالية )

أولا إجتماعية درجة أولي أتكلم مع الكل و بدون إحراج و لا أريد الدخول بتفاصيل إتعور راسكم و تنصدمون و بالتالي إتييبلي عوار الراس تالي.

ثانيا: مستمعة جيدة جدا ، عندما تكلمني شابة أو شاب ، تكون أو يكون كل أهتمامي لما يقولون في هذه اللحظة حتي تليفون أو مسج ما أرد عليه.تهمني الكلمات الخارجة منهم و أخص بالذكر كلا الجنسين لأن مجتمعني عودني من الصغر أن لا فرق بين المرأه و الرجل إذا كان الحديث عام .

أريد أن أنوه هنا أنني سوف أتحدث بصيغة المذكر للسهولة فقط

دايما أفصل بين الشخص و فكره ، لأعطيه الأمان و السرد الذي في بعد الأحيان أأمن بأن الشخص يريد الكلام لمجرد إظهار شيئا ما بداخله ولا أخفي عليكم سرا ، أجد أن من أنواع الراحة النفسية و العلاج أن تستمع لشخص ما و تجد بعد ذلك أن معاملته لك قد تغيرت ، لماذا ؟ الإهتمام بالكلام يعطيه ثقة بنفسه بأنه مهم للشخص الذي أمامه.

من خلال ما أسمع و طبعا هذا شي طبيعي أن أتأثر بمن حولي و لو بجزء بسيط و هو الشيء الذي أحب أن أكون به.

للتوضيح فقط ، لأني فاشلة بنقل فكرة معينة في بالي و أتهم بالنهاية بأنني متمردة و علمانية فراح يكون التوضيح مسهب بعض الشيء.

وجدت أن بالكتابة متنفس للأفكار الزائدة و التي قد تسبب لي ضيقة و تعاسة من حولي.

من ضمن هذه الأفكار التي طرت علي بالي ألحين قصة الحب

صارلي مدة أسمع فلانة تزوجت عن حب و هذي إتحب و هذي قاعدة إتطالع فلم رومانسي و يبجي عن الحب ، تأثرت من كلام من حولي و قمت أردد إنني أريد هالحب .

تعبت نفسيتي أريد الحب العنفواني ! إييييه ضحكوا من صجي أبيه! أبي الحب إللي شفناه أيام أول إللي يصبر عليج و يموت يبي يوصلج و فلم و قصة ورواية !

أول المتضررين من هالفكرة و إللي أزمته وياي ريلي هاهاهاهاهاها

بس ما ألمومة لما يقوللي شالخرابيط و شنو هالأفكار و إشفيج إنتي مراهقة؟

كأني طالبه شيء مستحيل ، إتفقت وياه إني بعامله جني مراهقة أبي أجرب إشوي ، أواعده برة مثلا و أصفط السيارة و أنزل أركب وياه ، ترا و الله يا جماعة شي حلو و فكرة مينونة إتجدد حياة الروتين الممل ، و أكمل لكم كلام عن المشاكل ماكو و كل الكلامي بالغزل و المدح من الصوبين و بالنهاية يوصلني بيتنا ، بس طبعا راح يصفط يمي و ينزل هاهاهاهاهاها

حلوة الفكرة؟

بس عاد منو يطبقها

الله وكيلكم بالمخ موجودة فقط لا غير لو بقولها أعتقد و الله أعلم راح أرجع بيت أهلي هاهاهاها

بتقولون مو صاحية بتقولون في مخي شي قولوا بس والله أنا أمثل الفئه العاجلة المينونة المتزوجة و إللي تعودت علي لفت الإنتباه طول عمرها و بعد الزواج إندور الحب الطفولي المينون بين فترة و فترة من أزواجنا لأن إنحبهم و نقدرهم و لهم كل الإحترام .

أكمل لكم بعدين و سامحوني إذا أي فكرة ضرت أحد فيكم بس و الله ما أٌقصد من وراها إلا كل خير . حدها حدها البلوق و بس أطخ من أكتب ، شسوي طلابة المشاكل.

أقدم إعتذار لكل من علق عندي و لا أستطيع رد الزيارة له أو لها و ذلك لإنشغالي في ظروف بيتي الحلو إللي اليهال مالهم إلا أنا يتهاوشون ويلعبون وياه و نشاطاتي الخارجية توقفت مادري ليش و قاعدة أدور علي روتين جديد في الصيف إلين يستقر الريل وين بسافر و في أي شهر

هذي بروحها يبيلها بوست كامل راح أقولكم عنه في يوم إن الله عطاني عمر إنشاء الله وياكم

29 comments:

kila ma6goog said...

خوش فكرة

بس احتفظي فيها حق نفسك

لوول

مالي خلق تنتشر و زوجتي تقلدك و تبي تتراهق وياي

Fuzzy said...

كله من هالافلام والتلفزيونات تشوفون فيلم مدته ساعه ونص البطل والبطله حياتهم مثاليه غرقانين في الحب والرومانسيه لا ملل لا روتين - يبه فيلم - بس ميخالف اللي تفكرين فيه شي مشروع وجميل ومو غلط ... طبقي الفكرة لما تسافرون عالاقل ماراح يكون في قيود الروتين اليوميه اللي بالكويت من دوام وعيال ومدارس وأهل و أكل وغيره

سوي مثل فيلم
sleepless in seatle
انتي روحي ولاية وزوجج بولايه وسولفوا مع بعض بالمسنجر وتالي تواعدوا في الامباير ستيت بلدنق توم هانكس و ميغ رايان مو احسن منكم


تحذير : الاكثار من أكل الباذنجان يسبب المناخوليا

EsTeKaNa said...

واحده تبي تشوف فلم رومانسي وتبجي

احم احم
منو هذي؟
:pP~
يعطيج العافيه على هذا البوست الحلو بس انا لاحظت شي غريب
.
.
ليش حسيت بين الكلام انج خايفه تنفهمين غلط؟
خلي روحج تكتب ولا تبررين لها اي احساس
هذا حقج المطلق وحريتج بكل احساس
.
.
الاستماع موهبه مو عند الكل،مجرد عيون مهتمه وقلب ينصت تملكين اللي معاج

وفكرتج حددددددها تونس
طبقيها وقولي لي النتائج عشان نستفيد من خبراتج بعدين
:pP~
عيى الله يحفظ لك بيتج وعيالج
وبنيتج اللي انا احبها
:)

BaLqEeS said...

هههههههه و الله جنه يازت لي فكرة الحب العنفواني هذا

بس اخاف ريلي يحسبني استخفيت

هاهاهاهاهاها
اهديج اغنية ... مجموعة انسان

Charisma said...

لانى احس فيج حييل وايد عورنى قلبى محد يفهم الى نحتاجه منهم ما ادرى ليش التدقر مانى فاهمه ليش كله يقولون كبرى ومحنا يهال بس ترى المرأه تحتاج وتبى من زوجها او حبيبها انا يعاملها مثل الياهل فى بعض اللاوقات ،، بس لا حياة لمن تنادى
ريمه كل كلمه كتبتيها انا معاج فيها دائما وابدا توأم عقلى ههههههه ،، واتفق مع استكانه ما عليج من احد كتبى الى تبييينه

Mini Я. said...

Have you been watching Gone With The Wind lately?

lawyer said...

استكانه


لان ريما كل من ميننها هاليومين على بوستات الحب الي تكتبها

متهمينها في جريمه تحريض المجتمع

سكتي بس لا تخليني اقولج الي في قلبي
تحسييين من الكلام الي ينقال

ان ريما عندها النووي الي بيفجر الكويت
مو بنات الكويت

مسكينه هالريمه خنت حيلي

البنات محترين منها منبطين محد قاددر يصير مثلها
فكل من يطب فيها من صووب


الكل يغاار و لا يبي يقول انه يغار
عندج مثلا بنات دوامها
ينتقدونها عقب كل بوست تكتبه
الي مو عاجبه ليش يقرا!!

و الي يقرا ليش يعتقد نفسه ان اهو الملاك الي بيسجل اخطائنا
و ان ربي وكله في عقابنا و حسابنا


انا كنت بكتب بوست عن هالشي
بس اجلته

lawyer said...

ريما

ههههههههههههههههه
موتيني من الضحك!!

منو بتواعدين بو يووووووووووسف مالج امل

ههههههههههههههههه

حياتي انتي
فضفضي
فضفضي
طلعي الي في قلبج كله في هالبوست
هذا المجال الوحيد الي
تنفسين فيه


بعدين ريما بليز
دوونت بي اولد فاشن
نكست تايم رايت ان انجلس
يو نوو بنات الكي بي سي
يقلون انتي اولد فاشن !!!

nice said...

انت مصدر ازعاج للي ما يقرالج والي ما يحبج والي ما يستطعم قراءتج
ودام انه احنا نقرالج ونستطعم الي تكتبينه ونحبج لذلك
منتي مصدر ازعاج لنا
او للي حواليج
اما بنات افكراج فخليها بنات لانها لو صارت العكس بتصير جافة ومليغة
أما عن فكرتج مع ريلج
مممممممم حلوة تطبقيها بدون ما يدري واعديه بمكان وروحيله هناك وحسي انها خشاشي :) وبعدين كمليها بمطعم بو كابينة
ولا تعليق بعدها
:-)

EsTeKaNa said...

شكرا لوير على التوضيح
:)
يعني احساسي كان صح؟
لجنه التحكيم اللي تقرا البوست ووتنتقد مالها اي حق صراحة
احنا متفقين من عمر انه هذا مساحه شخصيه تكتبين فيها اللي تبين

عشان جذي كنت اقول وما زلت اقول حلاته حتى اقرب الناس ما يدرون عن هذا البلوق..مو لانج بتكتبين شي غلط
لانج بتفضفضين بروحج مع روحج
:)))

ولا تضيقين خلقج ومحامي الدقاع لوير موجوده...احم احم وانا عشانج اقدر اصير مستشار لها بعد
:)

Яeema said...

kila ma6goog:
خلاص لا إتخلي مرتك تقرا و إنت نفذ الخطة و خل ثوابها حقنا
هاهاهاهاهاها
والله إنتحلي عليك و الله لا يحرمك من أم لعيال

fuzzy:
أنا إللي مخسبق مخي مو الأفلام!؛
أنا لا سينما أروح و لا تلفزيون أطالع ، مشكلتي هاللي أسمعة من هالبنات المساكين
و الله فينا فراغ عاطفي مال أول

و لييش أطبقها لما أسافر!؛
لما أسافر بمثل إنني بشهر العسل
هاهاهاهاهاهاها

و ريلي ما عندة إيميل إشلون بطبقها بالله؟

و بعدييييييييين أوأوووووووله
أروح أمريكا أواعد زوجي
لا أواعدة بشاليهنه أحسن
هاهاهاهاهاها

هالأيام قاعدة آكل فول وايد
بروتين نباتي مسويه رجيم
هههههههههههه

Яeema said...

ممنوع الإختلاط بالرد علي الكومنتات فراح أفصا الريايل عن البنات هههههههه


estekana:
خوف مو خايفة بس قاعدة أتطنز علي إللي لما ألحين فاهمين فكرة البوستات غلط

بس في ناس لازم إتفهمين و إتعيدين و إتكررين عشان كثر التكرار يعلم الشطار
هاهاهاهاهاها

أنا لو يهمني كلامهم جان ما كتبت و رجعت بلوقي كما كان

بس كنت آخذ نفس عميق للمواجهة بسلاحهم

بس ملليت أدقق
و حدي مستعدة للمواجهة الحين

و إللي عندة خل يفتحلة بلوق و يكتب و يطب فيني ما عندي مشاكل


الله يجملج بعقلج هذا و يحفضج يا رب


kitty :
الصراع من أجل البقاء
إذا ماكو حب في بيتي أخليقة

يدقر أول مرة و بعدين يبتسم ثاني مرة و بعدين يستمتع و بعدين يطلبه لأن تعود عليه
و بعدين إذا ما سويتي أكشن راح يفقدة
أهم شي إتدودهين الريال
هاهاهاهاهاهاها

أكيد ما علي من أحد بس أتطنز إشوي ، ودي ودي أثير شي في نفس يعقوب
هاهاهاهاهاها


balqees:
ليه حرضنا البنات علي هالحب العنفواني الحلو راح تنقلب الديرة
venice
hahahahahahaha

مشكورة علي الإهداء زوغة طبعا

Яeema said...

mini-r:
i saw you story and i miss my pass with you :p

lawyer:
إيييييييييييييييي
إتصدقين عاد!!!؛
صعبة هااا؟

ههههههههههههههههههه

Oh really I don’t know that I am too famous to be read , don’t worry I will do a new style to my posts , what can I say , I am not their style anymore .

يا أخي الكويتي دم خفيف و عسل
أحبه أحبة

أقصد اللهجة الكويتية
هاهاهاهاهاها

لا يفهموني غلط !؛

Яeema said...

nice :
بعد عمري والله رفعت معنوياتي يا عل الله يرفع حظك فوووووووووووووق


مطعم بو كبينة ما ينفع
أبي سيرتي إتصير علي كل إلسان
هاهاهاهاهاها


estekana :
يبتيها يييب
لجنة التحكيم

لا إنسي متفقين من عمر ، مو أكو ناس طاقتها البوهه من تقرا هالبلوقات
و يلفون و يدورون مني هذي و من بنته و منو ريلها و ليش تكتب جذيه
أنا قلت حق أمي هالسالفة جان تقوللي
لا إتخلين أحد يحجم مخج و أفكارج

فا أنا بما إني بنت بارة بأهلي و أبوي يقرالي بعد

فا راح أسمع كلامهم و أطلق العنان لمخيلتي لنسج القصص الفانتازية

بس تدرين ساعات يحز بالنفس إن ينقال حجي مو فيج أو بريلي و لأني أحمل إسمه
بس بنفس الوقت تكتشفين إشكثر إنتي راقية لأن عمر الناس ماكانوا همي و شغلي الشاغل

bora bora said...

hiiiiiii reeema

ana ba3ad abi qissa 3onfowaneyya ;p
feha 7ub o ghazal o hwaash o 3atab o syaa7 o bachi o dmoo3
bas tintihi nehaya jameela :)

shaikhoona said...

annah o raily lazelna ntwa3ed chena boy/girlfriend o let me tell u shai wayed 7elow o ejaded el 3alaqa .. :)

Яeema said...

bora bora !!!!
HIIII entay wenich !

يالله إنضمي معانا
يحيا الحب العنفواني

هاهاهاهاهاهاهاها

نبي زواج مو لعب
والمتزوجة إتجدد نشاطها ويا الريل

Яeema said...

shaikhoona !
wallah yejaddid beeny o benich

malleeena min shegheel el thegeel el malig

tweety said...

والله انا عندي كلامج عين السنع
وماقلتي شي غلط اما عن الرياييل اللي مو عاجبهم فعشان ماتلوموني باجر اذا تزوجت لبناني
كله عندهم الرومانسية والحب خرابيط لو اهو يتعرف على وحده عادي يصير غرام وانتقام بس مع حريمهم لأ
بعدين شنو تحريض !؟ اكو احد بهالديرة ناطر تحريض !؟؟؟؟
بهالديرة حتى اليهال مبلتعين
انا اقول اللي ينتقدج هذا واد البه بيوجعوا عاوز حد يدلعوا
وبالعكس لا تخلين هالفكرة بخاطرج

PearL said...

موضوع حلو وايد ريم

وعجبتني فكرتج
عن انج تعيشين حالة حب و مواعد وسوالف مراهقة مع ريلج
مو مسوية شي بالغلط
كله بالحلال :)

بس كسر الروتين شي وايد حلوو

اذا صار وقدرتي تاخذين اجازة من بيتج يوم واحد
تنامين فيه ببيت اهلج
جربي تدقين عليه نص الليل عقب ما الاهل ينامون
:)

FREEQ8 said...

ريما

Long Time No See
تبين الصج ...الي قلتيه... تدرين أو ما تدرين ...أهو لب الموضوع في مشاكل الحب المتشره في المجتمع الكويتي
أكثر مشاكلنا في أي حب هو موت الحب أو تناقصه بعد الزواج ...وكأن الحب فقط مطلوب لكي يحقق الهدف الاوحد وهو الزواج... وبعد ذلك يكون ما له داعي...ودعوتك للتغير في العلاقه وتجديدها هي الحل... وأنك تريدين أن ترجعي مراهقه وتغازلين وتواعدين زوجك ...هو التجديد في الحب الي فقدناه من زمان... ولذلك يتناقص الحب بعد الزواج... وهذا شئ طبيعي لوجود مشاكل الحياة ومحاولات التعايش معها وعدم وجود وقت للرومانسيه... وعدم تجديد العلاقه الغراميه بين الزوجين لالتهائهم بالمشاكل اليوميه... وبعد فتره تجد او يجد... هو او هي... أن هناك تباعد بين الاثنين وأن الفتور بالعلاقه أخذ يخيم على بيت الزوجيه ...وقد يجد أحد الطرفين من يجدد حبه له من خارج بيت الزوجيه... أو من يبعده عن اجواء المشاكل اليوميه أو من يعطيه جرعات الحب والحنان خارج البيت... وهنا تكمن المشكله الأكبر والأخطر... ويبدء بعد هذا كلا الطرفين أو أحدهم... بالمقارنه الغير متكافئه بين الاثنين بين من هو بالخارج ومن هو بالداخل... وبين حب وشاعريه بدون مشاكل... وبين مشاكل وحب يضعف ويتناقص... وهذا ما يحدث لاغلب الأزواج... وهنا تبدئ المشاكل الزوجيه... والخيانات الزوجيه
للأختصار الرجاء من جميع الازواج والزوجات الأهتمام بأنفسهم أولا بالمظهر والمخبر وان يهتم للداخل أكثر من الخارج...وبعدين الاهتمام ببعض ومحاولة خلق تجديد وتطوير للحب والعلاقه التي بيهم... ومحاوله التغير في النمطيه والعاده التي عشوا عليها سنين عديده... الى الابداع والتغير والابتكار في الحب حتى يدوم ويكبر مع الزمن... لا العكس
عسى ألله يجمع الجميع ولا يفرق بينهم
وسامحوني على الأطاله
ومري علينا

barrak said...

فعلا المشاعر تحتاج الى تغيير نحتاج الى العوده لمرحلة الهدوء فالايام تكسينا من اختلافاتها مانشاء ونحن لم نكسيها سوى شماعة حلولنا الخاطئة فالعمر يحمل في طياته العديد من الامور والتي تحتاج منا لاعادة تشكيلها
ولكن علينا مراعاة الوقت والزمن الذي نحقق فيه بعضا من امالنا المسالمه
كرا لهذا العبث الصادق

الحجيه said...

السلام عليكم جميعا

يا يمه يا الريم الحب موجود دوم بس الشاطر ألي يعرف ينميه مثل الشجر كل يوم تكبر وتكبر وتكون أعلا واقوي وضلها يسع الجميع الأهل والزوج والأولاد الحب هو العطاء بلا حدود ؛ ما ادري أنا أشوف بخبرتي المتواضعة أن البيت دائما على مود الأم إذا كان المود زين البيت يكون جوه زين والعكس صحيح نرجع للحب الحب نحسه ونشوفه كل يوم حرص الزوج عليج أو العكس هذا حب الراحة بالحيات الزوجية هذا حب . . . هذه بعض الأمثلة على الحب أما حب الأفلام ما يساوي جزء بالمائة من السعادة الحقيقية بالحياة الزوجية المستقرة
بالاتفاق بين الطرفين ومباركة الرحمن لهم

" اللهم انفعنا بما علمتنا وعلمنا ماينفعنا أنك
مجيب سريع الدعاء"

3AJEL said...

مختصر برنامج يوم التضامن مع الشعب اللبناني اليوم في جمعية الخريجين من الساعة 6 لغاية 9
معرض صور الدمار والمعاناة الانسانية
حملة مناشدة لكوفي عنان
حملة تواقيع تعبر عن مشاعر تأييد
الشعب الكويتي للبنان
حملة تبرعات برعاية الهلال الأحمر
اشعال شمعة أمل لنهاية سريعة للمحنة
فيروز وماجدة وجوليا
عنوان جمعية الخريجين .. بنيد القار بين جمعيتي المحامين والمهندسين

Chai-7aleeb said...

أنا أظن أن العلاج موجود بين ايديك وأن المشكله اللى تواجهينها هى نقلة البيت الجديد

من تخلصين منها،سافرى مع أبو العيال الى جزيره بعيده بدون قلفج واستانسى

شنو تبين نزالة البيت الجديد؟

جدور؟

ولا،تلفزيون؟

ولا،طخم شوك وسكاكين؟


منزل مبارك

the tooth.fairy said...

Heheheh
ضحكتيني على سالفة الحب "العنفواني" والمواعد ما بعد الزواج
راح اكون من اول المنضمّين لجمعية الحب العنفواني الذي لا يخضع لقوانين العولمة والتكنولوجيا و هالخرابيط ابي واحد يكتب فيني اشعار لي باجر و يدز رسايل اللي بين كل رسالة و رسالة سنة و حروب عالمية و حوسة

لوول

وعلى طاري المواعد مع ريلج ترى خوش فكرة

مرة قريت عن قصص زواج ناجحة،شياب و عيايز يسألونهم شنو السر
جوابهم كان:
We never stopped dating

والأخ ريله و القبر صاك السبعين مادري وينه وين الدايتنغ

عالعموم بوست ممتع و ونستينا الصراحة
اول زيارة ولكن ليست الأخيرة

:)

Mini Я. said...

write a story about us reema..all the juicy details ;)

Яeema said...

tweety :
شكرا عزيزتي

هاهاهاهاها
حده بيوقاعو و عايز حد يدلعو

pearl :
مكالمات تالي الليل حلوة
بس الريال مشغول ما فاضي
هاهاهاهاهاهاها

Яeema said...

freeq8:
كلامك في من الصحة كثير

بس أعتقد الحين إللي نيه مو مثل مخ المراهقة

يعني السالفة فيها عشرة و حب

الواحد يحب يخللي أكشن بالبيت

كويتيين
لا زم حركات

أدري إنني مقصرة بس والله مشاغل البيت مو مخليتني أحك راسي

البلوقات يبيله إمجابل

و خصوصا المواضيع الطويلة

و بعدين المكان مكانت إنت صاحب البيت
إكتب إللي تبي إحنا إهني عشان نقرا بس

;)


لحظة بروح أتغدي و أرجع
أكل التعليقات تالي