my blog birthday

Happy birthday My Blog!

كل من ستاربكس و الهذرة

أول شي ههههههههههههههههههههههههههههههههههههههههه

صار موقف اليوم و ليه هالحزة قاعدة أضحك عليه ، إستأذنت من صاحب العلاقة ألا و هو زوجي العزيز بكتابة الموقف عنه اليوم .

لحظة ههههههههههههههههههههههههههههههههههههههههههه

بيروح يسافر و يا 3 اليوم لمدة أربعو أيام فقط لا غير ، حاجزين الفندق جنا صج و إمزهبين لجناط الله أرحم و يكون بيروح يتسوق بس يوم ذكر المكان إكتفي بإللي عندة.

ريلي إتكالي جدا بالمطار موديله يحب أحد يسويله كل شي و أهوا يدخل المطار حزة الطيارة ، المندوب خلص كل شي و زهب البوردرات و قالهم يالله تعالوا ألحين .

لحظة إشوي هههههههههههههههههههههههههههههههههههههه

راحوا المطار و إقعدوا في ستاربكس علي أبو ينطرون الطيارة ، حلو؟

ما أدري هالثلاث لمشوربين إللي معاه معتقدين إن وايد حريص علي موعد الطيارة

منو أهوا؟ زوجي؟ حريص ؟ هههههههههههههههههههههههههههههههههههه

المهم إبيدة البوردن و يقولهم طياراتنا بالثلاث

و الأخوان قاعدين بهالقهوة خنت حيلي معتمدين علي مدبر الرحلة

خذتهم السوالف ، و الخطط و شنو بسوون و إلا جك بوم الساعة 2:30

يالله يالله علي القييييت بسرعة ترا الساعة بتصير ثلاث

راحوا البوابة و إلا علامات لستفهام علي وجوه الجميع

ماكو ناس ، ماكو عالم ! هاااااااااااااااا بوابتنا غلط! بدوا إسمالله عليهم يطلون بالبوردرات

لاحظوا يدورون البوابو و باقي 30 دقيقة علي الإقلاع

هههههههههههههههههههههههههههههههههههههههههههههههههههههههه

تالي شنو طلع؟

هههههههههههههههههههههههههههههههههه

هههههههههههههههههههههههههههههههه

الطيارة طارت بأرزاقها بدونهم

بسرعة بسرعة يدورون لجناط و الحالة حالة و دق علييي يقوللي طارت طارت

ما قدرت أرد بس أضحك

أقولله عشان إتعرف إن الرياييل ما عليهم متكل ، إنت خالط وقت طيارة لبنان و يا هالوقت

ترا لبنان ما فيها مطار يمك هههههههههههههه

المهم عصب عليييي و هو يضحك جان يقوللي إلا أطير اليوم

علييييك بألف عافية تستاهل كل خير .

طبعا ما يدري إني مسوية جدول سياحة داخلي عامر ويا البنات ربعي

أنا ما حاتيت إلا شي واحد ، إتروح علينا تذاكر السينما ليييش ما سافر و أطر إنني أآزرة بالبيت

الحمدالله عقب ما تطمنت عليه ركب الطيارة الله يحفظة ويا ربعه ، كتبت هالبوست علي مزاج و رواء

الله لا يحرمني منك يا رب العالمين

crazy idea!

لاحظت في الآونة الأخيرة أنني صرت مصدر إزعاج لمن حولي و السبب قد يكون ظاهر بعض الشيء و لاأخفي عليكم أنني صاحبة مزاج متقلب دوما و يحتمل جميع أنواع المزاجات إللي بالعالم.

يوجد مصطلح يطلق عليه بنات أفكاري ،ولا أعلم إن كانت هذه الكلمة تصلح أن تكون لبنت ، و أخاف لو أقول رجال أفكاري و حينها أفهم غلط. المهم سوف أستخدمها مجازا هذه المرة إلي أن يأتينا من يصحح هالكلمة.

كيف تتولد الفكرة عندي و أعيد و أكرر ، هنا أتحدث عن نفسي فقط فإسمحولي بأخذ حاصلي الكلامي هالمرة بدون قيود . ( شكرا حق إللي قاللي إخذي راحتج عزيزة و غالية )

أولا إجتماعية درجة أولي أتكلم مع الكل و بدون إحراج و لا أريد الدخول بتفاصيل إتعور راسكم و تنصدمون و بالتالي إتييبلي عوار الراس تالي.

ثانيا: مستمعة جيدة جدا ، عندما تكلمني شابة أو شاب ، تكون أو يكون كل أهتمامي لما يقولون في هذه اللحظة حتي تليفون أو مسج ما أرد عليه.تهمني الكلمات الخارجة منهم و أخص بالذكر كلا الجنسين لأن مجتمعني عودني من الصغر أن لا فرق بين المرأه و الرجل إذا كان الحديث عام .

أريد أن أنوه هنا أنني سوف أتحدث بصيغة المذكر للسهولة فقط

دايما أفصل بين الشخص و فكره ، لأعطيه الأمان و السرد الذي في بعد الأحيان أأمن بأن الشخص يريد الكلام لمجرد إظهار شيئا ما بداخله ولا أخفي عليكم سرا ، أجد أن من أنواع الراحة النفسية و العلاج أن تستمع لشخص ما و تجد بعد ذلك أن معاملته لك قد تغيرت ، لماذا ؟ الإهتمام بالكلام يعطيه ثقة بنفسه بأنه مهم للشخص الذي أمامه.

من خلال ما أسمع و طبعا هذا شي طبيعي أن أتأثر بمن حولي و لو بجزء بسيط و هو الشيء الذي أحب أن أكون به.

للتوضيح فقط ، لأني فاشلة بنقل فكرة معينة في بالي و أتهم بالنهاية بأنني متمردة و علمانية فراح يكون التوضيح مسهب بعض الشيء.

وجدت أن بالكتابة متنفس للأفكار الزائدة و التي قد تسبب لي ضيقة و تعاسة من حولي.

من ضمن هذه الأفكار التي طرت علي بالي ألحين قصة الحب

صارلي مدة أسمع فلانة تزوجت عن حب و هذي إتحب و هذي قاعدة إتطالع فلم رومانسي و يبجي عن الحب ، تأثرت من كلام من حولي و قمت أردد إنني أريد هالحب .

تعبت نفسيتي أريد الحب العنفواني ! إييييه ضحكوا من صجي أبيه! أبي الحب إللي شفناه أيام أول إللي يصبر عليج و يموت يبي يوصلج و فلم و قصة ورواية !

أول المتضررين من هالفكرة و إللي أزمته وياي ريلي هاهاهاهاهاها

بس ما ألمومة لما يقوللي شالخرابيط و شنو هالأفكار و إشفيج إنتي مراهقة؟

كأني طالبه شيء مستحيل ، إتفقت وياه إني بعامله جني مراهقة أبي أجرب إشوي ، أواعده برة مثلا و أصفط السيارة و أنزل أركب وياه ، ترا و الله يا جماعة شي حلو و فكرة مينونة إتجدد حياة الروتين الممل ، و أكمل لكم كلام عن المشاكل ماكو و كل الكلامي بالغزل و المدح من الصوبين و بالنهاية يوصلني بيتنا ، بس طبعا راح يصفط يمي و ينزل هاهاهاهاهاها

حلوة الفكرة؟

بس عاد منو يطبقها

الله وكيلكم بالمخ موجودة فقط لا غير لو بقولها أعتقد و الله أعلم راح أرجع بيت أهلي هاهاهاها

بتقولون مو صاحية بتقولون في مخي شي قولوا بس والله أنا أمثل الفئه العاجلة المينونة المتزوجة و إللي تعودت علي لفت الإنتباه طول عمرها و بعد الزواج إندور الحب الطفولي المينون بين فترة و فترة من أزواجنا لأن إنحبهم و نقدرهم و لهم كل الإحترام .

أكمل لكم بعدين و سامحوني إذا أي فكرة ضرت أحد فيكم بس و الله ما أٌقصد من وراها إلا كل خير . حدها حدها البلوق و بس أطخ من أكتب ، شسوي طلابة المشاكل.

أقدم إعتذار لكل من علق عندي و لا أستطيع رد الزيارة له أو لها و ذلك لإنشغالي في ظروف بيتي الحلو إللي اليهال مالهم إلا أنا يتهاوشون ويلعبون وياه و نشاطاتي الخارجية توقفت مادري ليش و قاعدة أدور علي روتين جديد في الصيف إلين يستقر الريل وين بسافر و في أي شهر

هذي بروحها يبيلها بوست كامل راح أقولكم عنه في يوم إن الله عطاني عمر إنشاء الله وياكم

زمن الحب راح و راحت أيامه

أصعب ما علي الواحد إن قرارة يكون مو بيدة ، الحرية إللي أبيها ما إتأذي بس إللي يأذي لما الواحد ما يعرفك و يحكم عليك من قعدة وحدة .

قاعدة أتناقش ويا وحدة و يا كثر مناقشاتي إللي ساعات أحس إنها مالهي معني ، إتسويلي عوار راس عالفاضي.

سؤالي كان

لو ما كنتي في هالوقت إتهقين أي زمن تبينه؟

جان علي طول إترد زمن الحب ويا عبدالحليم

بس لازم أقولكم شغلة بسيطة ، الجواب ما تخيلته إن راح يطلع من إنسانه ملتزمة وايد وايد لي أقصي حد

المهم بما إني إنبهرت من الرد لأن عبالي بس أنا إللي أبي هالزمن بس زيادة عليه أبي بلوغي عشان أكتب لكم عن مغامراتي ويا عبدالحلم

سوووري شطييت

سألتها مرة ثانية

صراحة ما تخيلتج تبين إتحبين ـ مو كل تقولين عييييب و هذي سوالف يهال و من هالحجي

جوابها

الحب شي حلو بس للأسف تدنس لما يقترن بالجنس

أنا ( و طاقتني البوهة للمرة العاشرة)

شنووو إشتقصدين؟

يعني في مجتمعنا لللأسف الحب عندهم مدخل نهايته الجنس و خراب لبيوت

لو كل واحد فتح قلبه صج و صان إللي يحبها جان شفتيني أول وحدة خذيت عن حب بس للأسف نوهم روحنا إن الريال يحبنا لأنا نخاف إنواجه الحقيقة.

تبين إتفهميني إن الحب إلمجرد الحب إختفي؟ مي بشارة والله

ما أدري شقولكم بس كلامها خلاني أفكر مرة و مرتين و ثلاث علي إللي قاعد يصير بمجتمعنا الأنانية زايد و الكل قام يدور وناسته بصوب ، يمكن الشعور إن الدنيا بتطير عنا؟

نبي نلحق على كل شي و مع أي أحد

نجرب نجرب ، ماكو إستقرار ولا أمان من الصوبين

كل يوم الواحد يسمع قصص و سوالف إتشيب الراس

ما ندري صج إللي يقولونه هالناس

و إلا يبون أي شي يتكلمون عنه و عاجبتهم الآثام إللي إتي من وراه

قعد أفكر إشوي بهالكلام

و طرت علي مقارنة بسيطة

البنت الزينة و المحترمة و مالها علاقة بأي شاب بس فيها عيب واحد

إتدخن بينها و بين نفسها

في بنت ثانية هم محترمة و زينة بس عيبها رومانسيتها الزايدة و حبت واحد بكل إحترام يعني ما جاسها

بنظر مجتمهنا منو أحسن؟

body shower! i hate you !

عندي بنت فعلا تعبت وياها علي سالفة التسبح ، أنا اليوم مريضة بالبيت مارحت الدوام و حدي يعني مالي خلق أسلوب الحنة عشان تسبح .

قاعدة أكلم رفيجتي و إلا داقه علي تيليفوني لاحظوا- إييي تليفون لأنها تدري لو بتقوللي هالسالفة بالصج راح إتروح تسبح بهدومها إللي عليها و سويتها فيها مرة.

ألووو يما سمعيني – ترا أنا وخواني ماراح نسبح بالنادي اليوم

أنا : ليييش يما ! أصلا أخوج ميت يبي يطب و يسبح

بنتي : يوسف إييي يبي بس حموودي ما يبي

أنا : إييي حمدوي صغير ماراح يطب ، بس إنتي لييش ما تبين تسبحين؟

بنتي : بس أنا شعري طويل راح ياخذ وقت طويل لما ينشف و ما أبي أأذيهم وياي

أنا: أكوو نا س وايد شفتهم و راح يساعدونج و بعدين إنتي مدرستج فيها حمام سباحة و كل مرة إنتي إللي إتنشفبن شعرج.

بنتي : إيييي يما أدري بس هالمرة مابي أسبح يصير؟

أنا : ( طبعا لازم إتعرفوم إشخذر معاناتي عشان هالبنت إتصير نظيفة مثل أخوانها إللي يسبحون مرتين باليوم و إهيا 3 مرات بالإسبوع و إمسوياتلي سالفة كل ما أقول يالله شور تايم

أول من يعترض إهيا ، يما بس بودي شور! يا يما لاعبة بالبراحة بالسيكل و شعرج متروس غبرة! أي بودي شور ، يبيلج حمام تركي و مغربي ويا بعض!

ريلي يشوف سيقانها و أصابع ريولها ، يقوللي هذا شغبر فيها بالله ، شوفيلها حل ، ليموون من إللي إتفركون فيييه صنفرة من هاللي موجودين بالحمام هاهاهاهاهاهاهاه

يعني بالنسبة حق بنتي الماي أسلوب تعذيب ، تبون تكرهكم قولولها قومي سبحي .

المشكلة يقارنونها بباجي عيالي الشباب ريحة لكلونيا و البودر إتشمونه عن بعد ، و عيزت أقول والله هالبنت غير ، يبيلها أبوها عشان تسمع كلامة و إتقوم تسبح ، حاولت جميع الطرق

مرة يايه من الحداق ويا أبوها و ريحت الييييم من 10 أمتار أشمه فيها

و إتقوللي بودي شور

والله بدون شعووور جاااان أقوووووول وااااااااااااي نامي بالشارع لو سمحتي مو علي فرشنا!

المشكلة إنا بالبيت إحنا مخلصين ماي الفريج كل !

ودي ودي يوم أقول حبيبتي يا يمة سبحي ما تقوللي بودي شور بس

هههههههههههههههههههههههههههههههههههههههههههههههههههه

بس إتعبت نفسيتي من هالسيرة ، و سامحوني إذا دخلتكم في حياتي

في شي إمتعب نفسيتي هالأيام بس بقوله لكم بالبوست الياي إذا الله هداني و كتبت عنه

911 - traveling

عندي أماكن وايد في بالي بس المشكلة القرار مو بيدي ، خل أقولكم مشكلتي

السفر، السؤال إللي يطرح نفسه كل سنة

مواصفات السفرة:

مو بهذلة بالدرب – يعني أركب 600 ألف طيارة علي ما أوصل!أفضل دايركت

جو حلو وايد وايد

أمان باليل

فيها سهر بالشوارع ، ما أحب القمتة داخل الديسكوات

أكل حلو

مكان نمشي فيه

أفضل بحر الصبح

و النهار فيه ربشه ولويه لأن نهارهم لين 9 مساءا ( علي قولت النمش )

أقدر أسوق سيارة – إذا كلشي يمي مو لازم

الطيران محترم

فنادق حلوة

آخيرا و ليس آخرا – مابي أشوف أشكال إللي خبري خبركم – ماراح آخذ راحتي

أنا أدري هالمواصفات تنطبق علي أسبانيا – بس في ناس إهناك بيقيدوني – نوهم عقب لبنان كلمن شلع إهناك

فا لو سمحتوا شيلوها من الخريطة

مابي الخليج – مابي مصر و مابي جو رطوبة و تعبان

أمريكا و أستراليا بعيدة

والله العظيم أحتاج النصيحة مو شحاطة ولا تفلسف – يعني إللي يقوللي عن المكان راح أدعيلة طول ما أنا في هذاك المكان .و أييبلة صوغة بس نقذوني !!!!!!!

و بيني و بينك إذا بيحن الريل إزيادة و بتعلل بكل مكان أقولة بنروح و هذا حر و هذا مادري شنو بطق تذكرتي و بخلي القرعة ترعي مثل ما سويت هذيك المرة

قلتله إذا ماكو شي إعجبك غير أسبانيا إللي بيموت عليها بس ماكو تذاكر مالك إلا الضاعن و بوستن وايلير و جابل الربع و أروح عند لوير إنتجابل بهذيك البلادين إللي مو عاجبين بعض الناس

أقصد ريلي

عيل لغبار إللي حلو!؛

أًصل الكلمة

الشاطر إللي يفسر كل كلمة بالإعلان
ما يندرا هالإعلان إنطق و إلا لما ألحين حي يرزق
للتمويه
أخذت الصورة في لبنان الغالي

what happend on my birthday

thank you my sweetest
lawyer
kitty
this was our celibaration cake from opera
the cake name is : 7abeba

very teasty
very sweet like my lovely sisters
lawyer and kitty
we have a new friend , but i have to ask her first to add her name here

thank you for beeing with us sweet ( ------ )

i love you all
i really had a great time , it was very simple , full with love
witch is very important to me
حق إللي ببلغون شفهم
كنا في وسابي بس بدون تحديد الموقع
إمخليته لمخيلتكم الخصبة
هاهاهاهاهاها


جنا ما ندري مرينا علي المظاهرات إللي مسوينها علي شارع الخليج
و السؤال إللي يطرح نفسه
من وين يابوا أعلام حزب الله؟

Happy BirthDay To Me !

SIMPLY

IT'S MY BIRTHDAY

HORREEEEEEY!!!!!!

DON'S ASK ABOUT MY AGE !
HAHAHAHAHAHA

god bless you lebanon

قرّت عيني

الحمد الله إوصلوا بالسلامة أهلي

بس عيني تدمع و قلبي محروق من إللي قاعد يصير في بيروت

كأن الأرض أرضي إللي قاعدين يحرقونها
كأن بيتي إللي قاعد ينهد
كأنهم أهلي إللي تشردوا

أحبك يا بيروت

HELP LEBANON ! SAY NO TO ISRAEL!

The CNN are taking a vote on whether the Israeli response is justified. At the moment its yes, help turn it into NO by taking the quick vote.

CLICK

Show your support to Lebanon in this difficult time whichever way you can, by voting and by adding comments on news websites against the Israeli aggression

my be loved lebanon

يا أبناء الكويت الأوفياء..أخواننا في لبنان يحتاجوننا.. لنرفع إيدينا بدعاء واحد " اللهم فرج على لبنان وشعب لبنان ، اللهم قوهم، اللهم ثبتهم، اللهم انصرهم بنصرك وأيدهم بتأييدك إنك قوي جبار عزيز"

اللهم سمح دربهم وإتوصلهم بالسلامة

آخر الأخبار

وصلوا بالسلامة لسوريا و تم لم الشمل بين زوجي و أمه و إنشاء الله يسوي الترتيبات عشان ينلم الشمل بينا و بين أمي

مشكور مشكور وايد وايد يا بويوسف

الله لا يحرمنا منك يا رب العالمين

الرجال مواقف و قد أثبت موقفك

أبوي داق علي يقوللي الله يبيض ويهه

و دعالة من كل قلبة

و تدرون دعوة الوالدين إشكثر مهمة

آآآآآآآآآآآآآآآآآآآخ أقدر أنام الحين

----------------------------------------------------------------------

" بسم الله ، الحمد لله ، سبحان الذي سخر لنا هذا وما كنا له مقرنين وأنا إلى ربنا لمنقلبون "

ـ" اللهم أنا نسألك في سفرنا هذا البر والتقوى ومن العمل ما ترضى ، اللهم هون علينا سفرنا هـذا واطوِ عنا بعده ، اللهم أنت الصاحب في السفر والخليفة في الأهل ، اللهم إني أعوذ بك من وعثاء السفر وكآبة المنظر وسوء المنقلب في المال والأهل "

" أستودع ُ الله دينك وأمانتك ، وخواتيم عملك "ـ

اللهم إني عبدك ابن عبدك ابن أمتك ناصيتي بيدك ماضِ في حكمك ، عدل في قضاؤك أسالك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ، ونور صدري وجلاء حزني وذهاب همي .

اللهم إني أعوذ بك من الهم والخزن ، والعجز والكسل والبخل والجبن ، وضلع الدين وغلبة الرجال ".

اللهم سمح دربهم اليوم و سخر لهم من عبيدك من يفرج همهم ، اللهم إحفظهم من كل سوء ، اللهم إنك أعلم ما في قلبي

اللهم يسر دربهم ، اللهم يسر دربهم

اللهم إحفظهم ، اللهم إحفظهم ، اللهم إبعد عنهم كل شر

تحركو بالسلامة أهلي أمي و أخوي 13 سنة و خالتي أم ريلي

إدعولهم يوصلون سوريا بالسلامة

قلبي وياكم

women nightclub ( 4 season )

الساعة السابعة و النصف صباحا

لبست و طلعت حق الدوام و سي دي إليسا يلعي بالسيارة ، مخي سوا... شفت علي روتيني اليومي بالصيف من أول ما رجعت من السفر عقب اللوية و الهيله .

إشسويت؟ ولا شي

جان إتييلي هالفكرة المجنونة ، بما إن الكويت مافيها إلا قهاوي و مطاعم ، ليش ما إنسويلنا إحنا يالبنات نادي ليلي خاص فينا ، ملتزم بآداب مجتمعنا و جنكم ما تدرون في بست حق الرقص عشان إللي في شي يطلع

واللي جم كيلو ينزل ، و البار شنو في؟ في ريد بول عشان يعطينا طاقة ، خبركم من القعدة صرنا جنه قنفات

و البست ينقسم إلي جهتين ، قسم ضعاف و بسوون فيرمنج حق أجسامهم الحلوة

والقسم الثاني حق لمتان إللي يبون يضعفون ، و ممنوع لضعاف إتشوف السمينة ترقص عشان نفسيتها ما تتعب

والعكس صحيح ، السمينة و لمتكتكة ما إتشوف لضعيفة و تكتإب و تاكل إزيادة ، ولو إن هالشي يربحني ، بس أنا مو ساعية للربح وايد ، يهمني إنا نستانس و بس .

وصلت الدوام و علي طول رفعت سماعة التليفون علي إختي و حبيبتي و متبنية أفكاري الجنونية فطووم

ألووووووووووو فطيييييييييييييم ترا مخي ضرب و طلع بفكرة مينونة بس أحتاج مساعدة!

فطيييم : هااااا إشفييييييييج إسم الله عليج!

ريييما : نادي ليلي بس محترم

فطييييم : إشلووون !

ريييما : ننقل التجمع اللي قاعدين إنسويه بالعرس حق مبني مجهز بالكامل ، في الدي جي و في البست و فيه المطعم و والدخول بفلوس عشان مو أي أحد يدخل ، و يوم خاص بس حق الأعضاء ، و كل يوم بيصير ثيييم معين ، يوم سامري ، يوم سالسا و يوم ألفس و يوم خليجي و جذيييي

فطيييييم: ساكته

ريييما : وياي إنتي ، أدري إشقاعدة إتسويين ، صافنة ! الله يستر من هالصفنة

يالله بكمل تفاصيل المشروع

فطيييم : إييي كملي

ريييما : يصير إللي يبي إنسويلة عيد ميلادة و أي شي يبيه يصير و كل شي بثمنه ، شاشات لبلازما بكل صوب ، حق إذا وحدة بتحر وحدة شايفتها بجسمها هاهاهاها,,

حق اللي أهاليهم ما يرضون يردون إبروحهم إنجهز سواق إزقرت برة ويا اليموزينات ، و يوصل البنت لي بيتها و يستلمها أبوها .

التليفونات و الكاميرات ممنوعة و في خزاين ويا مفاتيحهم برة ، إنحط بدي قاردات حريم متايح ، عشان الوضع يصير مستتب . الدخلة بفلوس و أكو مينيمام تشارج علي الطاولة .

و تشنج ما تدرين أكو صالون إكسبريس حق إللي ما مداه يلقي موعد يسوي شعرة وإلا أظافيرة.

ممنوع دخول البنات الشواذ و إلا أمهات فلوس ، للمحافظة علي نظافة المكان ، محد يدخل إلا بموافقة لجنة تقصي الحقائق بإدارتج طبعا لأن لج نظرة محامية.

الفكرة إن بدال لا ناكل و ناكل ، نرقص و نحرق الكالوري و بعدين من الضحك و الوناسة ماراح ناكل وايد من التعب .

وبعد هدوء تام سكووت من الاخت فطيم جاءنا البيان التالي :

احم احم انا لوير وياكم ..

اولا و قبل أي شي الى أي ريال ولد فلوس قاعد يقرا بوست اختي ريما يجب عليه ان يتبنى المشروع

و اذا عندكم علاقات مع حمد و الا ناصر ... يالله هزوا طولكم و عطووه فكره المشروع ... و يا طلال انت و انور .. بدال الدبجه على الرئاسه .. تعال تبنى مشروع الفقيره لله ريمااااااااا

المشكله ان الشواذ الحين ما يبين شكلكم خووفج و احنا في البيست نرقص نطامر ..

ههههههههههههههههه

المشروع انساني بحت و لازم البنات سنعين ... شغل شلأ !! و انصاص الليول مانبي ..شغل بو خمسين و بو اميه ما نبي شغل سحوره و طبوره مانبي... يعني وبعدين تحريك اقتصاد البلد... لانه نبي يكون في مستوى أي ديسكو لاتينو برا الكويت ... يازين الكويتين برا في الديسكوات سنعين

و الله يا هوو بيصير قززززززززز عند الباب ....

في الايام العاديه يسكر مبجر في الويك اند شوي متأخر ...

بس تخيلوا وياي .... و يا زيني و انا قبل لا اطلع يسألني ابوي وين رايحه...

و الله ماكووووووووو رايحه ديسكو الفور سيزن اليوم بسهر فيه !!!

لألألألألألألألألألألأ شغل انفتاح من امه

مبدأيا عشان المكان و الرخصه نبي الديسكو او الجم الليلي يكون في يخت ...

لانه اليخت اهو المكان الوحيد الي محد يقدر يقولونه شي فيه

واااااااااااو ترا احنا عقليه اقتصاديه مهدره ...

انا عن نفسي بحطلي برا الديسكو طاوله و فيها مايكروويف و قوالب سيلكون .... الي يفهم يفهم...و الي مو فاهم لا يسالني ليششششششش!!!!!!!

اترك المايك مع رفيقه الدرب الصعب الي محرتها على الخراب

و خلينا صندوق الاقتراحات مبطل لكم عشان تضيفون أي اقتراح متعلق في الديسكو الخاص للنساء

أنا رييما الحين:

بما إن مجتمعنا محافظ ففي فئة لازم موافقة ولي الأمر- زوج- أبو – أخو دعلة يعني يوم بنخليه للمحافظين ، حاطينها في عين لعتبار ، أهم شي إن إللي يدخل يحترم نفسة و يحافظ علي بريستيج المكان .

و حق الحمل أكو غرفة فيها شاشات إتوسع صدرها و إتطمش علي لبني و يسوون ريفليكسوليجي حق إرويلاتها .

يعني هالديسكو بيخدم فئة إزقرت و بتعب عليه .

ما أبي أطول بس أبي رايكم ونبي واحد و إلا وحدة تتبني المشروع

قرارات

قاعدة أتساءل ؟

ليش الواحد يسوي شي و أهوا مو مقتنع فيه ؟

ليش يحاسب نفسة علي الفعل و هو على علم و دراية ووعي إن هالشي مو عاجبة

ليش يضيق خلقة عشان النتايج يات علي حسب ما توقع ؟

ليش و ليش و ليش

الحياة حلوة و أخطائنا دايما تبني ما إتهد ، تعطينا الخبرة و القناعة والوعي

الحياة بلا أخطاء ، كالطفل الشقي عندما يمرض

كنت أتساءل بس

أخليكم مع عبادي

أبنسحب

back home

وهبطت الطائرة ،ولم يبقي لي إلا ذكريات و بعض الكتب التي أشتريتها من هنا،لقد كانت الرحلة جديدة بالنسبة لي ، جديدها أنها مفعمة بالمسؤوليات،و خالية من المغامرات.

إكتشفت حقيقة، أنني لا أستطيع العيش بدون عائلتي الصغيرة، زوجي الغالي ، أبني الأول يتنطط من مكان لمكان ،و أبني الثاني يرفع يداه لأحضنه و رأسه الصغير على كتفي.

كم أشتقت لهم و كم أحسست بالذنب لبعدي عنهم، رأيت إبنتي و كيف لقاءها مع أخوانها الصغار ، و كيف إبني البكري يركض عند دخولة البيت ليمسك بأخيه الصغير مبشرا بقدومي إلي البيت.

لم أبالغ بأي كلمة قلتها ، و لن أبالغ عندما أقول:

إن ملهمي الأول للكتابة هو زوجي الغالي، توقف قلبي قبل قلمي من شدة حزني لرحيلي .

أخذت جرعة محاكات قلب لقلب ، نبض قلبي من جديد ، تحركت مشاعري كطفلي عند مشاهدته لي

أصبحنا أربعة أطفال بالبيت ، لعبنا و تمردنا علي الترتيب و النظام . و نظراته تشاغبنا من حين لحين.

كم جميل أن نحس بالطفولة من جديد ، الخروج من جو المسوؤليات ، و الشعور أن السعادة تكمن في هذه النقطة فقط ، لا ماضي حزين و لا مستقبل مجهول .

حضنت الكل ، و لكن تبقي ناقصة ، تكتمل بإكتمال حضنة لأختي الغالية ( lawyer )

الله لا يحرمني منكم جميعا صج صج ولهت علي الكل

Happy BirthDay

كل عام و إنتي بألف خير

يا صاحبة الإبتسامة الجميلة و المشرقة إللي أقعد أجابلها كل يوم الصبح

and Happy BirTHdaY

to my friend
NooNa

ït's your birthday !

IN SOFT GLEAMING NIGHT OF STARS
MAY ALL UR DREAMS COM TRUE
MAY EVERY STAR OF EVERY NIGHT
BRING LOVE N JOY 2 U
HAPPY B'DAY 2 U


to my friend
MISHARI

brain storm

أحتاج للهدوء
أحتاج لصمت
أحتاج لراحة بعد كل إللي صار

أحتاج للتفكير

الهدوء الذي يسبق العاصفة

i miss my brain storm