Testing blogging from my blackberry

This is only a testing so feel free to see it :)

Sent from my BlackBerry® smartphone from Zain Kuwait

كيف تختار شريكة حياتك

كنت قاعدة أسمع الراديو بالصدفة والا كان في برنامج بالمارينا أعتقد

السؤال ينسإل حق عدة أشخاص و يجاوبون عليه

السؤال

كيف تختار شريكة حياتك بالعقل وإلا القلب

بما إن السؤال كان حده سخيف مع إحترامي للي كاتبه

لأن هالنوعيه من الأسئله ما تحتمل جواب ثالث

بس كانت الصراحه الأجوبه أسخف من السؤال نفسه

نماين من الأجوبه:

أختار 50 بالميه بالعقل

و 50% بالقلب

( أموت و أعرف الحبيب اشلون حسبها؟ )

الرد العنيف و أهوا سبب كتابه هالبوست

أختار بعقلي أولا

و بقلبي

و بعدين بالغريزه

الحين أول شي طرا على بالي هالكلمة؟؟؟

برنامج عام و الردود مسجلة يعني ماكان مباشر

و المنتاج ما حذف شي من الكلام؟؟

انزين الغريزة هني هل يقصد إحساسه؟؟

يكون خانه التعبير؟؟

و السؤال اللي يطرح نفسه

شلون بالله الواحد يختار بغريزته؟؟

و إذا الكل بالبرنامج شافوا هالكلمة عاديه

شنو يقصدون؟؟

و إلا الكل مو فاهم؟؟

أحتاج مساعدتكم بالشرح

mabrooooooooooooooooooooooooooooooook ! سويناها يالكويتيين

و كانت المفاجأه

و أخيييييييييييييييييييييييييييييرا مجلس يبشر بخير

الحين الواحد يقدر يبدل و يروح الدوام و أهو مستانس

يالله تحفظنا

و تحفظ ديرتي من كل شر

ترا في ناااااس ما دشوا هالسنه المجلس ييييييييييييييييييييييو

ههههههههههه

وناسه وناسه

خل يتعدل الطرح الحين

الأنتخابات بدت عساها علي خير

اللهم وحّد على الخير قلوب أهلنا في كويتنا واجمع شملهم ووفقهم لما فيه رضاك واحفظهم من كل مكروه اللهم ول علينا خيارنا ممن يأمر بالمعروف وينهي عن المنكر اللهم أعز أهل طاعتك وأذل أهل معصيتك وأجعل ولايتنا في من خافك واتقاك واتبع رضاك

اللهم آميييييييييييين

vintage Bags!

كان يوم الجرد العالمي لأحدي أخواتي بالدوام
و قعدت تتكلم عن أشياء عندنا قديمة بس مو راضين نتخلص منها لأنها تذكرنا بأشياء حلوة ، أو حرام نتخلص منها لأنها غاليه
مثلا بدلة العرس
بدلات التجهيز مو كلهم بس بعضهم يعز علينا
و يات الفكرة!!!!؛
اشرايك بنات
باجر كل وحده تلبس أقدم جنطه أنتيك عندها
و لازم تقتنع إن هالجنطه شاريتها توها
أول شي قلنا أمبييييه فشلة
و خصوصا إن لجناط صارلهم أكثر من 10 سنين
ليش عشر سنين؟؟
موديلنا قبل ما نلبس جنطه كشخه إلا حق الجامعه
و جيلنا بعد ما هبينا بالجناط كل نشيل بواكه كشخه
هههههه
كارتيير
فراري
و أيام الثنويه يطري علي
القلم و يا البوك ويا النظارة والساعه
هههههههههههه
ههههههههه
و قعدنا نضحك!!!!
والله ما خليناها بخاطرنا
اليوم الثاني وحياتكم
كل وحده إجبخت باللي عندها
أول صورة صاحبة الفكرة

LV

CELINE









CHANEL

and th oldest bag !

waaaaaaaaaaaaaaaas

LV

جنطني
1992
سنة أولي جامعه

و كانت هالجنطه تقريبا كل بنات الجامعه عندهم منها بس على ألوان
هههههه
لا و أزيدكم من الشعر بيت؟؟
كلنا بلا استثناء لبسناها لمده 3 سنين و إذا مو أكثر

يعني مو موديلنا كل سنه جنطه
ههههه

والله لما الحين أذكر سعرها
180
دينار

أول جنطه بحياتي ماركه

قولوا لا اله إلا الله
لما الحين بحاله أكثر من ممتازه و عادي لبستها و شزينها

اليوم ردت الجنطه لقواعدها سالمة
بالعلبه مالتها
عشان تكون أنتيك
باجر ما يندرا يزيد سعرها و إلا واحد أو وحده يبون هالموديل من الجنه و اتييبلي مبلغ
ههههه


بنات؟؟؟
عندكم شي جذي؟؟
و إلا بس إحنا اللي انخشش؟؟؟

بعد الحنه و الإقناع الشديد من قبل أش...

 

 

 

 

 

بعد  الحنه و الإقناع الشديد من قبل أشخاص بشراء بلاك بيري

و عيزت أقول أنا ما يصلحلي لأني راح أدش بمرحلة إدمان  غير قابل للعلاج و يا هالجهاز

 

و أول بدايه الإدمان إني ما لقيت هالجهاز بالكويت بشهر أثنين فأطريت آسفه و صج حسيت نفسي سخيفه كنت بروح مصر فحولت وجهتي للبحرين عشان أشتري الجهاز!

لا و مافيه عربي بعد

بدت وياه رحلة الإستخدام و الإستكشاف 

شي خطير خطير

و الحين صارلي 3 أشهر وياه

شي مو طبيعي

من فوايده كالآتي

1-  يمنع الحنة من البيت لأن البنات كل مشغولين بال بى بى أم و تختفي النجرة 

2- يوفر المال لأن أشتراك شهري 14 دينار و بس خلصنا كل شي ببلاش

 المسجات و الصور و أحلا شي في حق التخرع تقدر تطرش صوت في  

3- يحمي من المغازل لأن يتم التعامل مع رقم الجهاز و ليس الرقم الشخصي يعني مالهم أمل يطلعون منو صاحب الرقم

4- مافي بلوتوث إلا حق الأجهزة الملحقه في سمتعه بلوتوث و يعني اللي قاعد بالقهوة وياه بلاك بيري يعني ما يغازل بالبلوتوث

فراح تفتك من الهيلاق والل يرقمون

5- السوالف بالسفر ببلاش البي بي أم

6- اللي ماسك الجهاز كل طاقته البوهه و مشغول  و يسبه

اللي ماسك الجهاز لحد يتحرش فيه لأن مو مثبتك أصلا 

7- يعلمك الصبر وايد و ما عندك مشكله لو واقف طابور بالمستوصف تنطر مرضيتك لأن مسلي و ما يخليك تحس بالوقت

8- تكون أب ديت بالنكت لأن ربعنا ما يستخدمونه إلا في نقل النكت

9-يخليك تتواصل  بزياده مع ربعك اللي بال بي بي أم ما أدري ليش بس شي غريب جدا 

10 - إذا أحد بناقشك بأمر معين مالك خلق تسمعله وايد فما تدخل بجدال ومهاترات مالها معني فتصير محبوب من الكل

 

لأول مرة بالتاريخ دورة المعينين الجدد لديناصورات الوزارة

من زمان ما خذيت دورة تدريبيه بالوزارة ، بسبب عدم ملاءة الدورة لي
مثال بسيط : outlook 2007
و أجهزتنا لما الحين فيها office 2003
و بما إني من الموظفين اللي سنه تعيينهم 1996
يعني حجلت الأولي و التالي
مع دخول السنة الماليه الجديده بالوزارة اسم الله عليهم بدت تظهر الدورات
و الله مسؤولي ما قصر
يا ريما إختاري اللي ايوزلج
أو كي
و الله و أختار : دورة مهارات الإتصال و المفاوضات

صج اني ماخذتها مع بدايت حياتي المهنيه كدورة متكاملة بس قلت مفاوضات هذي يديده علي.
المدة 3 أيام

قدمت طلب الترشيح و سافرت
على أساس أول ما أرجع انشاء الله يومين أداوم و بعدين الدورة تبتدي

و أنا برة و إلا إتييلي مسج من الدوام ( ترا دورتج تمددت من 3 أيام لي أسبوعين و راح تبدي بأول يوم دوام لج من الساعه 8:30 )؛

حلو أو كي عادي علم

ييت الدوام
شربت قهيوتي
و الله و أروح إدارة التدريب

وين الدورة قالوا كاهي
و إلا شنو اسم الدورة؟؟
( دورة المعيننين الجدد )

و الله و إسمي موجود اسم الله عليه مرزوز بورقه الحضور و الغياب

سألت المسئوله ، قالت أنا مالي شغل الترشيح إييلج من إدارتج
المشكله مكاني مهيت الحين
لا مسئول و لا مسئول بالإنابه عشان أكتب مذكرة الغاء الدورة لعدم ملاءمتها
قلت يالله ميخالف غلطتي ما سألت
أدش الدورة و إلا كل واحد هناك سواء بنت أول ريال ما تجاوز السنه بالوزارة
يعنييييييييييييييييييييييييي الزبده
أنا أكبر وحده فيهم
و لما المحاضر يكلمنا يكلمنا على أساس إنا يهال تونا متوظفين
هههههههههههههههههه
هههههههههههههههههه

أنا لا شعوريا إتييلي الضحكه
اشدعوة ما قاللي الدكتور انتي بتضحكي لي
قتله دكتور راح أكلمك ورا المحاضرة ليش
إيييييي ما أبي أفشل روحي و أقوله أنا عكرة من سكان الوزارة القدامي !

و فقرة التامينات الإجتماعيه
الكل يسأل اشلون و جم يستقطعون
و أنا سؤال جم باقيلي على التقاعد
يقوللي مستعيله على شنو؟؟؟؟
أقوله عمري 35 و مشتغله 11 سنه الحين!
يعني حسبلي إياها باقيلي إنشاء الله 5 سنين على التقاعد
هههههههه

الشي الحلو بالموضوع
إني أقوم الصبح الحين و عندي شعور اني توني يديده
و أنا باقيلي 5 سنين إنشاء الله و أشلع من هالتخلف اللي إحنا في