Tuesday, November 23, 2010

الوان الوالده الله يحفظها

هذاك اليوم تجابلنا أنا و أخوي

قاعد يضغط الوالده الله يحفظها لنا

موضوع عمري بحياتي ما تخيلت إن كان يسبب أزمة حق أخوي

موضوع أمي و لما اتطرشه ايبلها شي و توصف اللون

يعني :

جنطتي اللي لونها برقندي

و إلا القلم الفوشيا

أو هذا اللي لونه بصلي

لونه فاري

ههههههههه

يقول أمي ليش ما اتسمي الألوان بالألوان اللي انعرفها و اللي تعلمناها!

البصلي من البصل و البصل لونين أبيض و بنفسجي اشعرفني أي واحد تقصد!

و إلا لونه فاري !!!! ليش ما اتقول رمادي!! اتقولي رمادي الغامج اشلون أشرحلك اياه!

والون اللي يعسرني لي قالت لون لحمي! و بالنهايه بيج !!! لحمي من اللحم لونه عنابي!! فجأه ألاقي شي ثاني!

السؤال!

شنو عندكم الوان غير اللي انعرفها خل أضيفها حق لستة الوالده

7 comments:

esTeKaNa said...

لون الشتاء المفضل لجدتي:
صتي
!!
مع شده على التاء
وقفتنا على ريل واحده ندور لها قطعه خام لونها صتي واخر شي الصتي شنو؟
رمادي
:)

daggero said...

أقوى الألوان على الأطلاق

القهوائي

أهني راح يتخسبق العضيد تماما

هل هو لون التيركيش أو الاسبرسو أو الفراباشينو أو الفرنسية أو القهوة البيضاء

Anonymous said...

عندج
خربزي و ما اعرف شنو خربزي
جويتي
كركمي
حليبي
دم الغزال

Anonymous said...

ههههههههههه

الله يحفظ الوالده لكم ان شاء الله
بس عجبني البرقندي
هذا اي لون ؟؟؟؟

Яeema said...

okh!
إستكانه زايرتني يا مرحبا و يا مرحبا


أما الصتي هذا أول مرة أسمع فيه!!!









daggero:

loooooooooooooooooooooool




anonymouse:

خربزي ما أدري!

جويتي = لون زهرة الغسيل على قولة الدعايات المزورق

درجة بين الأزرق و الكحلي


كركمي
لونه
mastard
iiiiiiiiiiiii








anonymouse

لون ال
camel now

كاسر على قمرديني

هههههههههههههه



المرة يايه بيبلها مسطرة الألوان مالت الجوتن اتنقي منها اللي تبي

Anonymous said...

كستنائي

صدر الحمام

ترابي

اطلس

Ra-1 said...

LOL cute :)