الثقافه الكويتيه

الكويت من أقوي الدول اللي أكلها بلا استثناء كل حلو!!!! و لذيييييييييذ !!! و نظيف!!!!!

و إذا مو حلو ما ينجح المكان يطب على ويه

ما أكلمكم عن أكل المطاعم بس

لأ أكلنا الكويتي

المجابيس

المروق

المحاشي

الكبيب

و الحين بعد الحلو ( صج ما أحبه ) بس ما أنقص من قيمته

إذا مشتهيه حلويات ألاقي من كل صنف و نوع أحلا الأنواع

من كيك و حلو قهوة و كاكاوات تقديم و فناتق

أول مرة هالسنه أسافر و ما أسمن

كنت حريصه على إني آكل أكل صحي

بس للأسف ما لقيت !

بطلب سلطه؟

ألاقيها فاضيه ماكو إلا خل البلسمك و زيت الزيتون مرزوز وياه!

أتذكر سلطه الروكا من نينو و أطالع سلطتي لمفهيه ما أشتي آكلها!

مابي باستا و بيتزا! مليت

شنو آكل غير المطاعم الإيطاليه اللي يبيلك تيزاب عشان يهضمك بعدها!

كل يوم ستيك؟؟؟ و دياي مشوي و خضرة فايحينها بماء بس!

تفققت هالسنه و أشوه الخطه أنجحت عشان أضعف و أستعد حق موسم البلعة لين ما يهل لفجوج ( الفجوج – كلمة كويتيه بحته قديمة معناها دخول نسمات الخريف البارده )

يا زين ديرتي ويا زين أكلها

و يازين ربعنا اللي ياكلون مضبطين لنا المطاعم بالكويت

من كثر من إنحب البلعه صرنا انصدر هالثقافه برة

ربعنا الخليجين ما يتيمعون إلا بالقهاوي و المطاعم إللي ياكلون فيها الكويتين

وجرب تسأل أحد؟؟؟

ها بالعيد وين انشاء الله السفر؟

هالمكان بروح

إييييي لا ضروري أسويلك لسته حق المطاعم و القهاوي الزينه بالديرة!

و خصوصا هالمطعم تراه ما تروح له بدون حجز

و تييلك اللسته عامرة و بالتفصيل شنو تاكل بهالمطعم بالذات

و خله كل شي على صوب ( الهوا الحلو – المكان و موقعه ) و شخلك المنيو شخال

عيني عليكم بارده