pinkish P ;)
كنت بالمارينا مول أمس أدور مواقف
حست لما قلت بس و ما لقيت بسبة الشباب اللي بالمجمعات أزيد من الحريم
صرنا ما نقدر نقعد بالقهاوي
تستاحش!!!
و أنا قاعده أدور موقف و إلا جان أشوف علامة P
بس هااا؟ مو زرقه!!
لا اسم الله عليها ورديه
استغربت قلت شالسالفه
معقوله ناوين يعممون كل الافتات مثل مطار الكويت ورديه!!!!
اتهقون حاطين مسؤول ( طووووط) يحب الون الوردي يعني و الا شالقصه؟؟؟
لحقت الافته
لقيت الموقف مسكر
سألت رجل المواقف اللي بالوردي
أول ما شاف ويهي فتحلي الباب
الله!!!!!!!!!!!!
المواقف فاضيه!!!
بس هذيل المواقف اهيا الفاضيه ونااااااسه!!!!!
لما سفطت السيارة عرفت القمنده
يا بختنا بالمارينا مول في مواقف حق السيدات!!!!!
و أخيرا عاملونا بالكويت بأنوثه
لا و ازقرتي الموقف بالنص وحياتكم
عجبتي يا مارينا مول ;)
3 comments:
وين المساوه بين الرجل و المرأه
عمري ما طالبت فيها
في أحد يحصله الدلع و يقوله لأ
ههههههه
طول عمري أؤمن إن الرجل قد خلق لخدمة المرأه
شاكو أحط راسي براسه
الرجل الكويتي طيب بكلمة وحده اتفره المرأه و تاخذ حقوقها وزياده
أما إذا كانت غبيه فهذا شي ثاني
;)
جميلة الحركة.
Post a Comment