أريد إجابة مباشرة

الصورة من مدونة الأخ
sar7aan.blogspot.com

ما سأقوله من كلام يعبر عن رأي الشخصي و لكم حريه قبولة أول رفضه ( روحي رياضيه ) ، و لا أريد الدخول بمهاترات لا تجدي نفعا من وراءها.

عند دخولي لمدة الأخ sar7aan.blogspot.com

وجدت صورة جدا معبرة

لا أخفي عليكم قد أعتبرها من أطرف الصور التي مرت بي بحياتي ( الله يعطيني طولة العمر)

ليس لأن الأخ الدكتور الصانع كان يرقص مع الوفد

ولكن ما أضحكني هي انهار مبادئ حركة حدس

لو وجدنا بشار الشطي هو من يرقص لكانت الصورة عاديه ( بس راح يكون في استجواب لوزير الإعلام تالي اشلون ترضون بهالمسخرة بالكويت)

ولكن الصورة قديمة و أنتشرت ( مو هذه القضيه )

والآن بعد أن عرف الكل عن هذه الصورة أصر أعضاء حدس التصويت لهذه الشخصيه

ما أضحكني هو تخيل الوجوه عند ذهابها للتصويت لهذه الشخصيه

ما أضحكني إنهيار مبادئ الرجولة

ما أضحكني أنه لم يمر علي لبرالي أو حتي علماني لا يؤمن بالله أنه رقص مع نساء نفس التي بالصورة

فما بالكم بعد هذه الحركة يقومون اناس بإنتخابه أمين عام لحركة اسلامية ( حركات صح؟؟ )

ما أضحكني أن عيني لم تتعود أن تري الرجال يرقصون مع النساء إلا في زمن الجاهليه ( أو في دسكوات )

( مو من سلكنا و لا من عاداتنا و تقاليدنا الكويتيه قبل الإسلاميه )

ما أضحكني عندما يقولي لي شخص من حركة حدس ( إنتي اشحارج هذه الديمقراطيه )

ما أضحكني أن أجد أناس ذو توجه أسلامي يقبلون بفعل يشوه سمعة الحركة الإسلاميه

ولا أعتقد أنهم لا يعلمون بهذه الصورة ( إذا مو معلقينها بعد )

ولكن المصالح هي التي تفوز بالنهايه لعلمهم أن الدكتور له نفوذ سياسي يستطيع أن يتلاعب بالأوراق من تحت الطاولة

الم يضحكم خبر إختيار الصانع أمين عام لحركة حدس بعد مشاهدة هذه الصورة؟

نسيان com

يكفيني أن أتذكر لقائي الأول بك

ليذرف حبري الدامي على ورقي

كم عشت أيامي لعوب بين ذراعيك

ليتحرر قلمي بالكتابة عنك

ريـمـــا

لا أخفيكم سرا أني أنحرمت من التعبير عما يجول بقلبي إلا أن قرأت هذه الأسطر:

تكتبين روايات وقصائد فى الحب، ولا يسألك أحد في من كتبتها،ولا يسألك إن كان المرء يحتاج حقا كل مرة أن يحب ليكتب عن الحب.

فالشاعر العربي الذي كتب خمسين ديوانا في الحب ، لم يحب سوي مرات معدودة في حياته ، ذلك أن ذكري الحب أقوي أثرا من الحب .

لذا ، يتغذي الأدب من الذاكرة لا من الحاضر

كتاب أقرب ما يكون إلي موسوعه لكل إمرأه عربية قد مرت بتجارب حب فاشلة و تريد النسيان

الكتاب هو :

نسيان com

للكاتبة أحلام مستغانمي

صاحبة الثلاثيه الشهيرة

عابر سرير – ذاكرة الجسد – فوضي الحواس

إنتهيت من قراءة الكتاب و لكني لم أنتهي من إعادة قراءته بطريقه أخري

و هي تثبيت أفكار كانت مرفوضه بين جيلي من البنات

أن لا يوجد حب صريح بدون أهداف

الكتاب أقرب ما يكون لشخصيتي المتمرة على الحب

الحب كان عندي سجن لإحساسي

لا أريد أن أكون لشخص

أريد أن أكون للكل

لكل شي جميل في هذا الدنيا أستطيع أن أحبه ما عدا الرجل !

و كما قالت في أيضا

لقد حرري الله فليس لأحد أن يأسرني

طريقه كتابتها لهذا الكتاب ذكري بكتب الأمريكان

Chicken soup for woman

Chicken soup for soul

مقالات تحت عناوين

لها مضمون واحد ولكن أهدافها تكتيكيه جميلة

الكتاب الوحيد الذي قرأته و أيقنت أني على صواب بعد كل هذه السنين من الأحاديث السريه التي تدور بين البنات.

كنت من أعطي القوة عند أي خلل عاطفي

لأني أعلم علم اليقين أن اآثار الجانبيه للحب أقبح من الحب نفسه

كنت لا أسمح لأحد أن يعبث بقلبي

لأني أريد له كل الخير و الصحه و العافيه

لذلك

أريد أن أهدي هذا الكتاب لكل إمرأه

و على فكرة؟

هذا الكتاب يحظر بيعه للرجال

و معه سي دي أغاني جميلة متلائمة و روح هذا الكتاب

لا أعلم أين يباع بالكويت

لبنان- فيرجن

نسخه 2009

الطبعة الأولي

www.nessyane.com

حر الكويت يقلل من وطنيتي

أمس كنت رايحة أزور وحدة مريضه بالمستشفى
الوضع كان ما يسمح بتفتيل عضلات الوطنيه بالمرة
السؤال المطروح كالعادة

ها وين صيفتوا هالسنة
والله كالعادة بأسبانيا
و إلا ما أشوف إلا هالويه اللي انعفس
ويييع وييع حر حر
رديت بكل هدوء
والله الحر بديرتنا اللي الجو جنه حالف ما ينزل عن 45
ترد علي
يا حلو ديرتنا بحرها و غبارها
( طبعا هالجملة لايعة جبدي منها من كثر ما تكررت علي هالسنه و ربعي اللي قاعدين يقرون هالبوست راح يدرون عن المواقف اللي مريت فيها بسبة الجملة السخيفه! )
خالتي؟
هالسنة وين كنتوا؟ عادتج لندن من أول 6
( هالخالة عندها شقة تينن بنايس برج الله يهنيها من قبل السبعينات هههههه معناها عمرها ماشافت حر الكويت)
أنا أدري اسم الله عليج عيالج 2 واحد يشتغل بأمريكا ما يبي يرد الكويت
و بنتج الصغيرة قاعدة وياه هناك و ما تبي ترد بعد ، لما الحين على خبري و إلا تغير الوضع وياهم؟
لا والله يا بنيتي لما الحين و عيزت أقولهم ردوا ردوا ماكو فايدة
( ويا ابتسامة شقاقيه بقلبي عرفت سر حبها لجو الكويت مو لأن شاقتها الوطنيه – لأ – لأن عمرها ما انلسعت )
خلونا من هالقصه
الكويتيين و خصوصا البنات أو الحريم ما ياخذون الحوار بأبعاده عامة ، دايما يحورونه
هذاك اليوم قعدت ويا وحدة أقولها ، والله لو عندي جم بيزة زايدة جان خذيتلي أحلا بيت برة و مدخولي أصرفه على وناستي ويا هالبراد و راحة البال.
( حلم مو صج أوكي؟ لأن مرتبطه بعايلة و عيال و بطيخ )
أشوف صج بهالمرحلة ينقلب الوضع سياسي!
إنتي ما اتحبين ديرتج
و حمدي ربج
و ما أدري من هالكلام البطالي
بس أعتقد هالإنسانة لو تقعد بينها و بين نفسها
و خلنا نقول اتجرد من هويتها الأرضيه
و تلبس الهويه العالميه و إن الكرة الأرضيه كلهم من جنسيه وحدة
والله و ربي ما تتحمل مناخ كل دول الخليج
ليش الواحد لي عذرب الجو بالكويت صار مو وطني و لازم يحذف جنسيته شهالمنطق!
و لي تكلمنا عن الوضع الزفت اللي بدواماتنا هم ما نسمع الا حمدوا ربكم وضعكم أحس من غيرك
طبعا يقصدون غيرنا المتخلفين
ماني فاهمة الوضع
هل انتقاد الوضع يقلل من وطنيتي؟
اللي بديت أشك إني أبيها بعد ما أشوف الأشكال المهدوده بكل مكان و ما أدري من وين طالعين؟؟
و خصوصا بعد كل الأزمات اللي قاعدة تصير بالديرة و ما عليها كونترول قوي
لا و هذا أنا ما أبطل الجرايد و أقرا!
و آخرتها تلوث مياة مشرف بعد و لا تسبحون بالمسيلة!

و أمس بمستشفى الرازي تعالوا بس شوفوا الوضع
والله الوضع يضحك الصراحة

لزهيويه يتمشون وياي لي الغرفه

و يوم تكلمت تقوللي عادي زهيويه مستشفي صغار

لا والله !؛

والله ما تدري عايش بدولة لها كيانها و خططها المستقبليه
و إلا قاعد في بيت حمولة كبير
اللي يأمر و ينهي عميد العايلة!

ما يشوف الا اللي حواليه

بديت أشك الصراحه

حكمه اليوم

‎​المرأة لم تخلق لتكون محط اعجاب الرجال جميعا....بل لتكون مصدرا لسعادة رجل واحد

وأني لأهوي النوم في غير حينه
لعل لقاء في المنام يكون
Sent from my BlackBerry® smartphone from Zain Kuwait

memory

مدونتي العزيزة

عندما أختلي بين أوراقي معك قد أجد ما يفرحني و ما يذكري بأيام حلوة قد عشتها معك

لحظات لا أستطيع وصفها إلا أن أكون عابثه بكلمات لا أجد لها تفسير

أحببت الكتابه معك

و أشتقت لك بنفس الوقت

مدونتي

أعلم أني قد فارقت أوراقك من زمن

و لكن ما يخفف علي وحشتي أني أقرأ أسطرك كل يوم و أبتسم

ذكرياتي معك

هي سر أبتسامتي

كل واحد فينا

الرهات تضحك في بعض الأحيان

from my mob camera :)

garmisch - germany

قبل السفرة بيوم كنا لويه حدنا
طلعنا التذاكر و الساعة جم طيارتنا؟
14:55
اييي لا أشوه الطيارة تطير أربع يمدينا نقوم الصبح عادي 9:30
و اتصلت على التاكسي يساعدنا في شيلة الجناط
أبو لعيال: اشدعوة 11:30 تبينا اييلج جان خليتي ايي من الحين احسنلج
أم لعيال: ميخالف لا سمح الله يصير شي بنجر ، ناسي جواز ناسي ياهل بالبيت أبجر و لا متأخر اتدوده!
والله و ربنا سهلها لي المطار نزلنا الأغراض
راح بو لعيال وصل السيارة حق الشركة اللي مأجرين منها
و قعدت أكلم أبوي و خليتا يكلم عيالي و راهيييييييييييييييييييييييييين ايييي واصلين مبجر
ألتفت وراي و إلا هاااااا غريبه الأسبان فاتحين الكاوتر قبل موعد الطيارة بساعتين؟؟؟؟
و قعدت أتحلطم لي إحنا الكويتيه وعليه علينا كل زحمة ولويه و ألأف مرة يغيرون رقم الكاوتر و يضيع الدور و هذيل ماكو إلا واحد جدامنا؟؟
ايييي هذيل المان عارفين ربعهم مو احنا كل متأخرين
دشينا و طلعنا البوردرات و رحنا شرينا زعفران و قعدنا ناكل و مجابلين الشاشه مالت البوابات انخاف يغيرونها بأي لحظه
هالسنه لازم أعترف بشي قبل لا أقول شنو صار
حدي حدي حدي مفهيه ماأدري ليش
صايرة ماكو تركيز
إللي يقوللي إياه ما أناقشه حتي لو المعلومة غلط مالي خلق أفكر
تعرفون اللي الواحد وده يصير اتكالي مرة بعمرة؟؟
بهالسفرة حتي ساعتي طاحت و أنكسرت ما فكرت أصلحها ! إعتمدت على الموبايل
و ليش أبي ساعة أصلا مو مهم أعرف الوقت
هههههه
فجأه يقولي ريما!!!!
Last call to Munich!
قلت شفيهم! باقي ساعة! لايكون جدموها!
يقوللي قومي قومي يالله قاعد يشب أحمر
أشونه مطار ملقا حافظينه صم
و على طول رحنا حق البوابه و الا مسكرة!
أشوفه يكلم الي واقفه
و طبعا راهيه ما أستوعبت قاعدة أكتب مسج حق صديقتي أقولها كا بروح بس مبجرينها ما أدري ليش!
أقول حق ريلي ليش مسكرين الباب؟
يقوللي قتلج متأخرين!
ايييي بس شكلك عادي مو مبين انا متأخرين ما تكلمت بس تقوللي يالله!
ما خبيتنا!
يقوللي لازم تستوعبين الكلمة نتأخرين يعني بتطير ليش أخب الدنيا
بكل هدوء
و هذي تكلم الكابتن تقوله عندهم يهال
و الله و طلع الكابتن سنع و خلانا ندخل
و الا بسلامتنا آخر ناس
هههههههههههههههههه
لما شفت المنظر داخل الطيارة ضحكت
و قلت بقلبي
اييي والله لو مكملة مسجي و رديت علي رفيجتي جان طارت الطيارة
رجعت حق الكرسي
قلت فلان؟
ترا صج بقت تطير
قاللي و من قال اني أتقشمر وياج
ضحكت ضحكة من قلب اللي أتوقع اللي بآخر الطيارة اسمعوني!
قتل
الحين لما أقول الساعة 4 ليش ما اتقوللي حاسبه الساعة غلط؟؟؟
ليش تاخذ كلامي مسلمات!
14:55
يعني 3
ليش واثق فيني جذي؟؟؟
أتا قتلك بهالسفرة صايرة ما أثبت ناقصني زنك
و آثار البلاك بيري و النت يخدي
من صجي مو قاعدة أتقشمر!
يقوللي: والله صج قلتيلي بس ما تعودت عليج اتكاليه و ما أتأكدين على كل شي
أقوله: ايييييييييي لا صدق تركيز زايد هالأيام مستحيل أسويه
دابل تشييييك و أتشيك ألأف مرة باليوم بس ماراح أسوي
أبس عقلي يهدي
توزيع مسؤوليات بالمخ مليت أركز
ههههههههههههههه
يقوللي حمدي ربج , الله سهلها علينا و مشت الأمور
قلت : اييييي أشوه
عيل أشوني طلبت التكسي مبجر
الله ما يرضي تتطنز علييي
هههههههه
لوما التاكسي اللي طلبته جان ما طرت الحين
طالعني بنظرة
قاللي ترا ما أترقع القصه
كل هذا الله كاتب لنا سفرة
و حظت زين إنت اللي تبين تروحين ميونخ و إلا أنا من أسبانيا لي الكويت دايرك
( بقلبي أقول – الحمد الله الحمد الله بروح أصور ههههههه )

back home :)

hello my dear blog
i miss you a lot!!
and after a long holiday i am back to you to tell you what i did lately .
I notes’ that I have many silly comments in my moderator , I delete them all
I don’t need in this age to deal with stupid people in Kuwait telling me what to write on my blog.
I don’t need to tell them every time that this is my secret place to see it after a wail that I did this and that .
The problem is not with the concept of my blog
I can tell the problem is that they don’t know me yet
So
Silly people? Go away from my place I don’t need sick people anymore telling me what to do specially that I did and see almost everything in life !
The problem is
They are part of our society ( the Kuwaiti sick mentality ) that I have to live with it every day !

Since you don’t like reading me so pleas f&$% off of me!


is that good enough for you?


Since you don’t like reading me so pleas f&$% off of me!
Btw it’s soooooooooooooooooooo easy being rude to other
But you have to knoe it’s very hard being class and polite and a nice person
So just learn from me a little rather than telling me what to do :P