Wednesday, May 13, 2009

vintage Bags!


كان يوم الجرد العالمي لأحدي أخواتي بالدوام
و قعدت تتكلم عن أشياء عندنا قديمة بس مو راضين نتخلص منها لأنها تذكرنا بأشياء حلوة ، أو حرام نتخلص منها لأنها غاليه
مثلا بدلة العرس
بدلات التجهيز مو كلهم بس بعضهم يعز علينا
و يات الفكرة!!!!؛
اشرايك بنات
باجر كل وحده تلبس أقدم جنطه أنتيك عندها
و لازم تقتنع إن هالجنطه شاريتها توها
أول شي قلنا أمبييييه فشلة
و خصوصا إن لجناط صارلهم أكثر من 10 سنين
ليش عشر سنين؟؟
موديلنا قبل ما نلبس جنطه كشخه إلا حق الجامعه
و جيلنا بعد ما هبينا بالجناط كل نشيل بواكه كشخه
هههههه
كارتيير
فراري
و أيام الثنويه يطري علي
القلم و يا البوك ويا النظارة والساعه
هههههههههههه
ههههههههه
و قعدنا نضحك!!!!
والله ما خليناها بخاطرنا
اليوم الثاني وحياتكم
كل وحده إجبخت باللي عندها
أول صورة صاحبة الفكرة
LV


CELINE









CHANEL








and th oldest bag !
waaaaaaaaaaaaaaaas



LV
جنطني
1992
سنة أولي جامعه

و كانت هالجنطه تقريبا كل بنات الجامعه عندهم منها بس على ألوان
هههههه
لا و أزيدكم من الشعر بيت؟؟
كلنا بلا استثناء لبسناها لمده 3 سنين و إذا مو أكثر

يعني مو موديلنا كل سنه جنطه
ههههه

والله لما الحين أذكر سعرها
180
دينار

أول جنطه بحياتي ماركه

قولوا لا اله إلا الله
لما الحين بحاله أكثر من ممتازه و عادي لبستها و شزينها

اليوم ردت الجنطه لقواعدها سالمة
بالعلبه مالتها
عشان تكون أنتيك
باجر ما يندرا يزيد سعرها و إلا واحد أو وحده يبون هالموديل من الجنه و اتييبلي مبلغ
ههههه


بنات؟؟؟
عندكم شي جذي؟؟
و إلا بس إحنا اللي انخشش؟؟؟






17 comments:

Seema* said...

ياحليلكم!
و الله خوش شي زين سويتوا, منها كشختوا و استرجعتوا الذكريات و استفدتوا من الجناط بدل قعدتها بالكبت ;p

Back to the 90's ma feha shay!
3lekom bil.3afya : )

QiYaDiYa said...

heheeheheheh ;p

زين تسووون!
ولا قعدتهم بالكبت !

صدقيني عقب بوستج
راح تصير الموضه جناط اول !

تدرين الازمة المالية و ما تسوي !

;p


مابي احبطج !
لان سنة 92 كان عمري 5 سنين !
فويني وين الجناط ! ;p

بس اذكرهم على بنات عمي
و خواتهم الي كبري لما يكشخون فيهم !

و انا المسكينة الي ما عندي اخت ابوق منها ;p


في وحدة امي قالتلي عنها
تاخذ بدل الحفلات
حق قرية فقيرة باليمن
يعطونهم الحريم حق عرسهم
لان ما عندهم فلوس يشترون بدلة عرس

فاذا عندج شي ماخذ مكان تاخذين فيهم اجر ابرك

;p

Anonymous said...

Loving the Chanel! Amazing!
Lebsoha its sooo in hal ayam!
7atta akher LV is hot 2 ;p

q8mirror said...

والله كل وحدة موديلها للحين كلاس وراقي

دول ثانية يحللون القطعة اللي من دور الازياء

عندنا عدم تقدير.. وتبذير ..وتنافس بدون معنى!!!!

Shamla said...

لووول وناسة ;p

يا حلاة الفصلة ويا الأصالة وعراقة الماضي ;p

هم أنا مابي أحبطج أكثر وأقولج إن كان عمري 4 سنين وما أذكر شي ;p ;p

يعني انتي كبيرة الله يحفظج ;p

بس والله شكل جنطتج حلو يعني عادي مو مال الستينات ;p

انتي كول من عرفتج لا إله الله وسنة 92 توها ما صارلها وايد ترى ;p

أنا الأشياء القدّم وايد أحسهم أيام الهلاقة فعلى طول أقطهم وأنا ميتة ضحك ;p

وعلى قولة قيادية تبرعوا فيهم أحسن ;p

موفقة يا دئة أديمة ;p

البوست خفيف وممتع ;*

Nikon 8 said...

الجناط موديلاتهم تروح وترد
المشكلة كانت بموديلات بشعورنابذاك الوقت وقصة الأسد والشعر الكشة والملابس اللي كل كتافية الله أكبر
أشوف الصور الحين وأضحك
إشلون مو حاسة إن رقبتي غاطسة من عظم حجم الكتافيات
!!!!

Anonymous said...

I like it ....

with this memmory ... it increases the value of it...

great idea

nice said...

خوش شغل وانتيك
عيل احنا الرجال يبيلنه بوست مثلكم الابواكه اقدم شي
لكن لصغر حجم البوك التخلص منه اوجب وبالثلاث سنين الي فاتت استعملت كوتشي وعقبه لوي فوتون واخيرا الي راهم عدل بوتيقا هدية من انسان عزيز على قلبي
تحياتي

Shayouma said...

lol that lv bag is truely a vintage and very practical... tara i see some people still use it here in europe.. my furst bag was an lv too lol but another model..

Anonymous said...

i loved the bags;p
old days lma eljn6a tq3ad m3ach
4yr mo 4mon:(
i have the same bags:)

charisma said...

احلى ما فى الموضوع القصص والسوالف الى طلعت مع كل جنطه

:))

يا حلوهم والله

رورو الشخبوطه said...

السلام ..

ماشاءالله خوش فكره..

بس ب92 كنت باولى ابتدائي وماذكر جنطتي ع شنو يبيله ادور بالمخزن يمكن القاها:)

مشكوره..

Яeema said...

seema :

loooooooooooooooooool
walla it was fun!

الشعور يوم شلت الجنطه جني رايحة الجامعه لأول مرة

ههههههه






قياديه:::::


من قالت داشة الجامعه و أنا 18 سنه؟؟؟
دشيتها و أنا 10 سنين
كنت عبقريه اسم الله عليي







anonymous :

ya ya we are doing the same

their is an old chanel as well with GOLD chain!

it's so in the japanies is killing themselves to this bag!








q8mirror :

المشكله إنك تمل منها
مو سالفه تحلل الشي و إلا ما تحلله







shelloooo::::::


نعم
نعم

يادي العمر إللي ماله داعي أوثقه وياكم
ههههههههههههه





لا هذي ماني متبرعه فيها أحبها

المرة اليايه أوريج

my teddy bear !

when i was 2 years old !

Яeema said...

nikon8

على أيمنا ماكان في كتافات
أكو فيونكاااات!!!

والتيجاان لكبار النيون
و الأساور البلاستك
موده مادونا

هههههههههههههههههه
ههههههههههههههههه





4 :::::

we had a great memories as well !!








nice :::::

مستعده أكتب البوست

طرشلي الكوليكشن مالك
أبي الساعات لو سمحت

هههههههههههههههههه






shosho ::::

the LV still in and it cost 680 pound !

with a diffrent colours







anonymus ::::

EXACTLY!!!!

poeples that time they dont have a problem !

now the bag ma teg3ad even a year!

every season with it season!

moshkela!







charisma :

إيييييي حده وناسه!

ترا بنعيد اللعبه مرة ثانيع على أشياء ثانيه




رورو الشخبوطه

وليييييييييييييييييييييين
يادي أولى ابتدائي اللي مو راضيه أخلص منه بالكومنت
هههههههههههه
ههههههههههه

الحارث بن همّام said...

بشت ابوي مال العرس .. ليلحين معلق عنده بالكبت

Anonymous said...

الخرافي يستهزء باليوعان
http://www.youtube.com/watch?v=1oRcT13A5RY

NewQ8 Bride said...

looooool وااااي ذكرتيني

انا اول جنطه عندي
LV
اذا تذكرينها الصغيره حدها لونها ازرق لوول سنة 1999

اول ما دشيت الجامعة طبعا