Sunday, February 15, 2009

ورشه تصوير


من أحلا الأيام اللي مريت فيها بحياتي كان أمس
كانت ورشه عمل ويا مركز العمل التطوعي بجال الزور و هالمنطقه أزورها لأول مرة بحياتي ويا صديقتي المصورة اللي أقدر أقول عليها الحين بنظري العالميه ، كونها شاركت بأكبر ثلاث معارض عالميه ، فى واشنطن دي سي و نيويورك و أمستردام .

كان يومنا من العشر الصبح التجمع بالمركز
و عبارة عن 25 جيب وفكان شكلنا حده موكب
وصلنا و كانت التعليمات كأننا طالعين رحلة إكتشاف غريبه و تنبيهات و تعليمات إن محد يروح بروحه و لازم يبلغ عن نفسه إذا بيروح أي مكان .

محاضرة عن تصوير المناظر الطبيعه
من الأعضاء و من صديقتي بعد
و بعدين طاح البوفيه مال الريوق والغدا
و بعدين بدينا نتحرك

بما إن الكويتيين كل مستحين فلأول مرة بحاتي أصير الموديل
و كانت صديقتي إهيا اللي تصورني
Out doors studio photography!

و ما أقولكم عن الوضع اللي صار
شي خيااااااااااااااااااال
حده وناااااسه
والبوزاااااات الله يا سلاااااام
صج صج صج إستمتعت
ما صورت شي أنا
هههههه
على آخر الرحلة قعدت تقوللي عادي أشارك بصورج بالمعرض؟
جان أقول
والله شاركي و إذا تقدرين تنشرينهم بالصفحة الأولي على مجلة هولنديه يشرفني بعد و اتدزيلي نسخه
شوفوا عاااد إذا صرت عالميه لحد يكلمني؟؟؟ حتى بلوقي بسكره
هاهاهاهاهاهاهاها



قصه تضحك:
برجعتنا كنا ساتووول شطوله و واحد إلا بدش بينا غصب و لف علي لفه سوده!
قمت و سبيته!
جان أقوله : عمى بعينك!
الهولنديه:
Reema what is ama eb eeenik???
ريما: ولييييين ليش ما ركبت فلتر أنا الحين
هاهاهاهاها
Well really you shouldn’t know these kind of words specially not from me if you want to discover it by your self it’s OK with me
Hhhhhh
الهولنديه:
No really it’s ok , as you know the first thing we learn it in any new languages is how to say bad words
ريما:
لا لا مو من صجها عندهم نفس طريقتنا؟؟؟ نتعلم انسب أول
أشوة يعني إحنا طبيعيين
و قمت و شرحت لها الكلمة بالإنجليزي بس والله طلعت بالعربي أحلا تبرد الجبد
ههههههه

بعد الورشه من غبرتنا بالصحرا لي ماكي الله يسلمكم
و عرفتها على السوشي الكويتي القتال
عيسي 2
كيفت على المنيو
و طبعا كل خلطات من إبداعات كويتيين
و قامت نادت مدير ماكي
تشكره على طريقتهم إن يسولك اللي تبي
و بعدين رجعت البيك و كليت بانادولتين لأن راسي صدع من الإنجليزي المتواصل لمده 13 ساعه هذرة

This is my friend !




12 comments:

esTeKaNa said...

صباااح الخير
:)
الحين انتي اللي رايحة ومصورة
وانا اللي مستانسه ومشتطة
:Pp~
ضروري توريني الصور اذا شفتج
وفخورة جدا فيج
على فكرة ضحكتيني على سالفه انج مصدعه لانج من الصبح تتكلمين انجليزي
!!
ترا صح تكونين مركزه فيصدع راسج

عموما الوناسه تسوى هالتعب
عليج بالعافيه وسلامات
يارب تكونين اليوم احسن
:)

abu eldestor said...

علينا
مالي شغل فيج
انا اعرف وين تخشين الصور
:))
ابداعج الى الامام انشاءالله يا ريما

Reflections said...

REEEMA


زين سويتي والله
جد شوقتيني حده وناسة

صارلي دهر ألبح أبي كاميرا سنعة

شنو تنصحيني اخذ كاميرا كبداية؟

Fahad Al Askr said...

للمرة الثانية أرد وأقول شدعوة، تستضيفين صاحبتج الهولندية وما تعزمين

Яeema said...

estekana :
hehehehe
mekhalif eshta66ay ana rathya

3ala el 9oda2 eee
أكو شي ماله تعليق بالانجليزي مثل لطنازه و كل ساعة تقوللي شنو و شنو




abu eldestor:

hehehehehehehe

eeee shift eshloon LOOOOL


thanks dear ;)






Reflectiooooooooooooooooooooooooon!

call me agolich everything ;)






fahad al askr:

واااي فهد مو عازمة أنا أوباما؟؟؟

اشتبي بمصورات؟؟
هههههه
و بعدين كبيرة ما تيوزلك
لو غزال جااان أو كي

nice said...

re7la mumt23a next time do invite me :)

QiYaDiYa said...

عليييكم بالعااافية ;D
شكلها خووش ورشة ;D


انا ما استحمل طلعة طول اليوم
ارجع مستعسرة و راسي يعورني

فصج الله يعينج !!
تحسين اليوم صار في وايد اشياء و الي صار الصبج جنه يوم ثاني ;p ;p


و ناطرين بقية يومياتج مع صديقتج المصورة ;p

Яeema said...

nice :
next time i will do for you a romantic dinner not photography in the middle of he desert , eshrayik?

heheheheh




Qiyadiya !
الله يعافيج و يخليج

بيي و بينج كأنج مو بالكويت

nice said...

yesss i like that but dont 4get the candel :)

Take Off life‘ said...

عرفتج من الترينينق الوردي :P

Яeema said...

nice :

كافي نوري بالمكان
هاهاهاها






take off life :

الفوشيا يعبر
هههههه
شرايك فيني؟؟

the star of the trip - heheh

Glitter said...

رييييييما

أنا بعد أبيج تنصحيني على كاميرا

أبي أطلع من كاميرتي الديجيتال العادية وأبتدي على شي شوية أكثر احتراف