proude to be kuwaiti ( P2BK )

الكل سمع الحين عن المعرض
P2BK
أفتخر أكون كويتي

ما أقدر أقول كله زين ، بس في إيجابيات و في سلبيات

الضحك بالموضوع
اللي مصبغين ويوهم و يدورون على الزوار يوزعون وريقات صغيرة مكتوب عليها شي يضحك و سخيف الصراحه!

وحده عطتني هالورقه

واليوم صديقتي دازتلي مسج تقوللي شوفي شنو طلعلي
PROUD TO BE..
.a kuwaiti that doesn't own a car
....

منو ورا هالشي؟؟

هل هالشي من اللجنه المنظمة؟

و إلا دقه من الدقات؟؟

ممنوع التصوير

لما الحين هالهولنديه موجوده بالكويت
و من الأشياء اللي للأسف ودي أتكلم عنها هي القوانين الموجوده بالبلد


رحنا الكوت وودي فعلا أتكلم عن الرحله :
من أروع المباني للتصوير بالليل
المهم المصمم ما قصر اللي بنا المبني حطلنا مثل برج للزوار يروحون و يصورون فيه لأن فى هالزاويه بالذات تشوف الكوت و المنشر كله!
و من زاويه صح

صديقتي بطلت الجنطه و حطت لستاند مال الكاميرة ناطرة النافورة تشتغل

خمس دقايق و إلا الأخ السكيورتي لو سمحتي يا أفندم ( طبعا يكلمها و هي ما تدري شالطبخه )

ريما: لو سمحت تعال كلمني أنا هي ما تعرفش عربي
يطالعني مستغرب
و يرد يكلمها عربي لو سمحتي ممنوع التصوير
ريما: يا باشا ، أنا بتكلم فرنسي؟؟ ما أولتلك ما تعرفش تتكلم عربي تعال تفاهم معايا
السكيورتي: أصل يا أفندم ممنوع التصوير هنا
ريما: أدري ممنوع التصوير ، ما أنا أريت الافته اللي بتقول ممنوع التصوير
السكيورتي: لافتت إي أصل مافيش لافتات
ريما : أمال إزاي عرفت إنت إن المكان ده ممنوع نصور فيه؟ ما فيش لافتات؟؟؟
السكيورتي: أًصلهم ألولي
ريما: مين اللي ألك
( طبعا كل هالكلام قاعدة أستعبط عشان المصورة اللي ماخذه دورات بالناشيونال جويوغرافك ما تقول الكويتيين متخلفين و كل مكان ممنوع التصوير فيه بسبب وبدون سبب مثل مباني العامه و خصوصا إني أعرف منو إهيا)
السكيورتي: الريس أللي قالهالي

ريما: يا سلام سيادة الريس حسني مبارك ألك ممنوع تصور بالكوت؟
السكيورتي: لا لا يا أفندم الريس بتاعنا
ريما: خلاص إندهلي الريس بتاعكو
السكيورتي:لأ أصل أنا ما معيش تلفون عشان أندهلو
ريما: أمال إذا فيه حاجه ضروري زي ما إتقول إرهابي مسكتوه و عندوا قمبله ، تقوللي إستنه لما أجيب الموبايل بتاعي؟
السكيورتي: أصل أنا لسه جاي من مصر
ريما: والنبي؟؟؟ تعااال أوللي إزاي مصر؟؟ أصل أنا عندي شقه هناك و بحب مصر و كل سنه بروح و كمال بروح أصور بخان الخليلي و حارة الليمون في الجماليه و فى الحواري و المدافن و العشوائيات
السكيورتي: بس يا أفندم ما أولتيليش إنتي بتشتغلي إيه؟
ريما : أنا بشتغل بمكان كده كبير ناس لابسين حاجه حلو بالصلاة على النبي و إجتماعات رسميه و مؤتمرات
( طبعا ما ودي أطولها بس خذا الحوار حوالي نص ساعه – في نهايه الحوار )
السكيورتي: والنبي يا أفندم ما ألاقييش شغاله نظيفه عندكو بالوزارة؟؟؟

**

ريما : marketa did you finish from taking this picture?
ماركيتا: yes yes it was very nice you wanna see it??
ريما: later so we can go now?
ماركيتا: yes sure my dear , but what was you talking with him about?
ريما: I will invite you to dinner now and tell you what happened with me

**

ريما: يالله يا سعاده الليوا إحنا ماشيين و متشكرين أوي
السكيورتي: و أنا؟؟؟
ريما : علق اليافطه اللي تقول ممنوع التصوير

ورشه تصوير

من أحلا الأيام اللي مريت فيها بحياتي كان أمس
كانت ورشه عمل ويا مركز العمل التطوعي بجال الزور و هالمنطقه أزورها لأول مرة بحياتي ويا صديقتي المصورة اللي أقدر أقول عليها الحين بنظري العالميه ، كونها شاركت بأكبر ثلاث معارض عالميه ، فى واشنطن دي سي و نيويورك و أمستردام .

كان يومنا من العشر الصبح التجمع بالمركز
و عبارة عن 25 جيب وفكان شكلنا حده موكب
وصلنا و كانت التعليمات كأننا طالعين رحلة إكتشاف غريبه و تنبيهات و تعليمات إن محد يروح بروحه و لازم يبلغ عن نفسه إذا بيروح أي مكان .

محاضرة عن تصوير المناظر الطبيعه
من الأعضاء و من صديقتي بعد

و بعدين طاح البوفيه مال الريوق والغدا
و بعدين بدينا نتحرك

بما إن الكويتيين كل مستحين فلأول مرة بحاتي أصير الموديل
و كانت صديقتي إهيا اللي تصورني
Out doors studio photography!

و ما أقولكم عن الوضع اللي صار
شي خيااااااااااااااااااال
حده وناااااسه
والبوزاااااات الله يا سلاااااام
صج صج صج إستمتعت
ما صورت شي أنا

هههههه
على آخر الرحلة قعدت تقوللي عادي أشارك بصورج بالمعرض؟
جان أقول
والله شاركي و إذا تقدرين تنشرينهم بالصفحة الأولي على مجلة هولنديه يشرفني بعد و اتدزيلي نسخه
شوفوا عاااد إذا صرت عالميه لحد يكلمني؟؟؟ حتى بلوقي بسكره
هاهاهاهاهاهاهاها



قصه تضحك:
برجعتنا كنا ساتووول شطوله و واحد إلا بدش بينا غصب و لف علي لفه سوده!
قمت و سبيته!
جان أقوله : عمى بعينك!
الهولنديه:
Reema what is ama eb eeenik???
ريما: ولييييين ليش ما ركبت فلتر أنا الحين
هاهاهاهاها
Well really you shouldn’t know these kind of words specially not from me if you want to discover it by your self it’s OK with me
Hhhhhh
الهولنديه:
No really it’s ok , as you know the first thing we learn it in any new languages is how to say bad words
ريما:
لا لا مو من صجها عندهم نفس طريقتنا؟؟؟ نتعلم انسب أول
أشوة يعني إحنا طبيعيين
و قمت و شرحت لها الكلمة بالإنجليزي بس والله طلعت بالعربي أحلا تبرد الجبد
ههههههه

بعد الورشه من غبرتنا بالصحرا لي ماكي الله يسلمكم
و عرفتها على السوشي الكويتي القتال
عيسي 2
كيفت على المنيو
و طبعا كل خلطات من إبداعات كويتيين
و قامت نادت مدير ماكي
تشكره على طريقتهم إن يسولك اللي تبي

و بعدين رجعت البيك و كليت بانادولتين لأن راسي صدع من الإنجليزي المتواصل لمده 13 ساعه هذرة

This is my friend !

يومياتي ويا الهولنديه

فى الأيام اليايه أحب أوثق شي صارلي لأول مرة بحياتي

إني أستضيف بالكويت  صديقتي هولنديه

و هي استاذه تصوير فوتوغرافي بالجامعة بأمستردام

 

 

أول ما إتفقنا على الموعد كنت جدا سعيدة إني أعرفها على معالم بلدي

 

و هني كانت الصدمة

 

 

إني للأسف ما أعرف أي شي عن ديرتي إلا اللي عطونا إياه بالمدرسه من قرون

فكل ما تسألني أقولها ما أدري والله

we have to google it

 

البدايه إتصال إنها وصلت الكويت بهالغبرة و كانت جدا فرحانه لأن لأول مرة بجايتها تشوف غبار هالكثر على الطبيعه

 

رحنا المطار و أجرنا السيارة و إجراءات التأجير أخذ أكثر من ساعة اللي استغربت من هالإجراءات وايد

و إجراءات الفيزا للكويت على لسانها تقول إنها خذت أكثر من ساعتين

 

طلعنا نستلم السيارة

 

 

 

الإخت وعليه تتفحص السيارة و تقوله هني زلق و هناك شمخ و الأخ الهندي ولا معبرها و رافع الجام

من تأشر على الشمخ دخل إيده بحلجه و مسح الوصخ بإيده!

استغربت منه شهالقلة الأدب ، بس قلت ماني متدخلة الحين إلا لما أشوفها متضايقه

 

 

لقيتها عادي الوضع عندها و ماكو مشاكل

 المهم ركبنا السيارة و إلا الأخ بالمواقف يمشي فوق الثمانين!

قتله بالإنجليزي خفف ليش هالطيااارة!

و إلا هم رافع الجام و مكمل طريجه

ولييييييييييين أقوووووووووووووووول

رفييييييييييييق

خفف سمعت!!

إنزين ماما

 

وداني سيارتي آخذها

قبل لا ننزل

تقول له بالإنجليزي وين أرجع السيارة

و هم مو معبرها حقراان!

هااااا شالسالفه!

 

قتله بيسااااب!

إنت يعرف إنجليزي!

قال

NO

أنا هني ضحكت قلت أشوفه ماكو أي ردت فعل اتجاه أي كلمة نقولها

 

عيل الحين شركة تأجير سيارات محترمة اللي يخلص معاملة السيارة ما يعرف إنجليزي!:

 

 

 

اعرفوا القبنده الشباب

الجو اشحلوة هذاك اليوم ف دقيت على صديقتي الصدوقه نروح نمشي شوي على البحر.
إشحلونا زقرت ترينج و بعد المشي شرينا ستاربكس و قعدنا على البحر.
و بدت السوالف و الشطه عاااد لي تجابلنا لحد يدش بينا
كل شي يتهيت
و خلال هالمرحلة و إلا 2 مزايين مقبلين و أنا أسمع صوت وراي
لو سمحتي
لو سمحتي
و بدت اللبحه و أنا رافعة الجام لأني متأكده إن مو لي
لا آخر مرة حسيت إن الموضوع حقي!
التفت و إلا الأخ
لو سمحتي بس سؤال!
ريما: شنو؟؟؟ نعم!!!
إنتي جم عمرج؟؟

فى هالمرحلة من السؤال صار شي ودكم لو تشوفون ويوهنا أنا و رفيجتي
ههههههههههههههههههههههه
أطالعها و تصد عني
ههههههه
أشوف ويها أقووووول بقلبي
إييييي الأخ فاهم غلط المغازل و عبالة داش أي أر سي !
إييييي
عنده
ال L
و
S
باقي
A
لا بارج الله بال
A
هههههههههههه

و إلا الأخ يبي عمري هاااااا
لو بنتعرف و يكون هذا أول سؤال يسألني إياه بهون و ما أبي أتعرف عليييييه
ههههههههههههه

كل هالتفكير و الأخ من صجه ناطر بجاوبه!
يالله جم عمرج
بس هالسؤال
أنا هني شي صار ما أدري شنو أهوا بالظبط
ودي أسب؟؟؟ أقوله شي جذي قوي بس الوضع ما يساعد
جان أقوله شفت هالممشي اللي شكبرة؟؟؟
لف ويهك جذي و روح شوف دربك إنت و رفيجك واللي يعافيك بس
مسكين إخترع من ردت فعلي اللي ما أدري شنو شاف بويهي حزتها
بس فجأه إختفى
هاهاهاهاهاهاها
جابلت رفيجتي و أقولها
سمعتي السؤال؟؟؟
تقوللي إيييييي ما إتشوفيني صديت؟؟؟
ريما: ترا شكلهم عرفوا اللعبه إن ما يبين علينا الكبر مساكين
ما يبي يرقم إلا بعد ما يتأكد فقير
والله ما ألومهم قاموا يتدودهون من كم عمليات التجميل اللي إخلطت الحابل بالنابل
ههههههههههه
لا حول الله ولا قوة إلا بالله
حااااااااااااااااااااااااااااااله هالنااااااااس
آآآآآآآآآآآآآل جم عمرج آآآآآآآآآآآآآآآآآآآآآل