Thursday, November 20, 2008

no comment !

ليش أحس إني ساعات ودي أفجر الديرة باللي فيها و أهج؟؟؟

بوستي مو سياسي

بوستي هذا إعتراض ما أٌقدر أرفع صوتي إلا بمدوتني

المحتضنه صوتي التحرري

عندي رحلة تصوير مسابقه خيول بإحدي مضامير إسطبل خيل جدا محترمة و تقام فيه بطولات محليه و عربيه

طبعا بما إني بنت

كويتيه

بنت عايلة

متزوجة

زوجي معروف

أنا معروفه

ما أقٌدر أروح أصور!

لييييييييييييييييييش؟؟؟ إقنعني؟؟؟؟

بس ماله سالفه تروحين ، خلصت الأماكن عشان تروحين

عندنا خيل و من أحسن الأنواع ليش ما تروحين المزرعه تصورينهم!

خيولكم مو بطولة ماراح تقفز الحاجز ، شي يديد و الجو حلو بصور

لا يبا شنو ماكو شغل واقفه ويا المصورين

ليييييييييش مو معترف بالمصورين! شفيهم اللي يصورون

عيب أمسك كامرة! و إلا صوري مو حلوين

ايييي عيب شوديج بين هالمجتمع اللي كل من يعرف الثاني

وصل لنقاش عقيييييييييييييييم خلاني صج مرة ثانيه أروح و ما أقول و اللي يصير يصير

لي متي هالتفكير الكويتي؟؟؟؟؟

ليش على أبو بنت س من العوايل يعني علي محظورات و أماكن ممنوع إني أدخلها!

عشان أصور لازم كل مرة أهد عيالي و أحجز تذكرة و أسافر عشان أصور!!!!!

اللهم زيدي صبر على صبري

و أنزل السكينه و الهدوء بقلبي

لا أعفر عليهم

ههههههه

منبطه جبدي!

بدعي بالحج إنشاء الله

الله يغير مفاهيم بمخي التحررية عشان أقدر أعيش بمجتمعي

والله ما أقمت أعرف منو الصح أنا ولا زوجي

ليش واااااااااااااااايد أشياء نقدر نسويها برة ما نقدر نسويها بالكويت؟؟

15 comments:

Manal said...

يا حياتي يا انتي

لا
انا وحدة ما اتحمل هالسوالف

:)
ما اشيشج على المجتمع وزوجك

بس اذا بتعيشين لازم تقنعين زوجك او هو يقنعك

والله يساعدك

اذا سافرتي
تعالي عندي
:)

الاماكن اكثر من رائعة للتصوير

:)

uTurn said...

يبا ليش زعلانة؟
اييبلج الحصن يناقزون ويراكضون جبال بيتكم
وصوري من الدريشة .. يعني منصة ;p
احلى صور وعليج العزل عشان تطلعين الخلفية ممسوحة ..
9awrai eb 1200mm f/1.2L IS USM SUPER TELEPHOTO ;p
ولا تزعلين ولا شي .. ابتسمي .. ضحكي .. والله يصبرج

joe said...

عندي فكرة
شرايكم نتيمع كل المدونين ونحجز على اقرب طياره ونروح نسوي ارهاب نفجر بالكويت ونسافر

Athoob Alshuaibi said...

الجواب على ليش في اشياء نقدر نسويها برة و مانقدر نسويها بالكويت

هو : لانج بالكويت !

مجتمع مليئ بالتناقضات


السالفة مو سالفة منو الصح انا ولا زوجي
السالفة سالفة

شي اكبر مني و منج
شي معشش بهالديرة صارله أدهر

يبيله وقت طوييييييييييييل عشان يتغير


ادعيلي وياج :))

الدســتور said...

ريــــــــــما
أفا هذا وانتي تحذريني من السياسة قمتى تكتبين سياسة
:)
ماكو فايدة منج صج كويتية

المهم

قعدي مع ريلج وحاولي تقنعينه
او هو اللي يقنعج

Mohammad Al-Yousifi said...

سمعي كلام ريلج و بلا عناد

الديموقراطية ما تنفع معاكم

nice said...

هونيها وتهون
المناسبة بتجي غيرها
والله المستعان

Reflections said...

و ليش ما تدعين لمجتمعنا ان يتغير و يصير متحرر؟

انت صح و الف صح بعد

Gee™ said...

وييييييه
عندنا وعندج خير

احنا مجتمع مناقض نفسه

الي نيبه نمشيه والي ما نبيه نسويه عيب وفشله وحرام وماله داعي

انتي بس لا تيمعو مره ثانيه يصورون قوليلي اروح معاج
;p

3BeeDo ;) said...

في بعضهم متقيد بالعادات والتقاليد وخايف من كلام الناس وبعضهم عادي
يعني على حسب الريال واحد يغار حيييل مايبي المره تروح بين ريايييل
وفي حاله ثانيه انه يروح وياج
بس ماتقدرين تقولين شي اذا قال لا صج انه تنبط جبدج بس اهو يشوف شي غيرج عرفتي شلون
:)

3bady said...

لو الناس تتغير من داخل و تهتم بامورها و نفسها

جان احنا بخير

Яeema said...

manal :
وحياتج ماعندي وقت أقنع
هههههه

زهبيلي مكان بأييلج





B":

لا خلا ولا عدم والله

اتطنز هاااا
هاهاهاها
1200 هااا؟
1.2
ba3ad






المباركيه:
لا مالي شغل بأحد
ما ألطخ ايدي بالدم





athoob :

حال الديرا ما يسر
قام يدوده والله


بدعيلج بالحج عسا الله يسهل علينا الروحه








abu eldestor :

أشوف ما قمتوا تفرقون بين السياسه و الأمور الإجتماعيه

دودهكم الدستور والله


على الإقناع
شاريه دماغي

مرة ثانيه ماني قايله
بروح و بس
هاهاهاهاهاها







ma6goog :
ولا تنفع معاه
هاهاهاها

المرة اليايه سياسة الأمر الواقع













nice:
المناسبه بتيي غيرها و هم التاريخ بيعيد نفسه و بيقول لأ و عيب

الأمر الواقع سلمك الله

أحب أسمع الكلام










reflection

مو تحرر كثر ما الناس خل تتغير نظرتها


بس ملينا نمشي على هوا الناس

ما تقدرين تعاسرين
ماكو شغل!؛








ghadooor :

ya ba3ad 3omry walla :**
enshallah

و ما انقول حق أحد

يبونا نخش شنسوي بعد
هاهاهاهاهاه









3beeDo :

مو غيرة
حكارةو موروثات اجتماعيه
و ممنوع الإختلاط








3bady :

your right 100%

Ra-1 said...

شنو علاقة بنت عايلة معروفة بالتصوير وروحة اسطبل الخيول :/

You could have asked him to join you :)

Ra-1 said...

you should*

wael fekry said...

الصبر بيحل كل المشاكل مع قليل من المحاوله و الجنون