Sunday, July 06, 2008

غير صلاتك


إعلان بجريده استوقفتني مفرداته التي تدغدغ المشاعر

" كيف تتلذذ بالصلاة؟ "

أوكي؟؟

صفنت شوي و بديت أقرا شنو اللي مكتوب فى الإعلان بعد:

جمل تحاكي عقول على قدر قليل من الثقافة .

العصر دقيت على الوالدة واللا بتروح المحاضرة

والوالدة اسم الله عليها على علم وافر بأمور الدين

يما ليش بتروحين؟؟

والله مو أحسن من قعدتي بالبيت و تفرفر هالتلفزيون؟؟

صاااجه يما ، و قوليلي بعدين شنو صار.

اليوم الصبح أول ما أصبحت بصوتها

ها يما شصار؟

صج تلذذتي ، حسيتي صلاتج غير؟

أمي: أول شي أنا ماني جاهله و لا وحدة ما أعرف أصلي

ما أضاف شي يديد ، أغلب كلامه تنبيه و تذكير

النقاط الأساسيه : استحضار الروح للصلاة

استشعار الكلام بالآيات

تكلم عن السجود و أثره و أن سر الصلاة تكون بالسجود.

و أن الإذلال هو أعز شي للبني آدم إن يقدمة لرب العالمين

و حذر من الغرور والكبر فى أن نقول أننا خاشعين فى الصلاة

و آخر نقطه تكلم عنها حسن الوقوف بين يدي الله.

الوالدة :

ورانا بعد الصور من الإنترنت

الريال شكله بنغالي ميت بالمسيد و أهوا راكع يا بخت عينه .

ورانا عن النمر رحمته

شلو الله وزع رحمته حتي على الحيوانات

أسلوبه يركز على الجانب الروحي أكثر من االجانب التعبدي بالصلاة

ريما: انزين يما ، وين التلذذ؟؟ ما ياب طاري؟

والدتي: أصلا العنوام غير و اللي قاعد يقوله غير

و بعدين انتي ليش تسإليني مو عادتج يعني؟؟

الريال زين منه مسوي هالمحاظرة مو أحسن من التفرفر ؟؟

ريما: ما قلت شي ، بس بقيت أعرف ، الفضول قاتلني ، العنوان كبير و غريب ، النسب اللي حاطينها 94% تغيرت صلاتهم بعد المحاضرة الأولي، هقيت بقول شي يديد و غير ما هقيت كلها معلومات من النت و أي قارئ بسيط يعرفها، توقعت الحضور من الشباب لصغار

مو ملتحين !

بهالنسبه 94 % شنو الفئات العمريه؟؟

وزع استبيان على 20 ألف مصلي ؟

معقوله كبار وواصلين لسن معين بعدهم ما يعرفون يصلون ويخشعون؟؟

محيرني الموضوع!

بيني و بينكم الوالده آخر شي تقوللي : المحاضرة مو واااااو ، بس هذا الإتجاه الحالي بالدعوة

الوالده طبعا ما تدري اني بكتب بوست في جميع استفساراتي

انتوا شرايكم لما يكون المبالغه الإعلامية بسبب منشتات بالجرايد؟؟

إنشاء الله الله يقدرني و أقدر أحضر المحاضرة اليايه ودي أشوفه بالطبيعه

بالنهايه أنا أقول أهوا ماله ذنب جزاه الله الف خير

اعتراضي على الطريقه التسويقيه المتبعينها وياه

تذكرون لعفاسي شلون بدا و ما بقى قهوة ما قعد فيها و لا شركه اتصالات ما سوقت ؟؟

ما يخليكم تفكرون ليش؟ و اشحقه؟؟

والناس بس كل ما ييه أحد يديد هبوا فييه و صعدوه قبل لا يشوفون شقول؟

34 comments:

kila ma6goog said...

روحي و تعالي خبرينا

BoHSaiN said...

دورة كيف تتلذذ في الصلاة بتنزل على دي في دي قريبا ان شاء الله..

وفي دورات بمواضيع ثانية قريبا للشيخ مشاري الخراز..

اذا الوالدة سجلت رقمها بالورقة مالت الارقام بيدزون لها مسج عن الدورات الياية..

aThooB said...

ريما انا مثلج صعقت لما قريت المانشيت بو اربعة و تسعين بالامية؟
زين شلون قدر يحصل هالنسبة الخطيرة ؟

هل دخل بعقولهم و قلوبهم
والله لو مليون استبيان يحلونه.. هالشي علمه عند علام الغيوب سبحانه !!!

لا بأس من التذكير .. الواحد فينه بحاجة بين فترة و الثانية إلى السكون إلى الخالق سبحانه بالطريقة اللي يشوفها أقرب و أفضل له

لكن مثل ماقلتي ما أبالغ بالطريقة المنفرة هذي !
ا

nice said...

والله يا ريما كلامج فوق الصح
وله شلون تتلذذ بالصلاة يعني اختيار هالكلمات لمجرد احضار وتسويق المحاضرة
وبعدين اظن اغلب الحاضرين من ربع المحاضر اقصد التوجه
انا بس بعرف ال 94% من وين يايبينها وشهالاستيباين ان كان موجود ينعرف بهالسرعة الصلاة صلاة سواء كانت بمحاضرة او بدونها وبعدين بعرق المحاضرة منو وارء تنظيمها وهل المحاضر كان تطوع بدون اجر لوجه الله
او باجر يسيل له اللعاب كعادة المتأسلمين
واخيرا شنو سبب منع التصوير ويمكن علشان بيع المحاضرة والتربح من ورائها
والله المستعان

BoHSaiN said...

اخ nice,
اتمنى اذا ما عندك معلومات انك ما تألف من عندك وتفتري عالناس..

المشاركين في الدورة ارسلوا رسالة الى الرقم الخاص بالدورة واذكروا فيه اذا كانت صلاتهم تغيرت ولا لأ..

اللي وراء تنظيم المحاضرة وزارة الاوقاف, ومجموعة من الشباب المتطوعين للتنظيم..
والشيخ مشاري كان يدفع من جيبه لما كانت المحاضرة بكيفان..

وبالنسبة لمنع التصوير, فلأن بيكون في نسخة كاملة بتنزل قريب, افضل من تصوير البعض اللي ممكن يكون ناقص .

Kuw_Son said...

مو كل الأمور تنحل بالحقائق و الأرقام .. في جانب اسمعه روح و إيمان

و مو كل الأمور ينقال لها:
عطني دليل .. عطني دراسة و عطني أرقام !!

روحي الموحاضرة و شوفي شيصير وياج ..

حق التحلطم زاهبين :)

nice said...

بالنسبة لاموال الأوقاف
عليها مسائلة من مجلس الامة
وان غدا لناظره قريب

Bin3agul said...

hathy il kuwait i7boon il habat ..

Яeema said...

kila ma6goog :
تواعدت إنشاء الله بعد السفر الوعد بكيفان ويا البنات






bohsain :

بس ما جاوبتي على سؤالي؟

أدري راح تنزل دي في دي
أدري راح تنزل أشرطه
و أدري و أدري
عيل ليش كاتبه البوست؟

بعرف معلومات زياده لو تكرمت

و قريت مقالة القبس
و تكلمت عنه اليوم و قاعدة أشوف جم واحد سامع فيه

Яeema said...

athoob :

يقولج طرشوا
sms

السؤال اللي يطرح نفسه؟؟


منو الشركه مالت الإتصالات اللي متبنيه الموضوع؟؟؟

لي طرشت مسج بفلوس و الا ببلاش؟؟


و إذا دقيت تليفون على الشركة مالت الاتصالات الدقيقه بجم؟؟؟





مو عيب يكون الواحد يستثمر بعمرة
مو عشان دين يعني ما أقدر أطلع فلوس

بس مو هالشعارات
والمتاجرة بالعناوين و خصوصا الصلاة

و هي شي بين
الإنسان و الله سبحانه و تعاله

حالى يا عذوب حااااله








nice:
i cant add more to you words
with you 100%

Яeema said...

bohsain :


أولا أطلب منك عدل الإفتاء بجهل شخص و إنت ما تعرف منو قاعد اتكلم

لأن أي تجريح لمعلق فى بلوقي فكأنك قاعد تجرحني


هي مجرد استفسارات

عندك جواب لها تفضل قولها


حقي


فلا تألف من عندك كلام و تدش بعقول الناس و تقول قاعد يألف أو ما يألف

للعلم
الخراز صديق واحد من أهل أمي

و ندري و عندنا كل أخباره الله يسلك

القصد من ربعه
يعني اللجنه اللي منظمين المكان والمحاضرة مطرشين مسجات

فمن وين لهم كل هالأرقام؟؟؟




2
المشاركين فى الدورة أكيد بطرشون رسالة و بيقولون تغيرت و إلا فشله عيب بيقولون ما تغيرت و قاعدة تطلع أرقامهم عندكم


الإستبيان له أساس
و أول أساس أن يتم أخذ عينه عشوائيه

مو الناس اللي حاضرين المحاضرة



عالميا تسعيرة المسج للإستبيانات 400 فلس

فلو خذينا
94%
من 20 ألف
و بما إن تخصصي
finance ( تمويل (

فالمبلغ لل
18800
مصلي
هو

7520 KD

تروح حق منو؟؟


عندي معلومة إن وزارة الأوقاف
عليها مساءله من مجلس الأمة

و ما أعتقد إنك الشخص المناسب لأسإله ليش و شحقه
لأني ما أعرف إنت منو و لا شنو تشتغل و لا هذا موضوعي أصلا



و أتمني مرة ثانيه إن يكون حوارك
من العقل للعقل

و لاتدخل بمواضيع مالها داعي و تسبب نجرة بالبلوق


عندنا استفسارات
و نبي الجواب

بس

يعني ما نستفسر؟؟؟


أعتقد لنا كل الحق


أشكرك رحابة صدرك

Яeema said...

kuw_son

خالد اسمحلي
مو أنا اللي قلت هالأرقام

هذا الإستبيان ماخذيته من تصريح الخراز بجريدة القبس عدد اليوم





2
من قال أبي دراسه؟؟

شكلك ما قريت البوست عدل

اقراه عدل و تعال ناقش
مو قاليه نهايه الدوام بسرعه بسرعه
:p
و بعدين انت منهم
closed closed


وين متحلطمة بالله؟؟

قاعدة أستفسر
عيب و إلا حرام؟؟
و إلا بتحلل دمي بعد يا حدس
:p


بروح انشاء الله
بس بعد ما أرجع من السفر

أ[ي أحظرها كلها
4 محاضرات انشاء الله






nice :

waiting for it ....




bin3agul :
انت شلك بالطلايب معلق الحين على هالموضوع

تمتع باللي قاعد تشوفه الله يحفظك
هاهاهاهاها

لما الحين ما تنبي تقولي جم درجة الحرارة؟؟

write for me some places i am coming on 15th july for 5 days for picturing enshallah ....

Яeema said...

فقلْ لمنْ يدَّعِي في العلمِ فلسفة ً


حفِظْتَ شَيئًا ، وغابَتْ عنك أشياءُ



فوق البيعه

Mr_CHoCoLaTe said...

انا بعلق على الاخطاء الاملائيه هي هي

العنوام = العنوان

هذي اطوفها لان الحرفين يم بعض

بس هذي

المحاظره = المحاضره

مليت و انا اعلم فيكم :(

انا لي موضوع في هالشأن لازم تقرينه لول

و ان شاءالله الكل يتلذذ في صلاته

استغفرالله أكل مو صلاة

تحياتي

bo_sale7 said...

نفس التساؤل اللي كان في بالي

موجة وموديل يديد.... تغيير الوجوه طريقة يديدة للحفاظ على تدفق الاموال
ولا شلون يصير تلذذ بصلاة فيها خشوع ؟؟؟!!

تحياتي

ShLaLaT said...

باعتقادي هالسوالف ما يبيلها محاضره

اتوقع 3 ارباع اللي حاظرين سوالف درس ديني ولازم نروح ووناسه والشيخ الفلاني ومن هالطقه

والربع الاخير رايح لانه يبي يسمع ويستفيد


هذا من وجهة نظري بس


اتوفع الواحد لو يبي يخشع راح يعرف شلون بدون لاحد يقوله

!!


بس الله قال
وذكر فإن الذكرى تنفع المؤمنين .. صدق الله العظيم


فما أدري !!؟

بس صارت هالسوالف هبه

BoHSaiN said...

ريما,

فمن وين لهم كل هالأرقام؟؟؟

الناس اهيا اللي سجلت ارقامها لما حضرت الدورة..

---


المشاركين فى الدورة أكيد بطرشون رسالة و بيقولون تغيرت و إلا فشله عيب بيقولون ما تغيرت و قاعدة تطلع أرقامهم عندكم


في ناس طرشوا وقالوا ما تغيرت..


---


عالميا تسعيرة المسج للإستبيانات 400 فلس

فلو خذينا
94%
من 20 ألف
و بما إن تخصصي
finance ( تمويل (

فالمبلغ لل
18800
مصلي
هو

7520 KD

تروح حق منو؟؟




الارقام الخاصة حق الاستبيان ارقام عادية, اهيا المنشورة بالاعلان اللي بالجريدة, وقيمة المسج 20 فلس كأنج دازه حق اي رقم عادي..
ومو كل ال20 الف من الحضور شاركوا بالاستبيان, في ناس من الحضور ما سجلوا ارقامهم وفي ناس سجلوا بس ما شاركوا بالاستبيان,,
النتيجة هذي من اللي ردوا على مسج الاستبيان, مادري كم عددهم بالضبط..



---



عندي معلومة إن وزارة الأوقاف
عليها مساءله من مجلس الأمة


وانا نفسج عندي نفس المعلومة..
بس مو كل شي قاعد تصرفه وزارة الاوقاف يعني فيه مخالفة..
المخالفات حسب علمي عن مشروع الوسطية..
يعني كلش بعيدة عن دورة الصلاة,,



---



أشكرك رحابة صدرك


حياج الله ..

Dee said...

ana mn elnas eli WAYED eshta6aw 3la 3nwan elmo7athara! o re7t weya sadeqate , kelna 3abalna b ne6la3 mn elmo7athara betseer 9alawtna kelha tarawee7 bs it was a waste of time , Mo 3shan ana mat'athar bldroos bl3aks ana wayed a7eb aroo7 bs lama eyth'khmoon shay lhdrja o eykhloonech ghaseb etwq3ain mustawa mo3ayan then eykhybon thanich! beside eltantheem kan jedan saya' .. tara ana 3assbt 3laihum ams:P so asfa 3l garga!
nevertheless it was better than staying at the avenues =p

الوتين said...

ضجة اعلامية على المحاضرة بشكل مو طبيعي انا الصراحة مارحت يمكن عندي شوي خبرة في الاعلام فعرفت الاسلوب الي متبعينه ، العفاسي حالة فكرت فيها الف مرة و درستها بالجامعة قنبلة تجارية اسلامية
أنا مو ضد الاعلام الاسلامي بس مو جذيييييية
الله يستر علينا
مع الشكر

Blog 3amty said...

أخذي عمتي وياج !

:)

Яeema said...

mr-chocolate

تصدق ما ادري ليش يعلق الكيبورد
لا و هذا أنا مراجعه البوست بعد


و سالفة ال ظ و ض

نستخدمها للتأكيد
هاهاهاهاهاهاها

Яeema said...

bo_sale7
م أدري إنت قولي إذا عرفت

عاش من شافك

تحياتي لك

Яeema said...

shalalat:

100000000000000000000000%
with you

:**

Яeema said...

bohsain :

( النتيجة هذي من اللي ردوا على مسج الاستبيان, مادري كم عددهم بالضبط..

)

عيل شلون حسبتوها؟؟

ضربتوا شنو بشنو و طلعت النتيجه
94%??


thanks alot for answering us

Яeema said...

dee :
thank you for sharing this with us




i need to see it

Яeema said...

الوتين

أحتاج أسمع هالكلام من متخصصين

شكرا لكلماتج و رأيك

Яeema said...

blog 3amety
ما يصير تهوبي بروحها لازم محرم

bo_sale7 said...

سانك يو فور اسكينج :)


والاخ بوحسين من كثر ماهو متحمس للموضوع او يمكن صديق للشيخ الشاب جدا فراح يغلط اكثر واكثر كل ما علق لانه راح تبين سطحية السالفة مع عمق التعليق :)

ام الحفيز said...

ريما
يا اختي انا بموت واعرف هالملتحين ليش يستخدمون المصطلحات ذات الاثاره الغريزيه (كيف تتلذذ)ولا (تمتع بعمره)هاااووو ليش هالاثاره مايضر لو قالوا كيف تتقن صلاتك واضحه وصريحه والي بقلبه صلاة ماتطوفه

مادري هالملتحين فيهم فائض من النزوات اللهم يا كافي..افكارهم واطروحاتهم تنبع من بين رويلاتهم خلوووووووووووووووه وقطع
ماعندهم سمو بالطرح والتجرد من الرغبات الفطريه..اطروحاتهم بس بهالمحور
لالالالا محدودين بسيركلهم
الغير موضوعي
ولا اشقولج

NewMe said...

ومن متى ما كانت السالفة دغدغة مشاعر؟؟؟
حلو طرحج
ياليت الناس تشغل مخها
ما كان خذا حالنا
قال تلذذ قال؟!؟
كم هو ممتع اسلوبك
دومي بحب
تحياتي

الطارق said...

مع احترامي للقائمين على الدورة ومع ظني الكبير بصدق نواياهم ومع شكري الجزيل لما يقومون به إلا أنه عندي رأي بالموضوع :

اعتقد إن الحياة كلها عبادة لله ولكن بأشكال مختلفة والله سبحانه وتعالى يقول على لسان رسوله إبراهيم عليه وعلى سيدنا محمد الصلاة والسلام : ( قل إن صلاتي ونسكي ومحياي ومماتي لله رب العالمين ) فالحياة كلها بالرخى والشدة لله ويجب أن نتلذذ بها عبادة لله .

وأظن أن الإنسان حتى يكون قادر على أن يتلذذ في عبادته المحضة أو الصلاة خصوصا يجب أن تكون لديه القدرة على التلذذ بكل عبادة أخرى ، فلا يتصور عقلا ولا روحيا أن إنسان ما قادر على أن يتلذذ في صلاته ثم مجرد أن ينتهي منهل يتأفف من الحر أو من البرد أو لا يمر على ابداع من خلق الله ولا يقول : يا سبحان الله .


على كل حال شرح الأمور الروحية والشعورية امر صعب كما أن فهمه أمر صعب من خلال الكلمات مهما حاولت التوضيح .


مع هذا يا ريما يستحقون منا الشكر على اجتهادهم مهما أثار هذا الاجتهاد عندج من تساؤلات أو حتى امتعاض :)

تحياتي

Ahmad said...

الدين طير من صاده.. قنص به

Shbabeek said...

لأن أمج ما راحت إلا يوم واحد وهو آخر يوم، الدورة صار لها بادية شهر قبل هاليوم!

بس الناس ما درت عن الدورة إلا بعد ما برزتها وزارة الأوقاف إعلامياً وتمنيتهم ما سووا هالشي، لأن خلا الملتزمين مع الشيخ بالدورة ما يحضرون، فلا إحنا استفدنا ولا أهما استفادوا أقصد إلي حضروا لأول مرة..

مو معقولة تحكمون عالشي من يوم واحد والدورة صار لها شهر اسبوعيا في محاضرة!

Яeema said...

shababeek :


مو معقولة تحكمون عالشي من يوم واحد والدورة صار لها شهر اسبوعيا في محاضرة!



+++

قريتوا الجرايد؟؟

ترا محد مسوي الهولليله إلا المسؤولين عن الدورة


و محد حط الإحصائيات إلا أهما


يعني إنتي معاي لازم نصبر و بعدين نحكم



شكرا لتثبيت رايي إن ماله داعي الدعايه هذي كلها و اسخدام مصطلحات تثير النفوس