"الكويت بلد اللاعدل اللا انسانية اللا رحمة"
استوقفني اسم الكتاب و أنا أتجول بمكتبة مدبولي بالقاهرة!
أول ما بحثت عنه هو : من يجرؤ و يكتب كتاب بهذا العنوان؟؟
الكتاب للكاتبه ( أول مرة أسمع فيها ) حنان الجسار
عبارة عن سطور كتبتها و هي بداخل السجن تروي حكايتها مع فوزيه
و هي الدكتورة المشهورة بالـ---
فيها كيف أنها ساعدتها على الذهاب إلى بريطانيا
و من ثم تنظيم رحلة العوده الى الكويت بعد حصول زوجها المتعاون خلال غزو الكويت على الجنسيه البريطانيه
و كيف أنها أخفت الملف الخاص به ( في أحد يفضح عمرة بهالشكل) عندما كانت بالداخليه
و كيف أنها لازالت تحتل مكانه ( يعني واصله و عروقها بالماي) الكل يريد مساعدتها .
و أن لها نفوذ لعضو من أعضاء مجلس الأمة
و تدعي فى الكتاب أن جميع المستندات لديها و أيضا التسجيل بالصوت لبعض الحوارات لها و لفوزيه
و أن سبب سجنها كان بسبه أمانه ( فلوس ) أعطوها لتشتري و تبيع أسهم بالبورصه و أنها سرقت هذه الأموال منهم
وفجأه و هي في السجن
يتغير الحوار من سرد لقصتها مع فوزيه
إلي سرد مواضيع المسجونات داخل السجن من جنسيات أخرى ( فلبينيات،أندونيسيات و سيرلينكيات )
و فجأه
تسرد قصص حصلت لها داخل السجن والمعاملة اللاإنسانيه
و بعد 50 صفحة الذي بستطاعتكم قراءتها بساعه توجد قصاصات من جرائد يوميه و منها القبس والراي
و الغريبه أنها بتاريخ يناير 2007
خلص الكتاب
و ما عرفت شنو تبي الصراحه؟
ولا عرفت شنو صارلها؟
ولا شنو تبي توصله؟
و بين الأسطر تبدي بحكايه و تقول بعدين هذا يبيلها كتاب راح أكتب عنه لاحقا!
أنا واصله و أنا عندي نفوذ
إنزين؟؟
الزبده ، الكتاب طبع بمصر لفضيحة فوزيه بالأدله و المكالمات المسجله وهي ما تدعيه الكاتبه
ورسالة بسيطه لكل من يريد أن يعمل بالكويت تنبهه أن الكويت لا تصلح للعيش فيها ، بلد اللا قانون . بلد المحسوبيه
و العهدة على الراوي
4 comments:
هلا ريما
انا قريت هالكتيب
اعتقد انه كاتبته وحدة محبطه فيه الصدق والمبالغة وصح مو مبين شنو الهدف منه
انا قريت الكشكول مالها و قعدت اطلع خمامها اهي و فوزية الدريع، للأسف في جم شغلة مو متاكد منها و اهي الي مأخرة البوست مالي، بس انشاء الله على الاسبوع الياي يبين الموضوع عدل
و للعلم مدبولي معروفين بالنصب يعني مو غريبة تكون حنان الجسار بس اسم من الهواء بس علشان المبيعات، و لا شكو بلد اللاحرية و اللامساواة مع بائعات هوى و قضايا زنا و سفاح.....؟!؟
بالكويت مافي شي اسمه ما اقدر او تخصص
الكل يسوي كل شي
وحده ماعندها سالفه طلعت كتاب مثل هذا
شي مو غريب على الديره !!
بس الغريب
الكويتيين صايرين كلهم مثل توجه صاحبه الكتاب
بس انتقاد واحباط
مادري ليش !!
الحمد يزيد النعم !!
ويعطيج العافيه
اختنا العزيزة
قد لانعرف الكاتبة الا اننا نتفق معها بان الكويت ديرة المحسوبية وانا شخصيا شاهدت الكثير من المواضيع حتى راسي بدى يصلع لكن موضوع فوزية عذا غير لان مو كل اللي نكتب صحيح
واذا زوجها متعاون بوقت الغزو وهذا شي ممكن لان الاخ حسب ماسمعت مو كويتي حتى لو كان كويتي جان شفنى من يدافع عنه بالمحاكم مثل مادافع خالد عبدالجليل عن علاء حسين واللي للاسف الحين يتكلم بقناة الوطن عن الوطنية والشرف
Post a Comment