Monday, January 14, 2008

مع البرد قعدة البيت تحلا هالأيام

مع القعده والبلعه الواحد يحط باله على الخدم شوي



اليهال حواليني و بنتي ماسكه اللاب توب من صوب

وولدي على الكمبيوتر الثاني شابك

و أنا معاهم بالنت



فجأه يعنا كلنا



فنزلت حق الطباخ تحت أقوله يسويلنه شي



فجأه و إلا شنو المنظر!!!!!



الطباخ عنده لاب توب!!

أنا ما إستوعبت السالفه!!!

لأ قويه شويه – طباخ ولاب توب!!!! من وين و ليييييييييييييش!!!

جان أقوله: محمد من ماله الكمبيوتر؟؟

الطباخ: مال أنا مادام

ريما: شتسوي في؟؟؟ إتعرف تشغله؟؟

الطباخ:مادام ، أنا أستخدم إنترنت مشان أكلم الهند

ريما: ما إستوعبت اللاب توب عشان أستوعب إن طباخنا يشبك!!!!!

نعم ما أسمع؟؟؟ شنو يعني إتكلم الهند؟؟؟

الطباخ : أنا ولدي موجود بالمسنجر و أنا يسوي كلام وياه و أكو فيديو بعد

ريما : ( فى هاللحظه إستحيت أطلب منه يسويلنا همبرجر و بطاط هههههههههههههههههههههههههه )

إنزين محمد ، سولنا العشا ، محمد من وينلك خط تليفون؟؟

الطباخ: هذا مال إتصالات

ريما: إييييي خير إنشاء الله

رحت فوق مو مستوعبه إللي شفته ، دقيت على زوجي ، بو يوسف!!!!!

طباخنا يشبك إنترنت و يكلم أهله بالمسنجر!!!!

زوجي: قاعدة إتقشمرين صح؟؟؟

ريما: قسما بالله مو قاعدة أتقشمر!!!! شفتا بعيني!!!!

زوجي: إشلون ووين و من وينله!!!

ريما: ما أدري تعال شوفه بنفسك

  • - - -

زوجي: محمد صج عندك لابتوب؟؟

الطباخ: إيي بابا و أكو إنترنت بعد

زوجي: بس إنترنت و إلا شي ثاني؟؟

الطباخ: لا بابا أكو أكتب كل أكل ، هذا مجبوس دجاج ، مرق سبزي ، مكرونات

زوجي: شنو اللابتوب موديله؟؟

الطباخ : عادي مو غالي رخيص بس واجد زين HP

زوجي: من يايبلك إياه؟

الطباخ: هذا ولدي علمني كل شي موجود

زوجي: . . . يالله بروح أنا



_ _ _

زوجي: أم يوسف

ريما: نعم؟

زوجي : أقولج دوريلج على طباخ غيرة من الحين

ريما: ليييييييييييييش؟؟؟ ما يبي يشتغل عندنا؟؟

زوجي : والله الإحتياط واجب ، شكله طموح الريال و مو مال يطبخ حق عيالج همبرجر و بطاط







The end

14 comments:

Purgatory said...

our maid had a laptop and does Autocad ba3ad ;p tabeenha?

Lala* said...

Hatha marra 3aneeef!!..

hahahah..

ya7lailah, 3ajabny!

charisma said...

لووووووووووووووووووووووووول
ههههههههههههههههههههههه
هههههههههههههههههه
يالله صباح خير
واى مت ضحك
يحليييييله محمد
صااج بويوسف دوريلج غيره الريال طموح
هههههههههههه

ابييه ما الومج لما استحيتى تطلبين منه العشا
لوووووووووووووول

ابيييه

NewQ8 Bride said...

ya7leela he`s cool

my maid asked me if it`s ok to go to an internet cafe <--shakhbaree

i told her shako ???
she said i want to talk to my husband !!! bada3aw

Mohammad Al-Yousifi said...

شكله ياخذ مناقصات بالباطن

الزين said...

هههههههههههههههههه

عجيب طباخكم

بس حطوا بالكم عليه
مرته مو عنده
لا يسوي سايبر اشياء

خزيااااااه

اقول ريما احنا طباختنا كثر مهيا ماخذه علينا تعلق على لبسي اذا بطلع

الله جيييين حلاة اليوم كتير حلاااااه

وساعات اذا انا عند التلفزيون ما اوتعي اللي الخت ساطره معاي

تعلق على المسلسل

عشرة عمر ياحليها
15سنه

لازم تصير جذيه

يعين الله

What Will Be , Will Be .. said...

eehaabel whwa mjabel il labtop bil ma6bakh LOOL

Kuw_Son said...

هههههههه .. إي والله كلام زوجج صح ..

مو بعيدة بعد جم شهر مال
DHL
طاق الجرس و يقول شهادة الطباخ من أمريكا وصلت

ولا الحبيب ماخذ انتساب و دراسة ماستر عن طريق المراسلة
:P

وعاد شيقضبه .. ماستر فندقة
:P

vancouver said...

يحليله
والله يعجبني
اقول ريما
قوليله
يدخل سايت الفود تي في
وخليه يبددددع بالاكلات
على ما تلقين لج طباخ ثاني
لوووول

joy said...

حظي علينا وعلى طبابيخنا الخداي


اقول صاج ريلج دوريلج غيره

احنا لمن علمناه يقرى كتاب المطاحن انحاش وقال بروح اشتغل ابفندق

Fahad Al Askr said...

إذا طباخكم يعرف يستخدم الانترنت وعنده لاب توب

ليش أعلق

أخاف يحتر ويرد علي

Яeema said...

purgatory


hehehehehehe

i want someone who know photoshop :p



you have???




lala

7addaaaaaa 3ajeeeeb allah yethabta eb beeet'na

hehehhehehe






charisma

طلع كمبيوتره شاريه مستعمل
هاهاهاهاها

زياده عن الكلامإللي نقال










new bride

yes i know aout this also
in the sal7iya , video call akoo

btw philipens only

theindian ma 6a7aw 3aleeeh








kila ma6goog

هذا تفكيرك التجاري

:p








zozota

hehehehehheheheh

أما سالفه التعليق على لهدوم ما مرت علي الصراحه
هاهااهاها

بس تمووون دامها 15 سنه


الرزه جدان التلفزيون ما أدري لأني ما أطالع تلفزيون إلا ويا زوجي فمالج أمل ترتز


أول التلفزيون بداري


إنزين و إتخلينها تشوف وياج؟؟؟؟

إذا طلع شي و إلأا شياج؟؟







what will be will be

7asafa m 9awartah!








kuw_son

إذا خذا ال PHD

أفتحله مدرسه يعلم طباببيخ الجيران
هاهاهاه
و أطلع من وراه فلوس

ليش تخصصي تمويل؟؟
عبط؟؟







vancouver

heheheheh
تصدقين والله فكرة

أهما المطاحن يقوللي مو حلو أكل

إتهقين يعجب؟؟

لي ماق علينا بقول كل منج

هاهاهاها






joy

looooooooooooooooooooooooool

طباخكم ماعنده ولاء لكم
شكلكم صاكين عليه صكه

لو زايدينه 5 دنانير جان قعد عندكم
الطبابيخ الخداي طموحهم محدود






fahad al askr

يا هلا باللي لفانا يا هلا به


لا لا تحاتي
أسويلك واسطه

واااااااااااي ماني بخير إذا طباخي عرف بلوقي

Anonymous said...

يمكن بعد عشر سنين او اقل كل الخدم والصبيان عندهم لابتوبات
مو بعيده


بس هم شي عنده بلوق ؟

Shaima'a Alkandari said...

من صجج

وانتو كنتو ماتدرون عنه ومخلينه على حل شعره

يبه سمعي نصيحة ريلج ودوريلج طباخ ثاني احسن