Sunday, January 13, 2008







مع نسمات الجو البارده

تم إفتتاح خيمتي الموقرة

و بدايه الجلسات الحريمية البحتة و مناقشه ما يدور في أروقه الدوام من تقاييم و قوانين يديده تم تطبيقها دايخه في دوامنا فى الآونه الأخيرة.

وحديث المجتمعات الكويتية البعيدة عن الأجواء الرسمية من فلانة نخطبت و التفيتيحات و الموضه فى الربيع .



صارت الساعه 9 و إلا وحده تصرخ

غيرواااا التلفزيوووون يالله البرنامج بدا لا يطوفنا شي



تقريبا كنا 7 بنات ، ولا وحده فينا سمعت عن هالبرنامج



شيطلع البرنامج؟؟

تراه له هدف يعني مو عبط حاطينه



الهدف:

تخريج مواهب جديده فى فن الرقص الشرقي من خلال منافسات من مختلف الدول منها – مصر وسوريا ولبنان والمغرب والبرازيل وروسيا و أوكرانيا وكوستاريكا وفرنسا .



لجنة التحكيم :

نجوى فؤاد و سيمون أسمر و مدرب الرقص ظاظا ونادرة عساف و إيميليا زيدان

( غير أول أثنين ما أعرف ترا – إللي يبي يبحث عنهم و خصوصا ظاظا هذا ههههههه )



تقليد :

البرنامج هو النسخه العربيه من البرنامج الأمريكي

You think you can dance??



بعد تبون سخافه أزيد من جذي؟؟؟

أقولكم

إنها مبادرة من قناة الـ"LBC" الفضائية اللبنانية لإحياء الرقص الشرقي أو لإحياء عصر الجواري من خلال برنامج إختار القائمون عليه اسم "هزي يا نواعم".

والجائزة الأولي 50 ألف دولار



في سؤال محيرني؟؟؟

ليش البرنامج بادي من نوفمبر 2006 و أنا توني أفطن عليه؟؟

ليش صاير عليه تعتيم ؟؟؟

الحريم وينهم عنه؟؟؟

و ليش المجلس ما تكلم عنه؟؟



أقولكم شي

إنتوا بس دخلوا youtube

كتبوا هزي يا نواعم

و شوفوا الهوايل



ما أقول إلا الحمدالله على نعمة العقل والدين

يا ربي لا تبلينا











15 comments:

Fahad Al Askr said...

ما قلتي متى يحوطنه

شدعوة؟

Smile said...

الحمد الله والشكر
سمعت عن هالبرنامج بس ما حاولت ولا فكرت اشوفه
الله يهديهم ان شاء الله

Smile said...

OLLLLLLLLLLAH badi min 2006 !!!

kila ma6goog said...

يمدينا نلحق عليه؟

charisma said...

لول
اى والله هزى يا نواعم ما ادرى من ويين طلع لنا
امس بالزواره اقول هق اهلى وبنات خالتى ولا محد يدرى عنه ولا احد سمع فيه

حتى ربعى ما يعرفونه
صج تعتيم

مع جو الخيمه والكستنه والخبز وبعدين المعدس
وينا وين هزى يا نواعم
مالنا خلقه الصراحه
هههههههههه
مال صيف البرنامج

Mamloo7a Q8ia said...

مساء الخيرات والجو الحلو
ههههههه
انا مثلج اكتشفته من يومين
وتحمدت ربي وتشكرت على نعمة العقل والستر
من سخافته محد يعرفه

New Bride said...

hehe wlaa marra sheftaa :)

my granny told me about it :P tyanin o 6ab3aan 6adha m3a9baa 3aleeh madree me7traa wala shno :)

Яeema said...

fahad al askr :

ليله الخميس بعد أخبار الساعه 9
على
LBC
bas mdry europ or normal one

ولمده 3 ساعات متواصله
ههههه

Яeema said...

smile :
أحسن لج ما وراه إلا لذنووب

Яeema said...

kila ma6goog

راح تلحق على النهائي

ووالجائزة و اللقب


لاحظ شغله
يخلص الخميس
و اليمعه إنشاء الله ستار أكاديمي


يعني ما يخلون الناس تبلع ريجها
هاهاهاهاها

Яeema said...

charisma

هههههههههههههههههههه
هههههههههههههههههههه

إ]يييي والله تنحنا
يبيلنا خيمه مره ثانيه


أتوقع التعتيم مخطط صعيوني رجالي


و بيني و بينج
هالبرنامج يخوف إذا سووله دعايه
ما يترقعووون


الدمااان لي الركب

Яeema said...

mamloo7a q8ia

أنا أتفق معاج بالنقطه الأولي

أما محد شافه من الرياييل

لأن أول ما طلع صار حديث الدواوين
هاهاهاها

بس مثل ما قلت سكاتي و نقزات

Яeema said...

new bride

الله يحفظها يا رب
بس يدتج إللي تعرفه؟؟
والله سإلي راح تتفاجئين من إلألي يشوفه
هاهاهاهاها

النهائي هالخميس
تتويج الأولي على اللقب
و جائزة 50 ألف دولار

و الشعب منلعن خير خيره
حتى رئيس ماكو

White Wings said...

فهد، مطقوق
ما تيوزون، رياييل ماكو فايدة
:)
يا ريما يا عزيزتي، الدنيا كلها نازلة هز، وحشر مع الناس عيد
:)

Selezya said...

تصدقين اول مره اسمع عنه !!

فووووووقه على يوتيووب
معنه مالي خلق تلوع جبدي
بس بشوف شسالفة


تكفين اكو املق من برامج الال بي سي
ماكو شي ما قلدوه