Wednesday, January 23, 2008

خدمة المواطن والموظف

رحت أجدد جوازي يكون بعتمد على نفسي

لأن زوجي يومه عن ألف

و أتفاجأ إن ممنوع !

لازم الزوج!

و توقيع الزوج

و موافقة الزوج



ويييييه

عيل وين حقوقنا السياسيه إذا جواز ما أقدر أجدده



رجعت بخفي حنين

و دقيت على الزوج



مبروك عليكم

ما نقدر نشك خيط بإبرة إلا فيكم



عيل مندوب يقدر يجدد جوازي و أنا لأ



ليش يعني؟؟

السؤال

إللي متعانده ويا ريلها؟

ما تقدر تهج و تسافر وعليه عليها؟؟؟

هاهاهاهاهاها

بس تصدقون يكن حاطين هالقانون عشان يخففون الهوشات





يجب أنا نطالب بمعاملتنا بالمثل



حرني اليوم هالقانون !



15 comments:

Mohammad Al-Yousifi said...

لوول

شفيهم الحريم هابين يجددون جوازاتهم؟

shosho said...

هذا القانون تم تمريره قبل أن تنال المرأة حقوقها السياسية نتيجة لضغط الاسلاميين فاذا أنت ضده لا تصوتي لهم في الانتخابات القادمة
و حاولي أن تثيري الموضوع كنوع من الضغط السياسي

الحقوق السياسيه جاءت لنستخدمها لصالحنا لا للتحسر على ما ضاع منها في غفلة منا

Enigma said...

are you serious?? shal maskhara !

haifa said...

قويييييييييييية

أنا خبري الاب على ابنائه القصر .. بس الزوج على زوجته البالغ الرشيد .. قويييييييية .. للاسف هذي اهانه كبيرة لنا .. بذمتكم شالفرق بينا وبين السعوديات .. الي يوصل عمرها 100 وماتشك خيط بابره بدون محرم حتن لو كان حفيد حفيدها بو 16 سنة

strawberry cheese cake said...

3lashan ma tn7asheen :P

Яeema said...

kila ma6goog

بجرب شي يديد
:P







shosho :

ما صوت حق أحد
صراحه مو مقتنعه

بس لو الصبيح تنزل للإنتخابات راح أصوت لها


لما ألحين ماني مقتنعه من الموجود







enigma :

yes i am :)






haifa :

الفرق إن تقدرين تسافرين بدون محرم

بس تجددين الجواز ما يصير


شفتي أكثر من هذا تناقض؟؟


قوييييييييييييييه صح؟؟
هاهاهاهاها



baby :

elly eb yen7aah mo na6er jawaz :p

Lala* said...

ما تدرين ريما إن الزوجات هنيه ملكية خاصة حق أزواجهم
؟

Manal said...

لما توصل مرأة سنعة الى مجلس الامة


احتمال تنحل المشكلة



وعلى فكرة
تم مناقشة الموضوع في برنامج مفترق طرق للاستاذة الدكتورة كافية رمضان

ولفت نظري ان الوزيرة بكبرها لازم زوجها الي يخلص لها المعاملة او اي رجل من العائلة

Яeema said...

lala* :

بالأوراق الرسميه بس
أصلا راحت عليهم من زمان

هاهاهاهاها

المشكله بالقانون و ليس الزوج









manalq8:

مثل ما قلت
المشكله بالقانون

القانون متخلف
ما يندرى منو حاطه


إللي ما أعرف عنه
بالدول لمتقدمة هم المرأة ما يصير تجدد الجواز؟؟؟

Manal said...

غاليتي ريمة


الدول المتقدمة مثل اي دولة؟؟؟


بريطانيا لا يشملها هذا القانون

فاي شخص يذهب ليجدد جوازة ويخلص معاملاتة بنفسة بدون اي وصي او ولي


لا يوجد هناك قانون يمنع اي شخص من اتخاذ قرارة وتخليص معاملاتة
وينتهك حق الحرية الشخصية


اخيتي العزيزة
حق المرأة في الدول العربية مهضووووووووووووووووم

للاسف
يتغطون باسم الاسلام وهم لا يطبقونة كما هو

ياخذون ما يريدون
ويغضون الطرف عما يقلل من شان الرجل

عالم العرب قائم على اساس ان الرجل هو صاحب القوانين السديدة

ليلغي بذلك الجزء المهم من الحياه وهو النساء
لاغين رايها وتفهمها للجزء المتعلق بالمعوقات والمشاكل التي تصيبها

في نفس البرنامج
الذي ذكرتة

مفترق طرق

تطرقت المحامية اتوقع اسمها ليلى الراشد
الى مشكلة تزويج البنات من دون حضورهن واقرار الزواج والرضى به

وانتهى الامر الى المحاكم عندنا علمت البنت بانها زوجت وطلقت 7 مرات بدون علمها
والسبب طبعا المال والجشع
وباتفاق مع الازواج بان ياخذوا قرض التسليف ويتقاسمونه مع الاب


هذا احد الرجال
الذين لا يتمنون دخول المرأة للبرلمان حتى لا تدافع عن حقوقها

والخافي اعظم



الله يكافينا واياكم
شر وظلم بعض الرجال

عثماني said...

ريما

عزيزتي .. مازلنا في ديرة البطيخ

ثانيا شمهنته الريل؟؟

خل يروح يجدد جواز مرتة

:)

Fahad Al Askr said...

ديرة عوية، شنسوي

nice said...

ممم ريما الي بعيد عن هموم المواطنين يجهل كيف تدار البلد
ما يشوف شر وليدج
تحياتي

charisma said...

والله يبيله هجه يا اوخيتييييييييي
ابييي اهججججججججج

لا تحتريين انتى حطى ريل على ريل ولبحى على قلبه لما يتحرك ولا يدز مراسل

شنسوى بعد ابردها عليج عشان لا تحتريين
:**
هذى الكويت صل على النبى

Baboona said...

wala shay yeza3el ..
by now its time that the renewal of the passport to be online ...