Sunday, January 06, 2008

الجو حلو ماشاء الله

معناته الواحد يقدر يسوي إللي يبي ما عدا السباحه


تذمر الناس زايد

و صايرة ما أتحمله

غلقه

ظيقت خلق

ماكو شي نسويه !


أستغرب منهم ! في أحد بالشتا ما يعرف شسوي

والله لو يروح يطلق رويلاته بالواجهه بس الواحد يحس بوساعة الصدر

ألف الحمد الله على كل شي



------


سالفه ضحكتني


رايحه ويا الأهل ( زوجي ) محل إلكترونيات

و أنا أتمشي و إلا يرن الموبايل

و إلا باشو صبيناّ

ماما هذا أرامكس يجي ، يجيب صندوق


أنا عارفه شنو إللي واصل ، عدسه حق كاميرتي

جان أستانس و بطلت حلجي و ما سكرته

هذي جذي و بصور جذاك

والعدسه فيها عزل مو طبيعي و دشيت بتفاصيل مالها أول ولا تالي


فجأه أشوف ويه زوجي و هو مبتسم

يقوللي :

أم يوسف؟

ملاحظ شغله فيج

إنتي وااايد بعيده عن هموم المواطن الكويتي

أنا: ليييش إشفيه المواطن الكويتي مافي إلا العافية

زوجي: إنتي تروحين الجمعية؟؟

أنا: لأ ليش؟ نفس اللسته من سنين ما تغيرت

زوجي: تدرين جم وصل سعر كرتون البيض؟ تدرين إن الحليب إرتفع سعره؟ ووايد أشياء بعد زادت بالمقابل؟؟؟

أنا : هههههههههههههههههههه لأ والله ما أدري

بس بذمتك مو جذي أحسن؟؟؟ لا أقرا جرايد و لا أشوف تلفزيون و حتي البلوقات إللي تتكلم عن السياسه و الدين هونت عنهم

صدقني جرب طريقتي و راح تشوف ديرتك أحلا ديرة ينعاش فيها


*

*

*

فوق البيعه:

لو الله يفكنا من حسد إكباريه الديرة جان ديرتنا سالمه

بس إللي عنده فلوس ما يبي غيرة يكون عنده فلوس

لا قانون سنع

ولا ناس عندها ضمير

ولا حب لتراب هالأرض


فحمدت ربي إني على قولت القايل


بعيد و سعيد




30 comments:

Mohammad Al-Yousifi said...

الناس استجواب

و حل مجلس و انتي


الجو حلو

Яeema said...

والله يوم كنا بدون مجلس حالنا وااايد أرحم

و سلملي على المجلس

إنت ما تدي أنا حتى مجلس الأمه ما صوت؟؟
كنت بربوع لبنان

فا يا بو سلمى
طبخ طبختيه يالرفله إكليه

;)

Lala* said...

صج عاد زوجك يناديج أم يوسف
؟؟

:-\

Яeema said...

lala :

No , he call me with my first name :p

but i cant say it here ;)

Fahad Al Askr said...

وايد شدتني الجو حلو

شكلك أشكرة كاتبه البوست من برة

الله يهداك عافور من الصبح وينا وين الجو حلو

What Will Be , Will Be .. said...

والله يوم كنا بدون مجلس حالنا وااايد أرحم



9aaaa7 lsaanich


o Fe3lan il jaw 3ajeeb :)

nice said...

اما عن الجو فالله المستعان من كتبتي عنه والجو عافور وغبار ما ينبغى
اما عن هموم المواطنين هاذي للمسئولين فقط يهتمون فيها

vancouver said...

سايستج ريما انا طبقتها من زمااان
من اول ما ييت كندا
وشفت كلمن لااهي بعمرة وحياته وسعيدين ومستانسين وهمة والله ما عندهم نص النعمة اللي احنا عايشين فيها

بس مااااا يتحلطمون
يمكن انا ما اقدر حيل ابتعد عن هموم المواطن
مثلج
لووووول

بس اقرى الاخبار بالاسبوع مرة
السياسةو المشاكل والتحليلات
ما اعيشها
اوكيه اقول رايي
بس ما اعيش الدور
فاهمتني


والله لو الواحد بيشوف
بيلقى اكو مليون شغلة وشغلة
يقدر يستمتع فيها

العيب فينا مو بديرتنا



تتمسين بخير
:))))


موضوعج ترى قوي
نزلي جزء ثاني
الناس محتاجة انسبيريشن
عطييييييهم امل


:))

bo9ali7 said...

في ناس تفكر بهموم الكرة الارضية
في ناس تهتم بالاقليم اللي عايشة فيه
في ناس تهتم بديرتها وبالدول المجاورة
وفي ناس تهتم بديرتها
وفي ناس تهتم بعائلتها
وفي ناس تهتم بأسرتها
وفي ناس تهتم بنفسها
وفي ناس قمة همها تلبس شنو حق الدوام

Manal said...

Reema


والله انتي الي عايشة الجو



عليج بالعافية




بس ديرتنا من غير مجلس؟؟؟

ممممممممم



ودي اتصور

بس قوية
:-)



خليج بالجو
واستمتعي بكل لحظة من وقتج بالتصوير

بس فيدينا بعد
انا مبتدئة





بالتوفيق يا ريما

Eng_Q8 said...

اي وايد الجو حلو

ناس مختنقه والكمام مو ملحق وياهم

وناس بتموت من هالاخبار

وناس اتقول الجو حلو

Яeema said...

fahad al-askr :


looooooooooooooooooool


leeeesh em3a9ib :p

it's only for a 1 day !
or you can say

i write this post o ba3deen gabbast

hehehehheheheh

Яeema said...

what will be will be


:****


mo 9aaaa7???


a7la el gawaneen 9arat

eljaw wayid 7elow , 10 degree wala 55 degree !!!

What Will Be , Will Be .. said...

9aba7 il kheer ..

ai 10 degree

early morning 5 degree

o gbl la anzel mn il car kanat 7.5

Im FREEZING!!

نون النساء said...

looooool
كنت بوافقج الرأي
لو ما لغباار اللي جثا على صدورنا امس ليلاً...
وخلا النوومة عسره

NewQ8 Bride said...

و الله زين تسوين
اريحلج

بس ياربي انا ما اقدر لازم اشتط و حالتي حاله لين اخر شي اعصب و احط راسي و انام

موفقه و الله

charisma said...

يا مسا الاشواق يا روحى

لوووووووووووووووول

بويوسف بشرق وام يوسف بغرب

اهم شى ان هموم المواطن الكويتى

انا نفسج لانى صوب سياسه ولا جرايد ولا تلفزيون وينقمت قلبى اذا بس اهتميت وتابعت موضوع سياسى ولا شدنى
انقمممممممممممت
ومن اصد ارتاح

ومبروك عليج الافى
ويالله خل نشوف انجازاتج بهالعدسه
اليديده
:**

Athoob Alshuaibi said...

زوجي من يشوفني فاتحة صفحات الأمن و العدالة و البلدي على مجلس الأمة بالإنترنت

يزفني
على طووووول يقولي
سكري الصفحة يالله جدامي !!

عشان بعدين تتبجبجين علينا كل شوي و تتعبين و يرتفع ضغطج :D

لأني أكملها عقب مادش يوتيوب وأتحسر على الكويت لما أشوف الفيديوات القديمة



بس شسوي مادري متى بتوب :)

Яeema said...

nice :

loooooooooooooooooooooool

قولها لا تخليها بقلبك
قبست عليكم؟؟؟؟
هاهاهاهاها

الله المستعان


والمسؤولين
سلملي على المسئولين
قولهم إشلونكم زينين؟؟

Яeema said...

vancouver

hehehehehhehehehe

ترا إللي بره يحسون بمعاناتنا أكثر
و خصوصا إللي جرب النظام و السهاله شلون صايرة لتطبيق أي قانون


إحنا أبسط شي قانون المرور محد محترمه بهالديرة

كل واحد داش بنائب و يبي ياخذ متخذ

حتي الجامعات ما إسلمت منهم



يا ستي

خليها على الله

الجرح قاعد ينزف و ما من علاج له


خلينا صادين أبرك

يقولج لهموم إتييب التجاعيد للوجه

و أنا بالثلالثين الحين
يعني لازم أحافظ على بشرتي
هاهاهاها

Яeema said...

bo9ali7

و إنت شنو تهتم في؟؟

-----
ضحكتني على شنو تلبس حق الدوام

والله أنا إللي جدامي الصبح و برد مالي خلق أفكر
هههههههه


ولا لما تييلي وحده تقوللي وين التراجي

أقولها زين يييت و ما نسيت نفسي بالبيت
ههههه

Яeema said...

manalq8:

والله كل واح عايش الجو إللي يبيه

إللي يبي الوناسه موجودة
و إللي بي التعاسه هم موجودة


متى ما عرف الواحد شنو يبي
صارت حياته أحلا



أما عن التصوير
عندج إيميلي بالبروفايل
وإللي تبينه عيوني لج


بس ما أبي أتكلم عن التصوير بالبلوج
مكانه بفلكر

;)

Яeema said...

what will be will be


الكوتات ليش موجوده؟؟؟
عشان إتدفي الكبت؟؟؟


لبسوا الكبت كله
ونااااسه
هاهاهاها

Яeema said...

نون النساء

لغبار يوم بس

كااا اليوم الجو إشحلوه

خل نلبس كوتاتنا إللي صارلها 5 سنين تدفى الكبت
ما تطلع إلا من سفرة لي سفرة

و سفرنا كل بالصيف
هاهاهاها


-----
اليوم إنشاء الله تنامين نومه هنيه
الله يحفظج يا رب

Яeema said...

new bride

إنشاء الله باجر لما تكبر عايلتج و إييلج من يلهيج بتصدين عن هالأخبار
و بتدورين الوناسه من تحت القاع و غصب بستانس
هاهاهاهااها

Яeema said...

charisma :

يا روح روحي إنتي

إنتي إشلج بالطلايب؟؟

أكو ناس وايد غيرنا تلبح الله يحطيهم العافيه

أنا أؤمن بالتخصصات


اللبحه مو تخصصنا

صح؟؟


عسا الراحه دوم بدربج يارب
و إحنا وياج و جميع المسلمين

Яeema said...

athoob

حبيبتي إني بالغربه
و إنسانه فنانه بكل معني الكلمه

ليييش الطلايب و البجى؟؟

الديرة ما صارت لنا
قلناها من زمان
صارت حق اللفو
و إللي هب و دب


تبجين قبل أنا وياج
كان في رجال ينبجي عليها
بس الحين إحنا أغراب بديرتنا

ترا شي يعور القلب و المخ

yesawy conflect and out of focus!

خلوا الناس إتششتت أفكارها بالديون و البيت
و نسوا الخطط المستقبليه و التنميه


لهوا بسار أكاديمي و مظلات بالشارع يشيلونها و إلا يحطونها
و نسوا التعليم و الصحه


شي يفشل يعل راسهم البط إنشاء الله

إللي عاشوا بالسبعينات وااايد حالهم أحسن من حالنا الحين

Kuw_Son said...

أهم شي الأهل ..

شلونهم ؟ عسهم مرتاحين ؟
:P

nice said...

وانتي من اهل الخير

Athoob Alshuaibi said...

احلى شي
باب الحداقة بجريدة القبس
والا حماية المستهلك و الزراعي هم لج عليهم :PPP