Saturday, January 26, 2008

أقدر أقول الحين الحمدالله على البلاغ عيالي الشباب كبروا

كنا كلنا متيمعين قبال التلفزيون و كان البرنامج على محطة الوطن ، مادري شنو البرنامج و أقصد إسمه بس كانوا بنتين حلوين قاعدين بمطعم ماكي و قاعدين يتكلمون عن السوشي



حلو؟

واحد من الشباب ( 3 سنين ) قرب يم التلفزيون و يكلم أخوه ( 5 سنين )

شعرها وايد حلو

الأخو: إييي شعرها وايد حلو تبي نفسه؟

لصغير: إشلون آخذه أحط إيدي بالتلفزيون و آخذه؟

الأخو الكبير: لأ ما يصير بس روح حبه ( هذا الصايع ولدي )

الصغير: إنزين بس الكهربا ما تسويلي شي؟؟

ألخو الكبير: لأ هذا مو بلاك هذا بس تلفزيون ما يسوي شي ، شووف شووف ( قاعد يلمس الشاشه بيده عشان أخوه لصغير يصدقه! )

الصغير : يروح يركض يحب المذيعه!

الأخو الكبير: شفت ما قتلك ما يكهرب



طبعا أنا إهني طقتني البوهه! من صجهم هذيييييييييييييييييييل!!! هاهاهاهاهاها وااااااااااااي شقبر بعمري !

تو الناس على المراهقه !!!! لي راهقوا شسوي فيهم!!!

قمنا نتطالع أنا و أبوهم و عيونا إتحجي من طريقه الحوار البريئ إللي صار بينهم



أضحك؟؟ أبجي؟؟ وااي شسوي؟؟؟

طبعا ما تكلمت ولا كلمه

طالعت أبوهم و قتله ترا الشباب عليك مالي شغل

هاهاهاهاهاها





27 comments:

kuwaitforus said...

الوقت تغير يا ريما
عبالج احنا مستانسين على افتح ياسمسم

بو حامد said...

ريما حوار بريء ؟

يالله بريء بريء

الله يخليهم لج .. ويحفظهم

5roofa said...

لووول ياختيييييي

سمله عليهم الله يخليهم تره عادي امبي والله ريما لو تشوفين البنات و شنو يسون بالمدارس
اذا بنت باولى تدري شنو شبك و مسنجر

و الثانيه بثالثه ابتدائي لمه اسالها ليش سرحانه تقولي اسرح بشنو تيجر كل عيال عمتي جياكر

لوووووووول يعني الله يستر على عيال باجر
تشوفين الياهل ينولد بسبايكي و البنت بتراجي على الحواجب

تسلمين على الموضوع

salamz sweetee...

new one said...

ههههههه

الله يخليهم لج ان شاء الله

زين سويتي خلي الشباب على ابوهم وانتي استلمي البنوتات

البوتات اسهل


الله يخليهم لج

Mr. Solutions said...

الله يحفضهم انشاء الله ويجعلهم من الذريه الصالحه

Manal said...

:)


ضحكتيني والله



الله يحفظهم


صج

عيال هالزمن ما يحسون بطفولتهم
دايما بيعيشون مثل الي اكبر منهم

الله يخليهم لكم

Bin3agul said...

HAHAHA .. good luck .. hatha men al7eeen chethy .. laikbaraw shbesawon ? :P

allah i5alihum likum enshallaah ..

nice said...

no Comment

`~MnO YeNSa! ~` said...

ايي شفت الحلقة امس ... واي يحلاتهم ابشـــــــــــرج اكبروا ... ديري بالج عليهم و الله يعينج على التربية!
و عسى الله يخليهم لج و يخليج لهم

بوصالح said...

عسى حلوين البنات ؟

عاد انتي لا تحكرينهم .. وديهم خل يشوفون بنات على الطبيعة

بعدين تعبي عليهم يصيرون عزوبية مثلي

اريح :P

هـــدب said...

امورين 000
والله يخليهم لكم ويحفظهم لكم امين يارب


بس خلى بالك

من الصغير

مبين مو هين وبوادر المراهقه مبينه عليه ياحلوه
تحياتي لج يا لغاليه

shakshaka said...

loooooooool ya7ilooohum esmila 3liahom alla ekhaleehum lekum enshalla.. mn al7een 3younhum etalaga6 :P

Lala* said...

Waaaaaaaaaaaaaaiii
esmaAllah 3laihom
Ehaablo0o0o0o0o0o0on :-)

heheheheheheheh

Allah e7afoth'hom

heheheheheheheh

Sara said...

لوووووووول الله يخليلج إياهم ويحفظهم ويحرسهم :)

حدهم ضحكوووني لوووووووووووول أكيد انعجبوا في حصة والبرنامج اسمه بنات وبس لوووووووول بس بدع ولدج اسمله عليه :)

Яeema said...

for every one who realy care and add a comment here


THANK YOU


دعواتكم حلوة
الله يحفظ لكم كل غالي

Sharbil said...

lol, they must have been dating ;)

Q80 Blogger said...

والله يهال هل جم يوم .. ينخاف منهم
توني كاتب حوار مع واحد منهم في بوستي
والحين سالفه عيالج الله يخيلهم
قررت قراااار
مابي اييب بنااااات
الجيل يخرع .. شباب عادي .. مو مشكله :p

يعطيج العافيه
ويخليهم لج ان شاء الله
ويجعلهم من الذريه الصالحه

Fahad Al Askr said...

الله يحفظهم

بس منو المذيعة مالت الوطن، خبري كلهن جياكر، شكله ذوق الشباب مو لي هناك

Shaima'a Alkandari said...

اهم شي قطيتي كل شي على الابووو


يحليلهم والله يحفظهم يارب

والله يعيييينج عليهم لي كبروا

SAJA.S said...

اللي عمرهم ثلاث سنين جنهم 15 سنه
انا ولدي عمره ثلاث .. اساله ذيك المره .. سعود ليش ساكت ؟ رد علي
قاعد افكر .. قلتله ليش تفكر
رد علي .. علشان اسوي توازن
ما ادري ليش بيسوي توازن
!!!!!!!!

NewQ8 Bride said...

waaaaaaaaaaaaaay esm elaah 3aleeehom alaah ykhaleehom lich enshalah :)

Яeema said...

testing the new proxy

جنون إحساس said...

وااي يما منهم من الحين فاجين عيونهم
عيال هالوقت يخرعوون كل شي يعرفون والله مشكلة صراحة شلون نحمي فكرهم

الله يحفظهم ان شالله

Selezya said...

لووووووووووووووووووووووووووول

افاااا رييييما افاا هذيييل عياالج @@ هذي سوالفهم
لا لا ماهقيتها منهم صدموني صراحه لوووووول
اتغشمر اتغشمر
عسا الله يخليهم لج ويهديهم ومو تقطييين السالفه على ابوهم ترا حتى انتي لج مسؤولية بالموضوع :)

乂♥Not.ViRGo♥乂 said...

هههههه
يا حليلهم

عقلية اليهااال تونس ..
خيالهم واااااااااااسع


الله يخليهم لج :)

uTurn said...

الله يحفظهم إن شاء الله
خلي على يوسف انا اتصرف معاه ;p
ودام الحوار بريء خليهم باجر يكبرون وينسون

MARSHAL Q8 said...

الله يرحم ايامنا :)

بهالعمر لمن نشوف بنيه تستحي وننزل راسنا :>


الله يحفظهم ان شاء الله