Sunday, January 20, 2008

باقي جم شهر و ينتهي جوازي

و بما إني فوق الثلاثين ( صلاحية الجواز بتصير 10 سنين ) قلت أغيره الحين قبل زحمة الصيف و أزهب الفيز .



رحت الأستوديو

إرتزيت بالكرسي

و بدى يصور


قاللي مدام أي نوع فيزا؟؟

قتله أي ديره


و إلا إنصدمت إن ديره من الدير ممنوع تضحك بالصورة حق فيزتهم!

من صجك إنت؟؟

إييي أوامر من السفارة

و الا إييبلي الورقه و إلا صاج الريال

المهم

كل ما إيي بيصور لا شعوريا أضحك!

يقوللي المصور : don’t smile

و يتصلط علي ضحك ما أدري من وين

كل نكته بايخه إتزاوللي و أضحك !؛

المهم خذا اللقطه


الحين ييه دورة فيزة ثانية

أوروبا

مدام : smile little

وااليييييييييييين

مساعه عشان ياخذ الصورة حقي ما بقى موقف مأساؤي ما تذكرته الحين يقوللي إبتسمي؟؟


خلصنا من الفيزا 2

و إنتهت ببتسامة الموناليزا

إللي على ورب


الحين صورة الجواز

الخلفية زرقة و إبتسامة على كيف كيفكم

و رديت أتذكر كل شي حلو مرة ثانيه


عقب ما خلص تصوير

لو سمحت مرة ثانيه صور الجواز أول

و لي تعبت من التصوير و بدى علي التعب

تالي صور حق الفيزا إللي بدون ابتسامه

ليييش بادي بالعكس!؛


حرني نقزني من إبتسمي لي زعلي

هاهاهاهاها





12 comments:

vancouver said...

لووووووووووووول

اي اي اهنيه بكندا ممنوووووع اتصورين وانتي تضحكين
حتى الياهل لااازم صاك حلجة وماتبين ضروسه
ومقلدم
ههههههه

Mohammad Al-Yousifi said...

يبيلج أب ديت

NewQ8 Bride said...

looooooool


salfa 3laa hal 9waaar heheh

shnoo ma neth7aak walah shakelna chenah mostarj3aaat

nice said...

عاد انتي شكلج دوم مرحة
وانتي تصورين مقلدمة شلون مادة بوزج شبرين
:-)

Яeema said...

vancouver


nice to know that for the future

even the kids !!!




ma6goog

من سنه لي سنه قاموا يغيرون
القوانين



new bride

heehehhehehe
if you want totake visa , stick with the rols





nice

خلاص أوريك صورتي أم شبرين
هاهاهاهاها

أدزلك بس البوز

ههههههه

5roofa said...

لوووووووووول

عاد تصدقين احنا تونا مجددين الجاوز و تقولين جواز سيلانيه

ويع صورتي ارف و الخلفيه الزرقه تمرض لوول

الله يعين الي بيطل فيها اشوه باوربا يمدحون جمالنا العربي جااااان علووم
:P

عادي اقص على نفسي لانه جد الصوره ويع لوول لو ما اخاف عليكم جان حطيتها بالبوست و كتبت فوقها جواز سيلانيه منحاشه على من يجدها يذبحها و يفكنا منها

salamz dear...

What Will Be , Will Be .. said...

LOOL

Next time take your own personal shot .. jably il mirror wel camera chedamich // laa mo9awer ye7al6am .. aham shai inna sawalich flashback

DiLLi O MiLLi said...

وووويه .. هذي أكيد فيزة شنغن
عسرررريين حسبي الله عليهم

أنا بعد جوازي بيخلص بعد 3 شهور
الله يعينا على الفيز
لااااا .. والحين مالت لندن وأمريكا لازم تروحين السفارة وتبصمين !!!ء
حشاااااا صرناااا أصحاب سوابق !!! أشهلحاله !!؟؟


هههههههههههههه
عسى صورة الجواز ما تكعكعتي فيها
على بوو أتطلعين حرتج عقب صورة الفيزا ؟

:)

Kuw_Son said...

ليش تجددين الجواز ؟!
لو يسفرونج ديرتج أريحلج بدل هالتبهدل في المصور
:P

صراحة باطة جبدي .. الحين المصورين حولج وانتي رايحة تصورين في مصور
:P !!?

الله يسامحج

Яeema said...

5roofa :

la etgoleen chetheee esh7elwich eshzeeenich






what will be will be :

إيييي ماشاء الله وايد أعرف أصور روحي
هاهاهاهاها



the flash back in good and bad
hehehehhe





dilli o milli

لا والله أمبوز هذي أمريكا
أم إبتسامة الموناليزا هذي بريطانيا

شنغن ماكو عقد أي شي



أوريج الصور تالي
هاهاها
لا والله الضحكه راكده





kuw_son
إنت أكثر واحد تدري مكاني مو هني
هاهاهاها

لو يحصللي ما أسوي رحله حول العالم مدتها 40 سنه


و بعدين أي مصورين؟؟

عيزت ألبح أبي فيكم شوفه إنتوا
:p

حط فلسك بالشمس و إقعد بالظلال

qesat_5ayal said...

في ناس تدعو للعبوس؟
شي غريب
:P

Shayouma said...

LooooooooooooooooL!!!