Sunday, December 02, 2007


الميانة



البعض يعطي لنفسه العذر إن يسوي أشياء خارج نطاق الأدب و يصنفها باسم الميانه


إللي مثل جيلي فوق الثلاثين أستغرب إنهم لما الحين يستخدمون الفاظ

يا الكلبه ليييش سويتي جذي؟؟؟ ( بإسم الميانة)

يا حمارة أنا قايلتلج ....!! ( باسم الميانة)

يا لمدمغه أو يالغبيه .....!( هم باسم الميانة)

أو تصغير الاسم و أيضا كل هذا بإسم الميانة


لما الحين يشوفون نفسهم صغار و إلا شالقصه؟


المشكله إن هالكلمات تنقال على مرآى و مسمع الكل

سواء بالدوام

بالسوق والقهاوي

وبصوت مسموع و عالي بعد و خصوصا إذا شتطت

و إللي أستغرب منهم أكثر إن شكلها ما يوحى إن تنطق بهالألفاظ


و المصيبه الأعظم إللي قاعده تسمع هالكلمة ما تجعمها وتقولها عيب!




*

*

*

بعيد عن البوست

ودي أشكر كل شخص علق بغيابي لإنشغالي بالمؤتمر

إللي خلص على خير

و كانت النتايج جدا طيبه في












23 comments:

charisma said...

اتخيل الموقف جدام الناس صح مو شى

انا المصيبه اذا بتحلا اسب واذا شى حيييل يشوقنى اقووول واااى كلب يشوق

بس اكييد مو مع اى احد مع ان طبع فينى بس ضرورى اراعى ان ما يكون جدام الناس الغرب
وما تنقال الا للقراب حييل
الى يفهمون انا تحلى مو شى ثانى

بس والله وحده ما اعرفها او زميله شغل لا طبعا ما راح يعجبنى الوضع
وفعلا الكلام مو حلو ينقال

ريمه انا تحلي اسمع كلبه
تختلف تماماعن يا كلبه ويا حماره او غبيه
على بو ميانه

صااجه ما الومج


وكل انسان يرد لتربيته
ومحنه يهاال
بس شتسوين بهالبشر


:**

Mohammad Al-Yousifi said...

الأخس هو الشخص اللي مو شايفك من المتوسطة و لمن يشوفك الحين يحاجيك بنفس الاسلوب

strawberry cheese cake said...

bs etha el wa7da ynqalha hal 7chee ..w tskit..y3nee shtbeenha tgool..etha ele gdaamha ma7trmat nafs ha?...el moshkela etha tkalmat yngaal 3nha tkbrr el omoor w wayed ma5tha el danya jd!!

ana sbq chm mara gelt 7aq chm wa7da la tgoolen lee cthee ma a7b..w yz3loooooon w cthnch enty ele sabt ha.

sologa-bologa said...

يعني بس جيل الثلاثينات
كل الأجيال تفكر بنفس الطريقة

وهذا يجرنا لشي ثاني

ليش بالكويت بالذات
اذا واحد حب يمدح شخص يسبه على بو مادحه

مثال

شفت فلان اخو ال.... فنااان

بالذمة هذا مدح
؟؟؟

أعتقد هذي ثقافة عامة عشعشت في مخوخ الناس


ودمتم بحب وود

nice said...

أهلين ريما
اتفق معاج بكل كلمة كتبتيها الميانة ما توصل لدرجة استخدام كلمات تبدو عادية لكنها تدخل في باب السب وتصغير الاسامي يكون في غير الأماكن الرسمية وفيه قدر معين من الميانة علشان نتحملها .
ملاحظة أخيرة
و كانت النتايج جدا طيبه في
في شنو ووين تحتاج لإضافة
ودمتي ودمنا والله المستعان :-)

esTeKaNa said...

من جم اسبوع متعرفه على بنت وياي بالدورة،وبحكم ان ندوام كل يوم مع بعض ساعتين اهي عبالها انا احنا صرنا رفيجات وكلوز وحيل ويا بعض
مع انه الفرق بيني وبينها جيل مو كبرها انا
:)
امس قاعده تضحك جان تقولي وااااااي يا النذله
واي ريما ما شفتي ويهي
تبققت عيوني
قلت لها ترا عيب
ما نقول نذله
مع ابتسامه عريضه مني
اهي الظاهر انحرجت بس مادري ما قدرت اسكت اليوم نذله باجر شنو تقول
لااا وتقولي شدعوة شقلت
قلت قولي اللي تبين حبيبتي انتي
بس نذله لا
عشان خاطري
شنو وين قاعدين؟

واي البوست اليوم برد قلبي
شكرا ريما
:)

Selezya said...

طبيعي ضروري على الانسان يراعي الممكان اللي اهو فيه والشخص اللي جدامه واكيد لازم يحذر بكلامه
:)

وحياج الله وبشرينا :)
عسا الخير دايم انشالله

bo9ali7 said...

sologa-bologa
نقطة مهمة
وعلى فكرة الاسلوب هذا ايضا يستخدم من قبل شباب بريطانيا على حد علمي

Anonymous said...

صح كلامج مع ان مرات تكون نيتهم صافيه بس هم مو حلوه

بو حامد said...

الجدة ريما

جيلكم هالسب فيه يطلع مدح هالايام للاسف

واهني ما اقول هالشي صح لكن غلط وغلط كبير

والمشكلة الاكبر لما ايي شخص من باب الميانه ويستخدم هالمفردات البايخه بدوانيه او مكان عام

ومؤتمر العافية ان شاء الله

TULIP said...

المشكلة أعتقد تبدأ مع التربية ..
وايد ناس ما يراعون إن غيرهم مو متعود يسمع هالكلام .. لا و بعد إذا علقتي عليهم يزعلون

الله المستعان

بس سؤال .. شو يعني " ميانة " ..؟؟هي أظن كلمة كويتية ..
ما عرفت شو معناها .. اسمحيلي
(":

SAJA.S said...

لا واللي يبط الجبد لما وحده الدلع ولدها والا بنتها وتقول .. يانيس يا حمار
وين قاعدبن
الله سبحانه وتعالى رقى الانسان عن منزله الحيوان
للا واذا سب ولدها والا بنتها .. اقعدت تزفه والطقه

فتى الجبل said...

مادري
بس آنا ممكن أتقبل هالشي وعلى سبيل الغشمرة بس من الناس اللي قريبين مني وايد وايد

فتى الجبل said...

وبشرط يكون بينا مو جدام خلق الله

Kuw_Son said...

في ناس مو راكبة أصلا أشكالهم على تصغير الأسامي لبعضهم حتى لو لأعمارهم بالعشرينات !!

بش شتقولين ؟ قلة حياء !!؟

الله يعين ..

والله يعطيج العافية على المؤتمر .. ما بغيتوا تخلصون
:P

Яeema said...

**** charisma

إنتي طريقتج تسبين الغايب
ما إتقولنها بالويه

بالعكس نستخدمها لي بنتحلا بينا و بين نفسنا


بس القذف المباشر هذا ما تعودنا نسمعه








****مطقوق

أشونه ما مر علي هالأشكال
بس والله زين متذكرك
هاهاهاهاهاها






**** baby

i am with you tamaman!

يعني لازم ننزل لهالمستوى عشان ما نكون متكبرين

حاله والله بس شتسوين
متكبره ولا أصير هيليقيه!؛






**** sologa-bologa

الله يغنينا عن هالثقافه الدايخه

ما يازتلي بالمره

تدري شنو المشكله؟
إن مو حاسين إن هذا عيب

Organic Kuwait said...

i have a friend who uses this "meyana" thing ur talking about it always annoyed it.. it started out when we went to college and she still uses the same method to talk to her children.. it was always annoying and she would laugh at me when i express my feelings! so i guess it is not an age thing at all, people dont grow out of habits yemken, yemken it gets worse with age ba3ad :/

MANAF said...

هلا ريما شلونج

اليوم كنت بمعرض الصور اللي بالمرينا

وجد قعدت ادور بين الاسامي كنت اتمنى لو القى لج مشاركه معاهم

بس حسافه

:(


يالله انشالله اليايات يا رب

____________

وبالنسبه للموضوع

فانا تعديت الثلاثين بس للحين اتقبل من بعض ناس انهم ينادوني بالطريقه الي يحبونها

يعني ما عندي حساسيه من هالموضوع

:)

بس عاد شرط ما توصل للتقليل من قدرنا

انا استثنيت فئه

الباجي لأ

:)

Anonymous said...

هذي قلة أدب مو ميانة و خاصة عندما تكون في هذا العمر و أمام مرأى و مسمع من الناس

مافيها الشئ لما نتصرف بعفوية و لكن بحدود و إحترام

اما مسالة يا كلبة و يا حمار و غبي...فهذه قلة أدب و ألفاظ

ولكن شنسوي مجتمعنا ثقافته جذي التهميش و التصغير و ادعاء المعرفة على الطل

الله يعينج...في السابق كنت اتجاهل هذه المواقف, و لكن الآن اتصرف بحزم معها..و اللي يبي يزعل "بالطقاق" هو الخسران :)

Anonymous said...

سلوقا بلوقا

نعم نعم...اتفق معك وايد شفت و سمعت مثل هذه المواقف

الحبيب يعني مادحك... و تلاقيه ساب جد جدك السابع عشر !

إلى الآن أتذكر تلك الكلمات العفوية في المدرسة..يلعن يومه فلان .... إلى الآن ناس اعمارهم فوق ال30 مازالت تردد هذه الألفاظ السوقية.. المشكلة ان عمرهم يجري و يكبر بينما عقلهم نفسه


على قولة القايل...تكبر و تدبر !

Яeema said...

*****nice

الميانه و إن كانت على قدر معين
هم ما أتقبلها لي وصلت لي هالمرحله

شنو تصنفها؟

أما الجزء الأخير
فهذا أي حاجه فى أي حته
:p






****estekana

تصدقين ما أعتقد إن هالحاله حاله خاصه بمجتمعنا

الكل قام يعد نفسه ماين

شهالحاله!؛




****selezya

ولهت على بلوقج

ترا أمر فجأه و أقرا كل بوستاتج
بس ما أعلق إلا على الأخير





****bo9ali7

أتفق معاك
بس مو بمكان رسمي







****حمودي

كلش مو حلوة
و لو نيتهم شفافه بعد مو صافيه











****بوحامد

hehehehehehhehehehehhe

يا حلوها والله الله يبلغني بعيالي و أشوف عيالهم

يا حلوها من كلمه

نرد لموضوعنا

أقولك سالفه صغيرة

كنا قاعدين بقهوة و يمنا شباب
الله لا يوريك طريقه القشمرة بالكلمات
ولا عمل حساب إن بالطاوله اللي يمه حريم و تخيل بنتي يمي!؛

فى هالموقف ما ودك تاخذ أكبر ما عندك و تسكت في لسانه

Яeema said...

**** tulip

الميانه حبيبتي هى رفع الكلافه بالكلام

يعني ماكو سيدتي
و نجدها بين الأصدقاء

أثرتي نقطه مهمه

هي إن ما يراعون الناس اللي مو متعودين يسمعون هالنوع من الكلام

يعتبر شي كبير و جارح لشخصهم








****smile

يعني الله يخليج هذا وين يكبر هلى الكلام الحلو إذا القدوه تناديه و تنعته بهالوصف







****فتي الجبل

ما أقدر أعلق على كلامك

:)



****kuw_son

قلتها
جليلين حيا

و المؤتمر قصته قصه
هاهاهاهاها

عدى بسلام
الحمدالله







****ony

مو أكتشفت إن زاد مع الكبر

الميانه زادت مع العمر
نقطتج جدا مهمه
the growup with it !


and i guess i have the right to reject these bad attitudes!





****MANAF

عن معرض الصور إللي بمارينا


كان المشاركات لأعضاء مركز العمل التطوعي

و أنا من أعضاء النادي العلمي

فما يحقلي الدخول المعرض


بس عرفت إن يصير أشترك بالمكانين بنفس الوقت

و إنشاء الله تشوف أعمال عن قريب

في معرض ياي بالجامعه و قاعدين نحضر له


أما عن تقبلك و من فئه معينه

ما أدري ما أقدر أرد على هالموضوع

إهيا مو حساسه للكلمه
بس لكل سن و ألفاظه

مثل ما قتلك
الرياييل ما أدري شنو يدور بينهم و المفردات المستخدمه






**** عتيج الصوف

)
ولكن شنسوي مجتمعنا ثقافته جذي التهميش و التصغير و ادعاء المعرفة على الطل
(


عدل كلامك
شي يحر

قمت ما أستحي و أطقها بالويه
و أكبر الموضوع بعد عشان تعرف إن أكو شي أسمه عيييييييييييييييب





وااااي بردت جبدي!!؛

TULIP said...

اهااا

الحين فهمت .. مصطلح جديد يضاف للقاموس
:")

شكرا ريما

^_^