Sunday, November 04, 2007

مع كسرة الجو لازم اسم الله علينا نستمرض مناعتنا صفر

عيالي 3 طاحوا مع بعض

و لحقتهم أنا

بعد يوم واحد الله وكيلكم



أشونه عطله!!!

شيين يحرون

أخ عليج يا ديرتي



القصه الأولي :

ولدي وصفوله 3 أبر

أول إبره بالمستشفي أقزها

اليوم الثاني شوديني مستشفى زحمه ولويه

قلت أوديه مركز الصقر بالعديلية

عند الإستقبال دار الحوار الآتي،

اختي إنتوا مو هني ، النزهة يروحون الفيحا

ريما: أخوى باقي ساعه على موعد التحويل مو بعد العشر إنييلكم إهني؟؟

الإستقبال: إييي إختي قانون ما يصير ، يخانقنا الدكتور

ريما : بقلبي ( اللهم صبرج يا روح ) – أخوي الدوا من عندي ، و السستر إهي إللي بتقزه – إشعليه الدكتور؟؟؟

بعد نبره حاده مني و تنرفزت عليه و تحلطمت على حال ديرتنا إللي مستوصفاتنا صارت حق الخدم والعمال و إحنا شغل خاص و بس

عطاني ورقه و قعدت أنطر حوالي نص ساعه عشان هالورقه

و تحلطمت على نفسي ليش ما رحت المستشفي على أبو إنها بعيده و زحمه

وقعدت أقول حق نفسي قلعتج تستاهلين ، مريضه و تسوين روحج سنعه؟؟؟ و أسرع، يا حلو النص دينار و شاريه راحتج فيها .



++

المهم دخلت على الطبيب

بس قتله السلام عليكم أبي ورقه عشان النيرس تعطيه إبره

وإلا يطلعلي ورقه تصلح تكون إعلان بالشوارع من كبرها !



"ممنوع إعطاء أي نوع إبرة من وصفه خارج المركز"



طبعا بعد هالإعلان سحبت الورقه و كلي غضب من الريال إللي بيسويلي إن فاهم بالقانون !!!!!!



و أروحله :

ريما

يوم إنت ما تفهم بالقوانين إللي ماشيه عندكم بالمركز شكو محملني جميلك إن مسويلي واسطه و مدخلني !!!

يوم تدري إن ممنوع أقز إبره والدوا من عندي رازته على الطاوله شكو تقوللي روحي الفيحا !!!!



و طبعا ما حتي نطرت شنو قال خليته و مشيت و رحت المستشفي و عطيت ولدي الإبرة



قصه ثانيه:

السبت إنتكست بسبه إني طالعه موديه الياهل أقزه و أرجع

لا تقولولي وين أبوه؟؟ ما أثق بأحد لازم أنا أسوي كل شي بيدي



رحت حقي هالمرة

مستشفى خاص وخبه يكون

ريما : دكتور لما الحين تعبانه أبي تعدلي العلاج ، الإبرة مايابت نتيجه

الدكتور: إنتي فيكي فايرس و إحتمال يتطور و يكون إلتهاب رأوي حاد

ريما: ولييييييييييييييين ، دكتور الحل؟؟

الدكتور: راحه 3 أيام ، ما تتعرضيج لهوا بارد ، إشربي سوائل دافيه، إلبسي كم طويل و إنشاء الله بعد 4أيام تبإي زي البومب



ريما : الله يسمع منك دكتور

الدكتور : عايزه حاجه دلوأتي؟

ريما: أبي مرضيه ، مو توك تقول راحه 3 أيام؟

الدكتور: ( طلعلي ورقه A4 - شوفي؟؟؟ ممنوع ندي أجازة مرضيه أكتر من يوم واحد بس .

ريما: دكتور مو توك تقوللي راحه 3 أيام؟؟؟ شلون برتاح و إنت ماراح تعطيني مرضيه إلا يوم؟؟؟

الدكتور : أصل ده تعميم من 1 نوفمبر لازم نمشي عليه

ريما: الحل؟

الدكتور: عايزة زياده تعالي كل يوم وإكشفي و خدي مرضية

ريما: يعني دكتور كل يوم أدفع 10 دنانير عشان هالقرار؟؟؟

الدكتور: الحكومه عايزة كدة ، أنا موظف ما باليد حيله

كتبلي يوم و طلعت

حالتي ما تسمح إني أتهاوش هالمرة مافيني حيل كلش بس قلت حسبنا الله ونعم الوكيل على إلألي مطلع قرار عبيط مثل هذا

إللي معامل الدكتور إن مو قد قراره و ياهل و لازم رقيب عليه



++++







إللي بفهمه؟؟؟

من صجهم؟؟؟

تدرون شكثر حجم الكارثه إن واحد مريض و يداوم؟؟

يعني بعطب الأمه بالدوام كلها عطاس و كحيح و فلوزانزات و عمات عين!!؟؟؟

يعني واحد مريض بالله وين الإنتاجيه إللي يبونها منه؟؟؟؟؟

و إلا أهو شغل تعذيب و بس؟؟

الزياده إللي زايدينا إياها بيطلعونها من جبدنا؟؟؟

أهوا عقاب حق الدكتور ؟

و إلا عقاب حق الموظف

و إلا بنفعون المستشفيات

لأن المريض ماراح ينظر إن بيدفع 10 عشان راحته



بهالطريقه ما أدري شيبون يوصلوله

بالمستوصف تقولك الدكتورة لا مافيج شي

و إنت حرارتك صاكه 39 !



يعني ودي أفهم

سياسه تطفيش؟؟؟

و إلا شنو بالضبط؟؟؟

لا و ياريت أكو قانون إنك تغيب و تاخذ من رصيدك!!!

لا- لازم الإجازة تقدمها قبل 14 يوم من تاريخ الإجازة



والله إن الديرة كل مالها تنثول زياده

إستغفر الله العظيم



لا ويقوللي الدكتور تصبري بكره بيحطوا قوانين تانيه مين عارف



يتطنز عليتنا

قلعتنا

بااااالعين الظيم و ساكتين

عين ما صلت على النبي

هاهاهاهاها

وحده تقوللي إنتي عندج المريه مثل شربت الماي

بتلفون واصله هوم ديليفاري



أنا قلعتي إني تحجيت و علمت

كاني أبيها صج و مو طايلتها

ههههههههههه

ههههههههههه



لا حول ولا قوه إلا بالله















19 comments:

nadeyah said...

سلامات وما تشوفون شر

هالايام فيروس منتشر وكل الناس مرضه

واستغربت سالفه انهم مارضوا يعطون ولدج الابره بالمستوصف لانه ياما سوينا جذى وعادى بس يكون معاى وصفه الطبيب ( الخاص) وناخذ الابره عادى بس اذا بيعقدونها عادى تصير هذا الله يسلمج من سبيل تطوير الخدمات الصحيه للمواطن

والطبيات بعد !!!!مو بشاره يمكن مع ربط الطبيات بالخدمه المدنيه الحين هذا التطور

اقول لج شى يحر

معاى وحده بالدوام مو كويتيه وحطى تحتها مليون خط غايبه من قبل رمضا يقولون مسويه عمليه ولى يومج ماداومت ولا يابت طبياتها ولا يعرفون رقمها والرقم اللى معطيتهم اياه مفصول عن الخدمه وتقول عندها طبيات سمعنا هالخبر !!!

شى يحر مو صح
واكيد لما تقرر اتداوم عادددددى

nice said...

المشكلة انه الي يتلاعبون بالطبيات تسببوا للمرضى الحقيقيين
وكل ما حطوا عوائق لهم لقولهم مخرج جديد
اما عن موضوع الابرة فاعتقد انه المستوصفات الحكومية تخاف من
تبعة انه يكون تشخيص الخاص خاطئ

Mohammad Al-Yousifi said...

سلامات سلامات

ما اقدر اعلق بأدب آسف

صدق من سمانا حميرستان

SHAHAD said...

انا وحده غسلت ايدي من مستوصفات الحكومة
مرة رحت مع أمي المستوصف ، كنت حدي تعبانة وحرارة
تخيلي بس دخلت على الدكتورة وإلا تقول شفيج ؟ قلت لها حرارة وبلاعيمي
جان تقول أي دوا تبين ؟
وإلا أمي تقولها اسامي الأدوية اللي أحتاجهم وهي حضرتها حتى ما لمستني ولا اكشفت علي
أشوه إن أمي دكتورة وإلا جان رحت فيها
من عقب هالسالفة وانا حرمت اطب عندهم .. الله يعافي الخاص
.
.
أما سالفة المرضيات
عاد انا أمس عمتي ماخذه طبية يومين !
غريبة مو ؟
ما قالنا الدكتور عن هالقرار !
.
.
ما تشوفين شر
والله يشافيج ويشافي عيالج ويحفظهم من كل شر

SAJA.S said...

سلامات وما تشوفين

اول مره ادري عن قرار اليوم الوتحد انا من الحكومه دايما اخذ يومين او ثلاث اكثر شي
والخاص نفس الشي
غريبه !!!!!!

5roofa said...

سلاااماات ما تشوفون شر

والله قبل جم يوم اتحلطم على هالموضوع القرارات و المرضيات و الاطبه

لا ابشرج نزلو قرار يديد
انه المريض الي يشتغل له حق مرضيه وحده بالشهر
بس يعني اذا مرضتي مرتين بالشهر يويلج لووول

والله مادري يعني تصدقين لي تكلمنا و قلنا الي انتي تقولينها يقولون انتو عياره و تبالغون و كل مرضكم دلع

ليش اتشنقلنا قبالهم قريب الجلطه يالله يقولون وي مساكين مراضه
دنييييييييييه

T.C sweetee..

o ajr o 3afya enshala

salamz love...

MANAF said...

لا باس عليكم

وانتي الله يهداج جان تبين طبيه مرّه ثانيه

خبريني

:)

جان تبين بو يومين وثلاث ايام ويراجع

عندنا


لووول

charisma said...

هذى الكويت صل على النبى

شقوول شى يحر و ينرفزززز

://

اهم شى سلالامات انتى واليهاال ما تشوفون شر
واجر وعافيه يا رب

:**

physio-80 said...

انا ما أقول الا كلمه وحده
دييييرة بطييييييييييييييييخ

Reflections said...

REEEEMA

أبشرج

ترى الدكتور قص عليج بخصوص الطبية

لأن أمس زميلتي الي بالدوام معطينها 3 أيام اجازة
هي تقوله يومين كافي جان يعطيها 3

و هم اختي ماخذة يومين أمس

@@

NewQ8 Bride said...

slamaaat dear

this is kuwait

Яeema said...

سامحوني يا جماعه
على التأخير






nadeyah :
الشر ما يجييت و يسلمج من الشر


الله كريم شنسوي

:(







nice:
معاك في هالنقطه

بس إللس قهرني إن موظف الإستقبال خلاني أنطر الدكتور و أصلا أهوا ما عندهعلم إن ممنوع!؛




kila ma6goog:

سماح المره ده
:p

أنا ودي أسب وياك







shahad:

يالله إخذي
و يبون يطالبون بحقهم هذاك اليوم ببرنامج بالراي


تهقين الدكتور قص علي؟؟
واااااي أرد أذبحه




smile :

أنا قريتا تعميم من 1 نوفمبر


إذا عندج علم بشي ثاني قوليلي واللي يسلمج


تطلع لعبه من المستشفي؟؟؟

أموووووووووووووت من القهر

المشكله صارتلي بالمواساة والهادي

مو وحده




5rooofa:

من صجج؟؟؟؟

مي بشاااااااااااره !!؛


لا بالله كدينا خير بالشتا



--

الله يسلمج بعد عمري إنتي والله يا حلو كلامج و بوستاتج إللي شنها صج



manaf

ما أعرفك وإلا جان قتلك

هاهاهاهاها


لا يا معود الواحد بس يبي حقه

مشكله إذا تبي مرضيه إترجي دكتور


مصييييييييييبه!؛





charisma :

7abebat galby entay walla


allah yeshafeech we3afeech min kel shay

physio-80

والله لا حايشه بطيخ ولا رقي

عايمه الديره

فاهيه
ماي مايوه
















reflection:


weeeeeeeeeeeeen ay hospital???


gaaa9 3aley !!!
aroooooooooooo7 athba7a !!!



تصدقين ما رحت إستلمت مرضيتي

جنها مالا معني يوم

آخذها خصم أشرفلي

عمى بعينه






new bride:

she wasnt like that my lovely country :(


حسبنا الله ونعم الوكيل

nice said...

مسامحينج على التأخير بعد مريضة منو يشتكي :)

نون النساء said...

أجر وعافية ام يوسف
ماتشوفون شر


اما الباجي
نو كمنت

عانينا قبلج وراح نعاني بعدك

Kuw_Son said...

أول شي الحمدلله على السلامة .. و ما تشوفون شر و الله يقوم عيالج بالسلامة ..

و شربي سوائل دافية علشان تصيرين مثل تيمون و بومبا ..
:P

أنا توني أدري بهالقانون العبيط !!

الله يعينا !

Selezya said...

واي ما تشوفوون شر
انا بعد نفس الحاله طايحه مريضه اسبوع كامل قطعت فيه عن كل شي والمستشفى ماعندهم ماعند يدي مايعطون شي نحاسه



وسالفة الطبية قرارررر باااااايخ
يعني جد ما يراعوون انا اسبوووع كامل متكسررة كلي مافيني شده اقوم من فراشي هالمره يبون نداوم بعد

حسبي الله عليهم جد

عثماني said...

سلامات و ما تشوفون شر ريما

وعادي ...ابتسمي انتي في الكويت

:)

كــويـت الـيـوم said...

سلامات وماتشوفون شر

هالديره الكل فيها مريض
واكثر مرضانا نفسيين
اللي يطلعون هالقوانين الدايخه

Walhaan said...

كده شعب عايز كده خدمات طبية ؟؟؟؟

مو أحسن بدال الملايين والتبرعات والزكاة تروح بره الكويت ..... تنقط على علاج أهلها ؟؟؟؟

سلامات ريما

ولهان