Sunday, November 18, 2007

Taken By: Reema

Kuwait Zoo

Ksc Trip

( this picture make me happy )

إحترام السعادة


السعاده هي شيئ نسبي ، تختلف معاييره من شخص لي شخص.

من أكثر الأشياء إللي تحز بخاطري بين الناس إللي أحبهم هو عدم إحترام سعادتي

من الأشياء الصغيرة إللي أسويها أو إني أحلم إني أسويها.


لما أسوي شي أو أشتري شي أحس بمتعه فعلا محد يحس فيها إلا أنا

و على هالنتيجه لازم ننتبه إن السعادة هذى لحظيه ، وقتية ، تنتهي بيوم

أو بالكثير أسبوع.


اللي خلاني أتكلم بهالموضوع هي رده فعل الناس تجاه أشخاص مستانسين

كأن إللي يستانس حرام عليه يستانس بهاللحظة.

و يمكن هالشخص يكون شايل هموم الدنيا على راسه و مو قايل و لا شاغل أحد بهمه

بس لما فرح يبي الدنيا تفرح له.



الكل لازم ينظر لهالنقطه بعين الإعتبار


لا تدقرون إنسان على إبتسامة


شاركوهم أفراحهم

ولو بالاستماع لهم



أنا من الأشخاص إللي الحلم بالنسبة لي شي يفرحني وايد

عشان جذي ما أحب أحد يستمع لأحلامي

و راح يبقي جزء بسيط بداخلي محد راح يفهمه إلا روحي



الله لا يحرمنا من ابتسامتكم




26 comments:

Barrak said...

مو ضوع جدا جدا مهم

فعلا رسمتي فلسفه راقيه للسعاده

الصوره رائعه
دمتي سعيده

nice said...

الواحد لا صار فرحان الكل يفرحله ويعينه على فرحه
لكن الواحد يكون واقعي
الاحلام حلوة خاصة لا تحققت
اما الاحلام الي تتجاوز الواقع وغير معقولة بتخلينا عاجزين عن مجاراة الواقع
كل واحد يحلم انشالله يصير سوبرمان او سوبر وومن
بس عاد مو يطلب من الواقع انه صج يصير
والله المستعان

charisma said...

فاهمتج يا روحى انتى

وعسااج دوم مستانسه والبسمه ما

اتفارق ويهج

حااسه فييج انااا

واحلى سعاده لما شى بسيط من حلم او

خيال يتحقق

افففففففف هذى قمة سعادتى انا

ويا حلوهاا لى تمردت على واقع

لوووووووووووووووول


:**

Kuw_Son said...

عساها دوم مو يوم :)

نفرح لفرحج يا ريما :)

Яeema said...

barrak :

كلماتك هي الأرقي
ماراح يفهمني إلا إللي يتمتع ببساطه الشيء




******



nice:


السعاده هو شعور يسبق التفكير

متي ما بدينا نفكر صح
و بواقعيه
راح نفقد أحلا لحظات السعاده


و هي اللحظه إللي أتكلم عنها

الإنتقال
من الحلم لي الواقع




***********


charisma:

إنتي فاهمتني و بس
إنتي عمري و طوايفي و الأمل إللي مخليني أعيش بهالدنيا

:********


إهداء لج

خدني معك للجو الحلو
خليني معك
اسرح يا حلو






************

kuw_son

وياك إنشاء الله
و مع كل اللي نحبهم بهالدنيا



;)

Broke said...

يا كره اللي يستكثرون علينا الفرحة

والله يا ريما بردتي قلبي بهالبوست

وودي أعلق تعليق طويل .. بس خلص دوامنا لازم أمشي الحين

فتى الجبل said...

استانسي وما عليج من اللي يكدرج
وبالعافية

Um El-Zain said...

صح و ساعات من ناس اقراب منج ,ليش؟ مادري, ساعات تكونين مادية و مصدر سعادتج شي مادي مثل جنطة او هدوم تكون وايد وايد غالية ما تسوا بس كيفي انا مستانسة.لازم تقثوني,يا حلو كلمة عليج بلعافية و تكون من قلب نظيف.بس الي يبط الجبد انه بعد ما يهبون الناس قالو نبي ويتحلون بعد وينكم من اول

bo9ali7 said...

(this picture makes me happy)
or
(this picture made me happy)

الصورة روعه
والموضوع أروع
الحسد وصل لدرجة ان الناس تحسد الواحد اذا لقى شي يونسه

Reflections said...

الصورة تحححححفة
تشوق
it made me happy too

ابتسمي و انبسطي

أنا اعتقد ان الي يدقر شخص فرحان, يكون محتر و مو قادر يفرح مثله

بس لو يفرح لفرح الناس ، راح يرتاح و يحس بطعم الحياة


:)

Blueberri said...

3asaach doom happy!! hwaytich il yideda 7adha 3ajeeba mashallah pix are amazing!!!!!!

kila ma6goog said...

راقي

Fahad Al Askr said...

خوش صورة

دائما ما تكشفين لنا وجود أشياء لا نراها بعدستك وكلماتك

Selezya said...

صورة حلوة


وكلامج احلى

:)

عسا الله يسعدج دوم

Glass Fabric said...

ma9dar el sa3ada ma3roof bennesba le shakh9 nafsa o majhool 7ag el nas... fa 7elo el wa7ed e3allem el naas belli ys3eda 3ashan ygrdon e7aqqonlah hasa3adah :) bas adri ma7ad eqadder 3ashan chethy la t`thay3een la7that sa3adah o malech she`3el eb a7ad :)

DiLLi O MiLLi said...

لالالالالالالالا .. مااااا شااااء اللـــه
!!!!!!!!
الصووووووره موووو معقوووله !!!!ء

شووووفي أنا مااااا أحب الديدان
بس حبيتهم من هالصورة
:)
شنووو هذا .. جنه الدوده أتطلع أضاءة فسفوريه !!ء


عفاااارم عليييكِ

:)

DiLLi O MiLLi said...

ووووويه دودهتني الصورة
ونسيت أعلق عالموضوع
هههههههههه

بس تدرين .. تعليقي الأولي
له صلة بموضوع البووست
يعني
تعليقي اللي فوق هو "ردة فعلي على الأشياء اللي تسوينها وتسعدج".. موو؟

:)

MANAF said...

ولا يحرمنا من ابتسامتج

:)

اكبر درجات الزعل تمحيها ابتسامه

_____________

كلامج عدل

ريما

:)

Aldenya said...

ريما

ماشاءالله عليج

مصورة بارعة وفنانه

يعجبني تصويرج وايد

وأتمنى دايما ترفقين بكل بوست صورة يديده من تصويرج
بصراحة
طمعانين بفنج

:>


وبالنسبة للسعادة

أحيانا تكون في فئة من الناس ألقبهم بالــ " الهدامين " يعني
تكونين في قمه الفرح والسعادة
وفجأة ومن كلماتهم او طريقة تعابير ويوهم اللى تبين عدم الاحترام لسعادتج
أو تحسين انهم باردين وغير متفاعلين بفرحج
يهدمون سعادتج
وخصوصا ان كانوا المقربين

عموما
عسى ربي يديم ابتسامتج وسعادتج يا ريومه

5roofa said...

وااااي تصدقيين يبتي الموضوع الصح

انا على كثر ما تي عرات اكون في قمه تعاستي بس الابتسامه كله على ويهي

و لي شافوني المدرسات ولا الناس
الجمله الي لازم اسمعها

وااااي انتي كله مستانسه؟
كله شاقه الحلج؟
شكلج عمرج ما تزعلين و تبجين

لووول و انا اكثر وحده ابجي

مادري يعني لا مشالله لا مشاركه بس تدقيق

thasnk alot swetee
enshala domz happy

salamz :D...

حمودي said...

الناس تصور شجرة ورده فراشه مو دودة الله يهداج
:)

loco said...

wow ! yoomken a7la 9ooora sheeftaha eb 7ayaty :)

What Will Be , Will Be .. said...

1- Nice pic :)

2- ako nas ita7asafinha t`67ak or tebtesem 7taa allahuma yakafe

3- il7al ille i think its work .. KEEEEEEEEEEEEEEEEEEEEEP
SmiiiiiiiiiiiilinG
&
DreamiiiiiiiiiiiiG
:)))))

esTeKaNa said...

الله يسعد قلبك ويديم ابتسامتك المشرقه دائما
:)
فسلفة احترام السعاده في هذا البوست عجيبه،تدرين الكل يتحطلم علي
في بنت تخلي الراحة وتشغل وقتها بالطريقه هذي؟
ماعندي وقت فاضي
دورات ونادي واحساس الانجاز بحد ذاته قاعد يسعدني رغم التعب


البوست بطبعه بوزعه بالبيت
:))

nice said...

am 2day at the top in Happiness
so i`ll share that with u :)

Яeema said...

i wish all of you shar your smile to whom you love :)