Wednesday, March 07, 2007

kuwaiti needs







الواحد شنو يبي من هالدنيا

يسوي لآخرته؟

الصحة؟

أمان؟

إستقرار؟

يشوف عياله بصحه وعافيه و أدي أمانته إتجاههم؟

يرضي إللي حواليه؟

يحقق طموحه؟

يلقى الحب ؟

الناس يفهمونه صح؟

تكون نفسك بدون مجاملات؟

تلاقي أحد وياك عالحلوة والمرة و ما يكسر فيك؟

ما إتصادف ناس متروسين عقد و تبتلش إتفهمهم؟

إتحط راسك علي المخدة بدون الإحساس بتأنيب الضمير؟

تلقي العين إللي تفهمك بدون النطق بحرف واحد؟

يبي يضح من قلب ويا ناس تحبه؟

ليش صارت العفويه و البساطه نقمه علي صاحبها؟

هل الحريه تستحق أن تكون في قمة الهرم؟ أي آخر شي الواحد يبيه؟

بس تعبت البح و أتحلطم


وينك يا هرم الحاجات

يبيلك إعادة نظر لو إن يطبقونك بالكويت


26 comments:

Flana said...

كلامج حلو و الكويت يبيلها الصراحه فورماات قبل لا تطبقين الهرم !!!

charisma said...

بوست وايد حلو

القناااعه كنز لا يفنا

الانسان متى ما صار قنوع ومرتاح بالى عنده يكون انسان سوى ومرتاح نفسيا
وهالنوعيه من الناس تعرف اتيمع حواليها الناس الى ترتاح معاهم وتحبهم

متى ما صرنا مرتاحين واحنا حاطين روسنا على المخذه معناته احنا حققنا الكلام الى قلتيه ريما

وايد خليتينى افكر اصدقين

بس الف حمد وشكر على كل حال

القناااعه ثم القناعه

وااى اعرف ناس تعبانييين
لهطه بهالدنيا
مو مرتاحين
لا بحياتهم ولا بعلاقاتهم
ولا بصحتهم
بس يفكرون ونفسياتهم تعبانه اتلاقينها معكوسه على ويوهم
حتى ضحكتهم مصطنعه
ما يقدرون يضحكون من هموم الدنيا
الى اهمه ياييبينها حق نفسهم

وتدرين انا من عنا اتكلم
ماره عليج هالنماين انتى وتعرفينهم زين

الحمدالله والشكر

بوست وايد حلو
ويا ريت الناس اتعرف ريمه على طبيعتها ولا تحكم من بلوق

فركاش said...

الواحد يبي من هذي هالدنيا السمعة الطيبة و راحة البال و الصحة و بعدين تيي الأشياء الثانية

What Will Be , Will Be .. said...

الحمدالله على السلامه ومبرووك النجاح كيباسا اسبانيوول ;)

Almas said...

كل إلي قلتيه صحيح

لكن مافي أحد كامل ومثل ما الناس فيها سلبيات أكيد آنا بالمقابل فيني سلبيات فلازم أقبل بالناس كما هم .. وتعليقي هذا على نقطة مصادفة الناس إلي فيهم عقد

وإذا كان عالعفوية والطيبة .. فعلا تعتبر نقطة ضعيفة بالإنسان في وقتنا الحالي ويكون محط استغلال ومثل مايقولون سوري عالتعبير (مسخرة ورقلة) لأنه على نياته

وبالنهاية أقول إذا كان هدفنا الأساسي رضا رب العالمين .. راح نتوفق
ولأن مو كل الناس نفس التفكير .. ولا نفس الإختيار في حياتهم في البواق.. والحرامي.. والديين وراعي دين .. وإلي نص ونص .. وإلي لاهي .. والنصاب .. والجذاب والحيال .. وإلي غرقان بحبه .. والكادود .. يعني الناس مختلفة والركض بالدنيا أصبح مختلف من شخص لآخر وخصوصا وراء تجميع المال والثروة أصبح شغلهم الشاغل .. فالنتيجة الطبيعية ينسون شنو يبون من الدنيا

وآنا عن نفسي إلي أبيه من الدنيا رضا رب العالمين والوالدين .. والصحة والعافية وراحة البال وشوية فليسات عشان أسوي مشروعي سنتين من التحضير وهو خاص بالمعاقين بس يبيله دعم مالي كبير يا رب إيي اليوم وأشوفه بعيني وأحقق أمنيتي

ادعولي

قرقة وايد عدل! خوش بوست دايما تطرحين مواضيع تخلي الواحد يطلع إلي بقلبه

مشكورة

Unknown said...

والله شوفى يا ريوومااا
:p
حلوة ريوما شرايج فينى وانا مدلعج
المهم
المشاكل موجودة بكل شخص والسلبيات موجودة بكل انسان وهذا مو شى جديد ولكن ترتيب الهرم الشخصى اهو اللى يقلل من السلبيات

ودى اعرف ليش عندكم عشق للتحلطم :p :p
بيكوك متصلين ويقولون متى بتعزمينى ؟؟؟؟؟؟
ولا تقولين ما سمعت

ومن قال ها سمع
واعيدها بصرااااااااااااااخ
بيكوك متصلين ويقولون متى بتعزمينى ؟؟؟؟؟؟
بيكوك متصلين ويقولون متى بتعزمينى ؟؟؟؟؟؟
بيكوك متصلين ويقولون متى بتعزمينى ؟؟؟؟؟؟
اوكى انا فينى بيكوك وما ابى ادفع لازم يكون على حسابج
:p

Breeze said...

آآآآآآخ شقول شحجي يا أوخيتي ..

ضربتي على الوتر الحساس !!!

حاجات الكويت !!! بإختصار المادة و المظاهر ..

الحمدالله و الشكر !!

ساعات أقول خل يخلص النفط عشان ترد عقولهم لمخوخهم و يفكرون بعقل و حكمة !! مو كل شي نبيه نحصله .. والدنيا فانية !!

الواحد إشيبي غير راحة البال و الصحة والعافية و رضا الرب ..

أووووف ... !!

لوول إندمجت :\

2 u ALL said...

الحاجه العظيمه التي أحتاجها هي

رضا وعفو وغفران ورحمة ورزق وطمئنينة وخوف وتقوي وعبادة وحلم وهداية وتوفيق وعافية وعتق ويقين وتوكل وسكينة ....الله رب العالمين ...!!؟

أمين .. أمين .. أمين ...!!؟

Kuw_Son said...

والله انج صاجة .. الهرم يبيله إعادة هيكلة .. لأن الحاجات في الكويت تغيرت !!

والله كل كلماتج واقعية

Яeema said...

flana

صبحج الله بالخير

إيي و الله صدقتي




charisma

حبيبتي إنتي و الله

أم نماين أنا ما عرفتها إلا من هالدنيا الله وكيلج

كل يوم أحصل طراق منها
و ما أدري ليش أتفاجأ معن منبهيني وايد

بس بيني و بينج ما فيني هالحنكه إللي إتخليني أفكر بأبعاد كل شي


أقول الشي علي طبيعتي
و هذا غلط

وايد ناس يفسرونها ألف تفسير
و يلاحظون و يقعدولج علي الوحدة


جن الدنيا ما فيها إلا إنتي

lawyer said...

بوووووووووووست ايبرد القلب

شووووفي انتي اتكلمين

و انا اقوووووول اي

تسألين و انا

اي


اي
اي

بس ما وصلت لنتيجه !!

لازم المفاهيم تتغير

و الا حسن الظن بالناس

و الا مدري

الناس لازم اتخلي غيرها بحالها

الحرييييييييييييه

اعطنيييييييييي حريتي
اطلق يدي

تعبنااااااااااااا

يا نااااااااااااس من هالديره تعبنا

البلوه كل وحده اعرفها تقول تعبنا
و الحريم اتعبوووووووو

عيل الي احنا فيه شنو سبته؟؟

Яeema said...

back sorry ya jama3a

kan el net wagif 3indena

Яeema said...

cafe namlet
galbik 6ayib o ana galby a7yab min galbik o basam7ik
:p
:p
:p




فركاش

إتصدق
كلامك 1000 بالميه صحيح

السمعه الطيبه






what will be

الله يسلمج حياتي
و حياج الله و منورة

آبلا إسبانيول؟؟؟ من وراي؟؟؟

هههههههه
ههههههه

Яeema said...

almas

لا و الله مو عدل
حلو علي قلبي كلامج


الغريب بالكويت
المشاريع الخيريه و إللي تساعد فئه مهمه من مجتمعنا مالها تشجيع و دعم
مع إن من أحسن الأشياء و أكثرها أجر



الله يرزقج يا ربي علي قد نيتج الطيبه




mishari

من قال قاعدة أتحلطم؟
قاعدة أفكر بصوت عالي


:p

Яeema said...

breeeze

أقول يا كثر ما ضربنا علي الوتر الحساس بس أشوف عمك أصمخ


مير صار سلك

ام الحفيز said...

ريمااااا

هرم فرويد معروف والكل مطبقه من تحت الى المستوى الثالث بس يادافع البلى من ينوووون بعض هالمرتزقه بالوصول الى المستوى الرابع تنعماااه البصيره والبصر ويستجلبوووون وكلن يالله نفسي ام المستوى الخامس حـــــــــــــــــامض على بوزهم يوصلووون له لان الي يبي يوصله لازم يلغي من قاموس حياته كلمة انا

وسلامتج

فركاش said...

reeeema:
دامك امأيدتني بالسمعة الطيبة هذا مثل كله يقولياه ابوي (الصيت ولاالمال) يعني السمعة الزينة أهم من الفلوس :)

KQ8 said...

اعتقد الامنيات السهله والبسيطه التي تفضلتي بها هي امنيات الانسان المتزن العاقل

وترتب حسب اولويات الشخص..لو تم تطبيق مبدأ القناعة لما وجدتي مشاكل كثير لدينا بالكويت

Яeema said...

2 u all

آمييييييييييييييييييييييييين

من قلبي أدعيلك

بس عشان أنا أعرف؟
لأ
يقولك
إذا دعيت حق مسلم ، يرد عليك ملك

و لك مثله

:p


kuw_son

والله يا أخوي يبيله نسف
بيني و بينك

تعبنا




lawyer

علي قوله عبد لحسين

يبيلنا غزو ثاني

هههههههه
هههههههه

إييي و الله تعبنا

Яeema said...

أم الحفيز

التسلسل مو مطلوب دايما

نلسون مانديلا مثال لتحقيق ذاته قبل كل الترتيبات التحتيه للهرم

بس إحنا الهرم ماشي عوي

تحت و فوق
و تخبيط

هالشي يدوده و يحر



فركاش

إسمحلي هالمرة

مساعا تتكلم عن سمعة الأخلاق

أما الصيت و لا الغني أنا ما أبيه
هههههههه


شسوي بصيت و ما عندي مكان يضفني بالله؟؟
ولا سيارة إتوديني و إتييبني؟

و إلا أحاتي مستقبل و عيال؟؟



krakotoa


hmmmmmmmm???

هل طموح الشخص يحتاج للقناعه؟؟


خليتني ألإكر إزياده

ساعات الإتزان العقلي يفقد الحياة حلاوتها

فركاش said...

reeeema:
و هم الواحد شسوي بالفلوس اذا اخلاقه مو زينه و الكل يذمه و مايحبونه الناس!!!؟

Яeema said...

فركاش

إللي بالمثل يقصدون الصيت صيت الغني
مو الأخلاق

و بعدين ليش كل في بالكم ما يصير واحد عنده فلوس و أخلاقه زينه؟؟

:p

فركاش said...

ريما:
ما اعتقد يقصدون ان الصيت صيت الغنى..
اللي قالولياه (الشياب) ان معناته الصيت (السمعة) اهم من المال
....
انا ما قلت انه اللي عنده خير أخلاقه مو زينة(شنو العلاقة اصلا بين الفلوس و الأخلاق)؟؟
شكثرهم اللي بالديرة ماشا الله خير و اخلاق :)
يعني ما يتعارضون مع بعض بس اللي قصدته ان السمعة الزينه اهم من الفلوس
و اسف على الطواله :)

SAJA.S said...

اللي ما نبيه ما نبينا .. وما الزم نفسي في المجاملات
واريح بال على لاخر

bo9ali7 said...

المشكلة بمجتمعنا ان عنصر البساطة اختفى
ومثل ما تفضلتي اولوية الحاجات اختبصت عندنا

ReLaaaX said...

عوااااااااار قلب ياريما عوار قلب





يالله الحمدلله .. الواحد شيقول غير الحمدلله






وهم كل واحد قادر يكيف نفسه وهم كل واحد يقدر يطلع من المود اللي اهوا فيه !؟ صح مو بنفس الوقت .. بس نقدر :)




مافيش حاجة اسمها مستحيل -->فجأة قلبت ;p






----



ومبروووووك النجاح والتوفق ;)



والله من زمان مادشيت بلوقج .. خل اخذ لي فره :)