Saturday, October 29, 2005

قرقيعان ولد الديرة

شئ مخجل ما يحدث في بلدنا هذه الأيام و كأنا رجعنا لعصر التخلف ، صحيح إن ما حدث تجريح لفئة من مجتمعنا و لكن ما عملوه من دمار يثبت أنهم متخلفين ( و لا أقصد الكل هنا و لكن الفئة التي ضربت بالقانون بعرض الحائط -
لو كل انتماء أو صاحب قبيلة بمجرد التجريح يتهجم بهذه الطريقة لأصبحت بلدنا غابة
فتخيلوا أن من جرحوا قامت أصحاب قبائلهم بالأخذ بالثأر من قبيلة الصلب ، لدارت بالكويت أحداث لا تنم عن تقدم هذه الفئة
الله يهدي الجميع
في قلبي كلام و لكن أخاف أن أفهم غلط
أكتفي بما كتب

5 comments:

Mini Я. said...

heh...maskhara hal ashkal.

Diver said...

يابنت الناس هذا غيض من فيض اذا كان الإعتداء على الراي كان كسر للقانون و شيء غير مبرر الشره على الدولة الي يتم الإعتداء على الملكيات فيها دون حسيب ولا رقيب اذا حتى الشرطة طقوهم
بس ودي أعرف ليش اطلبوا القوات الخاصةاذا ما يبون يستخدمونهم؟ يمكن عشان يقولون لهم شوفاو جذي التخريب والإعتداء الي كنا نقولكم عنه

AL-3ANAN said...

بالفعل ما حدث امر مخجل

~ se3loah ~ said...

يمكن ملوا وهم يبون احد ياخذ حقهم من اللي يسمى داوود حسين
فقاولا ناخذه بانفسنا
بس اتوقع داوود حسين تأدب الحين

الصلبي said...

انا منهم وفيهم وافتخر اني منهم وفيهم واحب اقول لكم يا جماعة الخير والله هالمجموعة من الناس مظلومين لانهم يسمونهم مجتمعات اقلية ملو والناس يتكلمون عليهم وفيهم المثقفين والدارسين وانا الحين اكلمكم من الناس العاديين فيهم طالب بكلية الهندسة والبترول فيهم الطيارين فيهم الدكاترة فيهم الضباط فيهم وفيهم وفيهم... لكن ملو والناس تغلط عليهم

احب اضيف ترى مو اول مرة يغلطون عليهم:
1- غلط عليهم محمد المنصور وبعدها اعتذر بالتلفزيون وربعنا لطيبهم عزموة على عشا واسئلو المنصور يقولكم صار هالشي
2- غلطو علينا بجريدة القبس كسرنا الجريدة فوق تحت واعتذر منا رئيس تحرير الجريدة واسئلو ينقالة الجاسم اذا ذاكرتي عدل
3- غلط يومي مع القبائل الثانية

يقال عنا ان بناتنا يرقصون جدام الرجاجيل وعادي عندنا وما عندنا دم ولا عندنا نخوة هذي نقطة فقبل كانو يلعبون عندنا الدحة وهذا يصير باكثر القبايل واكثر ناس يلعبون الدحة هم عنزة فكانو الصلبة تقريبا اقلية بالنسبة للقبايل الثانية على ما فهمت ان كانت القبايل الثانية حرامية والصلبة كانوا ناس مسالمين مالهم بالحرب المهم قالوا اللي يغزي الصلبة ناس ردية لانهم اردى الناس شوفوا الناس وبعض الاصول الله يسلمها لا باقوا يفتخرون ويكتبون قصايد ببوقهم

ما ادري شقول والله وشزيد وشنقص
المهم اسئلوا وابحثوا عن راشد الخلاوي الاسطورة في الفلك والفروسية والمرجلة

السوالف القبلية مو حلوة وانا بدوي واكرة سوالف البدو لكن ان الواحد يتكلم عن اصلك ماراح تسكت وكلي فخر اني صلبي

بس ربعنا اللي راحوا يكسرون ويسوون والله معذورين الضيم مالي قلوبهم ورب الكعبة لا عرفتوهم فيهم الطيب وفيهم الردي مثل باجي الناس

اسف على الاطالة واللي يبي يكلمني على الماسنجر حياكم الله
alqunaee@hotmail.com جاسم