Monday, October 17, 2005

اسقاط الديون

السلام عليكم ,,,,

موضوع ظهر منذ فتره على الساحه الكويتيه ...وكان له صدى كبير في مجتمعنا ,,حيث بدا الناس يتناقشون في الدواوين ... ومراكز العمل .. وفي كل مكان .. ان الحكومه الكويتيه ستسقط جميع الديون على الشعب الكويتي,,, الا ان الامر باكمله .. ظهر كمجرد اشاعه في البدايه ... الى ان صدقها الناس .. خصوصا مع بدأ حملات ارسال مسجات .على مستوى الكويت تجزم بالامر .. وحتميه حدوثه ..ولكن الحكومه لم تفتح بعد باب هذه الموضوع .. ولا حتى تناقلته فيما بينها اطراف الحكومه .. ولكن يبقى السؤال المهم ... هل من الممكن حدوث هذه الامر ام لا .. وهل مطلب الشعب باسقاط الديون والقروض .. مشروع ام لا ... ؟؟

1:: الحكومه الكويتيه تبرعت ب500 مليون دولار للولايات المتحده بسبب اعصار كاترينا .. ( شيء ليس بغريب على دوله الكويت ان تقف بجانب كل محتاج ...وكل من يطلب يد العون لها )

----------------------

2:: الكويت تبرعت بمبلغ 150 مليون دولار لباكستان عقب الزلزال الذي اصابها ..( يستاهلون )

3:: اسقاط 17 مليار هي ديون العراق للكويت باسم عفى الله عما سلف ..( هذي بلعهااابالغصب ) واظن الكل يعرف ليش كان هالقرار مو عاجب الناس ..وترى ماننلام على الي صار فينا ايام الازمه منهم ...

------------

4:: وقبلها ... السلطه الفلسطينيه ... فتحت الحكومه صفحه جديده وعفا الله عما سلف .. وبخوهم جم مليون ..والزلمات هذول اهم الي كانوا يفتنون على اهلنا بالازمه ..بس انقول ( الله المستعان )

----------

الكويت قدمت معونات غذائيه .وماليه ..واقتصاديه للعديد من دول العالم ...ولم تبخل عنها بشيء .حتى الدول الي وقفت ضدنا ..فتحت الحكومه صفحه جديده وعفى الله عما سلف ..وحجي ماخوذ خيره ...وبس دفعي ياكويت وتبرعي يا كويت ... .وهذه كله من خير الكويت الذي هو نعمه من الله سبحانه .. وهذه شيء ليس بخطئ او مخالف للدين .. على العكس .. الدين حثنا على مساعده المحتاج .. مهما كانوا واذا (ادفع بالتي هي احسن فكأن الذي بينك وبينه عداوه ولي حميم ) ..وهذه ماتفعله الكويت دائما وابدا ...اقول لحكومتنا الرشيده (يجزاكم الله الف خير .. وجعلكم الله لنا ذخر وعون وسند وعساكم للخير دوم فاعلين والله يبارك للعالم فيكم ) ولكن يا حكومتنا الغاليه ... ((( الاقربون اولا بالمعروف )))

وحنه شعب الكويت... احنه اولى من غيرنا ...كم اسره بالكويت مديونه ... كم اسره بالكويت .. ماعندهم سند ... كم اسره بالكويت محتاجه . كثير .. كم كويتي وكويتيه اهلكتهم القروض ... والديون . كم اسره قاعده تاكل القروض ... والديون من فلوسهم وعيالهم اولى فيها ... احنه عيال هالديره .. اذا موديرتنا اهي الي تساعدنا ...وتوقف ويانا ... مثل ماقاعدين تقفون ويا الغريب ... عيل منو يوقف ويانا ... ليش خير ديرتنا مو لنا ... وناس بره اتحسدنا على شنو مادري ..الله سبحانه وتعالى اذا رزق المسلم بالخير .. يحب هالخير يظهر على عباده المسلمين ... وخير ديرتنا وايد والحمد لله ...كم مليون يدخل يوميا للكويت من النفط ... وكم مليون يدخل يوميا من الاستثمارات الخارجيه للكويت ...ولي بس نسمع عنها سماع وماندري شيصير فيها ... هذه وين كله راح .. من كم سنه انباقت الاستثمارات اب اسبانيا .. شصار ... وسالفه الناقلات ,,, وغيره وغيره ... هذه وين كله ... وفوق كل هذه والتبرعات . والمال العام الي ينباق ومحد يدري عنه ... والصفقات الي من تحت لتحت وبوق اشكره حق الهوامير ... والشعب ماكل فشقي وتبن ... وينكم يانواب ... تحركوا طالبوا ... ولا بس الحكومه اتقولكم بنسويلكم ونعطيكم بلعتو العافيه وسكتوا ... بس معامله حق فلان وفلان ..وواسطه حق فلان وفلان .. واحنه ياغافلين لكم الله ..

--------

17مليار دولار مادري دينار ... اطيح على العراق حلال !!!! ومليار 600 مليون ديون الكويتين ماطيح ..حرام !!!! ليش .. احنه نشتغل ونتعب حق ديرتنا ولقمت عيشنه ... واخرتها .. خير ديرتنا يطلع بره ... مو حرام ..الله المستعان .. حسبي الله ونعم الوكيل ... حسبي الله ونعم الوكيل ...

----

والسلام ختاااااااااااااااااااااام

-----

منقـــــــــــــــــــــــــــــــــــــــــــــول

----

8 comments:

Bo Jaij said...

واللى مو ماخذ قروض بس محتاج شلون يتساوى مع اللى ماخذ قروض؟

و اللى كان عليه قروض و باع بيته و دفعهم منو يعوضه؟

Mini Я. said...

tara jnoob ilsurra ma 3endihum telefonat lama al7een.
showare3na ma te3adelaw.
the list goes on...bas il7amdullah 3ala kel 7al..6aye7aw ilqerooth wela laa...ham e7na 3aysheen oo en7eb deeratna.

Itachi said...

I think its complicated issue and stopping talk about it will be more help for solve it...

coz I dont know the reasons why the do this or that so assuming its a bad thing...

how r u?? hows ramadan with u?!?! 8)

~ se3loah ~ said...

طيب ليش فيه ديون !!!
يعني وشلون !! هي شي الزامي والا كيف

kuwaity_ra7al said...

آه .. اسمحي لي اختي العزيزة أن أصرخ في هذه المدونة

أشعر بأن الشعب بدأ يفقد شعوره بالمسئولية

أخذت قرض .. رده
simply

أما أن يعرض الموضوع بطريقة استعراضية كما فعل صاحبنا كاتب هذه الكلمات .. فأستطيع أنا و غيري أن نسطر بمثل ما سطر و بطريقة أكثر استعراضية و بهلوانية

ثم ما هذه التساؤلات الإستفزازية .. و هل الكويت فقط من تساعد و تعين
لم نسمع بشعوب طالبت حكوماتها بإسقاط الديون لمجرد أنها ساعدت هذا و منحت ذاك

هذه أموال اجيال قادمة .. هذه دولة و ليست شركة دق اقامات

الكويتي يبي يتعشى في ارقى مطعم
يسوق اكشخ سيارة
بيت ديلوكس على ثلاثة شوراع
عطورات و ساعات ماركات عالمية

كل هذا بلاش .. مايصير
و اللي يبي الدح لا يقول اح

و شكرا على الموضوع و اعذريني:)

Smile said...

اسمحيلي يا اختي ان اقول لك .. انه صح يفرحني ويسعدني ان ديرتنا ديرة خير واحنا عايشين احسن من غيرنا والحمد الله .. بس بصراحه مرات يحز بخاطري ارى انه هناك ناس كويتين ما عندهم اللي يكفيهم وطبيعة عملي تخليني اشوف هذه الحالات ...
وكلام الاخت minir صح جنوب السره ليلحين مافيها تلفونات ولا شوارع سنعه صار لهم 3 سنين وهم يعدلون فيهم ومره حافرين ومره دافنين ...
صحيح ان الشخص يتحمل مسئولياته يعني مثلا يتسلف لازم يرد الدين .. انزين اللي يبي يبني البيت لازم يتسلف فوق 70000 د.ك علشان يبني البيت وطبعا اسعار الاسمنت زادت لان هناك قرار انه لازم تستخدم الاسمنت المحلي يعني الاسعار زادت ... ولا والسبعين يقعد 20 سنه على ما يسددهم .. يعني خذ من جيسه وعايده ... من رأي الشخصي ان اي فائض يأتي للكويت بعد خصم جميع المسئوليات التي على الحكومه ( من ميزانيات الوزارات و الادخار ومشاريعها ) يتم توزيع الباقي على الشعب بالتساوي .

Brava Valentia said...

ريما مساعده الكويت للدول الاخرى واجبه كدوله لها كيان بهذا الوجود يعني مو طيب منّا

اما بالنسبه لاسقاط الديون ... هذولا ناس كانوا بكامل قواهم العقليه لما خذوا الدين ,,, ويدرون ان لازم يسددون ,,, ليش ماسددوا ليلحين ؟؟ ,,, حرام عليكهم هالديره عطتهم كثير بس وين اللي بين بعينه ... ياخذون ولا يعطون


ماقط صارت بأي ديره ,,, شمعنى الكويت ؟؟

Ensan basee6 said...

خوش موضوع والله .قطو وطاقته بمصير شلون ما تبينهم اتراكظون اغلب الناس مديونه بس ماقول الا احنا يبيلنا اعصار عمشه الي اقوى من كاترينا عشان يصحون ربعنا