من أشد أعداء الحمرة الحمراء
و بالذات بالكويت
لما أشوف الكل لي بقي يصير جذاب راح و طخ الحمرة الحمراء بالويه
ما يقدرون مدي بشاعة هالحمرة إذا انحطت بالبرطم الخطأ
أو لون بشرة محوح
الكل عبالة لي حطها بس خلاص
لي مرت بين الشباب بتذوب اتنح
و إلا اتشوفون العين مافيها ميك أب و لابسه ترينج و نظارة و حمرة حمرا!
وإلا اللي يحطها بالدوام من صباح الله خير
الويه متفخ من النوم و لون حمر صارخ
والله شكلها بشع
واللي حاطتها و ضروسها صفرة و مو مهتمه فيها!
أردي و أردي
و على فكرة صيانة الحمرة الحمراء على الشفايف متعبه!
لي اشربت بالكوب إطبعت و شكل الكوب لوعه بالطاوله
لي كلت بالشوكه و اطبعت على الشوكه و بترد تاكل منها هم لوعه
و خصوصا إذا عندكم ناس يسون شيرنج بالطبق وياك و اتعاف تاكل في بعدين
لي يات بتسلم عليك و ياخذها الحماس و اتبوس الخد اطبعت و تم خدك المسكين مطبوع عليه الون
لي وحده لابسه أبيض و اشتطت بالسوالف و اتلاقي البدلة كل خطوط حمرا
ما أدري لي متي ماراح يستوعبون إن الحمرة الحمراء لها مناسبات خاصه جدا و اللي يحطها هم له مواصفات خاصة جدا !
5 comments:
الحمرة الحمرا لها ناسها ويا بخت شخصٍ عرف نفسه!
:p
اي والله معاج حق
وتلاقين الاسنان حمره متلطخه بالحمره جنها مفترسه حيوان
والحجاب متلطخ جنه دم
ومنظر العجوز المسكينه اللي حابين راسها جنه عليها ختم البلديه
المشكلة مو بالحمرة الحمرة
المشكلة باللي لين الحين ما تدري إن في لب ستك بروف ينحط على أي لون
هالبوست يبيله يتوزع كمنشور بين البيوت
شكرا
صادقة
تبين تضحكين اكثر شوفي بنات الخليج
في شوارع لندن و هم ملطخين ويوهوم بالميك
آب في النهار
مساكييين ما يدرون ان في المفهوم الغربي
ان الي تحط ميك آب ثقيل
من غير مناسبة(حفلة مثلا)0
هي البيتش
كابتن برشلونه
Post a Comment