Monday, December 06, 2010

103.7 اتفشلون !

103.7!

أمس على فرحتا الكبيرة أنا و عايلتي و ما بقا صراخ ما صرخنا على الفوز كان عندي مشوار مباشرة بعد المبارات!

ركبت السيارة و حدي مكيفه و مستانسه فقلت خل أبطلالراديوا بسمع أغاني عن الكويت اللي ولهنا عليها من زمان ما سمعنا!

شنو أسمع؟

السخيفين المذيعين اللي في 103.7 شقاعدين يقولون؟

إنحب ان انحيي الشعب السعودي ( و لاحظ الشعب ؟ ) على أداء فريقه بس هذي الكرة و خل روحكم رياضيه و العبوا زين و الله الفريق و انحب نهديهم أغنيه بمناسبه فوز الكويت و هذا إهداء منا الشعب الكويتي ( و هم ياب سيرة الشعب ) و أغنيه غناها المغني السعودي المتألق راشد الماجد بمناسبة الفوز

شنو الأغنيه؟

راشد الماجد – أنا ضايق

و يشغلونها كاملة !

اللي بفهمة؟

ليش قلة الأدب هذي؟

الشعب السعودي و الشعب الكويتي من الربع وياك بالدوانيه بتشتغل عليه ضغاط و إلا اشقصتك؟؟؟

و بأمر منو تتكلم عن لسانا!

ليش تتحرش بالإذاعة و على الهوا بإذاعة رسميه كويتيه!

والله و أقدر أحلف بالعالم كلة محد مسوي سواتكم !

كأنه السعوديه عدوة مو منا و فينا!

حده ما يضحك !

حدي احتريت !

حده نرفزني!

حده القناة و البرنامج كله و الزفت الطاقم مو محترمين !

تصرف أفراد بدون عقول و لا وعي و لا نضج بالتفكير!

وين الرقي بالحوار ؟

وين الفرحه اللي على سنع !

و من قال ان السعودين مجابلين قناتك و يسمعونك!

هذا اللي سمعته بس بدقايق طبعا قبل لا أغير القناة على 88.8

3 comments:

Seema* said...

هذا اللي الله قدرهم عليه؟
وايد عليهم!

ghadeer said...

هيا انتي شفتي المسيره بالتلفزيون؟ أبي أحد من الجمهور يعرف يتكلم ولا يقول جمله مفيده مشرفه ، هبوط في المستوى من شكل و حوار، مادري انا اذا هالاشكال هي اللي تمثل الكويتيين للمحيط الخارجي لأن انا ماعرف أحد منهم كلش لا من ربع و لا أهل، القصد ان اذا هذا اللي تنشره وسائل الاعلام من تلفزيون و اذاعه فالمستوى الاعلامي فاشل جدا جدا

Yara said...

ما دري ليش صار عادي نلطش بالعالم

والضغاط صاير سمة بالمجتمع
جد ويييييع

وعييييب

بس ماكو فايدة إذا الهبوط علامة مسجلة للمجتمع الكويتي مع الأسف