وداعا ديسمبر

أودعك ديسمبر

بولادة حب جديد

أذاب الثلج عن قلبي

أحسست بشعور العاشقين

بلذة المشتاقين

أتاني يحاكيني

أعجبني وجهك و سميت عليه بماشاء الله

ملاك أنت أم وحي من الخيال

تسألني من تكونين؟

أجاوبه بكل فخر أصيلة من الأصيلات

what talk your mind do?

"Great minds talk about ideas, average minds talk about events, and small minds talk about people."

- Eleanor Roosevelt

الهبة اليديده (just friends! )؛

جيلنا من مواليد السبعينات آخر جيل الرياييل الصراحه

اشلون؟

لي ييه واحد يتحرش فيك و اتقولة أخوي لو سمحت تراني متزوجه

شنو الرد؟

متأسف والله أختي ما دريت و آسف على الإزعاج

الحين شهالهبة اليديده؟؟؟

يتحرش و بمكان عام و مو هامة الأمة

لا و يوصلك البيت

و يصفط عند البيت و يبطل الدريشه و يكلمك

و لي قلت متزوجه شنو اتهقون الرد؟

So؟

أو

لا مابي شي بس فرندز

والله لا مرة و لا مرتين!

استغربت ودي أسإله

شنو مفهوم الفرند بالنسبه حقك؟؟

أنا أكثر وحده أدري إن الشباب الكويتي بالذاااااااااااااااااااات مفهوم الفرندز عنده مفتاح حق أشياء ثانيه

والمصيبة يدري إن البنات صايدين هالحركة و لما الحين يستخدمها!؛

و اتلاقيه أول ساعتين طاق الشرف

و بعدها هاااا فقير السؤال المعروف

هااا اشلابسه الحين؟

عزيزي الشاب الكويتي

أقولك استريح

اغنية الجبل كامله - حسين الجسمي 2011

ماطيح من هزه ولا تهزني ريح
شوف الجبل واقف ولاهزته ريح
شوف القمر عالي ولا يمكن يطيح
وانا الجبل في عزتي وفي وقوفي
والبدر من دوني توسد كتوفي

وان كنت تبغي ياوفى العمر توضيح
ماطيح من هزه ولاتهزني ريح
مالزمن ياصاح غالي وصاحب
له قلب متقلب وله وجه شاحب

قالو لي من الزمن صرت ضايق
بس اشكره جدا كشف لي حقايق
علمني اثبت حتى لو مت ماطيح
ماطيح من هزه ولا تهزني ريح

طبعي عزيز النفس من قوم الاكرام
واللي الكرم له طبع لايمكن يضام
وانا ابد مااخطيت في حق ناسي
ولا لوقتي يوم وطيت راسي
مهما لفاني من خطا الناس تجريح

الشعب و الشعب الآخر

كلمات أبي أوقف عندما من لقاء الوطن أمس مع الطبطبائي و عدنان المطوع

السوبرمان و ماني معلقه على أي كلمة قالها لأنه حتي اللي صارله ما كسر خاطري فيه و لا أهتزت شعرة فيني و بالعكس طول الوقت قاعدة أبتسم على اللي صار

و أهم شي إن صار بطل و محرر الكويت

في ناس كانت برة و دشت و حاربت من الداخل بدون تنظيم و هذا مستانس داش يوم 24 فبراير

ورازلي الصورة بعد!

مهاترات و شي يفشل !

لم أكن في يوم من الأيام مع أي وجه سياسي احب أسمع كلام الكل و آخذ فيه بغض النظر عن أسباب قوله لهذا الكلام ماني داشة بنيه أي أحد

الكلمات اللي استوقفتني

- الشعب مل من الهذرة و يبي تنميه و انجاز!

( الصراحه الشعب مقسوم قسمين – واحد يبي تنميه و اصلاح و واحد يبي نوابه ياخذون ما اتخذ أتوقع باجر بيسوون خطة للاستيلاء على البنك المركزي! الشعب اليوعان اللي عينه ما يمليها إلا التراب و ميبن عليهم من نوابهم اللي مثلينهم بالمجلس!

كل قوانينهم متعلقه بالفلوس!! و المواطن اشلون اتخليه كسلان ربادي ! ليييش؟؟؟ عشان يتفرغ يتزوج 2 و 3 و يجابل حلاله و خرفانه و بعارينه!

الشعب الثاني هذا اللي ودرنا و يابنا أكتاف و صاروا أكثر منا !

و هالشعب اللي أول ما صار الغزو أول ما قب!

ايي راح حق أصله الصحرا و هد اللي وراه و دونه ( صج ما عنده شي ) بس يعني بمشيها ان عندهم بيوت ما امسكوها

احنا الأقليه بالديرة!

كل شغلهم يبونه غصب و بالقوة و بالواسطه و كأنه الكويت و كل مافيها ملك خاص لهم!

الكلمة الثانيه :

يعني اشلون أطرد ضيوفي من ديوانيتي؟

عيل يعني تخربها و تقعد على تلها مثلا؟

في شي مهم و شي أهم

أقوي مقطع كان!

الكلمة الثالثه:

الدستور كفل لنا إقامة الندوات

و لما اييلك أوامر عليا من سمو الأمير و تقعدون اتلككون سنه تحملوا اللي اييلكم !

راضين تنطقون!

اللي ما يسمع و لا يطيع الكلام ينطق

لأنكم بتصرفاتكم صرتوا يهال!

شوف؟ المرة اليايه بتخاف و لاراح اتسويها

بتحس بحرقة العصا على ظهرك عشان اللي براسك كل يطيح!

و ياليتهم طاقينك على راسك و فالشينة و مخلينك فاقد الذاكرة!

الكلمة الرابعه:

الكل يبصير سياسي!

أحلا كلمة انقالت باللقاء!

صج والله وين العالم الثاني؟؟؟

وين المفكرين

وين الناس السنعه اللي يبون الخير حق ديرتهم! كل واحد قاعد يطنطن من صوب!

قاعده أقرا المدوين اسم الله عليهم كل واحد حافظله سطرين و قانونين و بس صار سياسي!

لا في بعد نظر

و لا في غيرة على الديرة

و حرقه قلب لي شاف هالأشكال تنهش نهش

و الشعب الثاني روووووووووووووووووووووووووح وراك يا بو فلان!

الفزعه الفزعه!

الحمد الله و الشكر والله على ان عندي عقل و أحلل بمنطقيه !

الكلمة الأخيرة:

تبون قوات و إلا دياي؟

ههههههههههه صاج والله !

اعجبتني الكلمة!

بالعالم كل القوات الخاصه من يطرون لها خبر انها يايه بس يروح كل شي و إلا ترا راح تنطق

معروفه القوات الخاصه بالطق

ليش اتعاندون؟

ليش اتحارشون؟

ليش تقعدون بالأرض؟

القوات الخاصه يايه و طاقه درب و منصدر لها أوامر عليا بمثابت حالة طوارئ بالديرة اتي و اتقول لما يخلص السعدون؟؟؟

من صجكم و إلا اتقشمرون يعني؟

لي يالك أبوك و شافك اتدخن و عمرك 15 سنة اتقول له اصبر يبه بس أخلص السيجارة ؟

اتهقي ما ايلك راشدي مثلا؟

ترا بالضبط والله القوات الخاصه ما ألومهم قاعدة اتعامل مع مراهقين صايعين!

ردت هيبة الدولة الحمدالله !

الصور من جريده الجريده

لما شفت المنظر و تأكد من الأحداث اللي صارت قلت و الله كفو عليكم!

أمر من سمو الأمير بعدم التجمع حفاظا على الأمن و الأمان اتقومون و اتعاندون و تتجمعون بإسم الديمقراطيه!

لما دخلوا عليكم و قالوا هذا تجمع و إلا ديوان اتيي الله هديك اتعنتر و اتقول تجمع و تضرب بعرض الحائط أوامر صاحب السمو !

الصراحه!!!!

يزاكم و أقل من يزاكم!

أول مرة أحس إن الدولة ردت هيبتها !

أول الخير انشاء الله

ناس ما تستحق الديمقراطيه و يبيلها تربيه قبل لا تستوعب شنو مفهوم الديمقراطيه!

طول عمركم متربين على الطق

يات الحين ما عاجبكم؟؟؟

لأن هذا الأسلوب اللي اتعرفونه!

هذي تربيتكم

بيوم و ليله بتصيرون أصحاب عقول متفتحه؟؟؟

أول مرة أفتح الجريده و أحس ان القانون تطبق و على أكمل وجه أي كان اسلوب تطبيقه

بالكلام مع الناس الفاهمه

أما مع الدبش و القرازعه فالحل هو الضرب

تبونها 5 ها؟؟

حلاة الثوب رقعته منه و فيه

103.7 اتفشلون !

103.7!

أمس على فرحتا الكبيرة أنا و عايلتي و ما بقا صراخ ما صرخنا على الفوز كان عندي مشوار مباشرة بعد المبارات!

ركبت السيارة و حدي مكيفه و مستانسه فقلت خل أبطلالراديوا بسمع أغاني عن الكويت اللي ولهنا عليها من زمان ما سمعنا!

شنو أسمع؟

السخيفين المذيعين اللي في 103.7 شقاعدين يقولون؟

إنحب ان انحيي الشعب السعودي ( و لاحظ الشعب ؟ ) على أداء فريقه بس هذي الكرة و خل روحكم رياضيه و العبوا زين و الله الفريق و انحب نهديهم أغنيه بمناسبه فوز الكويت و هذا إهداء منا الشعب الكويتي ( و هم ياب سيرة الشعب ) و أغنيه غناها المغني السعودي المتألق راشد الماجد بمناسبة الفوز

شنو الأغنيه؟

راشد الماجد – أنا ضايق

و يشغلونها كاملة !

اللي بفهمة؟

ليش قلة الأدب هذي؟

الشعب السعودي و الشعب الكويتي من الربع وياك بالدوانيه بتشتغل عليه ضغاط و إلا اشقصتك؟؟؟

و بأمر منو تتكلم عن لسانا!

ليش تتحرش بالإذاعة و على الهوا بإذاعة رسميه كويتيه!

والله و أقدر أحلف بالعالم كلة محد مسوي سواتكم !

كأنه السعوديه عدوة مو منا و فينا!

حده ما يضحك !

حدي احتريت !

حده نرفزني!

حده القناة و البرنامج كله و الزفت الطاقم مو محترمين !

تصرف أفراد بدون عقول و لا وعي و لا نضج بالتفكير!

وين الرقي بالحوار ؟

وين الفرحه اللي على سنع !

و من قال ان السعودين مجابلين قناتك و يسمعونك!

هذا اللي سمعته بس بدقايق طبعا قبل لا أغير القناة على 88.8

تبون تخربونها و تقعدون على تلها؟

تبون حضارة و تنمية؟

يبيلكم تربية والله !؛

ما أدري ليه متي بنظل جذي!؛

شعب ممنوحه له الديمقراطيه و لا يطبق منها شئ!

ومو معترف فيها من داخله!؛

صرنا شعب ما يسمع

شعب ثرثار

شعب ينقد الزين قبل الشين

شعب يستخدم إيده

ولسانه قبل عقلة

شعب عجول

غيب مصلحة الوطن

همة مادي و مصالحة الشخصية!

صرتي يا ديرتي الكويت

بدون كويتين للأسف!

الكويتي الأصيل

مختفي من هالديرة!؛

الله يحفظج يا ديرتي

حسين الجسمي و يارا - انت اول انسان 2010

انت اول انسان اعشقه في حياتي والحين تبغي الصدق ماعدت الأول
عشقت غيرك و انمحت ذكرياتي مع دمعي اللي يوم هاجرت حول

ماهو مهم اكون اول وثاني اهم شي اكون شي في حياتك
ان كان قلبك ياحبيبي نساني ارجوك لا تنساني بذكرياتك

انت اول انسان اعشقه في حياتي والحين تبغي الصدق ماعدت الأول
عشقت غيرك و انمحت ذكرياتي مع دمعي اللي يوم هاجرت حول

طول في هجرانك علي لا تحاتي ماعاد يعنيني لو الهجر طول
اغني فراقك بصوت الآهاتي و القلب من زود الوناسة يمول

اخاف اطول بالهجر في امتحاني ما اقدر اطول في الهجر من غلاتك
دامك خبير في لحن بعض الأغاني بعطيك اهاتي تغنها مع اهاتك

انت اول انسان اعشقه في حياتي والحين تبغي الصدق ماعدت الأول
عشقت غيرك و انمحت ذكرياتي مع دمعي اللي يوم هاجرت حول

العمر اصبح في الخفوق و تباتي و اليوم معلن فيه حظر التجول
انا اعرفك حالي و سكر نباتي حالي و من زينك اهلك تهول

العام حبك غير عوج المحاني مازال ثابت و انت تعرف غلاتك
وانا اعرفك انسان مانت بأناني لأن الأنانية ماهي من صفاتك

انت اول انسان اعشقه في حياتي والحين تبغي الصدق ماعدت الأول
عشقت غيرك و انمحت ذكرياتي مع دمعي اللي يوم هاجرت حول

لكني لو قلت اجمل الفات يناديني من حبك انا مستحيل اتسول
هذاك اول يوم كنت بحياتي و الحين اتى غيرك ولا عدت الأول

وانت بعد لو كنت فارس زماني تجبرني العزة اسوي سواتك
مافيه لا أول ولا فيه ثاني غصب عليك انا الوحيدة في حياتك

انت اول انسان اعشقه في حياتي والحين تبغي الصدق ماعدت الأول
عشقت غيرك و انمحت ذكرياتي مع دمعي اللي يوم هاجرت حول

iPhone ! Coffee warmer!

Did anyone try it!

القرار خل يبلونه و يشربون مايه

هالأيام الكل قاعد يتكلم عن القرار ( اللي ما شفت نصه ) بمنع التصوير بلأماكن العامة و الأسواق بالكاميرات المحترفه ( SLR ) .

ما أدري بالضبط ليش صارت هالزوبعه و ليش خايفين المصورين من الجريده اللي أشارت الا هالقرار!

جريده وحده فقط اكتبت بالموضوع و هي جريده الكويت تايمز!

و أشارت إليه بدون أي دليل !

شنو نص القرار

و شنو الأشياء المترتبه عليه؟

منو اللي بيطبق هالقرار أصلا!

بما إن القرار يقول إن التصريح بالتصوير يجب أن يؤخذ من 3 جهات رسميه :

وزارة الإعلام : ما تدري وين و أي إدارة

وزارة الماليه : أنا أشتغل هناك و أدري إن مالها علاقه ! و احنا بنفسنا لي بقينا انروح مكان عام ناخذ تصريح من إدارة المبني نفسه!

وزارة الشئون الاجتماعيه و العمل ( يمكن عشان العمال اللي يشتغلون هناك يشوفون التصريح؟ )

الأهم من هذا كل إن القرار ماله نص عقوبات

يعني ممنوع عرفنا, رحت و شلت كامرتي و صورت؟

و بعدين؟؟

شنو الجريمه اللي سويتها؟

في قوانين للتصوير عامة و متعارف عليها بينا المصورين لما انسافر أي ديرة

ممنوع تصوير المنشآت العسكريه ( نواحي أمنيه )

ممنوع تصوير المنشآت النفطيه

ممنوع التصوير بالأماكن اللي مكتوب عليها ( ممنوع التصوير )

ممنوع التصوير بالممتلكات الخاصه! ( بيوت و أماكن مغلقه خاصه)

ما كثر الله القرارات بديرتنا

و أوله ممنوع التدخين بالأماكن العامة

في أحد التفتله؟

التلفون و أنت تسوق سيارة؟؟

في أحد خالفنا عليه؟؟؟

من يشوفك الشرطي يقولك نزل الموبايل و بس

و بعد هالقرار

رحت

و طلعت

و صورت

لا و يمي شرطي بعد و استأذنت من حارس المشروع و كان حلييو و خلاني أصور و عادي ماكو مشاكل و لا يدرون عن هوا هالقرار أصلا!

أنا أقول بديرتك خل لسانك حلو مع العالم و كل شغلك بيمشي

هذي صورتي الحلوة بعد القرار الحلو

هي تعتبر هالصورة جريمة يعاقب عليها القانون؟؟؟

و إلا يحمدون ربهم قاعدين انطلع الديرة بأحلا نظرة!

أقولك شي؟

كل ممنوع مرغوب

و الحين كميه المصورين بتزيد أبشركم