Wednesday, May 27, 2009

home catering !





إستغربت من سالفه جدا خطيرة
كان ودي أتكلم عنها من زمان




شلون الناس اتشجع الناس اللي يطبخون بالبيوت


و ما عليهم لا تفتيش من البلديه


و لا تدري اللي يشتغلون عندهم خاضعين لفحوصات الصحه


و الموضوع زاد و تلاقيهم بالجرايد عيني عينك!


إشي حلويات


إشي بوفيهات


إشي مندي توصيل منازل




بفهم؟؟


من صجهم الناس قاعدين يطلبون؟؟؟




المشكله إن ما تعرف أي شي عنهم إلا رقم تلفونهم


إنزين لي صار تسمم و إلاسوء تخزين أو سوء توصيل


من نبلغ عنه؟؟






ولا تقولولي انعرف صاحبه هالمكان


إنزين شفتوا المكان اللي ينطبخ في هالأشياء؟؟


تدرون هالطبابيخ شنو أشكالهم و إلا نظافتهم؟؟






لا و المشكله إن الشغل منظم


منيوهات فاخرة مطبوعة على أعلى مستوي!




و سايتات حلوة تختار منها


و مو موجود عليها ترخيص من وزارة الصحة!


وزياده على الموضوع


دخلوا ال


facebook


و بتشوفون بلاوي


على أبو


home business !



و النتيجه


مهيتيين




لا حسيب و لا رقيب!؛




Saturday, May 23, 2009

55 mashallah!

La yewagif la yewagif !!!

Sent from my BlackBerry® smartphone from Zain Kuwait

Friday, May 22, 2009

Testing blogging from my blackberry

This is only a testing so feel free to see it :)

Sent from my BlackBerry® smartphone from Zain Kuwait

Wednesday, May 20, 2009

كيف تختار شريكة حياتك

كنت قاعدة أسمع الراديو بالصدفة والا كان في برنامج بالمارينا أعتقد
السؤال ينسإل حق عدة أشخاص و يجاوبون عليه
السؤال
كيف تختار شريكة حياتك بالعقل وإلا القلب
بما إن السؤال كان حده سخيف مع إحترامي للي كاتبه
لأن هالنوعيه من الأسئله ما تحتمل جواب ثالث
بس كانت الصراحه الأجوبه أسخف من السؤال نفسه
نماين من الأجوبه:
أختار 50 بالميه بالعقل
و 50% بالقلب
( أموت و أعرف الحبيب اشلون حسبها؟ )
الرد العنيف و أهوا سبب كتابه هالبوست
أختار بعقلي أولا
و بقلبي
و بعدين بالغريزه
الحين أول شي طرا على بالي هالكلمة؟؟؟
برنامج عام و الردود مسجلة يعني ماكان مباشر
و المنتاج ما حذف شي من الكلام؟؟
انزين الغريزة هني هل يقصد إحساسه؟؟
يكون خانه التعبير؟؟
و السؤال اللي يطرح نفسه
شلون بالله الواحد يختار بغريزته؟؟
و إذا الكل بالبرنامج شافوا هالكلمة عاديه
شنو يقصدون؟؟
و إلا الكل مو فاهم؟؟
أحتاج مساعدتكم بالشرح

Sunday, May 17, 2009

mabrooooooooooooooooooooooooooooooook ! سويناها يالكويتيين




و كانت المفاجأه




و أخيييييييييييييييييييييييييييييرا مجلس يبشر بخير




الحين الواحد يقدر يبدل و يروح الدوام و أهو مستانس






يالله تحفظنا
و تحفظ ديرتي من كل شر






ترا في ناااااس ما دشوا هالسنه المجلس ييييييييييييييييييييييو


ههههههههههه


وناسه وناسه




خل يتعدل الطرح الحين




Saturday, May 16, 2009

الأنتخابات بدت عساها علي خير


اللهم وحّد على الخير قلوب أهلنا في كويتنا واجمع شملهم ووفقهم لما فيه رضاك واحفظهم من كل مكروه اللهم ول علينا خيارنا ممن يأمر بالمعروف وينهي عن المنكر اللهم أعز أهل طاعتك وأذل أهل معصيتك وأجعل ولايتنا في من خافك واتقاك واتبع رضاك
اللهم آميييييييييييين

Wednesday, May 13, 2009

vintage Bags!


كان يوم الجرد العالمي لأحدي أخواتي بالدوام
و قعدت تتكلم عن أشياء عندنا قديمة بس مو راضين نتخلص منها لأنها تذكرنا بأشياء حلوة ، أو حرام نتخلص منها لأنها غاليه
مثلا بدلة العرس
بدلات التجهيز مو كلهم بس بعضهم يعز علينا
و يات الفكرة!!!!؛
اشرايك بنات
باجر كل وحده تلبس أقدم جنطه أنتيك عندها
و لازم تقتنع إن هالجنطه شاريتها توها
أول شي قلنا أمبييييه فشلة
و خصوصا إن لجناط صارلهم أكثر من 10 سنين
ليش عشر سنين؟؟
موديلنا قبل ما نلبس جنطه كشخه إلا حق الجامعه
و جيلنا بعد ما هبينا بالجناط كل نشيل بواكه كشخه
هههههه
كارتيير
فراري
و أيام الثنويه يطري علي
القلم و يا البوك ويا النظارة والساعه
هههههههههههه
ههههههههه
و قعدنا نضحك!!!!
والله ما خليناها بخاطرنا
اليوم الثاني وحياتكم
كل وحده إجبخت باللي عندها
أول صورة صاحبة الفكرة
LV


CELINE









CHANEL








and th oldest bag !
waaaaaaaaaaaaaaaas



LV
جنطني
1992
سنة أولي جامعه

و كانت هالجنطه تقريبا كل بنات الجامعه عندهم منها بس على ألوان
هههههه
لا و أزيدكم من الشعر بيت؟؟
كلنا بلا استثناء لبسناها لمده 3 سنين و إذا مو أكثر

يعني مو موديلنا كل سنه جنطه
ههههه

والله لما الحين أذكر سعرها
180
دينار

أول جنطه بحياتي ماركه

قولوا لا اله إلا الله
لما الحين بحاله أكثر من ممتازه و عادي لبستها و شزينها

اليوم ردت الجنطه لقواعدها سالمة
بالعلبه مالتها
عشان تكون أنتيك
باجر ما يندرا يزيد سعرها و إلا واحد أو وحده يبون هالموديل من الجنه و اتييبلي مبلغ
ههههه


بنات؟؟؟
عندكم شي جذي؟؟
و إلا بس إحنا اللي انخشش؟؟؟






Monday, May 04, 2009

بعد الحنه و الإقناع الشديد من قبل أش...

 

 



 

 

 

بعد  الحنه و الإقناع الشديد من قبل أشخاص بشراء بلاك بيري

و عيزت أقول أنا ما يصلحلي لأني راح أدش بمرحلة إدمان  غير قابل للعلاج و يا هالجهاز

 

و أول بدايه الإدمان إني ما لقيت هالجهاز بالكويت بشهر أثنين فأطريت آسفه و صج حسيت نفسي سخيفه كنت بروح مصر فحولت وجهتي للبحرين عشان أشتري الجهاز!

لا و مافيه عربي بعد

بدت وياه رحلة الإستخدام و الإستكشاف 

شي خطير خطير

و الحين صارلي 3 أشهر وياه

شي مو طبيعي

من فوايده كالآتي

1-  يمنع الحنة من البيت لأن البنات كل مشغولين بال بى بى أم و تختفي النجرة 

2- يوفر المال لأن أشتراك شهري 14 دينار و بس خلصنا كل شي ببلاش

 المسجات و الصور و أحلا شي في حق التخرع تقدر تطرش صوت في  

3- يحمي من المغازل لأن يتم التعامل مع رقم الجهاز و ليس الرقم الشخصي يعني مالهم أمل يطلعون منو صاحب الرقم


4- مافي بلوتوث إلا حق الأجهزة الملحقه في سمتعه بلوتوث و يعني اللي قاعد بالقهوة وياه بلاك بيري يعني ما يغازل بالبلوتوث

فراح تفتك من الهيلاق والل يرقمون

5- السوالف بالسفر ببلاش البي بي أم

6- اللي ماسك الجهاز كل طاقته البوهه و مشغول  و يسبه

اللي ماسك الجهاز لحد يتحرش فيه لأن مو مثبتك أصلا 

7- يعلمك الصبر وايد و ما عندك مشكله لو واقف طابور بالمستوصف تنطر مرضيتك لأن مسلي و ما يخليك تحس بالوقت

8- تكون أب ديت بالنكت لأن ربعنا ما يستخدمونه إلا في نقل النكت

9-يخليك تتواصل  بزياده مع ربعك اللي بال بي بي أم ما أدري ليش بس شي غريب جدا 

10 - إذا أحد بناقشك بأمر معين مالك خلق تسمعله وايد فما تدخل بجدال ومهاترات مالها معني فتصير محبوب من الكل