Saturday, September 26, 2009

a place to go pleas !

لما ايلك شعور إنت مو قادر تتأقلم مع الجو العام بالديرة شتسوي؟

بس تبي تهج من أول عطله تصادفك و تحس إن قلبك متعلق برة مو هني

من توصل مطار الكويت يحوشك قامت تتذكر الروتين من البيت لي الأفنيو أو لي أي مطعم بس هذا جدولك !

ثاني يوم ياتلي حساسيه غريبة عجيبة بوهي بسبة الجو !

رحت الأفينيو أمس و إلا مكرفونات طلعوا هوشه حالة طوارئ!

بالمجمعات الناس أشكالها غير

لا احترام إنت وياك ريال و إلا عيال يقل الكلمة و أهوا اللي ماشي لا حيا ولا مستحي!

و ليش شافك معلق البلاكبيري قام يأشرلك يعني أبي ترقيمة البلاكبيري!

اتقول لاتروحون بالويك إند إنزين بالله الديرة اشفيها غير مجمعين ينراح لهم؟

اتروح اتمشي عالبحر تعال شوف الأشكال و القز و طيران و صقال

تقعد بالبيت اتحوشك قمته لأن ما عندك إلا النت اتجابله !

العضلات ما اتحرك

محسوبه عليك الطلعه لأن عندك التزامات وواجبات لازم اتسويها داخل البيت

كوني 35 و شفت كل شي فما عاد تهزني الأشياء المتعارف عليها الحين

نبي شوارع رايئه

أماكن مافيها زحمة

أماكن تكون ريلاكس شوي و مافيها خزني و أخزك

أول ما كنت أأيد منع الإختلاط

والله بس الحين ما نبي هالشباب مال جيل اليوم اللي إييلك المجمع بمايوه مشير!

قاعد يمك و يوزع ضحكات عبط يخلي الطاولات كلها تلتفت عليه من سخافته

والله معطيك ظهره و أشياءه كل طالعة بالسكه! على أبو شاري كالفن كلاين!

و البنات بعد ما خلت بالرياييل عقل داش مجمع كأنك رايح الشاليه من التفسخ!

والمتحجبات اللي قاعدة أتكلم عنهم اللي محسوبين على المتحجبات شي مو صج والله اللي مو متحجبه ما تلبس هاللبس!

والمصيبة ان صاروا أغلبيه!

ليش؟

قمنا ما انروح ننفر من هالأماكن! إذا نبي شي نفضل انروح الساعة 10 الصبح عشان ما أنشوف هالفئه!

تقولولي أتحلطم وايد؟

لا والله الوضع صار فوق ما الواحد يقدر انه يتحمله!

أول أماكن القز والمغازل معروفه و بأيام محدده تبون؟ ترا الوعد يوم الثلاثه بالمطعم لفلاني

الواحد قام ما يدري وين يروح!

عفيه إللي عنده أماكم زينه يطرشلي إياها بالإيميل!

والله من صجي مو قشمرة أماكن نظيفه و فيها ناس بحالها سنعه و ما عندي مانع ما أطلع بالويك إند بس بالنهايه أكو مكان نروح له!

يايلنا الجو الحلو و نبي نستانس بالديرة!

21 comments:

Q80BOY said...

all u said is true .. 100% true .. too bad there is not much u can go see in kuwait except the malls .. 360 mall is a wee bit better than the avenues .. a very small bit better .. and if u dont want 'haleg' u can visit il raya .. nice cafe's there too .. there is no place like home .. i know it gets boring .. but dibber ivititations at home are fulfilling and soo much fun and better than being a walking cinema screen at the avenues! :)

Fahad Al Askr said...

أحلى مكان بالكويت خلال العطل برة الكويت

الناس غير الناس يا ستي، إذا إنت شفتي يوم وما ياز لج أنا كنت أشوف كل يوم لين صكت فيني الدنيا

إلا صج شدني شي باللي كتبتيه

ترقيم البلاك بيري شلون يصير، أصل أنا نفسي أتعلم الحركة دي من زمان، بس مش عارف

Anonymous said...

اخذي اليهال وروحي ديسكفري مول مافيه قز ولا مخلوقات فضائيه حطي اليهال بالألعاب وقعدي بالكافيه مع نفسج :)

Mohammad Al-Yousifi said...

عادي مو بس انتي الديرة من راسها لي كرياسها لايعة جبودهم منها و ناطرين اي عطلة عشان يهجون برة

دمار يا كويت

عبدالرزاق القطامي said...

السر عندج بالامان

برج بيتك بالديره

برجر بار ورا هوليدي ان

الراية مول والعوضي مول

وانا احب اكتشف طريق بحرالفنطاس لي قبل الفحيحيل وحركات الاجانب هناك


:)

Anonymous said...

معاج حق

اشكال غريبه ووقاحه زايده

بس مالازم ننسحب ونترك المكان لهم

كله من التجنيس العشوائي

صرنا اقليه في بلدنا

والمشكله حتي بره وصلوا سألي اللي راحو لبنان هالصيفيه شكثرهم هناك

aL-NooR . said...

ماكو غير السفر
الحل الوحيـــــد


صبـــــاح الخير والدوام الرايق

الدســتور said...

ماكو غير الابراج
بس يقولون محترق
و الاصنصير خربان
تقدرين تطقينها مشي بالسلم

أهم شي راحة البال

Anonymous said...

A7LA mokan bel weekend edubai wanasah ow esoq 3ageb ro7ai the adress yamah dubai mall 3ageb elmall 7atah GALLARIE LAFAYATTE feh la ey6ofch

Anonymous said...

diwanyia is the best :)

Ra'ed Qutena said...

كل اللى أقدر أقولك إياه
تشكيلى ببكيلك

Яeema said...

تعليق جماعي عبالي بس أنا اللي حاسه بهالشعور أشوه طلعت طبيعيه و الكل ملاحظ!!!؛



q80boy :
today i went to 360 to buy coffee ! it was good i like it !

i am keeping all what you said on mind !
thaaaaaaaaaaaaaaaanks a lot dear !



fahad al askr :

السنة بدعت و حجلت الرصيد

بس مو معقوله كل ويك أند بتسافر واليهال شتسوي فيهم؟
مو حل والله

ماكو حركه
يشوفك معلق التليفون و إلا حاطه عالطاولة
يقولك ممكن أضيف البن؟
bb pin he want to add it






anonymouse :
i do it but i go with my husband ;)
they have a lovely football ground ! kids just like it !


ma6goog :
أستانس لما أشوف تعليقك سطرين
هههههههههههه

على الديرة صج تغيرت من اللي فيها

Яeema said...

عبدالرزاق القطامي:
برج بيتك التهويه بالمجمع مش ولا بد
ريحة الأكل مو طبيعيه
قعدت في لاميزون كافيه هناك
كأنك داش مطبخ مركزي!؛



anonymouse :

والله هذا اللي حاصل الإنسحاب
لحيه تحشمها و لحيه تحشم روحك عنها




al-noor :
المشكلة مو كل أسبوع تقدرين تسافرين

مو حل
العطلات ميخالف
بس هم إحنا مربوطين بالدوام


مساء الورد و الأرق الدايم
هههههههه






أبو الدستور

عذبني أكثر!؛

Яeema said...

anonymous : i wish i can go every weekend!
:((
it's a lovely place walla !




anonymouse : i will work hard to do for us girls dowaniya !

psp 3 and network for games ! looool
or wii !

it will be much fun than hanging out!





أستاذي و صديقي العزيز رائد قطينه كاتب تعليق بمدونتي!

لا لا لا لا
راح تطير النومة من عيني!

و مدون !!

يا سعدي و هناي


والله أستاذي العزيز كنت تسمعني الله يعينك

joe said...

يامعوده انا كل ما اطلع مع ربعي على بو انه بستانس القى واحد من المخلوقات الفضائيه يخز من فوق لي تحت جنه يعرفني من الف سنه او اني مسوي شي غلط يامعوده الديره صايره بطيخ
بس صج سالفة المطار لما ارجع لكويت يضيق خلقي على الاقل لما اكون مسافر في اماكن حلوه في شي يسلي بس بالكويت شنو في ماكوشي

سووري وايد قرقت

Sharbil said...

ريما الهيئه الكل بيعاني من هالموضوع
عن جد شي غريب يلي عم بيصير هالايام و كل شي قلتيه صح و الكل مانو مرتاح بهالوضع
يعني حتى الاماكن العائليه مافيكي تتأخري فيها او تسهري فيها لانها بتقلب و تتعبى من الناس يلي من الفئه اياها

حتى المجمعات الي ممكن نقول عليها راقيه متل الصالحيه او الرايه مافيكي تروحي عليها لانها كلا شباب مش مكان تقعد فيه بنت او رجال مع مرتو

احسن شي ويك اند ببيروت
;)

Take Off life‘ said...

سبحان الله الافنيو قبل كنت استانس عليه الحين من ادشه اتصكني غلقه مو طبيعيه ..
الوضع بالديره صار لا يطااق.. والله ما ابالغ لو اقولج اقعد شهر كامل بالبيت ما اطلع
ماعندي مشكله.. احسن من المخلوقات الي اشوفها بره

انا من ييت من السفر يمكن صارلي شهر وجم يوم.. ماطلعت يمكن الا ٣ مرات
وكنت لازم اطلع فيهم, الحين الوضع صار خز شي طبييعي

يمرون يمج شويه خمام يقطون عليج كلمه ويضحكون بصوت عالي
هذا صار شي طبيعي.. أقصد روتين! :)

انا لو ادرس بمدرسه حكوميه.. جان طقيت وانتحرت لوووووول

Take Off life‘ said...

+
توني راد من تركيا صارلي أسبوع.. ف وضع التحبيط في تطور لووول..
الله كريم

Seldompen said...

صحيـح الوضع صعـب ..

ويقهـر ,, بس مالك مفـر

يا أنك تتعودين عليه , يا أنك

تمشين وأنتِ مغمضة عيونك عن كل

اللي يصير ..

:)

والله المستعان ..

تقبلي مروري الأول ..

Blogger said...

آآآآآآآآآآآآآه
ضربتي على الوتر الحساس
الحل الوحيد بالنسبالي الهروب للشاليه

sarah said...

Thank you very much

http://baby2012.blogspot.com