Wednesday, June 24, 2009

أريد حلا

تخيل من صباح الله خير توك ياي من البيت و إبتسامتك المصطنعه على ويهك تقول يالله ميخالف انشاء
الله اليوم يكون حلو ، و تلاقي هالورقه على مكتبك.
( لاحظتوا البدليات بالمذكرة؟ المدير مو قاريها عدل )

من زمان ما حازيتكم صح؟
كان يا مكان في قديم الزمان يوم أول ما توظفت بالوزارة كان الوضع جدا مريح ، كل واحد عنده مكتب و كرسي ضيف و المكتب مافي إلا موظفين إثنين بس و كل واحد زقرتي عنده خط تليفون بروحه.
من قبل خمس سنين تمت التوسعه و تغيير المكاتب من مكاتب خاصه إلا مكاتب وحدات منفصله
( partitions )

كان الوضع شوي مافي خصوصية و مالك كلمة بالتليفون و لا إذا يالك أحد تقدر تاخذ راحتك بالكلام وياه والريوق صار علينا بالحسرة الكل يطالعك و شاشة كمبيوترك سبيل للرايح والياي.
الحين 2009

الموده اليدية الحين ، سياسة التوظيف على كرسي
شنو يعني؟


يعني يوظفونك بس بشرط؟
ترا ما عندك لا مكتب و لا كمبيوتر ولا خط تليفون

حدك كرسي
و عادي تيي ثاني يوم و إلا الكرسي ماخذينه منك

فتخيلوا الوضع تكدس بالموظفين
الكمبيوتر يقعد عليه 3 موظفين بالتناوب
فإكراما منك تخليلهم المكتب و تقوم عشان الباجي يستخدمونه

وين تروح؟
يا تقعد على مكتب غيرك من زملاءنا بالقسم
أو
اتروح اتريق بالكافتيريا
أو تروح عند أحد تتريق
يعني موجود و مو موجود

بالصيف
و ماكو شغل شنو قاموا يسوون المسؤولين اسم الله عليهم
فجأه تدور ورقه ياخذون الحظور والغياب
و ياويلك إذا أنت مو موجود على مكتبك أقصد كرسيك
فصارت ربكه بالدوام
و لازم على كل حركة حتى إذا حمام و إنتوا بكرامة مسؤولنا يدري
يمكن فى اللحظه تمر الورقه ؟؟؟؟

و فعلا صار ما لا يحمد عقباه
مرت الورقه أمس
و اليوم أكو مثل هالورقه على مكاتب 6 موظفين

الضحك وين؟
قام كل موظف يكتب بالأجنده إن راح الحمام بهالساعه عشان ما ينسى
من ضمن أجنده المواعيد عنده

ههههههههههههههههه

و تأتيكم الصدمة
التاريخين الموجودين بالورقه هي ساعة دخول الحمام للموظفه صاحبه هذي الورقه
مو صج صح؟؟؟؟؟
لا هذا اللي صار
عشان تعرفون شلون الشغل صاير
و أهم شي إن يتوقيع مدير الإدارة

12 comments:

Mohammad Al-Yousifi said...

لول

Blog 3amty said...

نستجوب الشمالي سهله هذي !

Anonymous said...

عندي كرسي ضيوف فوق راح اقول للمدير يمرر الورقة عندي

فريج سعود said...

ماعندج لوحة مغلق للحمام ؟

مرة يانا مراقب مؤقت على ما ترجع مسؤولتنا

والاخ يبي يصير مسؤل حمش بهاليومين

الاخ مناديني وينك ؟

قلت له كنت اتريق بالكفتيريا

قال لي مرة ثانية استأذن اذا بتروح مكان قلت له اوكي ومشيت شوي ورجعت له

وقلت له واذا بروح الحمام ؟

الاخ على ما يفكر بجواب مشيت عنه

Anonymous said...

خبال زايد

خديجة البهاويد said...

لوووووووووووووول
والله هانت علي البلاوي الي عندي :))

badra said...

weee3 thakrtni eb dawami el gadem

7tn ra'asat gesmi ma kint agdar ashofha weda ey76lna sam'3 bl kersi

3ama eb 3ena

q8mirror said...

ومن سمح لج ياموظفة تعرضيـــن توقيعي في مدونتج؟؟؟!!

انا مدير ادارتكم :/

فراوله said...

غاليتي الحبيبه
صج حدث ولا حرج
واللي يعيش ياما يشوف
:)

Gee™ said...

اي شي صح !!

شالمسخره كرسي ينوخذ
وجهاز عليه 3 موظفين ؟
وين قاعدين ؟ سيلان ؟

انا اقول افتري دوريلج شغل بمكان ثاني
ولين ربج يحلها اشتري كرسي مال البحر.. الي يتصفط ماكو ؟
حطيه بدبت السياره عشان اذا نزلتي وماخذين كرسيج الا عندج سبير

:p

J Daily said...

لا عيل دوامي اكشخ
بس الي مأذينا شي اسمه توقيع مفاجئ

والمشكله ان احنا شغلنا مو على المكتب.. نحوس عالادارات
مايكسر الخاطر الا هالبنغالي يحوس على كل الادارات عشان يلاقيني

وبعدين اذا ماوقعت.. يسألونك وين كنت؟؟
تقول كنت بالاداره الفلانيه.. طبعاً محد يقدر يصيد انك طالع ولا منحاش

يعني السالفه من الاساس الورقه مالها معنى

Anonymous said...

حياج نظم الشراء كراسي زايدة والشغل وايد والموظفين شوية :)

منزمان قايلين لكم بلوك 13 ما منه فايده :)