Sunday, January 25, 2009

حفلة مسخرة

من جريدة الصوت : العدد 79
حفلة الزواج
حفلة الزواج يجب أن تكون اختلاطاً، فيفرح الأب والأم بالبنت والولد، وتدخل العروس والعريس وتزفهما راقصة من بلاد النيل، والعشاء في التاسعة وليس في الثانية، ويصرف على الطرب، وليس على الديكور وبدلة الفرح، ويتعارف الشباب في هذا الفرح حتى لا نحتاج إلى خاطبة أو صورة بعد اليوم لنزوج البنت أو الولد، وليرقص العروسان ولا يتسمَّران في الكوشة، فليلة العمر هذه لا تعود، ويشاهدها أبناؤهم على الشاشة أو في الألبوم. لا تقل لي إن المحجبات لن يحضرن، فسأقول لك سأقبل اعتذارهن شاكرة، وستسألني: ماذا عن اللجان؟ اللجان، نعم لقد نسيتهم، هل ما زالوا هنا؟ ألم يذهبوا ليحاربوا في غزة وأفغانستان؟ ولكن لا بأس، لا يرسلون الجواسيس للتصوير، لأنني سأرسل لهم الصور، وسأعرض الفرح على قناة سكوب.



تعليقي على الموضوع:
أي ريال واللي يرحم والديكم يقبل بهالمسخرة
أنا بنت؟؟ و فري؟؟ و مو متحجبه؟؟؟ أول وحده ماراح أروح هالعرس
في شي إسمه حيا و مستحه و تربيه و أصول و قواعد بالحياة
لا و راقصه بعد ، يا سلام سلم هاهاهاها أنا أشوفها بالتلفزيون ترقص تلوع جبدي هالنوبه إييبونها عرس كويتي؟؟؟
و لاحظوا إن يصرف على الطرب ، مو على البدله و الكوشه !!
إسم الله علينا بس
ههههه
يالينا الخفس من شويه؟؟
اللي اللي ودي أفهمه الحين بهالموضوع
لي يييه شاب لطيف و جميل من المعازيم و شاف بنت حلوة بهالمكان ، هل بفكر و لو للحظة إن حتي يفكر بالزواج من أصله؟؟
السؤال الثاني
يا حلوي بس و أنا داشه العرس و بدلات العرس كلها عاريه وريلي ساطر يمي و هالرياييل كلهم يشوفون لحمة جذي مكشوف و إلا لحم خواته بالشارع جدام اللي يسوى و اللي ما يسوى
يا لهويييييييييييييييي
هاهاهاهاهاهاهاها
هههههههههههههههههههه
بعد فيني ضحكة من هني ليييه أمريكا!
متخيلين الوضع؟؟؟
التصوير و حتي يشاهدونه أبناءنا
أنا لو من هالأبناء و أشوف عرس أهلي جذي أحرق الشريط و أبي أحد يطقني على راسي عشان أفقد الذاكرة!

أشوه إن اللجان موجوده بعد جان الديرة إنقلبت فيجاس بسبتكم
يعني لازم تنقلب الديرة مسخرة
عشان تثبتون معني الحريه اللي إنتوا أكثر ناس فاهمينها غلط!

ما أقول إلا
الحمد الله الذي عافانا و رزقنا بنعمة العقل السليم و الفطرة السليمة
الله يستر علينا و على عيالنا




20 comments:

nice said...

ايه مسخرة محد يقبل بيها
والله يستر من هالافكار
الحين العالم مطقوقة بالبورصة والاخت تبي فرفشة على الاخر
طبقيها على نفسج ونشوف النتايج
لكن اللجان ما نبيها الرقابة ذاتية افضل ولا باجر بنشوف الننجا تارسين الديرة على بو ظوابط
تحياتي

Bloggerista said...

ليش اذا الشاب شاف البنية بعرس ما يفكر بالزواج أصلا؟

و ليش لازم بدلات العرس تكون مفصخة؟

الحريم يتفصخون لما العرس يكون حريم بس, لكن اذا صار العرس مختلط أكيد راح يحتشمون

ما اعتقد انها يوم كتبت هالمقال كان قصدها انه العرس يصير حفل ماجن

اعتقد كانت تقصد انه الفرحة تكون مشتركة بس

يمكن الرقاصة بس لي تحفظ عليها

عاجـل said...

خبري عروس السبعينات كانت خلط

Яeema said...

nice :
أفكار بوجيبووه حدها

تحياتي لتعليقاتك التي تثلج الصدر

:)






fashionista :

أولا الوضع مو طبيعي بيكون
الرقص و الرياييل تطالع؟
شرايج إنتي؟؟

ثاني شي ماكو بدلة حفلة مسترة
شوفي عروسنا
الفتحه لي 3 أرباع الساق
مزلط
مو معقوله قاعدة بحفلة و لابسه مستر

شوفيهم بالسوق شلابسين شي يفشل هالنوبه عرس و كل بنت تبي ترتز؟؟؟

أما سالفة أكيييييد بيحتشمون فأنا لي تحفظ عليها هههههه

أعرف ربعنا
شوفيهم برة و بعدين تعالي قوليلي الأكيد هذي

وعلى فكرة الحريم الللي بين لكبار و لصغار أكثر طبقه فيهم ماكو مشاكل

جيل اللي عاصروا المايكروجوب والحفر






عاجل:
كان زمن الجاهليه

أهلي كان زواجهم 1972
الألبوم مافيه رياييل كل حريم
إلا المعرس
اللي أهوا أبوه تالي دخل
أول لعلمك الأبو عيب يدج ويا المعرس


الخلط اللي اتكلم عنه كان الطق رياييلو كانوا حق الفري وايد
و اللي عندهم عادي التدخين بعد

بس الواحد صار عنده وعي ديني شوي


شلون الله يبارك بالعرس و بدايته جذي؟؟؟

الحريم يترقصون جدام القصار و فرقته؟؟

ترضاها؟؟؟

Bin3agul said...

ana a5tlif ma3ash reeema bil mawthoo3 w a9if ma3a sou3ad il 7amad hny.. ;)

Kaadi said...

التفكير قد يختلف اذا كام عرس خلط متعودين !! محد بخز بطريقة وصخة

والصراحة ماخرب النفوس الا الكبت ..اذا تعودت العين مايصير مسخرة

والفرح هو فرح الاسرة بأكملها على ادب و سنع و هدوء مو شرط رقاصة ..يمكن فرقة موسيقية اوكي و لبس محنرم كلاس !

الدســتور said...

الله يرحم كويت زمان

bo_sale7 said...

حرية الراي مكفولة
اللي تشوفينه تحرر غيرج يشوفه تحفظ

والعكس بالعكس
ودام العروس هي مناسبات اجتماعية محدودة الدعوة فاللي يصير فيها اكيد الناس اللي حاضرين فيها راضيين فيه

الزبدة راح نشوفج تسوين محاضرات حق جمعية الاصلاح قريبا ؟
:)

مركبنا said...

اشوف في لبنان محد عنس

يبا في فرق بين التحرر وبين التمصخر


والله حاله

واعتقد السنع ماله دين

AL7ESIN said...

كيفها
ان كانت تبي جذيه كيفها صراحة

عن نفسي حضرت عرس باكستانيين بكشختي وحجابي
ما عندهم رقص.. كانت سهرة عشاء هادية
ليش ما احضره بالكويت؟

ما فيها شي الناس حرة باللي تسويه
بس تدرين متى طاحت من عيني؟ على كلمتها: ـ

""لا تقل لي إن المحجبات لن يحضرن، فسأقول لك سأقبل اعتذارهن شاكرة""

اهم شي انها سبتني كمحجبة وانا مالي شغل

:))

.
،

انا مو ضد موقفهم واراؤهم ترى
انا ضد رعونتهم بالتهجم الجماعي وخلط الالوان وخبصة الدنيا ليه تكلموا

لاهي ليبرالية ولا بطيخ.. هذا ماله الا صفة واحدة: رعونة

نتفوا الليبرالية بفعايلهم اذبحونا

الله الهادي

Яeema said...

bin3agul

إن أهلك الحين متحجبين و العرس ما يبون متحجبات
ما أعتقد يصلح وياك الموضوع عن العيارة
حجي
هاهاهاها

Яeema said...

kaadi

ما تضمنين عيون الناس
مهمن كان رياييل

ما تزوق عيونه؟؟


عن اللبس الكلاس

تضمنينه؟؟
تكتبين على البطاقات لبسوا محترم لو سمحتوا يالبنات؟؟

Яeema said...

أبوالدستور

الله يرحم

Яeema said...

بوصالح
الستر نعمة و أنا أختك الكبيرة

محد يرضاها على أهله


و عن جمعية الإصلاح ما أتوقع يبوني
أنا مو متحجبه
و أفكاري مستقلة
:p

الكويتيين حق لطنازة زاهبين
يا صايع يا متطرف
ما تقبلون آراء الناس الوسطيين

:p

Яeema said...

مركبنا
أشوف بلبنان أكثر شعب يدلل على بناته
حتى في قنواتهم


ما تشوفون الله خافس فيهم؟؟
تبون يصير فينا نفسهم؟؟
و بعدين أغلبهم مو مسلمين
فا عادي
إحنا لأ الحمدالله

والله حالة
أناوياج
لما نبدي نتنازل شوي شوي عن أخلاقياتنا الكويتيه المحافظه

لو بتفكير فيها شوي
وتشوفين نماين رياييل هالوقت
بتشوفين إن كلامي منطقي

Яeema said...

al7esin :
إذا كيفها خل تسويه بسكات
لي تكتبه بجريده؟؟؟
صح؟؟

هذي تبي رقاصه
و رياييل
هاهاهاها

و ماكومحجبات

شرايج إنتي يعني؟؟؟
هم كيفها؟؟؟

Take Off life‘ said...

احس في ناس حمدالله والشكر فاهمين مفهوم الحريه والتحرر غلط

يعني اوكي بصراحه انا فري بس مو لهالدرجه لول!!

يعني اسوء شي اسوء شي, انتي يا البقره ياللي بتروحين العرس ويا ريلج

ماتخافين ريلج اين على وحده؟ وتشوفينه باجر مدخلها البيت عليج ومتزوجها هيهيهيهيهي

والله هالناس تناقض عجيب غريب
الله يهديهم ولا يبلانا

اللهم لك الحمديارب

شكرا ريما لغيرتج على وطنج ودينج :)

bsma said...

كلماتك كانت كافية لتطفئ النار التي بداخلي بعد ان قرأت المقالة ...والحمدلله ان في الكويت من أمثالك اللي ما يرضون بهالأفكار الدخيلة على مجتمعنا الكويتي ... اللهم احفظ الكويت وشعبها من كل مكروه

Anonymous said...

صج قهرتيني
بس ماني متكلم :)

Bader Alhejailan said...

تواجد الجنسين في مكان واحد وحدث واحد أمر أكثر من طبيعي ولا يدعوا الى عدم الحشمة

والا لم نجد المرأة والرجل يطوفان جنبا الى جنب في الحرم المكي