Saturday, January 17, 2009

2009 a new start !

ولهتوا علي؟؟
أدري أدري والله بعد عمري ما قصرتوا
2009 كانت مرحلة انتقاليه قويه بحياتي
صرت ربة بيت باركولي
!!!
أييي توعي شنو الغدا باجر!
ههههههههههههههههه
بعد عودتي من الحج و الإجازة اللي يالله خير شهر و أستمتعت إلا آخر أسبوع فيها بسبب تبعات أمراض الحج اللي حاشني فايرس اللهم يا كافي قوي حده!
صج البني آدم ضعيف فايرس ما ينشاف بالعين يهد صحته!

المهم عاد حاشتني مرحلة تدوده من الوضع اليديد
فجأه مسؤوله عن كل شي
بيت و صحي
خدام و أكل
لازم أكل صحي
ووصفات و تنظيف و أشياء ماشاء الله تفر الراس
قمت أستعمل الورقه والقلم وايد
حطيت لنفسي خطة عمل سريعه
و خطة أ
و خطط ب و ج
الصراحه هم ما نفع
هاهاهاهاها
كل الموضوع خارج نطاق السيطرة
بس تدرون الموضوع كله ضحك بضحك خذيته
أول أتحلى على الهدوم اللي بالفترينات
الحين أتحسر على عمري
دثرت شوي
كل لبسي ترينج سووت
لا والعبايه ورا بالكشن عشان إذا نزلت مكان غريب هاهاهاهاها

أنا ما أشتري هدوم يديده هالسنه!!!
ما أتحلى على عمري!
ماشاء الله !
لا و عادي ما همني
سمعت كلمة من أحد أصدقائي و طبقتها و هي :
الأولويات و تيي وياها التضحيات
كل ما أقول اروح السوق و إلا أدوري ستاير؟
إيييي يا ريما أولويات و ضحي شوي هالشهر صدي عن السوق

ولهت على سوالفي وياكم
ما عندي سالفه ترا بس قاعدة أخربط

10 comments:

الدســتور said...

عودة حميدة
بس ماقلتيلي شنو آخر الصور

Athoob Alshuaibi said...

اول شي الله يعينج
لان ربة البيت هذي عملها عن اربع وظايف اذا مو خمس :)

كل مرحلة بحياة الانسان لها متعتها الخاصة مهما كانت صعبة
و إن شاء الله تستشعرين المتعة هذي وانت تعيشين يومج

و الهدوم الحمدلله .. راح اقولج كلمة أمي الله يرحمها
ماراح يوقفج شرطي يقولج ليش ماشريتي هدوم يديدة :P

Mohammad Al-Yousifi said...

منزل مبارك انشاءالله

:)

Purgatory said...

شلون صرتي رية بيت؟

Tekana said...

مبروك المنزل اليديد

الا سالفة شنو الغدا باجر هذي بروحها قصة

q8mirror said...

اي والله صج فقدناج!!!!وناطرينج من مدة..ولهنا على بوستاتج الخفيفة

والصراحة البوست جاء بوقته..لأن البلوقات هالايام قحط..مافيه شي يديد...

التدوين تقريبا توقف:(

بالنسبة لج مااعتقد ان السوق يمثل لج ذيك الاهمية..لأن الانسان بطبعه يكبر ويتعلم مع الأيام..ولاتظل تعني له الامور الثانوية مثل ماكانت تعني له بالسابق،،،

دمتي ،،،،،ولاتقطعين فينا..

Take Off life‘ said...

لووووووووول على سالفه الترينينج انا طايح بالترينينجات من سنه يمكن شخباااااري جينز... ياحلاة ترينينجات فيتش والله :P

و الله يعينج بس صدقيني رغم التعب هالشي فيه متعه, الله يوفقج ويحفظ عيالج وابوهم ان شاء الله :)

وعن الغيبه مره ثانيه ترى ولهنا

Яeema said...

abu eldestore !
enshallaaaaaaaaaaaaaaaaaaaaah

Яeema said...

athoob :
هلا و الغلا والله
ولهنا عليج من آخر مرة


على لهدوم
هههههههههههههههههه

والله صاجة الوالده
بس عاد المشكلة فينا احنا
تشترين حق تعديل الموود لا أكثر و لا أقل
هاهاهاهاها






مطقوق
الفال لك انشاء الله
:)




purgatory:

والله الزمن خلاني ربة بيت
هاهاهاهاها

ما أٌدر أشرح شلون






tekana :

أبشرج طردت الطباخ
ما يعرف يطبخ
هاهاهاها


ماكو شنوالغدا باجر









q8mirror:
ي بعد عمري والله
لا خلا ولا عدم

لاحظت البوستات متجهة إتجا كل على التحلطم

يا يا يبيلنا دماء جديده خفيفة طينه

هاهاهاها



على السوق
لا والله أخوي غلطان
وايد يمثلي شي
المصيبه أنا أحب كل شي
أجهزة
هدوم
كل ما يخطر على بالك ينشري أحبه
ههههههه
ب يعني ما أحب أضرب على العالي
الأشياء الطبيعيه
عدسه
برينتر
تليفون غريب
جهاز كاشف للكذب
لا لا مو صج أتغشمر
هاهاهاها










take off life !
ahlaaaaaaaaaaaaaaaaaaaaaaaaaaan

تضحك هاااا
تعال إيييي عساها هبه على خير
أمس شفتهم والله حلوين
ودي أطلب
شلون السايزات نفس بولو كبار؟؟

على المتعه
مو موديلي ربة بيت
الكامرة تطربلت من الصيف شدعوة!!؛
شفت لغيوم هالأيام!!!؛


الله يحفظك يا رب
ميرسي
;)



لاحظتي

5roofa said...

امبي الله يعينج ريمة وين قاعده تروحين تاثثين لوول احتاج الى نصايح بالتاثيث و موفقه ياااارب

و اشتقنا لسوالفج

و تقبل الله

و كل عام وانتي بخير
لوول

صارلي فتره مو شابكة سامحيني كله فوقه فوقه لول

salamz 7elwaa...