Saturday, December 20, 2008

المخافر مهيته بالكويت

هالأيام ماشاء الله موسم تصوير بحت
السما عجيبة و ماكو مسئوليات بالبيت الكل عند الوالده الله يخليها ذخر لي إنشاء الله
الساعه 3
يمعت الأغراض و الكامرة و العدسات و يالله قبه بروح أصور المغرب
بسم الله توني برجع ورا بطلع السيارة و إلا ما أسمع إلا صوت
طاااااااااااااااااااااق
و الله الله لا يوريكم
توني برجع و إلا سايق بيت جيرانا يايلي مفتلت بالطريق!
ولييييييييييييييييييييييييييييييييييييييييييييييييييييييييييييين
حده مو وقتك!!!!!!!!!!!!
نزلت من السيارة و إلا شالعلي السنسر مال السيارة
لا حول الله ولا قوة إلا بالله شقوله هذا بعد المشكلة إلا يارنا!
دقيت على 777
بعدين دقيت على ريلي
من 3 ما ياتلي الدوريه إلا بال 4
وليييين ما بقى شي على المغرب
و لازم أحضر المخفر يعطوني الورقه عشان أصلح فيها السيارة
رحنا المخفر
المحقق مو موجود
بعد نص ساعة يوصل من مخفر الروضه
ننطر نص ساعة
أشوة إن الضابط بالمخفر ولد ناس و محترم و ماقصر معانا بأي شي رايته بيضه الله يعلم
و إحنا قاعدين نسولف وياه و إلا ما وعيت إلا صرااخ برة!
فجأه و دش واحد علينا بالمكتب
أخووووي! بايقين كشنات سيارتي!!!
أخلي سيارتي عندكم و تنباق! عيل لو مخليها بالبر شبيسون فيها!!!
أنا هني ودي أضحك بس خفت و كتمت الضحك
الصراحه شر البلية ما يضحك
هذا و إحنا بمخفر السرة
لو مخفر الجهرا جان شصار!
طلع الضابط مسكين شوي و يييه مرة ثانيه
ما عبرت ما أسإله
لو سمحت هل الخبر صحيح إن يبوقون من المخافر؟؟
الضابط: إييي لا ما شفتي شي ، ساعات في كشنات فيهم دم الضحيه بعد و تنباق ما يستاحش الريال ماكو مشاكل
ريما: لا اله إلا الله ، ترا خايفه على سيارتي فيها كل أغراضي
الضابط: يضحك لا شدعوة سيارتج الحين بتاخذينا ثواني أصلا بس لما يوصل المحقق يوقع على الورقه و خلاص
ريما:زييين زييين، سؤال؟ هاللي يبوقون من المخافر ولا مرة أحد صادهم؟ ليش مهيتين؟ ليش ماكو كامرة تراقب العهدة والسيايير لمهيتده عندكم؟
الضابط: والله ما أقدر أفيدج بهالمعلومة


أنا اللي أقول الشكوة لله مهيتين هالبدون واللي ما عندهم إقامات بهالشوارع شي يحر
ما غير لا إحترام للقانون و إيدهم طويله بعد حتى على مخافر الشرطة

24 comments:

nice said...

الحمد الله ما نعرف طريج المخافر وخطاج السو ومعوضه انشاء الله
ومرة ثانية لا رجتي ورا انتبهي والتصوير باذن الله تلحقين عليه بدال المرة الف
تحياتي ودمتي بعافية

Bloggerista said...

مو صج اللي بايق الكشن و فيه دم الضحية :P

Ω Suki Candy Ω said...

لا حووول
اي شيييي
الحين بالمخافر وماكو امان والي صدمني بالسرة يعني شخلو حق المناطق الداخلية

ماقول الا كلا من هالعماله ماتطلع فلوس اقامتها من هالبوقات

ولا البدون بعد شلون يعيشون
والله الديرة تخرع صايرة حراميه وعصابات

الحافظ الله

وماتشوفين شر ريما
خطاج السو

charisma said...

لووووووووووول
والله شر البليه ما يضحك

كشناات عاااد
كشنااات !!

لييييش عسى ماشر ؟؟


المهم خطاج السو
:*

Kaadi said...

لوووووووول امبييييه ماني معيبة

عاهات والله ياحافظ

ياعقااااايل الله !

الدســتور said...

قصص مع الداخلية
ياليت نطبق اجراءات البحرين
عند الحوادث

Kuw_Son said...

خطاج السو يا ريما :)

المخافر .. شفتي مبانيهم انتي !!؟

خليني ساكت !

عثماني said...

خطاج السو اخيتي

ولو دازة ابو العيال ابرك

:)

Purgatory said...

"لو مخفر الجهرا جان شصار!"

شقصدج

;p

3BeeDo ;) said...

الديره صارت سايبه :\
واهم شي اليي بايق الكشن اليي في دم هذا حده قوي

Take Off life‘ said...

لووووووول اهم شي بايق الكشن

واكره شي لمن تكونين مخططه حق شي وبطلعين ويلدج سبب قوي وينرفز..

خطاج السو والحمدالله عالسلامه :))

Nescafé said...

!!مووو من صجهم!! لا ويقول الكشنات عليهم دم الضحية يبوقونهم


خطاج السو والله حفظج

Яeema said...

thank you every one !
kha6akoom ellaaaash
الله يسلمكم و غنشاء الله ما يحصل لكم اللي حصللي

ايييي والله كشنات
و
بو لعيال وياي
بس لازم أحضر

:(

Gee™ said...

خطاج السو

والله سالفه هذي بعد
المخافر تنباق ؟


مصخوها :\

Cr8ivia said...

خطاج السو

علي طاري المخافر اختي مره مسويه حادث و لازم يخلون السياره عندهم بالتحقيقات
يومين مر الوالد يشوف السياره و الا يلقا بواقي سكراب مو سياره

btw dam 6araity il jahra chithe shakilhum bacher scoope tv emsawenich mawtho3 barnamij bo3eeda :P o biyoon ey7asron ilsurra beda3i il estehza'a wil 3unsoreya ili ta6araqtay laha fee ur post :P

Ra-1 said...

سلامات حجية :)

بس ليش 777 ومخفر؟ الحادث مع بيت جيرانكم يعني تفاهموا وخلاص :/

ضحكتني سالفة المخفر LOL :p

nikon 8 said...

سلامات وبالحديد ولا بالأبدان ... ما تشوفين شر

q8mirror said...

سلامات...


متى ان شــاء الله تكمــلة بوستــات
الحج..


كانت جدا مشوقه..ومعبرة عن صدق مشاعر ومؤثرة..

q8mirror said...

سلامات...


متى ان شــاء الله تكمــلة بوستــات
الحج..


كانت جدا مشوقه..ومعبرة عن صدق مشاعر ومؤثرة..

Anonymous said...

5a6ach el seew wa 7emdella 3aallla salamah
ma tshoofeen shar!

cozy said...

Long time sis, hope ur and ur family doing well,mashallah 3ad tasweerech so pro.

جنون إحساس said...

لوول والله ضحكتيني كشنات عاد؟
يمكن بيسوونهم كراسي استجمام
:p

الحكومة تهيّت والواسطات ماشية وإحنا اللي ناكلها

الحمدلله على سلامتج

ناصر الكويت said...

ريلج وينه من موقع الأعراب بالمخفر والموضوع

:)

BlogLess said...

مقيولة
حاميها حراميها
بدليل بوقة سيارة الوالد قبل أربع سنين
وطلع بالنهاية ضابط في مخفر منطقة نموذجية بايقها وأشكرة رازها جدام بيته