Sunday, October 05, 2008

ATLANTIS The Palm




صارلي سنتين ما رحت دبي

قلنا نودي اليهال بعطلة العيد حق هالفندق اليديد اللي ينقاله

ATLANTIS

يسبحون ويا الدلافين

الله لا يوريكم

خدمة أقل ما يقال عنها إني رايحه معسكر مو فندق 5 نجوم!

يوم سألت ليش؟

قالولي

It’s a DEMO opening

يوم إنتوا ديمو ليش بالله مدفعينه هالمبلغ ويا ويوهكم؟؟؟

ما أنصح تروحون له الحين

نطروا عليه جم شهر خل يتعدل كل شي في

لأن الفندق أبسط حقوق النزيل فيه مو موجوده

توقف الماي لمدة 6 ساعات بالبرج اللي يمنا و تعال شوف لهواش بالرسيبشن تحت

وأنتوا بكرامو خدمة تنظيم الغرف بس يسنعون لفراش و الزبالات فايضه

رحت تحت من الدور 17 عشان أقولهم أبي سرير حق الياهل

يابولي إياه ما قصروا بس متي؟ الساعة 4 الفير الله وكيلكم

بعض الأسنسيرات مفقود رقم 21

ناسينه!

الروم سيرفس محد يشيلة

طوابير مثل فنادق لاس فيغاس

Check-out

40 دقيقه

أدق على البيل مان

45 دقيقه عشان إيولك

الريوق بالغرفه ساعة و ربع

والله حرام فندق شحلوة و مستخدمين فيه أغلى مواد البناء يهلقون فيه

تعلمنا درس

ما نسكن بفندق يديد أبدا !؛

بس أهم شي اليهال استانسوا

المصيبه إن 3 أشهر جدام fully booked !

ببعيد عن الفندق؟

مع إحترامي لللإماراتيين

شنو هالسخافه إن واحد رقم سيارته 2 يصر إن يوقفها جدام باب الفندق و يسكر المدخل لا و مو عاجبه إن الأمن يكلمونه؟؟؟



11 comments:

Bloggerista said...

عاد كنت ناوية أقعد فيه مسوين عرض من الإماراتية ليلة ببلاش اذا مسافرين بيزنس و ليلتين اذا فيرست


loved the jelly fish

Anonymous said...

Oh 7asafa !

-mate said...

خوش صورة، هذي بالفندق؟
إنزين وترى والي الياهال استانسوا على الديمو والدلافين، ليش مو عاجبج؟

qesat_5ayal said...

الحمدلله على السلامة

أحس ماحب أعيد برا الديرة
مع اني ما جربتها
:)

AL7ESIN said...

HI REEEMA I loved the photo mashalah did you take it under water?

الطارق said...

الحمد لله على السلامة وأتمنى بشكل عام استانستم :)


هالفترة توصلني ايميلات لمقالات عن دبي وحال اهلها الي صاروا غرب بديرتهم مساكين .

خبري بدبي من 3 سنوات والظاهر اني بروحلها في جولة تفقدية قريبا وماراح امر هالفندق( اطلس ) طبعا :)

david santos said...

Really beautiful photo!
Good inspiration! Congratulations!!
Have a nice weeken.

الدســتور said...

حمدلله على سلامتكم

Super Woman said...

واااااي يا حلو ايام جميرا بيش

لوووووول اذكر كنا يهال ويووووووونس حده
وكله اجانب
والخدمه تينن
والريوق يشووووووووق
وحمام السباحه
ونادي اليهال


اكيد مجربته ؟؟ @@
للحين على ماهو ولا اخترب ؟؟

Яeema said...

fashionista :

dont do it now , specially if you have a flight the next day !

















cat :

Very 7asafa !





mate :

dolphin day ,,,, waiting list

kids ,,, any water and sand place they will love it





qesat 5ayal :

it's fun , e7na safarna awal yoom el3eed at 7

ya3ny 3ayadna o 6erna

so ,,, 4 days kanat 7elwa o taghyeeer





al7esin :

Hiiiiiiiiii to you Too !

no not under water , it's at the hotel , they have aquarium .






الطارق

الله يسلمك

اليهال استانسهم و هذا أهم شي
السفرة كانت لهم
أي شعب اتكلم عنه
ماكو إلا هنود و فلبينيين


أتلانتس ما يصلحلك كلش
مايوهات اتمشى باللوبي
هاهاهاها





david santos : THAAAAAAAAAAANKS!





abu eldestor :

الله يسلك و يخليك




shlalat :

دبي رحت لها 3 مرات

مرة بإفتتاح الجميرا

عجييييييييييييييييييييييب

my baby was only 3 months old!

she is 10 y/o


2nd
kempenski opening

LOVELY ,,,, for shopping it's the 1st to stay in


3rd : this time


و ما عندي أي علم عنه والله إذا أخترب و إلا لأ

joe said...

شلالات ياحلو سوالفج
أي والله ياحلو ايام الجميرا بيتش اتذكر قبل كنت اروح له رخيص و متروس غرف فاضيه وخدمه شغل عدل وقبل جم سنه رحناله يقولنا مترووس و صاير غالي ووناسه نقوم من الصبح نفتح الدريشه نطل نشوف المنظر الرووعه نجابل الاحواض السباحه و البحر الازرق ماكو غبار مثل ديرتنا