Friday, December 01, 2006

why do men love bitches





سمعنا قصص يشيب لها الراس من بنات رايحين فيها و ياخذون أحس الناس .

علي بالي الموضوع هذا بس بالكويت صاير مع إن الكويت صغيرة و الخبر ينتشر بسرعه الهوا.

ليش كنا إنحافظ علي عمرنا ، علمونا أهالينا إن البنت سمعتها مثل الجبريت، إذا شبت مرة بس بعد ما إتشب مرة ثانيه.

تعلمنا الحيا و إن إنزل راسنا و إحنا نمشي، ما إنجابس الريايل و صوتنا يصير واطي.

الزواج و الحب قسمه و نصيب و لكن المشكله بهالعيايرة البنات إللي مو مخلين حق البنات الزينين منفذ.

يدودهوون الريال من أول ما يشوفونه و يسووله خطط و يطب علي ويها !!!

لا برضاه بعد

المصيبه إني شفت ناس يايبين لسته و إمسوين عليها يمعه: إنتي تبين فلان؟ و إلا فلان؟ لا هذي أمه شريه ما ينفع، لا هذا حمار فلوس ، لا هذا خروف ينقاد بسرعه

و للأسف شفت بعيني إن الريال طااااب و الله في أسامي ما أتخيل يوم إن بتصير زواجته جذيه علي خطة البنت راسمتها و خصوصا لما يكون للبنت مميزات ، جمال و أصل و فلوس ، بس هم ما تبي أي أحد تبي نقوه و بالفرازة .

ليش إنقلبت الآيه عندنا بالكويت؟ ليش العاجل دمها ثقيل و ما إتونس؟

و أنا قاعدة أطالع التلفزيون هذاك اليوم و إلا يتكلمون عن كتاب مسوي زيطه و زمبليطه بالأمريكا!!!

Why do men love bitches

معناها المشكله عامه مو بس بالكويت ، يعني تخيلوا إن بأمريكا يحبونهم و هي دوله متحررة و سهل إن يتعرف و ماكو مشاكل يعني !!!

عيل إحنا عيالنا مسلمين و عارفين دينهم و عاداتنا و تقاليدنا ركضه ورا هالبنات!!

و بعدين يقولون ليش الشباب ما يبون يتزوجون

و هالبنت ساحرته

تبون الصج ، ما أشره علي البنات كلش لا الشينه قبل الزينه

أشره علي إللي معطينهم ويه الصراحه

ماشين و مغيبين عقلهم

أنصحكم يا البنات بقراءة الكتاب ، شي مضحك و مبكي بنفس الوقت

51 comments:

Reflections said...

واي ريما
أنا كلا عبالي ان هالموضوع بس انا و رابعي نناقشه، بس شكله الدنيا كلها تعاني هههه

بس بالأخير كلشي قسمة و نصيب و أصابعج مو سوا

الله يستر علينا و على بنات خلق الله و يحفظ عيالنا من عيال الشيطان

!ههههه شفيني صرت عيوز

nachla said...

شنو المشكلة اذا كان الزواج برضا الطرفين عليهم بالعافية
اعرف وايد بنات من النوعية اللي انتي كاتبه عنهم لما حبوا وتزوجو اللي حبوهم نسو الدنيا باللي فيها علشان يرضون الطرف الثاني .
اتمنى ان الكويتي يكون بعقلية متفتحة اكثر بهالزمن اكيد اي بنت ممكن تمر بتجارب بس صعبة تحب ،ويوم اللي تحب وايد صعبة انها تسامح نفسها على تجارب ماضية فما بالك بريال لا يمكن ينسى ويسامح
ومجتمع عمره ما راح يخليها تنسا ماضيها

Mohammad Al-Yousifi said...

خوش موضوع و السؤال ليش يحبون البنات الصيّع؟

لأن الصايعة تعرف شلون تونسه و تلاعبه و تغريه

شي طبيعي يعني

albandry said...

وووااااايييي ريمي
يبتيييه رايت الموضووع
بروح اطلب الكتاب


صراحة سؤال دايم يحيرني
من ايام الجامعة
امي توصي ديري بالج كل شي ينفهم غلط \ومايتصحح كل شي محسوب عليج انتي بنت ناس

واييي الجامعة النيا سايبة وسبهللة وهذوول ياربي مو بناتناس بس الرقبة متلوحة عليهم واهما اللي جتلة عليهم ولا سمعت ريال يتحجى عنها بسوء كلله هذي خووش بنية
واخرتها اتزوج التخ ابن المخ ويموت عليها ومايشووف غيرها وسكانة مرته غصبن عن اهله وزي العسل على قلبه

صراحة امثلة سيئة في المجتمع اتييج النظييفة السنعة تقوللج كا كلهم سمعتههم بالارض ودايرة عالكل وخذت احسن الشباب


شي يحر

ana_sokkarah said...

إيييي والله شفينّا إحنا بنات الحمايل المحترمات مومدح فينا بس ياجماعة المحترمة صارت أم نفس خايسة ومتكبرة وشايفه نفسها.. إنزين يمكن بالعكس جدّام الناس جذيه ووياك إنت أكيييد غير..بلّه شلون تأمن على نفسك وبيتك وعيالك إذا صارت غير جذيه أنا بفهم كافي إنها محترمه.. ياما بنات أعرفهم أهلهم يسافرون ويخلّونهم بروحهم بالبيت ليش لي هالدرجة واثقين منهم أوكي بس شلون تثقون بالناس أسافر أتونس وأخلي بنتي بالبيت بروحها تقولين الدراسة لا يمّه ودّيها بيت يدها إللي موعيزان يخليها عنده أو بيت أحد من أهلها عمري شالسالفة لا والبنت تدخل شباب عندها في البيت وطبعا الكل عارف سوالف المنتزهات مالاداعي أذكر شي.. الله يرضى يعني .. وياريما إللي يقهر إني سمعت إنها بتتزوج واحد أصل وفصل.. ميخالف الله يستر عليها وستر عليها بعد الحمدلله لكن جد شي يحرررررر.. لكن الشرهه على الشباب إللي يسمحون لنفسهم جذيه وأهم إللي معطينهم ويه

شكرا ريما على الموضووووع إللي يحررر وماله حل.. تحياتي عزيزتي

lawyer said...

ريما بليز عرفيني على البنات امهات اللسته

الي من ينيشنون على واحد خذووه

ههههههههههههههههههه


مافتد السمعه الزينه شي

مو تقولين يقولون عنهم دمهم ثقيل
و طبانه

ازيدج من الشعر بيت
الرياييل يدرون
و مستانسين

و يقولون اهي تبيني

اعرف بنات حمايل
تلبح على ابوها
اشترلي بيت اشترلي

شرالها
بيت
دقت على الرفيج

يالله حياك الحين تخطب

بيت و عندها
و مهر تاخذه من اهني و ترده له من اهني
و شهر العسل هديه امها
و جهاز البيت هديه خالاتها


بلاوي هالبنات

cozy said...

bitch as la3eena or ras'ha yabs or madeeya mo bitch bel ma3na kuwaity (ray7a feeha) ! o ba3dain momken tkoon halee etgoleen 3anha 3ajel eb nafs el wagt bitch ,reema rabe3na (elshabab) 3alaihom bel thaher o aghlab el banat wagt el zawaj eseeroon mla'ekah o fe shabab emkhadeyeen ba3ad :)fa el book 3an mowasafat ghair elee thekarteeha ..

Anonymous said...

Hii .. il sara7aaa wedeeee a3aleeq !! ..

Bas 7abeet agool Laa etkhafeen 3ala Shabab il kuwait .. Yadrron Oo mestanseen Oo tadreen hathek il marra ham ga3da asolef weya my frnd wela etgooli eee saaraw al7een Yegoloon ma been ba3ath il shabaab enaa wallah ana khatheeet Flana .. Oo hal Falaana ma3rooofa eb kharabe6-ha Oo etlageena mestanes .. Bas yegolich ba3ad ena ohma yesawon chethe 3ala shan bas yetefakheron mabeen ba3athhum il ba3ath ! ana estaghrabt il sara7a .. bas ne6raay le fatra oo tesme3en ba3adeen Khabar il divorce! bas fee banat no mashallah 3alehum ye6al3on il she6ara oo etkhaleeeh khatam eb eed-ha .. ...

= Hatheee il Kuwait Sal 3ala il Nebee = ...

-=Labda Labda=-

PearL said...

تصدقين

هالموضوع وايد اتكلم عنه

لاني قاعدة اشوف بلاوي جدامي

رياييل مافي احسن منهم قاعدين ياخذون الاشكال اللي قاعدة تتكلمين عنهم

ليش ؟؟؟

وصح الحين البنات قاموا يحطون عينهم على واحد
واييبونه يعني اييبونه

وعقب فترة تسمعين انهم تزوجوا

tasty_as_berry said...

لا تنسين بعد ... بالإظافه إلى الجكر المسحوتي .. :)

في مثل يقول ... الحــظ للحلقه والبلقه وشينة الخلقة ..( اعتقد ان مثل صعيدي شي جذي )

لكن شنسوي بعد .. تقدرين تقولين التفكير المعفن .. وسيطرته على مخ الذكر ..!!

يسلموو ،،،

Cr8ivia said...

hmmm

u read the book?

i recommend the 2nd part "why men marry bitches"

sherry argov is my fav writer ! he is WOW!

the title is just shesma .. the 2 books are really leading girls/women to the path of winning a man's heart!

اما بالنسبه للسنعه و غيره .. فالنصيب ثم النصيب ..

Cr8ivia said...

and yeah i agree with cozy about the book is not about men loving ilbanat ilray7een feeha .. wala il la3ana 3ad mithel ma gal .. i guess the title bas inspired u mawtho3 il post not the content of the book ..

Unknown said...

انا اتوقع الكلام هذا غلط من فوق لى تحت

لان بكل بساطة
الطيبون للطيبات والخبيثون للخبيثات

وحتى لو صار العكس يمكن هالشى فيه هداية للطرف الثاني او اختبار لواحد فيهم

فسالفة ان الرجل يروح حق هالاشكال بالنسبة لى منتهية

Яeema said...

reflection

هذا الكلام من أيام أمي

وايد أسمع إن بنت فلانه جذي و جذي
و تقول أمي ما أمها إشلون خذت ريلها؟؟

بنفس الطريقه

المشكله أزليه



nachla

يدري إن مرته كان لامسها ريال من قبل و ياخذها؟؟؟؟

هذا مو ريال بنظري الشخصي


فعليهم بالعافيه

و بعدين من قال إن لازم البنت تمر بتجارب؟؟؟؟

وين الحيا؟؟
وين أخلاقنا؟؟

الحب بزمنا معناها روحات و ييت
و بوس و تلمس
و لا إتقولين إن ماكو هالشي
لأن البنت إذا حبت عطيته كل شي


أنا من سن 15 سته أدري إن إللي يبي البنت لازم يدق باب بيتها

و أغلب الزواجات إللي عن حب تفشل بطريقه أو بأخري
أو مو مرتاحين

ما أعمم
بس ما بني علي خطأ يبقي خطأ

و بالتالي أنا هم أقول قسمه و نصيب

Яeema said...

kila ma6goog

لأنها خبرة بعد و شغلتها



dr.unreachable

هالشي الكل متذمر منه
و للأسف إمخلي العاجل تبدي إتفكر إن إللي إهيا فيه خطأ

يعني صج موضوع يحر

أكثر من إن له حلول

Яeema said...

albandery
إيييه و الله

و الله ترا هم أسماء كبيرة و رنانه من أكبرها و أسمنها بالديرة

الصايعه بالكويت لها مميزات صخر
فلوس
حريه
جمال
أصل و فصل

هذي إللي تلقين العين عليها

أم الصايعه مسكينه إللي أي كلام و الله ما يدرون عن هوا دارها

بلكويت في تفرقه حتي بلصياعه
ههههههه



da vinci
الكتاب يتكلم عن صفاة المرأه متخذه هذا السلك
و ليس بييتج يعني بيتج


مقارنه بالأفعال
nice girl
and the bitch girl

ما ياب طاري الرجل و في أي سن

أكو كتاب ثاني
why men married bitches


ana sokkarah

أنا وياج بالكلام إللي قلتيه

و ترا بنظري إللي يدري و خذاها هذا مو ريال

و مرده يصحي بعد جم سنه يحس إن إنقص عليه

Яeema said...

lawyer

ههههههههههههههههههه

علي إهيا تبيني صااااااااجه
لا و الكشرة من إهني لييه إهنييي

يعني ما أدري أنا مرا ما أرضي علي زوجي يكون في هالموقف
فما بالج الريال نفسه


cozy
سلوك و كيفيه التعامل
مع الرجل
ليس حرفيا بيتج بالمفهوم السلبي للكلمه

الكتاب كان مدخل لموضوع حاصل بالكويت

لأن بالكويت ما عندنا بييتج علنيا و مهنه و لها مكانها

بس الموضوع أثار نقاط معينه

Яeema said...

anonymouse
إييي مو راحت رياييل الدروازة
:(


pearl

إنشوف و إنتكلم و هم ماكو فايدة
مثل ما قلتلج

يحر أكثر من إن له حل



tasty as berry

إيييه و الله تفكير ما أدري من أي منطق يايبينه

أستغرب لما يغيبون مخهم عن أشياء من أساسيات البيت

Яeema said...

cr8ivia

your right about what you just said,
The solution was Sherry Argov's book Why Men Love Bitches. She doesn't use the term "bitch" in a negative way, referring to the all too familiar people we encounter in everyday life who wear a permanent attitude and seek to destroy any and everything in their way.


مقارنه ما بين سلوك البنت لمغمضه و البنت لمبلتعه

لأن هذي شغلتها

your write about the ispired of the subject , and this is why i said girls read the book .

so the good girls change their attitude a little and go on with their life.



kitty

تدرين شنو ودي؟؟؟
أمسك واحد من هاللي يحبون جذيه
بشوفه من صجهه!!!!!؛

ليش تربيت أمه ما فادت في؟؟؟

صج إنقلبت الآيه

love nature

soooooooooooo scary!!!
with a scary attitude and ideas as well



mishari

لا مشاري مو غلط و هالأمثال شايفينها بعينا مو خيال و لا من عمر الدنيا

أنا وياك الطيبون للطيبات
بس أكو إبتلاء
و أكو نصيب

جان ما لقيت هالشقق المفتوحه
ولا لقيت نسبه العزابيه زايده علي أبو يبي يختبرها

و إسمحلي أقولك

مو كل الكويت عارفه دينها عدل

و خصوصا من الطبقات إللي أتكلم عنها
أمهات جااه و فلوس

عادي عادي إتشوف هالحركات
و الريال راضي يبيها

ضامن مستقبله و مستقبل عياله

ساعات لفلوس إتعمي

physio-80 said...

موضوعج وايد حلو

بس انا حبيت أوضح شغلة
انا واحد من الشباب و أقدر أقولج الشباب شلون يفكرون (طبعاً أغلب الشباب مو كلهم) الشباب لما يلحقون هالبنات الفصع اللي انشوفهم بالمرينا
ترى مو علشان زواج، لأ بس علشان وناسة، لأن يدري ان هذي ما تنفع كزوجه،
بس لما يفكر يتزوج يختار الأخلاق و الأدب والسمعه الزينه

واللي على قولتج ياخذون هذيله البنات هذيله نسميهم حمييييييييييييييير مع احترامي

و شكراً

3eShTaw said...

wetlomoni leen getlekom el denya etkhare3. elsharha 3ala el ahal eli may3arfoon eyraboon. oo etha rabaw tlageen mayentabhoon tale 3ala 3yalhom. etha el bent makhtarbat le2ana bet`hom hadad tlageen refejat`ha eykharbonha. allah yer7am ayam gabel, walla law mar yamna rayal tlageen 3aina bel arth wala nerfa3 rasna a9lan, banat hal ayam, wallah el 3atheem tlagene mashya bel soog, ma3a rayle, laa oo masek edeee oo hathe yayaah etkhezah wetebosam!!!! aya jelelat el 7aya, mo tarsa 3ainech !!! shway wetyee tamshee weyana !!! hatha wana weyah chethe yet7areshoon, allah ey3een law bro7ah ???
allah yaster 3alena oo 3ala 3yalna. denya etkhare3 el 9ara7a.

Dr. Saleh said...

أنا أيد الأخ مشاري


الطيبون للطيبات والخبيثون للخبيثات

Unknown said...

By the way you misunderstood the meaning of the word bitch

Kwaitiyya said...

ريــــما ! ظربتي على الوتر الحســــاس
هالمشكله متفشية !

أنا من عايله يا ريما معروف عنها الحجــاره ووايد محافظين زياده عن اللزوم وعيالنا الشباب مايعرفون لا قز ولا بطيخ !
وزالله يا ريما كل ما واحد منهم يخطب واحده إحنا نخترع !!! المشكله البنت شيطاانه وسمعتها بالقاع ومع هذا يبيــها !! واااي !!
وبعدين لاهي حلوه ولاهي من أصل زين ولاهي من عايله ثريه ! فا كلنا نسأل هاووووو شيبي فيها؟؟ شعندها زوود؟؟؟؟
ماكو إجابه !

ياربييي
والله شي يعور القلب !!
الغلط وين؟؟

Яeema said...

physio-80

وجهت نظرك إوضحت

مو ساعات يطيح الفاس بالراس
و أوله دلع و آخره ولع



3eshtaw

المشكله حدها لويه و من جميع الأطراف
نبدي بالأهل و بعدين الطرفين بالعلاقه

و غياب الدين و الأخلاق

صج صج زمن يخرع

Яeema said...

dr.saleh
my replay to you will be same as mishari


mosan mosan
you mean in the book or in my post??

coz i am talking about 2 diffrent subjects

as i know : bitch = usage of bitch as a sexually available person


in the book they didnt talk about it negatively


in the book it's an independent power woman

so it's diffrent between my post and the book .
if i got what you mean by your Q



kuwaityya

لأن مو شايف
و شاف هذي و فرت مخه و عمته عن الصح


ساعات إنقول إللي يصيع زيييين عشان علي الأقل يميز

و المشكله أكبر من جذي

Unknown said...

in this case the book does not apply to your post. and bitch is not used as sexualy available person

Cr8ivia said...

sorry reeeema just a Q, did u get the 2 books from q8?
where did u find them if yes ..?

i got it mo min liq8 bas i was looking for a place eybe3hum o other books for argov?

Яeema said...

mosan mosan

it was only a title like cri8iva said



cri8iva

amazon.com

بالكويت تقدريت إتروحين المثني و تطلبين من شركة المكتبات إللي بالسرداب أي كتاب تبينه

و راح يوفرولج إياه


not the first and not the 2nd
i just had it e-book with a summary from a friend , he hack it :/

i read it , bas ma 3ajabny wayid el9ara7a


all these things doesnt match our sociaty not even 70%

as my husband always tell me , dont read to much books , it will spoild your brain

حلات البنت طبيعيه

;)

so when you read it , keep in your mind for the future.

Kwaitiyya said...

ايه والله ياريما تفر مخه فرررر !!! يصير مسبه مايشوف إلا إهيا !!
وإذا قعدنا مع الولد نعلمه يعصب علينا ويعتبرنا قاعدين نغلط عليه !! واحنا نبي نصلحته ! بس خلاص عقب ماطاح الفاس بالراس الواحد مايقدر يسوي شي !

أقولج سالفه
واحد من عيالنا تزوج وحده من هالهلاقه
أمه إزعلت عليه وصار فيها ظغط وسكر والقلب
اللي مسكينه راحت عالجت بره شهوور إفقيره
وولدها كلش مو مهتم ! وهذيج النسره قامت تلعب بيدها وريلها ليما اسحبت ما وراه ودونه وحطلها قصر على البحر مالت على البامية

الأم الحين زوجت عيالها الشباب اللي أصغر منه ناس من مواخيذهم اللي الأم راضيه عليهم الحمدلله

بس تعالي شوفي نظره المجتمع حق جناينها الزينين وجنتها هذيج !
وحتى بالمواجيب هذيج النسره ماتروح ولا شي
صارت معزوله عن الناس
حدها دائرتها
ربعها
وريلها صار منبوذ !! لا خواله راضين عليه
ولا عمامه راضين

فا شوفي شلون العيشه استغفرلله
ياربي سترك وعفوك
والله العظيم الدنيا ما تسوى
ياليت الشباب يسمعون كلام أهلهم


خوش موضوع ريما
صج صج صج خــــــــــوش موضـــــــوع
تسلم ايدج

The Simper said...

reema allow me for my belated comment..

first of all.. let's define the word bitch.. it is, according to the dictionary, the female doggy.. and also it can be used for the woman who is expressive and has her way in actions and WORDS! but nothing that is sexual (aka prostitutes).

well..

i always like to define words before all the things get mixed up really well.. when u say "banat ray7een feeha" to what extent is that? this is really important.. and does it go with all the kuwaiti people? do we all have the same lines and limits to call el banat ray7een feeha? and let me extend my argument to MEN too.. i don't think i can call el banat ray7een feeha alone.. what about men!

what do u call men who were REAL PLAYERS and then they ask a realy chaste woman? what do u say about them? if u know such people u should stand up for the PRINCIPLE...

for me i think whom ever wants to go in any way.. they can chose.. as long as all are happy.. let the girl follow elli yaboona.. o let the men follow elli yaboonHA.. which happens all the time too..

one point that got to my mind.. and plese la tiz3ileen minni for saying it.. if u say all the bad girls got the good men. then what happened to the good girls? they got messed up men?? do all the girls that u know have bad men?

my dear reema..

when i read ur post.. i felt like ALL the clasification that u have mentioned IS reality.. but part of what u say is true.. and SO MANY other parts are truer.. and people are getting married all the time... there are good zejaat and some get messed up..

this is a super tangled and complicated and unique issue.. that no one can SUM IT UP in few words..

all the best to all..
and god bless :)

sorry for el hathra ;)

Mohammad Al-Yousifi said...

اليوم الأحد الساعة سبعة و نص مساء سيتم عرض فيلم عندما يتكلم الشعب الجزء الثاني للمخرج عامر زهير في فندق حياة ريجينسي بحضور الدكتور أحمد الخطيب

الحجيه said...

السلام عليكم جميعا
أخت ريم صج الموضوع يجعل الواحد منا يمشي ويكلم روحه ليش يخلي الطيب و يأخذ الرذيلة ليش في شيء غلط أما أن يكون مغيب أو أنه مردم سبحان الله ما يفكر بذريته وكيف بيت ربون ما يخاف على اسمه وسمعته ؛ الزوجة هي أساس تكوين ذريته ومستقبلهم في حديث عن الرسول صلى الله عليه وسلم ( قال النبي صلى الله عليه وسلم تنكح المرأة لأربع:
لمالها، ولحسبها، ولجمالها، ولدينها، فاظفر بذات الدين
تربت يداك ") [متفق عليه].

وقال النبي صلى الله عليه وسلم : "الدنيا متاع، وخير
متاعها المرأة الصالحة" [رواه مسلم].

* وقال النبي صلى الله عليه وسلم :" أربع من السعادة:
المرأة الصالحة، والمسكن الواسع، والجار الصالح، والمركب
الهنئ. وأربع من الشقاء المرأة السوء، والجار السوء،
والمركب السوء، والمسكن الضيق "

[رواه الحاكم والبيهقي وصححه الألباني].

نسأل الله العافية وان يحفظ أولادنا وبناتنا من شياطين خلقه من الأنس والجان ويجعلهم من الصالحين الأتقياء القارئ يقول آميييين يا رب العالمين .
صج يالريم هال موضوع محيرني ما ادري يسجوونهم شيء يغيبهم عن الواقع ما ادري !!!!
سبحان الله يصبح مثل الخاتم بأيدها روح روح تعال تعال

Purplecious said...

ريما انا اتفق مع سمبر بنقطة الا و هي: لما تقولين بنات رايحين فيها ياخذون احسن الشباب ترى حتى اكو شباب رايحين فيها يلعبوون يلعبوون لما يشبعون تالي اذا الاخ قرر يتزوج ما يبي الا الشريفة العفيفة !!!! يا سلااااااام

بس عشان ما اظلم الكل اكو شباب و بنات يبون يتوبون و يبون اللي يعينهم على التوبة .. و الزواج قسمة و نصيب

Яeema said...

kuwaityya

حبيبت قلبي لا تحترين و هالشي صاير مع رياييل كبار بعد
أبو الخبرة و المنطق

المشكله بالمخ

ليييه بغا شي ما يرده إلا نفسه

Яeema said...

simper ya simper
أول شي أحب أشكرك واااااااااايد لأنك كتبت عن نقطه زايد مهمه


بس أحب أقولك شي

موضوعي عن الرياييل إللي يحبون المنقوزين


سووو
أنا ما قلت كل الرياييل

و قلت عن البنات المنقوزييييين


و لما يختارون ناس معينه عشان يصيدونهم

لما أتكلم عن فئه معينه مو بالضروره إن ماكو شباب زينين و ماكو بنات زينين


الرجال اللعوبين:
الرجل بطبعه الغريزه تغلب عليه ، حتي الدين يطالع و يقولولك النظرة الأولي حلال

فمن تركيبه الريال إن يكون لعوب

و إلا ليش ربك إمحلله 4 زوجات؟؟

بس إللي ما نقبله إن يكونون بناتنا سلعه للرجال يتاجرون فيها


البنت لازم تحمي نفسها
و البنت إللي ما تحمي نفسها لازم تعاقب من المجتمع برفضها


لا تقوللي إتووب و ما أعرف إيييش

لما إختارت تكون جذيه فهذا بقرار من عقلها

لأني أتكلم عن مجتمعنا
البنت تطلع من بيت أبوها ليه بيت زوجها

و هم ما أعمم عشان أكو مشاكل كثير تأدي للإنحراف

بس إللي يتزوجون معناها من أسرة مستقره نوعا ما




---------

for me i think whom ever wants to go in any way.. they can chose.. as long as all are happy.. let the girl follow elli yaboona.. o let the men follow elli yaboonHA.. which happens all the time too..


مالك أمل أخلي بنتي إتسوي إللي تبيييه و الله جان حشييييت إريولها
ويييييييييين قاعديييين

ماكو حشيمه حق إسمها و عايلتها؟؟؟

أختلف وياك 10000000000000%؛

و إللي ما أرضاه علي بنتي هم أعلم ولدي إن بنات الناس مو لعبه


بقولك شي هذا سمعتا من واحد يصيرلي

يقوللي إذا بتعرف أبعد إشوي عن العوايل عشان ما تكون بنت خالت واحد ويانا بالدوانيه


------------


one point that got to my mind.. and plese la tiz3ileen minni for saying it.. if u say all the bad girls got the good men. then what happened to the good girls? they got messed up men?? do all the girls that u know have bad men?



أولا عمري ما أزعل منك لأن الإختلاف بالراي لا يفسد للود قضيه

;)

ما قلت الكل ياخذون الكل
قاعدة أتكلم عن نقطه الزين لما ياخذ وحدة مو زينه

و كل حاله بحالتها

و لو خليت خربت

الزواج طول عمري أعتبرها حاله فرديه و ما تقدرر إتعمم أول تاخذ منها عبر
لأن الزوج مختلف
الظروف مختلفه

و ياما ناس خذوهم زينيين و إختربي تالي

سواء بنات أو شباب

هم موجود و شفت هالحالات جدامي

-----
at the end of my words... i respect your ideas , and i guess i am not very good in showing the right point.

as i always say ....
i am learning from you ( the readers ) and next time i will be sure to show my right point that i am not talking in general.


Allah bless you too ;)

best regards,
Reema

p.s( i felt that i am replaying to an e-mail - simpeeeeeeeeer shalakhtny o ana feeeny flu !!! sharabt teeeeeeeeeeb coffee 3ashan arid 3aleek o asheel maf3ool el doowa heheheheh )

Яeema said...

kila ma6goog

الشيك إللي طرشتلي إياه عشان تعلن عندي طلع بدون رصيد !!!!؛

Яeema said...

الحجيه
سبحان الله يصبح مثل الخاتم بأيدها روح روح تعال تعال

-------
هذا يحرني زيادة
و إتلاقينه حق بيته و أمه و إلا إذا كان متزوج بعد شر شر يتمشي بالأرض

شكلي بقرا الكتاب الجزء الثاني

why men marriade bitches!!!




purple

ترا و الله هالمعيار أول
شوفي وايد شباب سمعتهم بالقاع و كاهم قاعدين يرفضونهم بنات الحمايل لأنها سامعه عنا بلاوي

و مرده يا قاعد من شقه ليه شقه

أو إن مضرب عن الزواج لأن قام يشك وااااااايد

فلا تقولين قاعد ياخذ

و صدقيني قاموا الأهل يسألون عن الريال جنهم يسإلون عن البنت


بس بالكويت نظرة إن الريال شايل عيبه موجودة و بقوه

و يقولج إن البنت إهيا إللي تقومه و إترده علي الصراط المستقيم

و عمرنا ما سمعنا إن الريال له دور أساسي بالبيت

و خصوصا جيل هالوقت

فلما يختار وحدة عفيفه و زينه قاعد يدور راحت البال و ماله خلق يعابل فيها

لأن شااااااااف و جرب

و يتحمل إنها ما إتعرف شي حلو علي قلبه
يبي يحط راسه و ينام

عمرج لا إتواسين الرجل بالمرا بمجتمعنا

لأن المجتمع رافض هالشي


إللي يبون يتوبون لازم يتحملون نتيجه الخطأ

هم مستانسين و لاعبين بيدهم وريولهم و هم ما تبينهم يتعاقبون؟؟؟

كل شي و له شيه

;)

The Simper said...

just wana say.. SALAMAAAT ;) o matshofeen shar.. keep drinking dowa and citrus juices till u get better :D

ana bas a3aliq once :P ma anajir wayid :) nijriti on other things outside el subject :D

but i wana comment on one thing.. when i say let all do what they want.. i meant in as a whole.. or as a family.. and not as one person.. and i really stress on respecting the family's traditions and values.. and WE ALL hope for our kids to abide by our rules.. but it is a matter of rasing the kids.. and for them to REALLY SEE in their eyes the actions of their parents that they heard about.. and for them to be around people and friends who are similar to their thinking..

otherwise.. i really hope from god that we don't be in a situation that we might face from the kids that we say: en7ish eryool hom..

may god bless us all.. :)

and keep postin.. when ever u can and want ;))))

Unknown said...

1-Why do you say that all men are players by instinct ? (that’s not fair, does that include your brothers and husband ) pls forgive me for saying that but that is the 1st thing that came to my mind.
2-The pressure of geting married in our societies is the reason for the mismatches among married ppl
3-I have to point out that some mothers parade their daughters all over in order to got her a rich idiot who is abusive and what you have for the sake of money (I know a lot.)
4-The mothers force there son to marry someone they don’t like for the sake of marriage, and then few years in the marriage they know they don’t like each other and live separate lives if not a nasty divorce. this point applies to point 3 too

Яeema said...

the simper
الله يسلمك من الشر

تمووووووووووووووووون تمووووووووون

ماخذه مرضيه 5 أيام و ما أعتقد إني راح أطلع من البيت فبجابل الكومنت ملوتكم


i love what you said lately

i hop too

lawyer said...

ريما الله يصبر قلبج
على هالفلو

يا بعد روحي روحج

;)

Яeema said...

mosan mosan

the answer is yes

my husband was number 1 in kuwait
may be if i told you his name you will know him as well

and when he got marriade , he choes me the closing eyes girl . we both got marriade at age 22

i was smarter to control all his past and get on with my life , and after he saw this he said his word to me :

i never think that you will let me succes in my life like that


why i told you girls are more important than the men to be good

they can change the way men think

positavly and nigatevly



answer for
2

i am with you 100%
plus that the girls cant choes their man that she will live with him for the rest of her life



answer for 3

i know some too , it's fact , they think money will bring happyness to them , then he leav her with only moey and he got his life alone



answer for 4

happend , and even for the girls too
specially for the familyes with money , they want to keep things inside the family


thank you i like what you said

Яeema said...

lawyer

أمييييييييييييين

ههههههههههه
هههههههههههههههههه

ضغااااااااااااط ضغاااااااااط فيني


و أنا مريضه

:(

lawyer said...

ريما لا اطيحيني بلسان احد

ههههههههههههههههه

انا قلت الله يصبر قلبج على الفلوو
بسسسسسسسسسسسس


هههههههههههههههههههههههه


ياربي اشوه سمبر ذكي و ما يحب تحريف الحوار
هههههههههههههههههههه
;)

اشرايج فيني و انا خوافه

SAJA.S said...

ما احب الريال اللي يقولي .. هي اللي خدعتني وقصت علي وفرت راسي .. والعكس .. ماكو هالخرابيط .. الواحد الللي يبي يخترب راح يخترب .. يعني لا تقعد تقول قصت علي والعبت علي .. انت اللي تبي تلعب ..

The Simper said...

khawafa?? ako lawyer khawaf :P?

Mozart said...

السبب اهو ان بمجتمعاتنا العربيه عدد الذكور يطلع اضعاف مضاعفه عن عدد الاناث عشان جذي تحسين ان شبابنا ركضه ورا اي بنت حتى لو فصعه

و الدليل على ما اقول التحرشات اللي صارت بمصر

الاء سعود المجيبل said...

ليش يعني اللي رايحه فيها مالها رب ؟؟؟


يمكن يقدر يمشيها صح وبعد يمكن اهيا الله يهديها وتهديه معاها...:)

على قولة مشاري الطيبون للطيبات والخبيثون للخبيثات...:)


ليش نقول اشمعنا خذا هذي**** عاد ما لقى الا هذي***** وع هذي اشكال ياخذها **** هذي كانت تمشي مشي بطاال والكل لامسها اشحقى ماخذها شنو ما عنده شخصيه ؟؟؟ <<<< انا اعتبر هالكلام سطحي جدا للي يقوله واسمحيلي لان اللي يستر على بنات الناس الله يستر عليه دنيا وآخرة

قولوا الحمد لله وكل شيء نصيب بالدنيا يمكن هاللي رايحه فيها تصير احسن منكم في يوم من الايام***


ويمكن احنا ما خذانا السنع لان نصيب من الله نجرب ونتعظ ***


كل شيء المفروض نعتبره خيرة

ولا تنسون ان الدنيا دوارة والله يقدر يخفس فينا من عقب ما رفعنا لفوق ....المفروض نتحمد ربنا على كل شيء

اذا الريال يبيها واهم شيء ان تزوجها على سنة الله ورسوله معناته ما سوا شيء غلط .... جذي يكون ستر عليها والله يستر عليه دنيا وآخرة ....:)

الموضوع كبير وكل واحد له وجهة نظرة بالموضوع فيه اللي رافض الفكرة وفيه اللي موافقها من جانب ان ستر للبنت...:)

موفقين...:)

Anonymous said...

عزيزتي ريما
الكتاب يتكلم عن حب الرجال
الارتباط بالنساء الشريرات
اي المتسلطات
وليس بالمعنى الذي نحن نستخدمه لتلك الكلمة
فهم يستخدمون
slut
للدلالة على المرأة غير الشريفة
رجالهم غير رجالنا
فرجالنا يبحثون عن القطة المغمضة او تفسيرك انت للكلمة
ايها كما اسلفت
اش جاب الغرب للعرب
ولا بعد مليون عام

miia said...

ييتي على العوق، توني من يومين شفت الكتاب وما عبرته شكلي باسير اخذه...انا اتوقع ان الشباب صار يعجبهم البنت اللي ما تتكلم عن نفسها كثير يعني ما همهم مشاكلها وهمومها ،،، البنت المسكينة والطيبة والعاقلة واللي تكون صعبة المراس ما صارت غالية اليوم شرات قبل...الرخيصة صارت مقبولة بالقوووو...الله المستعان...بس في النهاية يوم يعقلون يدورون عليهم تدرون ليش،،،علشان ما يموتون روحهم...فقط لا غير...