Friday, December 29, 2006

to be a blogger you have to .....





مواصفات صاحب البلوق:

باله طويل

أعصابه بالفريزر

كل شاق الحلج من الضحك علي التعليقات

يسمع من إهني و يطلع من هناك

لي تعدو خصوصيته و طريشوا إيميل يكشت فيهم

دايما يدعي الغباء حق إللي ببلغون شفهم بحياته

ما يعاسر

يفهم إن كل التعليقات صحيحه بالنسبه حق إللي كاتبها بس

لا يتعب حاله بالشرح لأن الموضوع دايما ما يسوى بالنهايه

إذا أذوووه وايد يكشت بالبلوق بكبرة و يروح يحجز مساج في سبا تايم

لا يلبح وايد ، لأن ماراح يقدرون و لا راح يفهمون إللي بيكتبه البلوقير

يستانس إذا الناس إفهموه غلط ، معناها ضبط الكذبه و إنه روائي صادق

يتبع سياسه ( إشعلي أنا من الناس و إشعلى الناس مني )

يحط في باله إن الناس كل مبحلقه عيونها و في بالها كلمه ( من صجها هذي تكتب جذي؟ ).

يدري إن الناس إتظهول و إتسوي النون و ما يعلمون لأنا من بيئات مختلفه

لازم يعرف إن أكو فئه إذا ما قدرت إتسوي فإنها إتهد و إتدقر

لازم يعرف إن الناس إللي فاضيه و ما عندها شغل وايد

لازم إتعرف إن لك حياة ثانيه غير البلوق

لازم إتعرف إن البلوق بيتك و مكانك و إللي تبي إتسوي فيه سو و إللي مو عاجبه ما يشوف شر و لا إتضع وقت بتربيته

إللي بيحكم علي شخصيتي وتربيتي و ثقافتي من بلوقي الصراحه ما عنده سالفه

و أخيرا و ليس آخرا

إحنا كويتيين ، لي إيدنا تدخلت بشغله للأسف خربناها

و إللي علي راسه بطحه يحسس عليها

و البقاء للصبور و ليس الأصلح


أمانينا تسبق تهانينا
وفرحتنا تسبق ليالينا
وعيد مبارك علينا وعليكم

43 comments:

Dr. Saleh said...

كل عام وأنت بخير
وعيدك مبارك
وعساك من عواده

Reflections said...

ريما

أنا احاول اتبع هالنقاط فالحياة العادية مو بس البلوق.. ارتاح و أريح

و صح السانج


كل عام و انت بخير

سالفة قلب said...

ريما

مااقول الا الله كريم
:(

عيدج مبارك حبيبتي

بنت الشاميه said...

اول شئ كل عام وانت بخير وعيدك مبارك وعساك من عواده انت وكل قراء بلوقك الكرام
انا اعتقد ان الهدف الرئيسي لكاتب البلوق ان ينفس عن روحه بالكتابه وهذه هي الطريقة الصحية للتنفيس عن ضغوط الحياة علينا الي جانب ان مواضيعك منتقاه وبسيطه ومريحه للقارئ. فنصيحتي الي كل كاتب بلوق ان يحط اذون من طين واذون من عيين ويفصل بين حياته وردود القراء لان ارضاء الناس غايه لاتدرك لان اكو ناس دائما يري النصف الخالي من كوب الماء ولك جزيل الشكر علي مجهوداتك ومعاناتك

انسان said...

اول شي عيدج مبارك وكل عام وانتي بخير
مشكلتنا بالكويت الحسد يحسدون على اي شي
حتى الي نكتبه والحسد الي عندنا يكفي العالم كله (عندنا حسد اكثر من النفط)
ما عليج منهم وكملي طريجج وواصلي الكتابة وخليهم يحترقون بحرتهم

Яeema said...

كل عام وأنت بخير
وعيدك مبارك

قبلت أن أكون مدونه

و الشروط تم أخذها بعين الإعتبار

و منك نستفيد يا أخت ريما و إلي الأمام دايما

lawyer said...

كل عام و انتي بخير

المشكله نسمع الناس يعدين نقول ليش الناس تقول جذي

والله يا ريما من يوم ما شرتي علي سالفه الايميل الي في البلوج

و انا يوميا والله العظيم اتييني ايميلات اشكال و الوان

منها رفع معنويات و هذي غالبا ما تكون من شباب

و عشان ما ابخس حق خواتي البلوجر في منهم يزاهم الله خير شجعوني و لكن في بنات للاسف لي الحين ما ادري منهم

والله يا ريما ان حتى انتو و انتو صديقاتي
ما قلتلكم !!

ليش لان شغلات اتشيب الراس

بصراحه لو بلفون البلوجات كلها
محد كثري طلع علي حجي !!

سمعت احد؟؟

طبعا لألأ
اسوي الي ابي اسوي
الي بقول عني مشكلته يفهمني غلط

بالطقاق

انا مثل ما انا
الناس يا تتقبلني جذي او لا تسمعني و تقرالي

السالفه قامت تصير ان ما يطرشولي انا ايميلات !!
لألألأ

يروحون يدزون حق رفيجاتي ينقدون علي

زعلت
لا والله ما همني
الزم ما علي وناستي

البلوج مصدر سعاده لي

ikhalifa said...

very ture
right your tongue

عيدكم مبارك و كل عام و انتو بخير
:)

Яeema said...

dr.saleh
same o you dear Dr ;)




reflection

بالحياة العاديه هو لازم إنداري لقراب
ف- أكو نقاط صعب تحقيقها

لأن إذا واحد يحبج من أهلج ما تقدرين إتطنشين

;)



سالفة قلب

الله دايما كريم و مكرمنا بالصبر

الحمدالله علي كل شي


عيدج مبارك حبيبتي

Яeema said...

بنت الشاميه


عزيزتي بنت الشاميه ، التعليقات تعدت إرضاء الناس ووصل للتجريح و خروجها عن نطاق الآداب العامه حتي بالتفكير

و تعدت إلي خارج نقاك صندوق التعليقات

وصلت للإيميلات
وصلت للحقيقه و من أٌرب المقربين لها


سوء الضن

لم نستطع توصيل أن التنفيس ليس معناه معاناة
و لا خراب بيت
ولا حش
ولا تجريح


هي ملكه التعبير عما نفكر بصوت عالي و مكتوب


و دايما أقول
الحمد الله إن الله عطاني هالشي

بالنسبه حقي
فهو شي عظيم




إنسان

عيدك مبارك و هابي نيو ييير


الحسد
التدقر
سوء الضن
الإحباط
العقليه إللي مكانها مو العقل

المشكله مو فيني
أنا صابرة و ما يهمني


بس قاعدة أخسر أحلا بلوقات

بسبت الإحباطات

أنا سكرته فترة و لكن حسين بالهزيمة
و ما أحب أكون في هالوضع دايما




bint ba6inha

same to you dear

and welcome to the blogger

إبتدي حيث إنتهي الآخرين

Яeema said...

lawyer

كل عام و إنتي بألف خيييييييييير


لووووير
ترا بعطيج درع الصمود
علي الإيميلات المباشرة و غير المباشرة لجميع أنواع التدقر إللي بالدنيا بهالإيميل


بس دايما إنتي ملهمتي للصبر


بس علي الإيميل

ساعات إيميل واحد يسوي ألف إيميل من إللي يلوعون الجبد





أعتقد الخبرة إلعبت دور إهني


عدل كلامج
مصدر سعادة

ما يحس فيها إلا الكاتب نفسه


يا حلوج و الله و يا زينج

;)


لو كل كلب عوا ألقمته حجرا لصار مثقال الحجر بدينار


الضحك دايما يطول العمر بإذن الله

ضحكي علي لعقول المريضه
الله لا يبلينا يا رب





bin3li

صح إبدنك
و كل عام و إنت بخير
و من عوادة إنشاء الله


لما ألحين مسوين بلوك؟

ما طرشتلي إيميل خل أدزلك سايتات

ترا خبرة أنا

هههههههههه

ikhalifa said...

لا ، الحمدلله أفرجو عن الموقع
طبعا بعد توقيع عرايض و فضيحة في الجرايد

مشكورة و ما تقصرين
إيملي
bin3li@hotmail.com
و لو أني فاقد الأمل ( لأني عندي مواردي الخاصة)
اتصالات ما تخلي بروكسي في حاله
:(

esTeKaNa said...

عيدج مبارك وكل العمر وانتي بخير
ومالج شغل باحد
:)

Qa6Wa said...

thas so true! LOL

Happy holidays dear

بنت الشاميه said...

عزيزتي ريما وايد تأثرت من ردك الله يكون في عونك بس خلي روحك رياضية وقطي كل شئ وراء ظهرك انتم كبش الفداء للبلوقات الثانية في الحياة لازم من التضحية لكي نفرض عليهم حريةالفكر ونجعلهم يتقبلونها غصب لوطيب المهم لا يحبطونك انت وغيرك.
تري قاعده اعيش الدور وياك الله يعينك ويساعدك قابي وياك

bo9ali7 said...

خوش حجي
عالعموم عيدج امبارك

Mamloo7a Q8ia said...

عزيزتي ريما لو الواحد بيشوف الناس وايد راح يتعب
انا الحمدلله ما مريت بهالتجربه في البلوق لكن مريت فيها في حياتي
وسويت طناش علشان ارتاح
خوش نصائح مشكوره يالغاليه
كل عام وانتي بخير
وعيدك مبارك

Mamloo7a Q8ia said...

مبروك النيو لوك وااااايد حلو
انشاء الله سنه سعيده عليك وعلى اسرتك

فوضى أفكاري said...

كل عام والكل بخير
وعيدج مبارك ريماا

:)

Diver said...

عيدكم مبارك و تقبل الله طاعتكم و كل عام و انتم بخير
May you Have a Happy and Blessed Eid

Utmost-y said...

ريما لاتعورين راسج إلا إذا كنتي حاسه انج امسويه شي غلط :)
و ماعتقد انج تعديتي حدودج:)

المهم
عيدج مبارك و تقبل الله طاعتج :)

7osen said...

كل عام وانتي بخير

وعيدج مبارك

Baskin™ said...

loooooooooool :D



3edch embark wkl 3am went b5eer

الاء سعود المجيبل said...

عيدج مبارك وكل عام وانتي بخير...:)

DiLLi O MiLLi said...

عزيزتي ريما
1/ عيدك مبارك
2/ HaPpY NeW YeaR
3/ شكراً على العيديه (راس صدام)ء
4/ مبروك على النيو لوك كله ذوق مثل صاحبته
:)

KQ8 said...

عيدج مبارك وكل عام وانتي بالف خير

وقيل

ارضاء الناس غاية لا تدرك

البلوق شغله ملكية خاص..لو بقعد فيها مفصخ محد له شغل

مو عاجبك الكلام اللي ينكتب ماتشوف مو لازم ترد

ومبروك التبمليت اليديد

احلى من الاول

وايد

Mozart said...

حسب مواصفاتج انا ما انفع اكون بلوجر

كل عام و انتي بخير

F said...

happy 3eed :)

san3a_wa_laken said...

كل عام وانت بخير
l0o0l :P
wa 9aa7 ilsaanch

لطيف said...

واضح إنه
فيه عدد محدود ومقصود
!! راح يتحسسون البطحة
بس آنا شعلي من الناس
وشعله الناس مني
;)
لكن خوش نصايح وملاحظات
تعجبيني ريما
وعيد ريما مبارك
:)

Яeema said...

bin3li
i send you the e-mail with details




estekana

أنا مالي شغل بالمرة
بس أعرض خبراتي

هههههههههه




blasha

Happy Holidays to you too sweety ;)

welcome back

Chai-7aleeb said...

This is ME...

Happy 2007.

White Wings said...

روعة يا ريما
أنا طبعت التعليمات وعلقتها فوق كمبيوتري حتى أتبعها حرفيا
:)
كل عام وأنت بخير، أعياد سعيدة مجيدة

3ateeja said...

لي تعدو خصوصيته و طريشوا إيميل يكشت فيهم

يشيل الايميل ويفك نفسه :)

وعيدج مبارك وكل عام وانتي بخير

tweety said...

اول شي خوش نيو لوك

أنا بضيف على مواصفات البلوق انه يلبي طلبات المعلقين

يالله ايدج على الفيل الاحمر الطاير
:p

كل عام وانتي بخير
وعيدج مبارك


طمنوني على بلوق كيتي ما يفتح معاي الخلل عندها والا عندي !!!!؟
وماعليج امر توصلين لها السلام فشلة ما عايدت عليها

نون النساء said...

كل عام وانت بخير

وسنة سعيدة على الكل ياارب

وعيدج مبارك ريماا

انتي وكيتي

اللي مادري وين راحت ببلوغها

enter-q8 said...

اعياد سعيده و مباركة
وعساك من عايدينه وفايزينه
لغاية اخر اعدام من جلاوزة البعث

SAJA.S said...

مع انها متأخره عيدج مبارك وكل عام وانتي بخير
اللي عجبني ..
إللي بيحكم علي شخصيتي وتربيتي و ثقافتي من بلوقي الصراحه ما عنده سالفه

ايه والله ما عنده سالفه

Q8-Rainbow said...

عيدج مبارك متأخر ادري :) و
happy new year


and thanxxxxxxxxx

Alather said...

لأكون متميزة أكون أخر من يعايدك
:P
كل عام وانتي بخير


ممم
البلوق
مكان خاص كل شخص يحط لنفسه حدوده الخاصة
أعتبره بيت منفذ لطرح افكار ومشاعر وخطط قد تكون واقعية وقد لا تكون

بالنهاية هو حريتي الخاصة


: )
تمبلت يشعر بالتجمد
والثلوج

فوضى أفكاري said...

كيتي بلوقج مختفي
عسى ماشر وين راحت سوالفج الحلوا؟

ريما حلقة وصل
شعليييج بلوقج الدوانيه الي تجمعناا
:p

Hitman1 said...

Wow... I never thought about it this way :)

Thanks

oh and Happy new year

Unknown said...

السلام عليكم


ريما شحالج عزيزتي وشو اخبارج؟

كلام جميل اللي كتبتيه...انا وحدة يديدة في عالم البلوج صارلي اربع وعشرين ساعة من اسست البلوج مالي..بس كقارئة من خلف الكواليس صارلي شهور..وبلوقج الوحيد اللي اقراه ومسيفتنه فالفيفرت لاني استمتع بارائج اللي اشوفها قريبة جدا من ارائي..
واتمنى اعرف ناس اكثر واراء ويوميات يديدة

البلوج مثل فسحة للانسان ايي يكتب فيها افكار تعكس اراء الشخص اللي ورا الشاشة..!! لا اكثر..

فما في داعي ابد انه الناس تكون حقودة ونفسها خايسة وتجرح بالكلام والتعليقات وتتطاول على الشخص وتقذفه بكلام..لانه هذا كله بيخلينا بس نحمد ربنا على نعمة العقل والبرستيج
حتى لو اثار البلوج غضب البعض..واستيائهم..مايحتاي الزعل لانه راح يكون في صالحج ..ردة فعلج راح تبين شخصيتج وعقليتج..وخليهم يستحون على كلامهم هذا لو كان فيهم دم

وفالنهاية..هاي مجرد حروف تنكتب..والتعليقات اللي توصل مجرد حروف بعد..مافي داعي تغصص على الشخص وتخرب يومه


وهذا مافي جعبتي باختصار

هههه يازعم اختصرت الاخت


تيك كير يا حلوة

باي باي