Sunday, December 17, 2006

إكتشاف خطير !!! ما أقدر أعيش بالكويت !!؛








شعور غريب إييلي من يدخل ( فصل الشتا) ، ودي أسوي وايد ناشاطات خارجيه بس المصيبه في عاداتنا و تقاليدنا.

أحس روحي مقيدة ، لأني بنت ، لأني أم ، لأني كويتيه ! لأني بنت فلان ، لأني زوجه فلان !

لييييش الريال بالسفر يصير إنسان ثاني !

ليش ما إنسوي الأشياء إللي إنحبها بديرتنا بدون خزني و أخزك .

لما أروح الصالحيه بترينق سوووت و ماكو مكياج إشحقه أمه لا إله إلا الله يخزوني من فوق ليه تحت جنه مو عاجبهم؟

بروح أقييييس هدووووووووم !! ليييش أكشخ؟؟ ليييش ألطخ بدله المحل بالحمرة الحمرة؟؟؟

أبي قااااري ( دراجه هوائيه ) ، ميته أسوق قاريييي من عند الممشي إللي يم مارينا مووول

أقول حق زوجي أبي أشتري ، يقوللي وديه الشاليه!

ليييييييييش الشاليه!!!

ليييش أطق درب ساعه عشان أبي أتمشي 30 دقيقه!!

ودي أروح الجمعيه مثل برة أشتري خبز و أرجع!!!

يقوللي لااااااااا ينيتي رسمي عليييييي

L

بطلع ويا زوجي ريوق الصبح ، أفتح الموضوع .

الرد من قبل زوجي العزيز : إنتي من صجج بقوم 9 عشان بطني؟ إكلي أي شي!!

وااااااااااي و ليييش بالسفر إتقويمني الساعه 6 إنتريق؟؟؟

يبا بالسفر جبنتهم غييير و بيضتهم غييير و حليبهم و توستهم غير!

يايلي شعور هالأيام بعدم الإنتماء لهالديرة ، أحس بكبت مقيده بالعادات و التقاليد ، أحس إن مافيها شي نقدر إنسوي بسبه مدارات الناس!!!

وين في شي إنسوه أنا و زوجي ويا بعض و الناس ما تنقد؟؟؟

لا أحب سينما ، الأفلام مقطعه و لاعنين خير القصه و هم قمته مو مال جو حلو برة

المطاعم و القهاوي متنه متنه من البلعه !

و من نقعد ويا ربوعنا و إلا فلان و فلان

بااااااااااااااااااااااس إشعليكم من الناس إنتوا!!!

إللي متحجبه و تبي تلبس ليقننج مشتهيه كيفها!!

و إللي ماسك إيييد مرته كييييييييييييفه !!

و إللي جسمها لوعه و لابسه جينز و مطلعه البلاوي كيفها !!!

شوفوا و إستانسوا !! بالعكس أصلا إمسوين جو بالقعدة

بس لا تتكدرون و يكون شغلكم الشاغل

و تنتقل السالفه بطريقه بايخه

التعليق وقت الشي و بس خلاص إنسوا!!

صرنا بالكويت الحمد الله و الشكر إنفكر بالوناسه برة ، من الكبت إللي عايشينا

و لا إتقولولي إشعلي من الناس ، ما أقدر برستيجي ما يسمح.

ما إتلاحظيون في مقوله متداوله حق إللي يبي يسافر هالأيام؟

أبي ديرة مافيها كويتيين

مع إن برة مو قاعدين إنسوي شي غلط ! بس البساطه مو محصلينها بديرتنه

و المصيبه إللي دايم أتنح عندها ، إن كل الدنيا فاهمه هالموضوع غلط

إني أبي أسوي شوووو أو إني ببين حق الناس إني متحررة

والله إللي يدخل مخي ويشوف إشلون إن هالأشياء التافه الحمد الله أنا بعيده كل البعد عنها.

بس مثل ما دايما أقول

ماراح أربي خلق الله

يا يتقبلني ، يا ما يشوف شر ، خل يكون همه الناس

86 comments:

The Simper said...

other than ur husband? who is blocking u from doing what u might do outside? if u do them here then u can do what ever there.. and vice versa.. live ur life..

Яeema said...

the simper

i told you in the post, my name that i am holding it , i cant let people find something to talk about !


i dont know in kuwait is something els , i really cant find any word to discribe it !

Mamloo7a Q8ia said...

والله يا ريما اذا اللي اسويه مو غلط ولا يضر احد اسويه ولا يهمني اي احد

مثل القاري انا اسوقه في منطقتنا وساعات آخذه في السياره عند صديقاتي ونسوق في الحديقه اللي جنب بيتهم
بعد شنو فيها نسوق قاري؟؟؟

اما الكشخه والمكياج في السوق هذا ما يدور عندي ولا احب وانا اتسوق اكون حاطه مكياج

واللي بيشوف الناس وشنو بيقولون يتعب
احسن شي نعطيهم طناش وبعدين يالغاليه
ومثل ما قلت لج من قبل الشتا وايد غالي عندي واتحسف اسافر عن الكويت في الشتا
واااايد احبه في الكويت
الله لا يغير علينا

فركاش said...

walla ana 3an nafsi atibi3 seyasat aham shay ra7ty ba3dain ilnas..ya3ni aro7 il9al7iya labis short wa n3al om 9ibi3 (wentaw ib karama)ish3alay min ilnas!!
6e3eni rema saway ili tabena wa malich shighil ba7ad dam la 3aib wala 7aram sawey..
wa 3ala 6ari raylich mo rathi 7enay 3alaih (kither ildag efech lil7am) ;p

KQ8 said...

والله شقولج..اذا بتطالعين الناس إبتتعبين

والناس هني مالهم فلانه سوت وفلان سوها..وجنهم هم الملائكة..مالخياس تارسكم وفاضحكم

يبا اناافاهم عقليتج..حنا في البيت عندنا نفس البروبلم ( انا ويا ام العيال)

بس صراحة ما اخليها تأثر علينا..يعني نطلع كاجوال مع اليهال يتناططون جدامنا اشيل إبنيتي الصغيره بالعلاق مال الصدر..تلقيون الناس يخزون..شنو يعني شيبي..؟؟!!

ها وانتو شدخل اهل ام اللي خلفتكم

وبعدين تبين الصج هاللي ينتقدون تلقينهم هم يسون هالسوالف اللي قلتيها..بس البني آدم ما يطالع روحه

==

سالفة ديره مافيها كويتين صح..انا شخصيا احبالسفر بالاشهر العادية مو بالصيف علشان ما اشوف احد اعرفه ..يعني تخيلي مره بالغلط كنت بسان دييغو..طبع هالديره اقاصي القارة الامريكية إتصدقين شفت كويتين ..

يبا الكويتي طبعه يحب يخور..ويروح الامكنه اللي محد راحها دائما نفتتح البلدان الغريبه وتلقين وراها اييون الوفود

==
الزبده..الناس سويتي ولا ماسويتي بيتحجون وبيظلون يتحجون

فعطيهم شي يستاهل يتحجون عنه لول

Dr. Saleh said...

أتفق معاك إن هناك الكثير من القيود بسبب العادات والتقاليد والتي تمنعنا من القيام بالكثير من الأمور العادية والبسيطة وعلى سبيل المثال الذهاب إلي الجمعية بشورت وتي شيرت وسليبر
لكن الرادع هنا والذي يمنعنا بأن نقوم بما نشتهي هو أنفسنا بأن هذا الشئ عيب وفشلة ..... وترددك هو البرهان

Kwaitiyya said...

أنا أختلف وياج بهالشي
منو اللي خلق كل هذه القيود؟؟
منو اللي عطاهم ويه عشان ينتقدونا بكل خطوه انسويها؟

ريما ماعليج من أحد ! اللي ينتقد واللي ماعنده شغل غير امطالع الناس هذا إمعقّد وماعنده شغل !
وإذا قلتيلي الكل يخز وينتقد فا أقولج هذا للأسف المجتمع الكويتي المريض التافه اللي ماعنده هدف بهالدنيا !

نصيحة امجرب
أنا كنت مثلج
وايد أتقيد
وايد أراقب حركاتي وتصرفاتي
كنت وايد أتأزم إني ماأقدر أسوي شي بهالديره !
بعدين قلت ياربي ليش جذي؟؟؟ ديرتنا وحلالنا وغيرنا اللي مستانسين فيها والهيلق ماخذين راحتهم وإحنا موقادرين؟؟

ألحين والله صرت أروح الجمعية مشي
أركض ليه باب السيارة بالترينينج
أسولف على راحتي
أمشي من منطقه ليه منطقه
أركب جسر المشاة لول
داشه النافورة الراقصة
أمشي بممشى مارينا ليه فرايديز وأخطر شوارع
وكيفي عادي ألبس اللي أبيه كيفي !! وكيفهم انتقدوا وإلا اقعدوا
عيبوا وإلا إمدحوا
أنا شراح أستفيد منهم؟؟؟

ولا ريما ! إذا كشختي يسألونج الللللله بدلتج تشوق من وييين؟؟؟؟؟؟؟
لول

أنا أقول عيشي حياتج

أعرف ناس من أكبر عوايل الكويت
ومتزوجين ناس من أشهر على علم
ويسوون اللي يبونه
ومحد ينتقدهم
لأن يدرون فلانه منو
وأبوها منو
وريلها منو

طاااف بالناس

أنا أطثر وحده تضررت منهم
يضرون بس ما يفيدون

ماعليج منهم
واستانسي

Kwaitiyya said...

أطثر = أكثر

Kuw_Son said...

والله ما ألومج .. صج الواحد يحتر .. و خصوصا البنات مو قادرين ياخذون راحتهم ..
مشكلتنا في الكويت المظاهر !! شلون أطلع من بيتنا و أنا مو لابس عدل أو من هذا القبيل !!
الحياة الاجتماعية المبتذلة تفرض علينا شكليات أكبر من طاقتنا في بعض الأحيان و الله الواحد وده يكون بسيط .. لكن البساطة مو ماشية عندنا !! محد مخلي الثاني بحاله !! هذي تعلق على ملابس رفيجتها ولا الثانية تتطنز على اللي لابسته وحدة في مطعم !!
والله انا من بديت أصور .. كسرت حاجز الخوف من الظهور جدام الناس .. و قمت بعدها ألبس إللي أبي و أكون في المكان اللي أبي .. و أسوي اللي أبي "طبعا بحدود اللياقة و الأدب و احترام حريات الآخرين".

الحجيه said...

السلام عليكم جميعا

ريم كلامج صح وهذا واقع البلد المصيبة السوق يتطلب البساطة واهني العكس صحيح

حتى المطعم ما يبي كل هل هيو أي الفخفخة باللبس والماكياج حتى البنات ما عاد تطلع لهم أزهوه يوم زواجهم من كثر ما يستعملون الماكياج بكل الأوقات حتى الشاليه يا كافي .
المشكلة العالم ألي يعلقون مع الأسف ما يشوفون نفسهم نهائيا هم المأسوف عليهم تبين نصحتي ريم . . ...
شقول المثل امشي عدل يحتار عدوك سوي ألي يريحج دام انج عارفه حدودج ودينج ما عليج من احد بس زوج
لا تعاسرينه على أشياء ما تستاهل دايم داريه وخلي راحتج من راحته وأما الناس ما عليج منهم أهني بتشعرين بالسعادة وراحت الضمير والاستقرار الروحي وسلامتج

lawyer said...

انا بالعكس ما احس في القمته في الكويت

قمه انتمائي كويتي

الحمدلله اني كويتيه اكثر متعه احصلها في ديرتي
مو عشان شي بس عشان القمته مو في المكان
القمته سببها زوجج اهو قامتج

و هذي الزبده

انا عادي يوم الخميس اخذ قاري اخوي و اروح الجمعيه

محد يقولي شي

البس ترينيج و اروح الصاليحه
ماعلي من احد

اذا انتي تحسبين حساب الناس تالي تقولين ليش يطالعوني
اصبح المشكله معاج مو مع الناس


احلى ما في الكويت المطاعم

يعني شنو اكر برا اكثر من الكويت ؟؟
اهني مطعم هناك مطعم


انا الحمدلله احس نفسي لاني ما اعطي الناس اهميه
و لا اعطيهم اكبر من حجمهم
فماكو شي يهمني

سالفه الريوق


عييزت احن عليج نتريق الصبح
كلا تقوليلي
مالج امل اقووووووم اكل

صح ان السفر تغيير
و فعلا تجديد

و لكن لازم نعرف شغله وحده ان في قومتنا و قعدتنا نحمد الله وايد وايد


عشان يديمها علينا نعمه
و لا نتذمر


اقولها لج مرا ثانيه
مسأله القيود مو سببها الكويت
سبها ريلج الي يحسب حساب الناس

Anonymous said...

صباح الخير ريما

انا مع لوير بكل كلمه

انا زوجي بره الكويت عادي اسوي اللي ابيه

بس بالكويت ممنوعه من واايد اشياء

وشي يضيق الخلق وتحسين صج بكبت

بس شنسوي ازواجنا جذي

sologa-bologa said...

لو كل واحد حط همه على نفسه
وما طالع غيره
جان احنا بخير

اللي على الاشارة بس الواحد يوقف
لازم اللي يمه يخزه

انا اتبع نصايح ابوالحسن الششتري
في أغنية شويخ من أرض مكناس

شويخ من أرض مكناس وسط الأسواق يغني
اشعلي أنا من الناس واشعلى الناس مني
ثمة قول مبين.. ولا يحتاج عبارة
اشعلى حد من حد .. افهموا بالاشارة


ودمتم

q8y_saint said...

ايه لو على عاداتنا و تقاليدنا تهون
المشكله انها عادات و تقاليد مستورده من دول الجوار لا بارك الله بلي بلانا فيها

و المشكله حتن لو بغيتي تتصرفين على ماتربينا عليه تصيرين انتي الي شاذه و الكل يخزج


فعشان جذيه ما نقدر نمارس حريتنا الا في الشاليه بعيد عن حزب التخلف و عادات المستورده
او بالسفر


ما اقول غير الله يعينا الديره صارت مو ديرتنا
صرنا اغراب فيها



لا و المشكله لحقونا بالسفر بعد
من سنتين سافرنا انا ومرتي بروحنا مستانسين ماشفنا ولا واحد حامل للجنسيه الكويتيه

براحتنا نسوي لي نبيه ونلبس الي نبيه كل بحاله
ليما ذاك اليوم تفاجانا اول مره بهل سفره في واحد قاعد يخوزز بالعيون الوصخه الي متعلمين عليها بدريتنا
عاد مرتي تقولي شوف هذا جنه من ربعنا يخز مثل الي عندنا بالديره
قلتل لها والله اهو واحد من الي بالديره
وفعلا قام يسمعنا صوته الاخ يعني انا من الديره

وستحوا


الله المستعان

Яeema said...

mamloo7a q8ia

ما تبون تعزموني وياكم بس أخلي القاري عندكم؟؟؟

تدرين ميته أسوق أنا وعيالي نفس ما سويت بهذيك السفرة

يا حلو الهوا ليه هف هف علي الخد

منها رياضه و منها توسع صدر


المشكله مو الجو أدري المشكله بالناس





firkash


hehehehehehe

shakly raaa7 abdy adig o a7in eshway eshway

shakshaka said...

reeeeeema shfeeech halayaam el training fashion:P lalebastay training sertay makoo mithlich allah ekhaleech bas gamaw yalbesooona wiya ka3ab b3ad:P LOL ana im in between ya3ni kel ele wedech etsawena mafee shay ghala6 reyoog ma reyooog wo albis ele abeeeh 6ooool ma ana emrateba.. i mean ina as long as i look neat and wearing something comfy wo bas malhum sheghel albis flat wela ka3ab wela training aw "badla" ..3indi wa7da min rab3y no3ha msg gabil lani6la3 ha elyom ka3ab wela flat? mi kither ma a7tar a7gerha:P hehehehe shakooo y3neee libsay ele tabeen talbsena ! laish lazem etha elbesat ka3ab ana lazem albis wetha flat ehya tekte2eb lanna mat7ib elflat lebsay ele eray7ich enzain! sorrry 6awalt 3laich bes e7trait:p

shakshaka said...

reeeeeema shfeeech halayaam el training fashion:P lalebastay training sertay makoo mithlich allah ekhaleech bas gamaw yalbesooona wiya ka3ab b3ad:P LOL ana im in between ya3ni kel ele wedech etsawena mafee shay ghala6 reyoog ma reyooog wo albis ele abeeeh 6ooool ma ana emrateba.. i mean ina as long as i look neat and wearing something comfy wo bas malhum sheghel albis flat wela ka3ab wela training aw "badla" ..3indi wa7da min rab3y no3ha msg gabil lani6la3 ha elyom ka3ab wela flat? mi kither ma a7tar a7gerha:P hehehehe shakooo y3neee libsay ele tabeen talbsena ! laish lazem etha elbesat ka3ab ana lazem albis wetha flat ehya tekte2eb lanna mat7ib elflat lebsay ele eray7ich enzain! sorrry 6awalt 3laich bes e7trait:pch bes e7trait:p

PearL said...

هالموضوع وايد يشغل بالي
لدرجة مرات افكر اهاجر بس عشان اعيش حياتي على راحتي بدون محد ينتقد

بس القناعة اللي وصلت لها
اني ابي اسوي اللي انا مقتنعة فيه
مو مهم راي الناس
واللي مو عاجبه يسلم راسه

لا يسوي مثلي :)

Яeema said...

krakatoa

eeeeeeeeeeeeeeeeeee

أول ما يبت بنتي كان يوم الأحد و الخادمة إجازة

جاان أروح موذير كيير و أشتري العلاق إللي يعلقون البيبي

الله لا يوريك التعليقات

إنزيييين أمي مسافرة
زوجي ما يقدر يشوف البيبي!!؛

ليش لازم أم و خادمه وراها؟؟

و ليه قالوا قالوا إتقلد الأجانب


وترا أغلب إللي يبون ياخذون راحتهم
إتلاقيهم أسبوع بدون كويتيين عن الصيف كله


ترا سان دييقو
متروسه كويتيين

كل طلبه


إتصدق
كلامك عدل أعطيهم مادة دسمه يتكلمون عنها
ههههههههه

بس ترا لازم أسويها مع محرم



dr.saleh

مسأله فشله و عيب

يعني لو شنو زوجي ما يزور أهلي ببنطلون

لازم دشداشه

SAJA.S said...

الحمد الله .. ما لي شغل بحد ولا اح له شغل فيني
ابي قاري ركبت
ابي اتريق .. تريقت الساعه سبع الصبح ابي اطلع من غير خدامه مع عيالي وزوجي .. سويتها
رحت الصالحيه .. بجوتي رياضه ومن غير مكياج ... وناسه واريح وخفيفه

اهم شي الواحد ماله شغل بالناس وكلامهم التافه
live ur life

SAJA.S said...

الحمد الله .. ما لي شغل بحد ولا اح له شغل فيني
ابي قاري ركبت
ابي اتريق .. تريقت الساعه سبع الصبح ابي اطلع من غير خدامه مع عيالي وزوجي .. سويتها
رحت الصالحيه .. بجوتي رياضه ومن غير مكياج ... وناسه واريح وخفيفه

اهم شي الواحد ماله شغل بالناس وكلامهم التافه
live ur life

SAJA.S said...

الحمد الله .. ما لي شغل بحد ولا اح له شغل فيني
ابي قاري ركبت
ابي اتريق .. تريقت الساعه سبع الصبح ابي اطلع من غير خدامه مع عيالي وزوجي .. سويتها
رحت الصالحيه .. بجوتي رياضه ومن غير مكياج ... وناسه واريح وخفيفه

اهم شي الواحد ماله شغل بالناس وكلامهم التافه
live ur life

SAJA.S said...

الحمد الله .. ما لي شغل بحد ولا اح له شغل فيني
ابي قاري ركبت
ابي اتريق .. تريقت الساعه سبع الصبح ابي اطلع من غير خدامه مع عيالي وزوجي .. سويتها
رحت الصالحيه .. بجوتي رياضه ومن غير مكياج ... وناسه واريح وخفيفه

اهم شي الواحد ماله شغل بالناس وكلامهم التافه
live ur life

SAJA.S said...

الحمد الله .. ما لي شغل بحد ولا اح له شغل فيني
ابي قاري ركبت
ابي اتريق .. تريقت الساعه سبع الصبح ابي اطلع من غير خدامه مع عيالي وزوجي .. سويتها
رحت الصالحيه .. بجوتي رياضه ومن غير مكياج ... وناسه واريح وخفيفه

اهم شي الواحد ماله شغل بالناس وكلامهم التافه
live ur life

Яeema said...

kuwaityya

بيني و بينج ما نقدر إنقول سكب
ودي ودي

بس يختج في شي بداخلي يقول لأ


المشكله الخز صار موروث إجتماعي ما منا مفر

والله برة قاموا الأماكن إللي فيها كويتيين علموا الأجانب الخر




واااايد إعجبتني أشياء من اللسته

أخطر شوارع

ههههههههههه
ههههههههههههه

إييييي و الله ليش محرومين من المشي!!!؛

أنا لو بروحي أزرق شوي
بس إللي وياي زوجي
يبيله شغل شغل
ههههههههه
هههههههههههه






kuw_son

لا يكون إنت إللي إتصور يم سوق شرق!؛


مرة شفت واحد قاعد ينطر غروب الشمس
و صفنت قعدت أقول يحليله والله

و إللي وياي تقوللي حده فااااااضي

ما لقا إلا جدام الناس ينطر الشمس لما إتغيب؟؟؟


لاحظ النظريه
جدام الناس
يعني شوفوني قاعد أسوي شوو


إهني المشكله

الكل عباله إن الناس إتسوي شي عشانهم
مو عشان نفسها

Яeema said...

يا جماعة الخير ، خلص دوامي أرد عليكم إنشاء الله اليوم مساءا
ههههههههههههههه

أهم شي الموعد

فلا أحد يزعل

عجبني وايد ردود الفعل إللي إتخليني أحس إني مو بروحي بهالمشكله

Unknown said...

ma3ndich salfa

ride your bile and have fun... in respect of your name what does biking have to do with it. wearing trainig suite has nothing to do with your name. people will talk regardless. enjoy your life your are just creating excuses and obstacles.

cheers

Mamloo7a Q8ia said...

حياج الله يا ريمه وقاريج سفطيه عندي في الكراج
نتشرف بوجودج معانا يالغاليه

Anonymous said...

واي رييييما لأ لأ لأ
بدعتي بس خلاص
إشهالخرابيط
منو يطالعج من فوق لي تحت إذا لبستي تريننج سووت!!
ألحين الكل في الكويت صار يحب البساطة
كل البنات تريننج سووت و يروحون shopping
شخباري ال heavy make up!!
الحين صار أحلا شى الميك اب الخفيف
أو ال "no make up - make up"
بالعكس ألحين صاروا البنات اللي يكشخوون حق الصالحية و يلوصون ميك اب اهما اللي يطالعونهم و يستغربون منهم
محد يطالعج من فوق لي تحت هذا في تخيلاتج يا حلوة
و سالفة ريوق برة هذا مو من الكويت من ريلج
الكويت مالها شغل!
و إذا ما تقدرين تعيشين في الكويت هاجري
الكويت مو محتاجة وحدة تافهة مثلج
و غيرج مليون يتمنون تراب هالأرض الغالية
حمدي ربج على النعمة اللي إنتي فيها بس!
و بسّج تعنفق
و بالنسبة حق القاري أنا أشوفها عادي إذا أنتي مع ريلج ركبتوا قواري على البحر محد راح ينقد عليكم لا تخافين
بس إذا بروحج راح يتحرشون فيج الشباب و هذا شي عادي في كل مكان موو بس في الكويت
و ممكن تتعرضين له سواء كنتي تمشين ولا راكبة قاري
أحسن شي تحطين معاج السبراي إللي يدوخ
إذا أحد تحرش فيج رشيييه
;p

ام الحفيز said...

ريم
اول ما ابدي بقولج هالغناية....وشعلى انا من الناس وشعلي الناس مني

وثانيا ًالناس ما اتحجه(التكلم) الا عن نوعين من البشر فقط لا غير ....النوع الاول : وحده خبله قاضيه وفاصخه يضحكون ويتقامزون عليها....او
النوع الثاني : وحده فيها ميزه ملفتهه للنظر.مثلا حلووه ولا سنعه ولا غنيه ولا ذربه ولا فيها امررره الي اقبلة ولا ذكيه مثقفه ولهلوبه بالمقعد والمجابل

الاوليه الخبله:يتمهزلون عليها وتكون موضوع للاطنازه والسخريه لانها هي الي حطت عمرها بهالموقف وخبزن خبزتيه يا الرفله اكليه

ام الثانيه:الي فيها ميزه ملفته للنظر:فإن امدحووها فهم مقدرينها وماعندنا هني مشكله. بس ان ذموها ولا انقدوها بدون سبب وجيه...!! معناتها وواضحه ومايبيلها ذكى غايرين منها وهي اكيد رافعه ضغطهم بدون ماتدري ياااا بجمالها ولا بسنعها ولا بكشختها ولا بذكائها ولا بثقافتها ولا حتى بريلها وعيالها......وهـــني انا اقول انهااكسبت اجر من سبحانه وتعالى ورح تشفط بأذن الله حسناتهم

فاختاري انتي اي وحده فيهم وترتاحين

صفي النيــــــــــه ونامي في البريه حبيبتي
وشعلى الذيب من طقاع العنجه الله يكرموكم


اهووووووووووووو بس عطونه سامريه سبب قلبي اعيونه هيضني وتولع خاطري بالراعبيه

Mommy S said...

waaaaaaaaaaai...3ayal annah shagool...
maita 3ala going back to the states ... mako a7la min el freedom o 3ala gooltich mo shar6 enny ga3ed asawee shai ghala6...bas enny asawee kel shai o ma a7aty el awadem esh begoloon 3aney..yakhy baroo7 el jam3eya behdoom el bait kaify..
bel Q8 entai mo mulk urself...intai ya bent eflan wella murt eflan wella um eflan ...
shensawee ba3ad amurna lallah..7emdellah 3ala kel 7al



I WANT TO GO BACK TO COLUMBIA

الاء سعود المجيبل said...

وي وي وي سجوووو علاااااااامج مشتطططه حدج وتعليقج اكثر من مرة موجود هههههههههههههههههه

===

ريما....انا متبعه قاعده كيفي وعادي واللي مو عاجبه يطق راسه بالطوفه وساعات اقول حجوه ثانيه اجعم اللي جدامي بس ما اقدر اقولها هني هههههههههههههههههه


وبعدين احلى شيء بالدنيا الريوق الصبح واااااااااااو غرامي يم يم احس بانتعاااش وياما سويتها واااايد وحلاتها تيي فجأه يعني ما اخطط لها وساعات تييني حاله وانا بالدوام لازم اطلع الحين الحين واروح اتريق بره تلقيني ادقدق على كل رفيجاتي خواتي امي كلهم لين يرضى احد يطلع معاي لووووووووووول

وعلى طاري برستيج السوق !!

ذاك اليوم طلعت ويا رفيجتي قلنا بنروح المارينا الظهر نتغدى

الله وكيلج لقيت العالم كلها جنهم رايحين عرس @@

هاااااااااااو الساعه 2 الظهر ولابسين لماعي ؟؟؟ ترتر والله ترتر ذهبي وفضي هههههههههههه

وعلامي انا لابسه ثري كوارتر وجاكيت وجوتي رياااضه @@ اشفيني غير لوووووووووووووووول والله مت مت من الظحك عليهم حتى الشباب والله اشدعووووووووه اشصااااااااااااير والله الساعه 2 الظهر والشمس ذابحتنا لووووول


اقولج اذا ما لقيتي احد يتريق معاج قوليلي انا موجوده ههههههههه

albandry said...

وووووويييييي صادسة خويتي ريوم

هذي سالفة الريوق 100 ب100وياج
يضيق خلقي اشتهي اتريق مالقى اللا التدقر من ريلي رفيجاتي

السينما امقطعة صادجة

انا السفر حبيته لانه ريلي عنده شخصية مزدوجة من نروح برة انسان ثاني ياحلاته كل شي عادي كلله كيفج
اطلع البس اروح اسوي اللي ابيه

ومن نشوف خليجي ينعفس
المزاج الطلعة الحجي
حاجة تانية خالص والله
لا والله خيتي الوم اللي يلومج صادجة انا وياج 100000000درجة



وذكرتيني عالجاري حتى انا قاللي وديه المزرعة واللا الشاليه هيهيهيهيهي

وتوني رحت يستلم جنطتي من الصالحية ابطريجي بتريننج وبدون كحلة حتى واللا اللي بالمحل شومدام سلامات مريضة هاو مافيني شي بس مريحة ومرتاحة عادي



يبا عيشي باللي تقدرين عليه واستمتعي بالموجود
كن جميلا ترى لبوجود جميلا ياجميل
:)

Hassan Q Al Qallaf said...

المسألة لاهي عادات ولا تقاليد
الموضوع يتعلق بالقيم و الإعتقاد اللي يتبعونه الناس اهني بهالديرة الطيبة

واذا بنمشي على العادات و التقاليد حتى و ان كانت أحيانا خطأ .. شالفرق بينا و بين اللي كانوا يقولون رأينا آباءنا و أجدادنا كذلك يفعلون!!! ممم ألحين شفنا او سمعنا الناس يحشون .. يعني في علاقة نوعا ما

السفر .. آخ بس آخ
مابي اسوي دعاية لجريدة الوطن .. بس دشوا على برنامج تلفزيونهم سكة سفر و تحديدا رحلة اسبانيا و شوفوا المقابلات .. في أحدها يسوون مقابلة مع احدى الأمهات المحجبات و العباية على الراس!!! يقولها المذيع اشيابكم اهني .. تقول مو حقنا حق البنات يبون بحر و شمس و برونزاج !!!!؟
يعني يكون مثال بالبرهان معطيكم

و هم سالفة اللي يركبون الطيارة بملابس و ينزلون بشي مغاير في الديرة اللي رايحينلها

هذا اللي اسميه نفاق اجتماعي ديني تربوي أخلاقي .... و يا حلاة الثقة بالنفس ... الأقتناع بالمعتقدات قولاً و فعلاً

Яeema said...

سامريه

يه يه يه يه يايبه اليهده بالكومنت بعد عمري عمرج و الله


أقولج شي

كلهم قالوا سوي و ما عليج من الناس

بس يختج في شي داخل ما يخليني أسوي


ما أدري ليش كبرت؟


يضل أبي أحد أتكل عليه يسويها وياي و ما أرضي إلا زوجي


يختج و الله ليه الريل صاطر يمج ما يفتحون حلجهم

ماكو مغازل

نختار الوقت إللي يكون ليل
يعني ما إتبين الملامح 100%؛


علي طاري لبرستيج
ههههههههه

ما أعبر ، أعمله ألف حساب

أهوا ما أدري ليش السيكل عادي و القاري عيب؟؟

ودي أفهم هالنقطه




-------------------

ونصيحتي وأنا أخيتج: لا تطالعين الناس وتحاتينهم بكل شي لدرجة يصيرون هاجس عندج، ولا تسفهينهم إلى درجة تعطينهم مجال يتكلمون وينقدون عليج! وازني بين هالأمرين.
------------------------

نصيحتج علي العين و الراس
و عدل كلامج

هذا إللي أبيه
ليش أعطيهم مجال للكلام



علي الكومنت و الإطاله
قريته 5 مرات

عجبني وايد

و الله أصلا هذي الزبده

Яeema said...

الحجيه

عدل كلامج
لا الحمدالله ما أعاسر أحد

أنا بس أتحلطم بيني و بين نفسي و بالبلوق

أصلا زوجي من يشوفني خامرة يقول ها سفرة 4 أيام؟؟؟


يدري عارف إني أسمع الكلام و محترمه جدا عاداتنا و تقاليدنا بالكويت

هم أقول الحمدالله بعد في متنفس بالسفر إشوي




kitty

حلوة طريقه التنكر

ههههههههههههه

بقعد وياج إنشوف لنا صرفه



مو أنا هذا إللي حارني
جم مرة بنعيش

و لو بتشوفين بتتعبين

بس صحيح كلامج
الوقت و الزمان و المكان

Яeema said...

lawyer

حبيبت عمري إنتي

ما يصير علي كيفنه إنسوي إللي نبي


زوجي مو قامتني كثر ما أداري

و إنتي أكثر وحدة تدرين إشكر أهوا ما يقول


بس لما إتكونين في وضع مسؤوله عن بيت و إعيال

يصير الوضع غير

أول قبل لا أتزوج ضاربه درب ويا عمي من الفنطاس ليه بنيدر

و الدنيا كلتني بلسانهم
بس ماكان يهمني

لأن عمي وياي

بس الوضع تغير الحين
ما نقدر إنسوي شي من وراهم

و أنا مو قاعدة أتذمر علي جنسيتي إني كويتيه

أنا أتحلطم عن المجتمع

إتلاقينها إتسوي أرجي من جذي و عادي
بس هالشي لأ

سألت وايد ويانا بالدوام
قتلهم المكان مارينا
و أنا أسوق القاري

شنو ردت فعلكم


كلهم بلا إستثناء قالوا عييييييييييييييييييييب
إنتي أم

و بس خلاص هالأشياء ما يسوونها إلا المراهقين


و أنا أقولج سألت ناس فرييي
و سألت ناس مو فري بس متمسكبن بالعادات إشوي


سألت مصري بعد

يقوللي لو مصريه عادي
بس كويتيه؟؟؟
أو خليجيه؟؟؟
عيييب
لأن الناس ما ينظرون إنها رياضه

ينظرون بنظرة بايخه

--------------------

و بعدين إييي أكيد لازم أحسب حساب الناس إشوي
ما أكووون كيييرليس بالمرة و أضرب الدنيا عرض الحيط


و ليش أعطي المجال للنقد و إلا أكون حجوة بعلوج الناس

تدرين الكويت صغيرة
نمشي و إنسلم



برة مو مطاعم كثر ما إهي إنطلاقه للحياة

ههههههههه

و حدي ودي أنطلق وياج مرة من المرات

و الله الأكل ما إتقربين صوبه

ههههههههههههههههه
هههههههههههههههههه



ريوق الكويت لازم إتقوليلي قبلها
مو قاعد سهرانه بالنت ليه الأربع و قومي تريقي
:p

تعالي!!!!؛
أنا وياج متواعدين اليمعه!!!؛

و معطيتج الموعد قبلها بسبوع





علي طاري ريلي
لازم لازم أعمل حساب إللي يعملهم حساب
مو طيب مني
بس طاعة الزوج واجبه


مو عشان أرتاح تالي

ما أحب أعاسر تدرين فيني

و مالج شغل فيني أسوي روحي مسكينه عشان أسافر

فيني فيني سفرة
هههههههههههه
هههههههههههههه


كل هاللويه مو لويه قاري أنا أدري







وصال

عادي عادي
لا إتعاسرين

الريل أهوا إللي عايشه وياه العمر كله ، مو الناس

مدام يخليج إتسوين إللي تبين برة
فهذي ميزة بعد
الواحد يحمد ربه عليها

لأن صعب إتغيرين عقليه الريال

Яeema said...

sologa-bologa

من أمه مرتاحييييييين

بس كويتيين ما يعبرون ما يخزون و يعلقون






q8y_saint

والله إتصدق
بالشاليهات ما أدري ليش غير

والله إنك إتمر يم شباب و يدري إنت من بيته ينزل راسه


والله كل كلامك عدل

و إلا ليش الإنفصام بالشخصيه بالنسبه للرياييل؟؟

لأن شايف و سامع الكلام إللي يحر

Яeema said...

shakshaka

تدرين ليييش؟؟؟

لأن بنا يالبنات ما يصير إتكون أشكالنا مو متناسقه

وحدة سبورت و ماكو ماك أب
ووحده وسط
ووحده كاشخه رايحه ويا أمها إستقبال و مرتنا بالقهوة و ما مداها إتبدل

و إللي تبي تكشخ يمكن إتشوف أحد و يعجب فيها
و إلا إمواعده أحد

و إلا ليش بنات هالوقت 24 ساعه مزهلقين؟؟؟؟


يعني ما أدري ديرتنا كل ماله الشي و يصير صعب

و صج موضوع يحر


و علي طاري الترينج

المصيبه ما يصلح حق أي أحد

صااار فتنه
ههههههههههههههه
ههههههههههههههههههه





pearl

بالضبط
لا يسوي مثلي!!!؛

ليييش فارضين علينا قيودهم

ليش ما يتقبلوني؟؟

Яeema said...

smile

i will try to live in between as i said

لا أخربها و ما أداري أحد
و هم لا يصير همي الناس بعد




الخمس كومنتات نأكيد للكلام و إلا خطأ مطبعي؟؟؟





mosan mosan

the problem that they dont look at it as a biking sport???
and they dont know that i always do it b4 i got marriade!

and they dont know that i miss it as well!

they will see it as i am doing a showoff!

how come a mother riding with her kids in public???

i have to give respect to my small family, i cant do what i use to do it when i was single

الحجيه said...

السلام عليكم جميعا

ريم قولي آمين أنشاء الله ربي يسخر لج الخير كله ويطمن بالج و يعطيج على نيتج اللهم آمين

ريم بالكويت ما في نوادي يقدر الواحد يسوق الدراجة الهوائية الغير ثابتة ؟

Яeema said...

mamlo7a q8ia
من وين شارين قواريكم؟؟؟
اليوم شفت قواري إعجبتني بمركز سلطان

تهددت أشتري واحد بس تعوذت من أبليس
قلت أستأذن أول من زوجي

هههههههههههه
هههههههههههههههه


إيييي أخاف
نيو ييير مو وقته يمد البوز



anonymouse

هههههههههههههههههه
ههههههههههههههههههههههه

خير خير
خرعتيني يا حافظ

ليش خرابيط!!!؛

كل الناس صارت إتحب البساطه!!!؛


من وين يايبه هالحجي؟؟

يا إنج تتسوين لمدة ساعه وحدة من العشر ليه 11

أو إن الشوبينق مالج بمكان غير عن إللي إحنا نشوفه


إنتي شفتي جنطه ألأ في
أم 1200 دينار جم وحدة شايلتها حق الصالون؟؟؟

شفتي مارينا يوم اليمعه الساعه 3 الظهر؟؟؟


شفتي المطاعم يوم الثلاثاء؟

يا إنج مو بالكويت عايشه
و إلا إنج مو من الناس إللي يثبتون


عقب بوستي هذا إخذيلج كرسي بزاويه لينوتر

و لا تاكلين؟؟
عزمي إللي وياج

و قعدي تطمشي علي الرايح و الياي


هذا اليمعه مارينا

أما الصالحيه الخميس فقعدي بستار بكس
و ثبتي الباب إللي إييون منه من برة إللي بالنص

و قولي البنات بسيطين


خبرج بالدنيا قبل الغزو
هههههههههه
ههههههههههههه

صار ترتر الصبح

و هالسنه الموده ذهبي
فتعبانبن علي اللوك
و إنتي تقولون خرابيط




-----------------------
و إذا ما تقدرين تعيشين في الكويت هاجري
الكويت مو محتاجة وحدة تافهة مثلج
و غيرج مليون يتمنون تراب هالأرض الغالية
حمدي ربج على النعمة اللي إنتي فيها بس!
و بسّج تعنفق

-------

ليييييش هالهجوم؟؟
ههههههههههه
ههههههههههههههههه

و بعدين قاعدة أتحلطم
كييييييييفي

و بعدين الكويت بدوني ما تسوه أصلا

ههههههههه

و الله ما أدري إن الرد بيكون عنيف

قاعدة أتحلطم علي العادات و التقاليد

مو الكويت كبلدي

got it???
:p

نبي تركيز نبي تركيز إشوي

و ترا أهلي بالغزو رفضوا الخروج و فضلوا يموتون علي تراب هالديرة


بس المصيبه بإللي ما يقدر هالشي و قاعد يعفسها

و يعفسنا إحنا أهل الديرة

صرنا غريبين بديرتنا
و هذا إللي يحر

--------------------------

الحمد الله طلعتي طبيعيه علي القاري


يبا بس هونت ما أبي قاااااااري

ذبحتونا

:(


( i am joking with you :p )

مالج شغل فيني أخذت سيكل بنتي اليوم و رحت البقاله
و ردفت ولدي بعد

ههههههههههه

بس بالخش و الدس

بشوف ردت فعل الفريج باجر
إذا أوكي

بردفج ويانا المرة اليايه

ههههههههههههه

و الله ضحك يوم شفت الشطه بالكومنت

الله يوسع صدرج

ما أدري إنتي إنتي و إلا إنت إنت

فجج الحجي تالي

إتششككون بوطنيتي بسبه بوست
الله الدنيا

:/

لطيف said...

مساكين إنتوا
وبالذات إنتي راحت عليج
لأنك توك دخلتي الثلاثينات
ومجتعنا الى أكثر تشدد وتعقد
ما كو إلا الشاليه
العوض ولا القطيعة
متضامن بس مو بإيد
;)

Яeema said...

أم الحفيز

ههههههههههههههههه

هذا السؤال إللي معروف جوابه

أنا لو ما أدري عن العقليه جان ما كتبت هالبوست

بس إبتلشنا و لازم إنجاري إشوي

ما إنصير فالتووو



زهبت الخيمه يالله حياكم السامري بيشتغل قريبا جدا

هههههههه

دكتور عالجني


shaikhoona

هاااااااااااااا
و شهد شاهد من أهله

بس هني بيت القصيد

أسوي الشي و ما أحاتي الأوادم


بالضبط أنا بالكويت بنت فلان
و مرت فلان
و إخت فلان
و بنت خالت فلان
و نسايب بيت فلان

إشدعوووووووووووووووووه!!!؛

لازم الناس إتغير
بس تعبنا من مجتمعنا







q8ya

يعني أنا ما ودي أضرب الناس بالحيط؟؟؟

بس المشكله لقراب يتكلمون أكثر من لبعاد

مثل مرة لابسه جينز ضيج إشوي
و إلا خالتي تقوللي إشلون ريلج يخليج تطلعين جذي؟؟؟

لا حول و لا قوة إلا بالله

شسوي بعمري
شرد؟؟؟
والله مو مغري!!!!؛
و الله أنا ضعيفه و لو زوجي شايفه ضيج جان ما خلاني أطلع!


المرة اليايه تعمدت أطلع فيه وياها ووويا زوجي

صدقيني ما تكلمت من شويه

:(

Яeema said...

albandery

حاسه فيني بعد عمري عمرج و الله

بنسويلنا حزب

لا لإزدواجيه الرجل


بذمتج ما ودج طاير فيج 24 ساعة برة الدير؟؟؟


ههههههههههههه
ههههههههههههههه

مو ليييش أحب السفر
أبي شخصيه بويوسف سفر إمسميتها





life drama

أشوه لبسي هذا أهوا برة و داخل

بس الأنشطه تتغير

يصير فيها تعاون
الجم أثنينه إنروح و بنفس المكان

القاري
أثنينا إنسوق و إنتمشي


نمشي رياضه الساعة 1 باليل محد يقول إشفي هذا مينون أهوا و مرته يمشون بالوحدة؟؟؟


عرفت أي قيود؟؟

مرة كنا سهرانين
و يعنا
لو برة الكويت جان عادي تمشينا يم أقرب فرع بنزين و نشتري حليب و بسكوت

بالكويت من صجك إتروح الجمعيه الساعه 4 الفير مثلا؟؟؟

شيقولون الجيران عنا؟؟

خالتي تفضحنا
عبالها فينا شي و إلا واحد من لعيال مسخن

هالأشياء إللي ما إتضر إذا سويتها

بس تثير الشبهات حواليك


أي ثقه
المجتمع ما يرحم
و خصوصا الحريم

Яeema said...

الحجيه
اللهم أمييييييييييييين
و كل من يقرا هالدعوة له بثلها يا رب


الحجيه
هم نوادي و قمته؟؟
في في
بالشاليه




لطيف

راحت علي هااااااااا

زعلت و ماني راده عليك بعد

30 عز شبابي و طاقتي!!!؛`s


دقرني أزيد لو سمحت

أشوني ما أعرف
جان دست بمردانك


حتي تضامنك ما أبي
مشكووووووووووور

:(

Anonymous said...

لا والله أنا قاعدة أتكلم عن الكويت اليوم
الناس اللي إنتي تشوفينهم هلاقة
الناس الستايل يفضلون ال simple look
الأماكن اللي قلتيها في الأوقات اللي قلتيها أدري فيهم أوقات قززز الهيلق يا حلوة
روحي هالأماكن في غير هالأيام و شوفي ال look على أصوله

;p

Anonymous said...

لا والله أنا قاعدة أتكلم عن الكويت اليوم
الناس اللي إنتي تشوفينهم هلاقة
الناس الستايل يفضلون ال
simple look
الأماكن اللي قلتيها في الأوقات اللي قلتيها أدري فيهم أوقات قززز الهيلق يا حلوة
روحي هالأماكن في غير هالأيام و شوفي ال
look
على أصوله

;p

Яeema said...

anonymouse
والله بيني و بينك
الناس إللي مو هيلق
أصلا بالويك إند يا الشاليهات يا مسافرين

و الناس إللي تقول سمبل لووووك

إتشوفهم برة أكثر من الكويت

أبي إتقوليي أو تقوليلي
الأوقات اللي فيها السمبل لوووك



simple training suite and a bag with 1000 kd ??
or training suite and a watch with a 15000 kd???

;p

أنا أدري عن شنو قاعدة أتكلم عنه
إحنا بالسفر حتي ساعات ما نلبس

بالكويت و في المحلات يشوف ساعتك كشخه و الجنه بياعه المحل إتعاملك زين


أما برة أدخل محل ديوور و لابسه خلاجين زارا و شعري ممولح من البحر ودها إتبيعلي المحل كله
و الله إني أستحي أقولها طلعيلي
و إهيا تقول بس شوفي مو ل ازم تشترين


إسمحلي

الكويت غير و برة غير

Яeema said...

سامريه

هاهاهاهاهاهاها

والله ودي ودي
متهدده

بس هالحزة عواصف بلبنان

مرة رحت بالكريسمس و إنحكرت بالفندق بسبه عاصفه


و تدرين إسم الله عليهم لبنان تعبانين علي البنيه التحتيه حق ديرتهم
و الطرق ماشاء الله مرصفه عدل


أقوووول؟؟؟
ما تبين إنروح دبي حق الثلج؟؟

على الأقل ما إنتمشي و بالسيارة بازوكه


الله يهدي الجميع بلبنان
خربوها لا بارك الله فيهم

Mamloo7a Q8ia said...

شارين قوارينا من
ACE hardware
وناس من شارع خالد بن الوليد في شرق
بس تصدقين قواريهم احسن من اللي شارين من ايس
ولا يا معوده كل شيء ولا بوز بو يوسف
طاعة الزوج واجبه
بس متى ما وافق نحن يالانتظار

Anonymous said...

لا عيوني حتى برّة الكويت ينفسوون عليج إذا ما شريتي
مو كل محل بالكويت يعاملونج مو زين إذا إنتي مو كاشخة
ولا كل محل برّة يعاملونج زين إذا إنتي امهتملة
إنتي وايد قاعدة تبالغين
و تخورينه
و مو كل السنعين يروحون شاليهات و يسافرون في الويك إند
وايد من الهيلق يروحون شاليهات و يسافرون
إحنا قاعدين نتكلم عن ال
look
and yes if u wear a sweat shirt with pants and a kd4000 watch + a kd2000 handbag ur still look simple!
ترى إهيا مو بالقيمة المادية تحكمين إذا سمبل ولّا خبّة
its the look hon,
the LOOK ;p

3ajayeb said...

كلامج كله صح !!!!!
انا ما ابي اسوق قاري
ولا ابي ألبس ترينج سوت واروح الصالحيه
ولا أبي اسوق سيكل
أنا ابي شي واحد بس
أبي الناس تبطل خز
مابي أحد يخزني
انتوا طالعين تتمشون
والا طالعين رحلة خز بس مالهم شغل إلا الخز بالمجمعات خز بالمطاعم خز تتمشى خز
ما عندكم شي تسوونه غير الخز !!!؟
حتى الزحمه في الشوارع سببها الخز واللقافه
توقف في الشارع نص ساعه السير واقف
ما يمشي ... ندعي يالله سترك عسى مو حادث
ولما يمشي السير وتتسهل !!!
والا تشوف سياره صافطه على اليسار خربانه وكل من مر لزم بريك والتفت وعطل اللي وراه ...
صج لقافه ........ افففففففف

شرايكم بمشروع قرار
منع الخز في الكويت !!!؟

الله تخيلوا تمشون ومحد يلتفت عليكم
ولا احد عليه من احد وكل واحد بحاله
الله يا ريما لو يقرون هالقانون
جان عادي قارييج وعلى كيف كيفج
آه يا ريما هالناس بس همهم التعليق
على خلق الله ونحسب لهم الف حساب
وإن صار لج مشكله أو تبين أحد منهم يمج
ما تلقين أحد ...
لا فايده ولا عايده
بس شاطرين بالكلام
والا فعل ماكو

yokin2007 said...

لووووووووووول
والله عجيب
احلى شى الاشكال الى نشوفها بالسوق وقت التطمش
صح كلامج بره ناخذ راحتنا

فى رايى كل واحد يقرر نظرة الناس له..لا يهمونك الناس وسو الى تبيه

الله يخلى لج زوجهاوا
هلج

ام الحفيز said...

ريـــــــــم
حبيبتي لا تعورين راسج....كل مجتمع صغير تصير فيه هالظاهره....على سبيل المثال اذا درستي بجامعه جبيررره تضيعين بينهم ومحد عليه من احد بس اذا درستي بكولج او كليه فمجتمعات الكليات صغيره وكلمن يعرف الكل ويصير الحش والمخوزر...فنفس شي حتى لوس انيولوس
السلبريتيز متضايقين ولو تتمشى بسوق مركزي مع اعيالها و لو قعدت بمطعم ولا مقهى لحقتها الكاميرات والجمهور بس لو هي بولايه ثانيه جان محد درى عن هوى دارها

وبيني وبينج يختي خليهم يخزززون اكيد فيني شي عاجبهم ومو حاصلهم وااااااي ونـــــــــــــــــــــــاسه
احلى شي الثـــــــــــقه يا ماما

Anonymous said...

الواحد لا شعوريا لما يدش عندج لازم يتحمد الله ويتشكر ..!!

تدرين ليش على الغثا اللي انتي فيه ..

=========================
لأني بنت فلان ، لأني زوجه فلان !
===========================
ترى انتي مسكينه ... والله جد ... فحصي على نفسج ..

حبيبتي في تريننج سوت عن تريننج سوت يفرق ... وفي سحنه ويه عن غيرها تفرق ... ما سألتي نفسج يمكن يطالعونج من الجكر اللي انتي فيه !

ويعني ما فيه إلا حُمره حَمره ! يا اكون ماكله ياهل يا بلالالا ...

بعدين يا حبيبتي يا بعد عمري ... ريلج مل من ويهج ما يبي يطلع معاج شلون !!

==================================
لا إتقولولي إشعلي من الناس ، ما أقدر برستيجي ما يسمح.
===================================

بلالالالالالالالا حلالالالا .... ما ادري منو عاد !
===================================
والله إللي يدخل مخي ويشوف إشلون إن هالأشياء التافه الحمد الله أنا بعيده كل البعد عنها.
===================================

أي واضح جدا كوضوح الشمس ..محد راح يدخل مخك .. انتي نشرتي غسيلج ..

==================
ماراح أربي خلق الله
==================

أنا أقول رممي نفسج .. واشتغلي على شخصيتج أبرك .. لأنج يا ريما اثبتي وبكل جداره أنج مو شايفه خير بالمره ....

والدليل ذكرج على كل كبيره وصغيره بمعنى وبغير معنى .. انج من سكان المنطقه الفلانيه وأن انتي شي كبير وأهلج شي كبير ..ولبستي الماركه الفلانيه .. وسافرتي حق الدولة الفلانيه .. وريلي حطلي وسولي .. وترى عيالي انجليش سكووول .. وغيره من الأفلام ..وغيره من التشيحط ..

ترى ويييييييييع .. صج صج وييع .. بسج يا بنت الفقر .!

Anonymous said...

عاد انتم يالبنات حدّث ولا حرج

المشكله ان مافيه شي عاجبكم

اللي تقول ودها تتمشى في السوق بشلحه
واللي تبي نحط سرير نومها بالحديقه

شقول شخلي ..
//////
تحياتي
عيّاش المرطه

Яeema said...

mamloo7a q8ia

thanks sweety
i will try to go their !

توهم جدت عيالي رايحه شارع بن الوليد
علي قشمرة قلت لييش ما شريتيلي قاري أسوق ويا عيالي

عينج ما إتشوف إلا النووووووووور

هههههههههههههههههههه
ههههههههههههههههههه

no comment :(


سامريه

خلاااااااااااص
إنتي القايد مالنا
فصلي الرحلة و إحنا نلبس

هههههههههههههه
ههههههههههههههههه

صح كلامج
خلاص أبس عتاري حمر إذا قعت بالقهوة أشوفها

لووووووووووول

Яeema said...

anoynmouse

enshallah enshallah !!

ما أقول إلا الله يصبرني علي بلواي






3ajayib

وااااي إتصدقين كلامج منطقي


الخز و الله ينرفز إتحسين جن إللي إتسوينه غلط!؛
و إلا تعديتي علي حرمة الغير!؛

Яeema said...

yokin2007

الله يسلمك يا رب

يا زييين دعوتك


ديرتنه فله و الله






أم الحفيز

--------------

وبيني وبينج يختي خليهم يخزززون اكيد فيني شي عاجبهم ومو حاصلهم وااااااي ونـــــــــــــــــــــــاسه
احلى شي الثـــــــــــقه يا ماما
------------------


هههههههههههههههه
ههههههههههههههههههههه

واااااااااااايد إعجبتني


إييي إييي ناقصني الثقه
صااااااااااجه

عيل ألبس شورتي و أتمشي بالقاري؟؟؟


هههههههههههه
أكيد العذال

Яeema said...

anonymouse


أولا زييييييييين كل ما تدخل بلوقي إتحمد ربك

كسبت فيك أجر

ههههههههههههههههههه
ههههههههههههههههههههههه

يالله يوسع عليك دنيا و آخرة قووووووول أميييييييييييين


تدري من صجي من زمان
والله العظيم من زمان ما ضحكت كثر ما ضحكت علي الكومنت مالتك

من كثر ما الكومنت مضحكه ما أدري شرد

هههههههههههههههه
هههههههههههههههههههه
هههههههههههههههههههههههه


والله أخاف بريستيجي يطييييييح



بس ما أقول إلا الله لا يحطني في موقف إللي أخلي الناس تضحك علي مثل ما ضحكت عليك اليوم



و إللي مضحكني أزيد إنك وعليه تعبان علي الكوبي بيست
و التنسيق

و بالتالي تطلع بالشينه

يا عوينتي عليك بس


عرفت ليش بهج من الديرة؟؟

لن مثلك و شرواك بدوا يكثرون بالديرة جنهم دود


و بعدين حتي لو بنت فقر
ليييش تكسر بخاطري و ما إتخليني أتشيحط؟؟؟

يااات علي أنا المسكينه

ههههههههههههههه
ههههههههههههههههههههه

واااااااااااااااااي يا حلوك و الله يا زينك

عالم آخر إسم الله عليك


ربي يحفظلك تحليلات إللي مثل الكومنت مالتك

إللي مالها أي أساس من الصحه

و إلا أقولك شي؟؟؟؟


ترا كلامك عدل مدل
من اول الكومنت ليييه آخره



رضيت عني الحين؟؟؟

إنزين
إذا ما كتبت عن نفسي في بلوقي

ويين أكتب؟؟؟
علي صماخك؟؟؟



ههههههههههههه
هههههههههههههههههههه

أمبيييييييييييه
فصلت من الضحك!!!!!؛

حلاتي ما أفصل!!!؛

برستيجي برستيجي

ههههههههههههههه
ههههههههههههههههههههه

sorry walla

fo9alt 3alik hal marra



أهم شي لا شعوريا مالتك هذي


عاد تونا قايلين مفتكين من أشكالكم من زمان ما ضحكنا

Яeema said...

anonymouse

يالله بعد إخذونا علي قد حالنا

تحملونا إحنا يالبنات


وبعدين مو إسمها شلحه

إسمها
قوملق


ههههههههههههه
ههههههههههههههه

الله يستر اليوم ضحكت وايد

شكلي بييلي إبعاد

Яeema said...

يخاطبني السفيه بكل قبح ..... فأكره أن أكون له مجيبا
يزيد سفاهة فأزيد حلما ..... كعود زاده الإحراق طيبا




يا سلام عليك يالإمام الشافعي


و إللي علي راسه بطحه يحسس عليها

ههههههههههه
ههههههههههههه


لا فصلت رسمي


لا بارك الله بالسوشي
و لا إللي يشرب عقب السوشي رد بووووووووووووول


كيتي
كيتي

لحقي علي

إنتي الوحيده إللي إتعرفين هالشعور


يا جماعه شعور حده أو كي

Anonymous said...

بسج يمعوده لسانج طاح عندي .... لهاتج طلعت ....

والله ماكو أحد مضحك عليه الناس إلا غيرج وبوستاتج المليقه ... يا تافهة ..

والله اللي قال عنج تعانين من الحقران الزوجي ما غلط ! ..

وآنا أزيد عليه انج بنت فقر ..ولا أكو أسلوب ولا اتعرفين السنع ..

لا انتي ولا كل منافق معطيج اكبر من حجمج ...

وانتي واضح جدا ان الواحد سهل يستفزج لأن شخصيتج وكلامج مليان ثغرات ونواقص ..


يا عيوز النــــــــــــار ..

Яeema said...

ويييييييييييييييييييه
لي هالدرجه قاثتك؟؟؟؟

و من قال أنا أكتب حق الناس

و بعدين لازم تستانس

يقولك الضحك يطول العمر


و بعدين إشحارك إنت؟؟؟

كيفي بكتب شي تافه


الدستور كافل لي هالحق





يالله خن ثقفك إشوي
مدام النفس راضيه عليك



مادة 36 حرية الراي والبحث العلمي مكفولة ، ولكل انسان حق التعبير عن رايه ونشره بالقول او الكتابة او غيرهما ، وذلك وفقا للشروط والاوضاع التي يبينها القانون



:p

يعني بما إن عندي جنسيه كويتيه
فينطبق علي هالمادة من القانون

و إذا مو عاجبتك
عنك حل من أثنين


يا تشتكي علي بالمخفر

يا تقرا و تنقث من بوستاتي عشان أستانس

هههههههههههه
هههههههههههههههه

Яeema said...

أهم شي إنك مجابل بلوقي عشان أرد عليك


ههههههههههههه
هههههههههههههه

أمبيه مسخرة الصراحه

أكو ناس فاضيه و ما عندها شغل؟؟؟


إنزين أنا البلوق بلوقي و بجابله و يطلعلي بالمسنجر إن أكو كومنت

إنت بالله ليش إمجابله؟؟

لا أدفعلك معاش و لا شي


أنا ما أقول إلا تعوذ من إبليس و أهله و روح إقرالك شي مفيد أحسنلك من بلوقي

Anonymous said...

مساء الخير ريما

يا حلوج ويا حلو مواضيعج

تدرين كل يوم ادخل صفحتج عشان اقرى بوستج

انا الصراحه حبيت شخصيتج

والله ودي اتعرف عليج واشوفج عشان اشوف انتي نفس الصوره اللي في بالي والا غير


وسلامتج

Яeema said...

وصال

هذي أنا
طبيعيه حالي حال أي بنت

و إللي إتشوفينا إهني نفسه برة

و أقصد مع ربعي

لأن تدرين مو كل شي إتعرفينه إتقولينه بالصج و جدام الناس


في ناس متفهمه
و في ناس ما إتقبلج

و لازم تحترمين الأثنين

و تحتفظين بأفكارج لج
و حق لقراب حيل منج



سإلي كيتي
لوير
عني
أنا ما أشوف شخصيتي

لطيف said...

تصحيح
كلش ولا زعلك
وإن كنت أول مرة أعلق عندك
ما قصدته إن مو مبين في أمل بالكويت تتغير الأوضاع على مدى عمري وعمرك
ولا يحوشك تدوسين بمرداني
آنا زاير عندك وواجب علي إحترامك
وما عاش من يدقر فيك
وتعيش ريما
:)

Яeema said...

لطيف

كنت أضحك وياك ، أحب أسوي جو بالبلوق و بالتعليقات

حياك الله بيتك و مكانك
و العين قبل النت


بس للزمن نصيحه

لو المرا إتصك السبعين هم قولها
إنتي لسه صغيرة و حلوة

هههههههه

بالنهايه إحنا كلنا أخوان
و حياك الله بكل وقت
و إنشاء الله ما تكون الزيارة الأولي

ام الحفيز said...

ريــــــــــــــــما

تعرفين اغناية عايده الشاعر

كايده العووووذال وانا من يوووووومي إيوووواه اه

على طووووول غنيها يماااه وتبخري بشبه وحرمل ورشي على عمرج ملححححح لا ينضلوووونج.......يختي فقعتي مرارة المجهوووول الي يعلق على بوستج
وواااي مت من الضحك....و يا بررررررررررودج وسعة صدرج....مع ان الجو بارد بس تعليقاتج حاره بـــ..حار
ياربي اقولك ثور تقولي احلبه مو عاجبك البوست اشحقى تعلق اصلا وفصلا

ما علينا

عطووووووووونا خاطري طاب من ذاك الفريج

Anonymous said...

منو هالرداحة إللي فوق؟

ريما إذا عندج عضاضة تكفين عطيه خليعلب فيها

سؤال جوهري، الريح الخايس شو يصير لك؟

Anonymous said...

Ana Ma3a Seyast ..

" SH3ALAY ANA MIN IL NAS oO SH3ALA IL NAS MINI .. "

7adeeeeeeeeeeeeeeeee Merta7a :D

DiLLi O MiLLi said...

عزيزتي ريما
شعورج وتصرفاتك هي عين السنع .... أحنا بالكويت تحكمنا عادات وتقاليد "وسلوكيات معينه" تعودنا عليها وما نقدر أنغيرها وأدري أن بعضها سخيف بس ما نقدر أنغيرها ألحين وبهالعمر ... ونعم أنداري الناس خوفاً على سمعتنا

وأعتقد بوستج يتطرق للسلوكيات أكثر من عادات وتقاليد

حجوة "أنا أسوي اللي أبيه وما علي من الناس" كل واحد يطبقها على كيفه وعلى راحته وبالطريقه اللي تعجبه مثال من عندج : روحة الصالحيه بترينغ سوت وماكو مكياج أنتي ماتقدرين أتسوينها لأنك مو متعوده ... أنتي متعوده علي التزقرت وهذا سنع ولا تخلينهم يغيرونك أنا أحب أشوف المرتبه والمزقرته :) خاصه في مثل هالأماكن والترينج سوت له مكان ثاني مو الصالحيه، وممكن وحده غيرج تروح بترينغ سوت كيفها

وسالفة الخز يا عزيزتي أيضا سلوكيات وطبع في الكويتيين ولازم أنتعود عليه عشان يصير الموضوع بالنسبه لنا طبيعي والخز عندنا سواءًً كاشخه أو أمتبهذله

ههههههه....يحليله ريلج تِبكل كويتي ، هاوديه ... ذابحج القاري ؟ أمشي أشفيه المشي؟! وصاج خذيه الشاليه وركبي القاري في الويك أند . ههههههه تشترين خبز ... أنتي شفتي الأشكال اللي واقفه في طابور الخباز الأيراني جنهم طابور مجرمين في مطعم السجن يخرعون كلهم سواق وعمال الهندي البنغالي النيبالي السيلاني الصعيدي الأيراني أنا رحت مره وقلت بعد عوووع أروح مره ثانيه أشلج بالطلايب أشدعوه رايحه تشترين باقييت !؟

ههههههه... كلاكيت ثاني مره "ريلج" هم صاج في السفر جبنتهم وبيضهم وخبزهم وجايهم غير أنا ما أتريق ألا بالسفر

سالفة أذا قعدنا ما حجوتنا ألا فلان وعلان وتعليق على الناس هذي نوع من العادات اللي متعوديين عليها بعض الناس ، وانتي يا ريما أذا مو عاجبتج السوالف حاولي تغيرين الموضوع بذكائج ويتحول النقاش للي تبينه

وفعلا الواحد يعيش البساطه لما يسافر ويكون مرتاح ... بس أنتي يا عزيزتي أذا بطبقين البساطه بالكويت ما راح ترتاحيين لأن تحاتيين حجي الناس وهذا مو غلط ... واللي يقولج سوي اللي تبينه وما عليج من الناس تلقينه ما يطبق هذي المقوله

كل اللي بقوله أن اللي قلتيه ما فيه شي غلط ... الغلط في سلوكيات وأعتقادات و أطباع الناس ... وأذا أنتي مثل ما قلتي لا تقولولي شعلي من الناس !! أنا معاج ... ألا علي ونص من الناس وأخاف من حجيهم لأن هذي فيها سمعه. وأحنا يا ريما متقبلينج مثل ما أنتي .... على الأقل هذي وجهة نظري أنا . وأعتقد أني مصختها بالأسهاب

Яeema said...

والله فشله و مهزله للي قاعد يصير إهي

السامريه

حبيبت قلبي إنتي لا خلا و لا عدم

لا إتعورين راسج بالأشكال
لأنهم بعيدين كل البعد عن لغه البني آدمين و التفاهم و الحوار

فيكون ردج عليهم بالضحك
لأن العقليه محدودة


حرام حرام حرام صج إتضيعين دقيقه من وقتج

للرد عليهم

بالنهايه

لازم إتعرفين شي أساسي

إللي داش و يهاجم ناس ما يعرفهم

شتفسرين هالشي؟؟


و قيسيها إنتي عاد بحكمتج



لو إتشوفين نقطه أساسيه مو عارف الفرق بين البلوق و إللي يبي يتشيحط

لو بتشيحط أتشيحط بالصج
علي الأقل الناس إتشوف

بس إهي إشلون بالله بتشيحط؟؟
إمصورة كبتي كله ؟؟؟

هههههههه

ما أدري ليش ما يبون بنات الكويت يضلون علي بريستيجهم



لازم أصير هيليقيه عشان أعجب؟؟؟

عشان إن وده يصير ذرب بس مو حاصله

وايد أشوف نماين من الناس تنتقد أشياء وايد لو يحصلها ودها إتسوي أزيد

والبلوق ماهو إلا إنكاسات مجتمعنا إللي تغيرت تركيبته

وإلا ما لقى إلا أنا يوريني وقاحته ؟؟
ليش ما يفتل عضلاته علي رياييل مثله

و الله صاج طقته و طقته لحمار واحد

ما أقول إلا الله يصبر أهاه عليه

صراحه ما يوايه

ما تربي بمجالس رياييييل

و خبرج المجالس مدارس

;)

Яeema said...

أم الحفيييييز

لا إتوصين حريص

مو من أولوياتي بالحياة

هههههههههههههه
حدي غنيت جميع أنواع السامري و العدني بعد

ما باقي إلا النت إللي بيرفع ضغطي


ليه وصلت هالمرحله!!!!؛

أنتحر أبركلي


أنا شي واحد يرفع ضغطي هالأيام

بنتي كل يوم ناسيتلي كتاب بالمدرسه و إتقوللي ما علينا واجب

قمت أدز نوتات بالحمر

أنا لازم صج صج أكتب بوست عن النماين الصجيه إللي ترفع الضغط هالأيام

الله يا أهما زايدين و كاثرين بالديرة!!!؛

المجهول حدة رعصه وحدة و كلامه بالزباله مكرم القاري

Яeema said...

bin3li
لا تشغل بالك بهالأشكال

:)


و بعدين هلي طاري العضاضه؟؟؟
غاليه هالأيام
اليورو مرتفع



لو كل كلب عوا ألقمته حجرا
لصار مثقال الحجر بدينار


ما أبي يطلع من وراي فلوووس

هههههههههههه
هههههههههههههههه



سامريه

ما يتحمل الكلام الراقي
إتييله حتشه بلسانه

ههههههههههه
ههههههههههههه

Anonymous said...
This comment has been removed by a blog administrator.
Anonymous said...
This comment has been removed by a blog administrator.
Яeema said...

eyelashes

يا حلوج و الله

أهم شي إنج مرتاحه من إللي قاعدة إتسوينه و مقتنعه في


;)



dillli o milli

هلا هلا و الله
حي الله من زارنا اليوم

ضحكت علي كلمتج الإسهاب

هههههههههه

حبيبتي و الله بيتج و مكانج


---------
السلوك محكوم بالعادات


يعني بالكويت المرا عيب إتدخن
مو لأن التدخين مضر بالصحه

لأن عاداتنا ما تسمح

لو تسمح جان البنات داقين الزقاير مثل ما يدقونها برة



نقطتج صح علي التعود

صج ودنا إن إنروح المطاعم بالفنادق و مو كاشخين مثلا
ما أقصد كشخة عروس
بس اللبس لو بتطالعينا و لا موديل هلحزام إللي بنص الجبد يخليج صج قاعة و مو مرتاحه

أشونه الجينز حل مشاكل وايده

جان علوم

إحنا نص عسارتنا هالأيام عشان الإستقبالات


ما تقدرين إتلوحين مبهذله!!!؛

فشله


أنا وياج بكل كلمه قلتيها


المصيبه فينا ما نقدر بالكويت إنتخلي


أنا أمي مرة دشت علي البيت و أمي نوعها دينه

تقوللي
يا حافظ ليييش ماكو كحله!؛

خلي ريلج يدخل عليج و ويهج منور
ههههههه

و زوجي يقوللي لا إتحطين شي بويهج لا بالبيت و لا بالشاليه و لا بالسفر


أقووله وييين أحط!؛

يقوللي بالدوام أو ويا ربعج

:/

لأن المكياج يقتل البراءة إللي بالويه

Purplecious said...

ريما انا ما راح ادافع عنج لان هذا بلوقج و انا قريت الموضوع و ما حسيت اني ممكن اضبف شي لاني ادري انه هذه مجرد فضفضه لانج عارفه شنو وضعج و عارفه شنو تبين والسالفه مو سالفة قاري اكييييد السالفه سالفه تحلطم و فضفضه لا غير

اذا الموضوع
عجبني علقت .. ما عجبني هم علقت او ما اعلق هذا شي راجع لي


يا ربي هذا بلوق الواحد يكتب اللي يبي

كيفه بلوقه اهو حر فيييييييه


واللي يعلق هم حر لان حريه الرأي مكفوله للجميع


اذا بلوق مو عاجبني و أفكار البلوقر مو عاجبتني خلاص سكب ليش أضيع وقتي بشي مو عاجبني اروح و أركز على البلوقات اللي ارتاح فيها



أخاف بلوقج فرض و احنا ما ندري؟؟!!؟

هههههههههه

Яeema said...

purple

hehehehehheheheheh
إشدرانييييييييييييييي


أنا أبروحي مالي خلقه البلوق

هالأيام

لويه لويه

سالفة قلب said...

ريما حبيبتي

النقد البناء نحترمه

لكن حينما يتعدى النقد الى التطاول بالاسلوب
والتعدي على حقوق الغير

فأحسن حل : نقول الحمدلله الذي عافانا
مع تجاهل التعليق

انت أرقى من ذلك كله
والاخلاق والتربيه نعمه
هينئاً لنجاحك
:)

Яeema said...

i close the anonymouse


إشلي بالطلايب

ههههههههههه
هههههههههههههههههه


وراي قز و إستقبال

نراكم علي خير

Яeema said...

سالفه قلب

سمعت كلامج

أثق في ثقه عمياء


-----------------------
فأحسن حل : نقول الحمدلله الذي عافانا
مع تجاهل التعليق

---------------------------

سكرت الباب و نظفت البلوق منه

Яeema said...

يا جماعة الخير

أنا جدا آسفه للي صار

غلطتي و أعترف فيها


عطيته أكبر من حجمه


و متأسفه جدا بما إني صاحبه البلوق إن كلام الشخص ضايق أي واحد فيكم


ولكن ثقوا تماما

إن الإنسان الواثق من نفسه ما يهزه أي كلمه
و كنت أتسلي

بس خرجت التسليه عن نطاق الأدب و الذوق العام
فأنسحب


:)