Wednesday, December 06, 2006

بطاقات




وصلتي جم بطاقه إلكترونيه إتمني لي الشفاء ، فأحب إني أشكر من دزهم لأني ما أعرف من منو الصراحه بس وايد إستانست.

كان في موضوع تناقشت في مع بعد زملاتي بالدوام على طاري البطاقات .

كنا قاعدين بالدوام ، و مكتب لتدقيق الحسابات قام يوزع علينا بطاقات تهنئه للعيد كعادته كل سنه و تكون البطاقه بأسماءنا الشخصيه.

الموقف شنو؟

إستلمت بطاقتي جان أضحك أقول ياريته من معجب ( طبعا دايما لازم إتعرفون فيني طبع – أحب أتحرش بالناس إللي حوالي – و خصوصا الحتشرييين )

سألت سؤالي المعتاد علي الحتشرين:

لو ياتلكم هالبطاقه من معجب مجهول ، غرضه بس الإطراء و الثناء عليج ، أول 5 ثواني من قرائتج للبطاقه، شنو الإحساس إللي إييلج؟؟؟؟

لاحظوا إن هدفي من السؤال الشعور قبل التفكير!

الأجوبه :

الأولي : أختبص و أحس إنني خنت ريلي إذا كملت بقراءة البطاقه.

الثانيه: أنا مو رومانسيه ، فماراح أحس بأي شي إتجاه هالبطاقه.

الثالثه: أشك شنو يبي مني و شنو غرضه / و إشمعنه أنا؟؟؟

الرابعه : أستانس أول شي ، بس بعدين أفكر إشوي إشمعنه أنا و ووين شافني يعني هل الكلام أنا المقصودة فيه و إلا ياتلي بالغلط؟؟؟؟

شباب و شابات

لو صادفكم نفس الموقف ، معجب أو معجبه مجهوله الهويه ، شنو بتكون ردت الفعل الأولي قبل التفكير .

ليش البطاقات الصجيه وقعها غير عن البطاقات الإلكترونيه ، يعني إتخوف إزياده ؟؟؟

هدفي بحلل نفسياتكم




-----------------------------------------------------------------------------------------------







أحب أبارك حق ربعي

Tweety

Teasty_barry

Kitty

كأفضل مدونات إجتماعيه

و أنا الأسوأ !!!!!!!

حتي و أنا مريضه ما إرحموني

هههههههههههههههههه

أنا كسرت خاطر عمري

L

I am a loser !!!

50 vote good blog

26 vote worset bloger

Who do I believe????

بس والله زووووووووغه الفار

ههههههههههههههههههههههههههههههههههه



13 comments:

Anonymous said...

اول شي سلامات


اذا وصلت بطاقه من معجب في البدايه بستانس واعيش الجو

بس بعدين لازم اتاكد من منو ؟ واشمعنه انا؟

lawyer said...

انا يتني بطاقه

و بوكيه ورد
كلش ما فرحت فيهم

لان همي اعرف منو

انشغلت في منووو و لا همني شنو الي ياب او كاتب

Kwaitiyya said...

أستانس وأقول ياربي تجبر بخاطره مثل ما جبر بخاطري

وأحاول أعرف من منو بس إذا ماقدرت خلاص


مره وصلني كاكاو مادري شنو من سويسرا عشتاو
جابلنا الكاكاو وكليناه أنا ورفيجاتي ونسيت أشوف من منو
وليه يومج مادري منو دازه

بس كا شعور وااااااااااايد أستانس :]

Kuwaiti said...

سلاماااااااات ماتشوفين شر

اول ماتيلي البطاقه طبعا راح استانس وايد واذا ماعرفت من منو ما اقعد ادور اسكت مع اني ادري انه في شخص قاعد من بعيد يراقب فرحتي بالبطاقه

طبعااا ولا مره صارلي انه احد دز لي بطاقه

tweety said...

أعترف أني راح استانس لو أحد يدز لي جذي رسالة مجهولة وأقعد أحط سيناريو جنه فيلم هندي بس ما أحط سوء النية كلش لين أقوّع على راسي وييني أحد يقولي عفوا ترى الرسالة استلمتيها بالغلط !! لوووول


ريما
ألف مبروك فوزج ضمن الافضل
أولا لأن كم الاصوات اللي تقول انج أفضل أكثر
ثانيا لأنج تستاهلين الافضل وانتي عارفة هالشي مو محتاجة تأكيد

shakshaka said...

i agree awal shay astanis wo ashta6 b3dein ag3ad afaker mn minoo.. wo tabdee el as2ela wel weswas wo afaker eb kilmin yemken ekoon ohwa elmo3jab lol aw ena yemken dagga aw yemken aw aw aw matkhalis el AW'ss:P

Mamloo7a Q8ia said...

اكيد راح استانس واتشيجط بالموضوع بعد
وعقب اصير لج شرلوك هولمز واعرف من اللي طرشه

3ateeja said...

يعني شنو الحتشرين؟؟ ترى ما فهمتها
بطاقه من معجب
امممممممممم
بستانس ..وخصوصا بالمعمعه اللي عندي ..وبحقره ..لأن المعجب اذا حقرتيه يظل معجب ..سألي ميرب

neelaah said...

اكيد أفرح
ما في بشر ما يسعد الاطراء

بالتأكيد ودي اعرف منو
بس ما راح ادور منو

اولا لاني راح احترم خصوصيته كونه ما يبيني اعرف

ثانيا
لان ثلاث ارباع جمال الفكرة هو المجهول

ثالثا
اخاف يطلع جيكر و ما ينبلع
بالتالي ينكسر الايجو اللي اخذته
من الرساله
:)

و اتجاوز اللحظة.. تستمر حياتي على ماكانت عليه قبل الرساله

May said...

أكيد بأفرح

وأقول مين يا ترى؟

طبعاً أنا لا متزوجة ولا مخطوبة

فما راح أحس بتأنيب الضمير

:)

بأقرأ وأنا مرتاحة

وأنا أعرف نفسي

بيصير بالي مرّة مشغول

مين أرسلها لي؟

خصوصاً إذا كانت باسمي

لكن لو مو باسمي

فراح اقول أكيد بالغلط

هذا الكلام كله لو كانت بطاقة عادية على الواقع :)

لكن لو إلكترونية

فما راح أرد خبر

ويسلموو عالبوست الرائع،،

ودمتي بود ،،

esTeKaNa said...

أنا احب اعطي كل احساس حقه
بمعنى...راح احاول استانس بالبطاقه
بالشي اللي اييني
باحد متذكرني
ايا كانت هالشخص اللي متذكرني
:)
وبعدين راح اتوقع اسوأ الاحتمالات
عشان ما انصدم ااذا دريت من منو
:)

الحجيه said...

السلام عليكم جميعا
ريم ما ادري وصول بطاقة من غريب نستغرب ليش دازها أو دازتها وعقب يبين من فحوا البطاقة السبب وعقب بكون التصرف المناسب لها ؛ ليش البطاقة الحقيقية وقعها اكبر ؟ بس يمكن البطاقة الحقيقية نحس فيها أكثر بحكم أن نمسكها بأيدنا موجودا أمامنا كل الوقت أما البطاقة الالكترونية تكون في عالم ألنت المبهم بس لابد بيكون لها اثر بالنفس ؛ ولكن الشخص في الحالتين بيتصرف حسب مبادئه وقيمه مثلا من عنوان الكرت بعرف يكمل أو أنه يرميه ويفك عمره من أن يفتح باب مزعج في حياته هو في غنانا عنه ؛ وارد وأقول بكل إصرار الدين هو الحصن الحصين لنا من كل متطفل أو متطفلة يريدون أن يدمر حياتنا بسبب أو بدون سبب المهم دائما نستعيذ من الشيطان الرجيم ؛ ونستعين برب العالمين أن يعينا على طاعته وترك معاصيه ‏؛ ‏ قال رسول الله ‏ ‏صلى الله عليه وسلم ‏ ‏ما منكم من أحد إلا وقد وكل به قرينه من الجن قالوا وإياك يا رسول الله قال وإياي إلا أن الله أعانني عليه فأسلم فلا يأمرني إلا بخير .
وهنا أود أن اكرر دعاء سيدنا وحبيبنا محمد صلى الله عليه وسلم كان النبي ‏ ‏صلى الله عليه وسلم ‏ ‏يعوذ ‏ ‏الحسن ‏ ‏والحسين ‏ ‏أعيذ كما بكلمات الله التامة من كل شيطان ‏ ‏وهامة ‏ ‏ومن كل عين ‏ ‏لآمة ‏ ‏ثم يقول كان أبوكم يعوذ بهما ‏ ‏إسماعيل ‏ ‏وإسحق ‏ .


‏ ‏

عبدالله الظفــيري said...

اول شي الحمدلله على السلامه وماتشوفين شر اسف اذا متاخره ..
اما على طاري البطاقه , فالبطاقه بمعناها تعكس شعور الي مطرشها لنا ان كان واحد او وحده لان يدل على قيمتنا عنده وانه تذكرنا ..
واما على المراكز الاولى فيستاهلون ومبروكين وانتي وحده منهم ونفس مايقولون انتي شمعه تحترق للغير ..
وبمناسبة سلامتج اهديج اغنية بووس الواوا