Sunday, February 27, 2011

يعاب علي كوني أحبه


يعاب علي كوني أحبه

فما للكون شأن بحبه


قد سلب روحي بعطفه

و أعطي روحي الامان بقربه




يعاب علي كوني أحبه

فما ذاقوا طعم الهوا و الحب بقربه




يعاب علي كوني أحبه

و ابتسامتي ملأت قلبي من حبه




يعاب علي كوني أحبه

و أضحك ملئ فمي كوني أحبه




يعاب علي كوني أحبه

فما عرفوا العشق و لا أدركوا روعته




يعاب علي كوني أحبه

فهنيئا لي حسادي

أدركت لتوي أني أنثاه



26-2-2011

Monday, February 14, 2011

Valentine







صباح بلا طاريه في بالي كني أخونه
ليتني أمنع التفكير , بلاه كني مجنونه
مأخذ(ن) قلبي و روحي فيه مرهونه
تراه واحد (ن) بعقلي غيره حشي ما أخونه

14-2-2011

by : H.Alroumi


Saturday, February 12, 2011

I Love you


ترى ابتسامتي و قد غلفتها القـداسة

فالابتسامة في وجه المسلم صدقة

_

فما بال لو ابتسامتي له بدعه؟

في وجه العاشق نظرة

لا عين رأت

ولا خطر على قلب المغرم برهة

_


وجه كما وجه القمر

نور يعمي البصر

أقبله تقبيلة الحجر

_


يقولون يوم عيد العشاق حرام؟

بك

أنا أيامي كلها عيد

كلها عشق

و كلها غرام

و لن تكون حرام



Monday, February 07, 2011

مفهوم الحمرة الحمراء بالكويت



من أشد أعداء الحمرة الحمراء

و بالذات بالكويت

لما أشوف الكل لي بقي يصير جذاب راح و طخ الحمرة الحمراء بالويه


ما يقدرون مدي بشاعة هالحمرة إذا انحطت بالبرطم الخطأ


أو لون بشرة محوح


الكل عبالة لي حطها بس خلاص

لي مرت بين الشباب بتذوب اتنح

و إلا اتشوفون العين مافيها ميك أب و لابسه ترينج و نظارة و حمرة حمرا!

وإلا اللي يحطها بالدوام من صباح الله خير

الويه متفخ من النوم و لون حمر صارخ

والله شكلها بشع


واللي حاطتها و ضروسها صفرة و مو مهتمه فيها!

أردي و أردي


و على فكرة صيانة الحمرة الحمراء على الشفايف متعبه!

لي اشربت بالكوب إطبعت و شكل الكوب لوعه بالطاوله


لي كلت بالشوكه و اطبعت على الشوكه و بترد تاكل منها هم لوعه

و خصوصا إذا عندكم ناس يسون شيرنج بالطبق وياك و اتعاف تاكل في بعدين


لي يات بتسلم عليك و ياخذها الحماس و اتبوس الخد اطبعت و تم خدك المسكين مطبوع عليه الون



لي وحده لابسه أبيض و اشتطت بالسوالف و اتلاقي البدلة كل خطوط حمرا

ما أدري لي متي ماراح يستوعبون إن الحمرة الحمراء لها مناسبات خاصه جدا و اللي يحطها هم له مواصفات خاصة جدا !





Friday, February 04, 2011

Shopping to do list ! Thanks zinio apps

I was shocked when I saw this magazine ! What we do shopping on the street u can do a list with a lllllll what u want! And enjoy the rest of the day hanging out outdoors when u travel !

Doing a buy list will let u enjoy life more !


Zinio apps for an e magazine is just amazing !




- Posted using BlogPress from my iPad

Tuesday, February 01, 2011

Prince William

اللي يضحكني بالموضوع ان الامير وليام حفي عشان يدافع عن حبه وهو امير واشقراني وزي



رسمي و ولد ديانا و غني و كل بنت تتمناه ، اعجبته زميلته بالكليه وكانت تشتغل بعد بار تندر و ماعابها هالشي اعجاب من 2001 وزواج سنة 2011 لان كان عند وعده ان يكمل ال 28 سنة

الربع عنـنا ماكو مميزات و جلحان ملحان و موقه و ماكو شخصيه عند الام حبيب امه و لا دعله و حكارة ويقعد البنت و يتعنتر عليها ويوقف حظها و بالنهايه لي ما يصك ال 35 يروح حق امه و يالله خطبيلي


قعدنا انتناقش بيني وبين صديقني ؟

ليش الريال الكويتي ما عنده ثقة بنفسه ان يمكن بنت تعجب فيه اتحبه؟
ليش كل عباله تبي منه شي والا اتقزرها عليه؟
ليش ويايها يعرف الف وحده بحجة انت حبيبتي بس هذيل فرندز بس!
ليش ما يخلص لحبه؟
حياته بس مقزرها علي الناس!
كل مو عاجبة ومطلع الف عيب فيها

ودي اعرف السبب والله من وجهة نظر الرياييل

من اللي شفتوه و سمعتوه


كل هذا بكوم واال يسوي روحه شريف روما و ماشاء الله رومانسي بكوم!

عجبني بشخص مرة قاللي كلمة
الكويتي يا يتزوج يا يتزوج ماكو بين البنين

لا يعرف مفهوم الصداقه
ولا تالي لي حبها وهي صديقته بتحمل ان باجر يقولون تزوج صاحبته

واللي يحرني زياده ان البمات لما الحين يصدقون ان الكويتي يحب حب عذري



- Posted using BlogPress from my iPad