يعاب علي كوني أحبه
فما للكون شأن بحبه
قد سلب روحي بعطفه
و أعطي روحي الامان بقربه
يعاب علي كوني أحبه
فما ذاقوا طعم الهوا و الحب بقربه
يعاب علي كوني أحبه
و ابتسامتي ملأت قلبي من حبه
يعاب علي كوني أحبه
و أضحك ملئ فمي كوني أحبه
يعاب علي كوني أحبه
فما عرفوا العشق و لا أدركوا روعته
يعاب علي كوني أحبه
فهنيئا لي حسادي
أدركت لتوي أني أنثاه
صباح بلا طاريه في بالي كني أخونه
ليتني أمنع التفكير , بلاه كني مجنونه
مأخذ(ن) قلبي و روحي فيه مرهونه
تراه واحد (ن) بعقلي غيره حشي ما أخونه
14-2-2011
by : H.Alroumi
ترى ابتسامتي و قد غلفتها القـداسة
فالابتسامة في وجه المسلم صدقة
_
فما بال لو ابتسامتي له بدعه؟
في وجه العاشق نظرة
لا عين رأت
ولا خطر على قلب المغرم برهة
_
وجه كما وجه القمر
نور يعمي البصر
أقبله تقبيلة الحجر
يقولون يوم عيد العشاق حرام؟
بك
أنا أيامي كلها عيد
كلها عشق
و كلها غرام
و لن تكون حرام
من أشد أعداء الحمرة الحمراء
و بالذات بالكويت
لما أشوف الكل لي بقي يصير جذاب راح و طخ الحمرة الحمراء بالويه
ما يقدرون مدي بشاعة هالحمرة إذا انحطت بالبرطم الخطأ
أو لون بشرة محوح
الكل عبالة لي حطها بس خلاص
لي مرت بين الشباب بتذوب اتنح
و إلا اتشوفون العين مافيها ميك أب و لابسه ترينج و نظارة و حمرة حمرا!
وإلا اللي يحطها بالدوام من صباح الله خير
الويه متفخ من النوم و لون حمر صارخ
والله شكلها بشع
واللي حاطتها و ضروسها صفرة و مو مهتمه فيها!
أردي و أردي
و على فكرة صيانة الحمرة الحمراء على الشفايف متعبه!
لي اشربت بالكوب إطبعت و شكل الكوب لوعه بالطاوله
لي كلت بالشوكه و اطبعت على الشوكه و بترد تاكل منها هم لوعه
و خصوصا إذا عندكم ناس يسون شيرنج بالطبق وياك و اتعاف تاكل في بعدين
لي يات بتسلم عليك و ياخذها الحماس و اتبوس الخد اطبعت و تم خدك المسكين مطبوع عليه الون
لي وحده لابسه أبيض و اشتطت بالسوالف و اتلاقي البدلة كل خطوط حمرا
ما أدري لي متي ماراح يستوعبون إن الحمرة الحمراء لها مناسبات خاصه جدا و اللي يحطها هم له مواصفات خاصة جدا !
