Tuesday, May 27, 2008

بس راحت أيام الجو الحلو و القعدات اللي بره

فقلت أعيد أيام بلوقي العزيز و أقولكم قصه



هالسنه صايرة التعيينات عندنا سبيل

من كثر التعيين صار كل 3موظفين بمكتب واحد


أهم من هذا كله الخلطه تغيرت علينا


شلون؟


كنت قاعدة على مكتبي لا لي ولا علي

و إلا أسمع شي يفح يمي؟؟؟

هوا بس مو كلام

إستغربت ، و إلا بنت يديده معينينها تبي مني شغله


نعم اختي؟

( هدووووء ) ما تسمعون إلا هوا


أختي ! ما أسمع شفيج علي حسج!!


( فلم الصوت الناعم)


أختي ترا هم ما أسمع!

وليييييين شسوي بهالموديل اليديد بعد!


المشكله بالموضوع إن الصوت وايد ناعم لدرجة إنت ما تسمع و لا تثبت شتبي تقول

و أهم من هذا كل إنك لما تشوفونها ما تقولون إن صوتها جذي! و بدون الدخول بتفاصيل لبسها المحتشم جدا جدا ( صج محتشم مو طنازة ) ووزنها الحلو جدا جدا ( هذي طنازة )




لو أنا موظف مثلا مو موظفه و أشوف جذي ... شبقول؟؟؟

لو أنا رئيس قسمها:

شلون راح أثق فيها و أسلمها شغل؟؟

إذا بناقشها بنقطه شلون راح تشرحلي؟؟ كل شوي بقولها حسج ما أسمع!

هذي شلون أدش وياها إجتماع؟؟؟

قلنا نعموا الصوت بس مو تسوولي كونفلكت بمخي!؛ و تحسسوني إني صمخه!




Sunday, May 18, 2008

أمة 2008

أحب أبارك حق الفايزين من أبناء دائرتنا

ما بقت تطلع النتايج!


السادة /


جاسم الخرافي


مرزوق الغانم


على الراشد


محمد العبدالجادر


بيضوا ويوهنا بالمجلس الياي

لأن بس تعبنا وايد

بس نقولها محنا يائسين من وطنا




Saturday, May 17, 2008

Tuesday, May 13, 2008

الأمير الوالد في ذمة الله



اللهم إن عبدك "سعد العبدالله السالم الصباح" قدقبضت روحه وانامن رعيته واناأشهدك أني لاأطلبه شيئاوإن كان لي عنده حقافإني اشهدك أني قدحللته وابحته اللهم تجاوزعنه واجعل الفردوس داره ارسلهافمااحوجه الآن لهذه الدعوة