قاعدة توصلني إيميلات غبيه و عبالهم بهالطريقه يقدرون يأثرون على الرأي العام العربي
من أهمها إيميلات مقاطعة المنتجات الأمريكيه
Starbucks
Pizza hut
McDonald's
Cocacola
KFC
Burger king
لاحظوا التركيز على البلعه
ما يدرون إن هذيل الشركات
Franchising
الشركة الأم تعتمد المنتجات المحليه للتصنيع لصالحها
مثال ماكدونالدز
ليش سعر الوجبه موحدة تقريبا؟
لأنها تستخدم منتجات محليه من خبز ولحم و دجاج
نظرة على الشركات الأمريكيه و أنواعها
قبل لا تلبحون على المقاطعه
قعدوا و سوولنا منتجات سنعه نستخدمها مثل العالم
بدال هاللهطه و الكلام إللي مأخوذ خيرة
شنو بديل؟
Microsoft
مستشفيات أمريكا
الأبحاث والدراسات والتخصصات النادرة
Boeing طائرات
و غيرها من المنتجات الحيوية
العيب مو من المنتجات
العيب فينا والله شعوب متخلفه
في طريقه أحسن إذا تبون تقاطعون
لا تصدرون النفط لأمريكا
و خل النفط يخيس داخل أرضنا و يتخلل
ما أقول إلا بسنا كلام فاضي ولغوة
و فكروا شلون نسوي شي مفيد حقنا و حق عيالنا
ييه على بالي سؤال؟؟
كم عربي يقدر يشتري منتجات مصنوعه بالولايات المتحدة الأمريكيه؟
و إلا اليابان
أغلب المنتجات إللي قاعدين نستخدمها يا كوبي
يا مصنوعه بالصين
13 comments:
كلام سليم
اى والله ماكو بديل
الله يعيييييييين
ذكرتينا بسنوات مقاطعة البضائع الاسرائيلية أيام الثمانينات
فكانت الكويت هي الدولة الوحيدة اللي مافيها
لا سيارات فورد وكوكاكولا ولا كاكاو فليك
حتى من الفقر كنا نسميه كاكاو بولحم
كل شي كان ممنوع تحت اسم المقاطعة
الناس ما ييوزون عن هالسوالف
؟؟
أي مقاطعة وأي خرابيط الحين كل الشركات متعددة الجنسيات
وفيها شركاء وملاك أسهم عرب واسرائيليين وصينيين
شلون يعني نقاطع كل هالعالم
؟؟
شنو اللي نقدر نسويه غير الكلام
شوفي مدينة عبدالله الاقتصادية بالسعودية وقارني مع اللي عندنا
الاخوان بالمملكة سيكون عندهم اكتفاء ذاتي من المنتجات خلال العشر سنوات القادمة انا احنا راح نعتمد على التصدير ، اما بخصوص مقاطعة المنتجات ف انا والعياذ بالله من كلمة انا اردد دائما وبين نفسي المثل الشعبي اللي يقول ماعندهم ماعند جدتي
و الله و الله يحرون صح كلامج في اشياء اهم بالدنيا و الله
اخر ايميل واصلني حرام نلبس
GAP ????
شكو ؟؟؟ مفسرينه على كيفهم انه
Gay pride !!!
غباء و الله قاعدين يضحكون الناس علينا
صح لسانج ريما
عدل كلامج
على قولة خالي اللي صنع المكيف لوهو يهودي الله بدخله الجنة :))
تسلمين ،،،
اللي يبط الجبد
العرب اللي اعرفهم بره
يقولون لي قاطعي القهوة الامريكيه
والميكب الامريكي
والسيارات الامريكيه
يعني بس الاشياء اللي اهمه ما يستخدمونها
بس حلاااااال
ياخذون فلوسهم من الحكومه الامريكيه
ويتعالجون بدواء امريكي
او يعالجهم طبيب امريكي
حلال ياخذون مساعدات من الحكومات المتورطه مع الامريكان واليهود
بس المهم
انه احنا
نقاطع المنتجااااات الامريكيه
بعد خل نقاطع
المكيفات بعز القيظ
ونروح الدوامات بجواري صنع الهند
!!
ونفطنا نتصدق فيه على الاممممممممممممه العربيه
لانهم يستاهلونه اكثر مننا
على الاقل بشغلون فيه
مصااانعهم المكوده
وصواريخهم للفضاء
!!
looooooool exactly what I am thinking!
loool mesakeen 9eeeej keeela erakzoon 3alla el bal3ah ! shakooo bel mo'3a6a3a ! etha taboon et'3a63oon '3a63aw ebroo7koom lish 7amlah wa yalla yalla sawaw mithelna :S makoo fydah !
واللــــــــــه صاجة
مالج شعل
مرحبا
لحد ألحين يحنون على المقاطعة؟
أعتقد الهدف الذي يريدون التوصل له عن طريق المقاطعة
لن يتم بالمقاطعة
بل بحلول أخرى
السالفة مو سالفة حلال و حرام!السالفة انسانية و مجرد استنكار باضعف الطرق و اضعف الايمان!! المشكلة ان امريكا صارت توقف مع اسرائيل (((اشكره))) يعني اطفال قاعده تنذبح شنو ذنبها!! اذا احنا حاقدين على الفلسطن عشان موقفهم ايام الغزو!! انزين الاطفال الرضع شنو ذنبهم!! اقل ما فيها خل امريكا تستنكر اللي يصير! مو قاعده تشوف و عاجبها!!!! و مثل ما تفضلتي وقلتي احنا شعوب متخلفة ما عندنا علماء و ما عندنا اكتشافات ما عندنا صناعات! بس اعتقد عندنا عقل حتى لو كان صغير مثل ما يردد الكثيرون.. لكن هالعقل الصغير اللي ما وصل مستوى العقل الامريكي.. يقدر يميز الخير من الشر و يقدر يفكر و يقول ان قتل الابرياء غلط!!! و اذا كان مقاطعتي حق هالمطاعم و المنتجات بيخسر امريكا دولار واحد عن ميزايتها السنة اللي طافت.. فاعتقد يسوى هالدولار اني احرمهم منه!! و هذا اقل شي اقدر اسويه كشخص متخلف بدائي ما عنده نفس العقل الامريكي!!!
صح
اللي يبي يقاطع منتجات امريكا
لا يركب طيارة بوينج و يروح العمرة
تحياتي
ولو ان التعليق مو بوقته
Post a Comment